想生BB 今日: 24 | 主題: 109050

積分: 403

1^#

發表於 20-5-11 17:03 |只看該作者 |倒序瀏覽 |打印

本帖最後由 a000051 於 20-5-13 11:38 編輯

因為第四次小產後心情難以平復，又覺得身邊的人不明白自己，也少同人講自己的心情，所以上嚟post下自己的生育路。
自己在2016年第一次懷孕，不過懷孕過程也非常不順利，好多次大出血，幾次都以為要失去bb了，醫生都話胎盤有撕裂嘅情況，頭4個月幾乎全bedrest, 好不容易才keep到我個仔，佢都好叻，一直黏得我好實。
生完仔仔後一直好享受湊bb的日子，到佢嵗半大，兩夫婦都有意追多一個，try了2個月就bingo了，自己覺得呢胎一定會好順利，開頭也的確無任何事情發生，9W去照過胎，心跳一切都好正常，就如常等下一次產檢，全家也很期待bb的來臨，只是在9W1D在街俾個男人大力撞左我盤骨一下，之後自己又無出血，所以也無理到。
到左11W中期再做產檢，竟然發現bb停了心跳，size停留在9W1D，所以我一直覺得bb係俾人撞死左。之後入院選擇左食藥，原來食藥係咁辛苦，好似死過一次咁，食完排出了bb和胎盤，bb已經有五官，手指，腳。。。我永遠都會記住佢個樣，頭一年不時會拎bb的'相片'嚟睇，每次睇完個心都好痛好痛。
之後食完藥一星期返去照，子宮未清，所以再食一個cycle，之後都唔清，醫生話要做手術，我選擇左出去自己睇婦科醫生開hormone藥俾我製造假經期，連續食左2個月後先真正清曬，過程都令我內心好折磨，好自責自己出街無小心避免俾人撞，我無怪其他人，因為人地唔知我懷孕，係我自己唔小心。加上知道bb無心跳時剛好在新年前，令我成個新年都無去拜年，只留在家喊。

半年後決定再試，也是第二個月bingo了，bingo的一刻真的開心過中六合彩，決定今次一定要更小心，但個幾星期後有一晚坐巴士回家，架巴士開得好快，車上又少人，超級拋，第二日中午就開始出血，立即入院，已經照唔到有胎兒在。所幸這次只是5-6W, 內心無咁傷，也不用食藥清子宮，但內心也是十分自責，覺得明知懷孕了，就不應該坐巴士。
第二次小產後身體明顯差了很多，連續病了3個月，就決定睇中醫，連續睇左2-3個月後決定再試，竟然一個cycle就bingo了，但PT一直好淡色，5W中去睇相熟的婦科醫生，佢話5W都咁淡色可能係化學性懷孕，連USG都無幫我照，叫我下星期再返嚟睇，果然2日後出血又入院了，照左話子宮都係無胎兒，證實係化學性懷孕。
所以我呢次無太傷心，覺得係自己唔好彩，即刻再Try，都有驗排卵，所以好清楚知道幾時排左卵，然後又立即bingo了，也在5W中去睇相熟婦科醫生，終於照到胎，不過話size細了一周，所以立即開了安胎針同藥俾我食。呢一次我非常緊張個胎，從知道懷孕後，除了返工便不再外出，連仔仔叫我陪佢玩，我都盡量避免，所有安胎針同藥都好準時食同打，另外每星期返去覆診一次，之後胎兒都有慢慢長大，不過仍然比正常細一周，到8W中時已經好明顯聽到bb心跳了，不過醫生話羊水少，個胎囊好細，當時個胎1.35cm, 胎囊得1.9cm，不過醫生話都唔洗太擔心，也無野搞的，繼續食藥打針。
我亦去睇中醫，中醫話要食多d野，其實自己懷孕後真係好乖，乖乖只食對孕婦有益的食物，放假幾乎都在床上休息，希望可以好似仔仔咁bedrest多d, bb大快d, 所以1個月內我肥了3kg。另外我又完全無懷孕期的不適，反而係訓覺差左好多，可能係人太緊張。到10W返去再照，點知bb又停了心跳，果刻我情緒完全失控，接受唔到又一次失去了bb!
然後又係入院，今次決定做手術，點知我非常唔好彩，等到第三日先到我做手術，期間唔食得野，我竟然完全唔餓，不過個人好乾，所以第二日在我要求下俾我吊水了。住院期間思緒一直好負面，喊到眼都腫曬。

