藝人岑杏賢（Jennifer）、郭田葰及區永權，下午現身電視城，出席節目《恐怖真相》記者會。席間播出宣傳片，介紹生活中「恐怖危機」，包括染髮用錯成分，令毛囊壞死禿頭！
岑杏賢與郭田葰合作節目《恐怖真相》。
Jennifer受訪透露今次做主持毫不錫身，充當「白老鼠」試飲酒、解酒藥及「煲底水」等，更因試足7種「煲底水」而嘔吐大作：「即係用唔同質料的煲所煲出來嘅水唔同味，有啲有生鐵味，甚至有坑渠味，結果我真係頂唔順嘔咗！拍完節目返屋企即刻換晒全屋廚具，連男友屋企都換埋！（同居咪慳番一套囉。）係，可惜已經買咗兩套，但我哋係朝住呢個方向嘅。（一齊買樓？）呢個就要從長計議。（快過舊愛袁偉豪結婚？）結婚唔應該比較快慢嘅，我都唔知佢係咪結婚。」
另外，區永權2月開始日夜為兩位兒子「服務」：「學費照交，但教育重任全落喺家長身上，我要負責教功課，幸好自己嘅耐性及EQ都唔差。」他更自詡普通話及英文也因此而有所進步。
發表於 
其實兩個都唔靚，不過張感覺真係好低b
返回列表