0 0 0

私人傳訊

積分: 403

2^#

發表於 20-5-11 17:12 |只看該作者

決定做手術前請求醫生幫我寄胎組織去驗DNA, 到第三日終於做完手術後，請求姑娘俾我望了個胎一眼，已經變了一堆碎片。。。然後又是一輛心痛和失落，不過今次小產沒有再自責，因為我已經盡了最大努力去保護BB, 可能係BB有問題所以走左。
出院時話轉介我睇內科，但無解釋點解要睇，我也無心情留意。出院第二日先偷睇轉介信，先知原來係我ANA高，160，之後我就覺得係自己問題了，也打沉了自己，覺得可能無機會再生BB了。。。到現在已經2個星期，我仍然好唔開心，覺得無希望，當然同仔仔一起時係好正常好開心，但一返工情緒又返嚟了。。。

私人傳訊

nss711

積分: 2457

3^#

發表於 20-5-11 17:30 |只看該作者

回覆 a000051 的帖子

建議你去睇類風濕關節科, 驗下凝血 (你個胎偏細, 似供血唔夠), 再睇下有無其他免疫問題。
心疼你.. 希望你身體早日恢復...

私人傳訊

ch2013

積分: 171

4^#

發表於 20-5-11 18:00 |只看該作者

回覆樓主:

明白你心情，我上星期都流產了，當時9週多。在7週時照胎size也是細了一週，但醫生冇開藥比我，只係話bb有心跳，無問題。樓主保重，食多d營養補充品，養好身體，bb會再返嚟架。

私人傳訊

BBsChan

積分: 1509

5^#

發表於 20-5-12 21:27 |只看該作者

a000051 發表於 20-5-11 17:12
決定做手術前請求醫生幫我寄胎組織去驗DNA, 到第三日終於做完手術後，請求姑娘俾我望了個胎一眼，已經變了 ...

我都係過來人！時間會令妳慢慢恢復過來，請妳好好休息保重身體！為自己加油打氣！還有大寶要照顧，其他隨緣！(emoji)(emoji)

私人傳訊

積分: 403

6^#

發表於 20-5-13 09:37 |只看該作者

nss711 發表於 20-5-11 17:30
回覆 a000051 的帖子

建議你去睇類風濕關節科, 驗下凝血 (你個胎偏細, 似供血唔夠), 再睇下有無其他免疫問 ...

多謝你，我都打算等心情平復d之後循呢個方向去醫

私人傳訊

積分: 403

7^#

發表於 20-5-13 09:40 |只看該作者

ch2013 發表於 20-5-11 18:00
明白你心情，我上星期都流產了，當時9週多。在7週時照胎size也是細了一週，但醫生冇開藥比我，只係話bb有心 ...

唉…小產真係好傷心，尤其知道個胎已經有心跳之後再失去更加令人接受不到…大家都好好休養!加油

私人傳訊

積分: 403

8^#

發表於 20-5-13 09:46 |只看該作者

BBsChan 發表於 20-5-12 21:27
我都係過來人！時間會令妳慢慢恢復過來，請妳好好休息保重身體！為自己加油打氣！還有大寶要照顧，其他隨 ...

多謝你，想問你最後成功嗎？

在照顧大寶時，我就可以好正常，但當返工/自己一個人時，會覺得好空虛，好容易喊。。

私人傳訊

BBsChan

積分: 1509

9^#

發表於 20-5-13 13:02 |只看該作者

a000051 發表於 20-5-13 09:46
多謝你，想問你最後成功嗎？

在照顧大寶時，我就可以好正常，但當返工/自己一個人時，會覺得好空虛，好容 ...

還在努力當中，一齊加油！☺️
有時間做下運動，個人會輕鬆啲㗎！

私人傳訊

Mini20160607

男爵府

積分: 6623

10^#

發表於 20-5-13 17:31 |只看該作者

樓主加油，休息後再努力！

即係生過一個都會有免疫問題？

私人傳訊

積分: 403

11^#

發表於 20-5-14 12:33 |只看該作者

Mini20160607 發表於 20-5-13 17:31
樓主加油，休息後再努力！

即係生過一個都會有免疫問題？

多謝~ 我估係年紀又大左幾年，身體開始出現小問題吧~因為我上網睇話年紀越大免疫系統啲指數都會上升。所以而家更加明白，有仔要趁嫩生!

私人傳訊

kalalee

積分: 1525

12^#

發表於 20-5-14 14:28 |只看該作者

真的替你難過啊！其實你已是好堅強，好用力保護他們每一個，不要再自責啊！好好照顧一下自己，無論將來想再試或唔試，都要為自己重新出發啊！

私人傳訊

myemily

積分: 2675

BK Milk勳章

13^#

發表於 20-6-29 19:09 |只看該作者

本帖最後由 myemily 於 20-6-29 19:11 編輯

回覆 a000051 的帖子

唉！我同你一樣，都係第4次小產，因為無咩同人傾訴，現在成日自己一個喊，唉，我都好驚屈懷自己。其實，我都已經有一個仔，想追多個，追咗4年幾了，就小咗4次
我有嘗試去揾原因，但我現在仲未找到

私人傳訊

meichan12001

男爵府

積分: 5323

開心吸收勳章

14^#

發表於 20-7-7 23:30 |只看該作者

我都經歷緊第四次小產，你比我好，起碼都有一個小朋友，我到而家一個都無，已經試到唔想再試了，而家最緊要調理好身體，之後再諗下一步吧

私人傳訊

Mandyloverain

積分: 484

15^#

發表於 20-7-10 13:05 |只看該作者

我小產左1次, 係由頭到尾都check唔到心跳, 要食藥流胎, 完全同意食藥流胎真係痛到想死, 之後身體仲要好弱, 我岩岩小產完頭3個月成日暈, 但我好彩既一次過排清哂, 事隔半年, 依然都仲係好唔開心, 最近仲失埋業, 好想BB快D返黎搵我....樓主加油呀!

私人傳訊

Bjwai

積分: 2458

16^#

發表於 20-7-13 15:10 |只看該作者

a000051 發表於 20-5-11 17:03
因為第四次小產後心情難以平復，又覺得身邊的人不明白自己，也少同人講自己的心情，所以上嚟post下自己的生 ...

Ana高喺免疫系統問題，你去睇風濕免疫科，有藥食，有針打的。

私人傳訊

Alocasia

別墅

積分: 730

17^#

發表於 20-7-15 10:09 |只看該作者

本帖最後由 Alocasia 於 20-7-15 10:12 編輯

a000051 發表於 20-5-11 17:12
決定做手術前請求醫生幫我寄胎組織去驗DNA, 到第三日終於做完手術後，請求姑娘俾我望了個胎一眼，已經變了 ...

雖然我明白你好想再有小朋友，但我見你每次都好似未養好個身子又再密密追，心急過頭，其實小產都要坐月，否則會搞壞自己身子就真係冇得生。

私人傳訊

積分: 403

18^#

發表於 20-11-3 11:36 |只看該作者

myemily 發表於 20-6-29 19:09
回覆 a000051 的帖子

唉！我同你一樣，都係第4次小產，因為無咩同人傾訴，現在成日自己一個喊，唉，我都好 ...

你試下睇醫學生育方面嘅婦科醫生幫你check清楚原因。我7月睇陳億仕醫生，做咗好多test同treatment ，而家又剛剛懷孕啦~不過佢好串同商業味好濃，下下講錢，也真的用左好多錢，睇佢之前要有心理準備

私人傳訊

Goku1986