1-3歲 今日: 0 | 主題: 19638

積分: 432

1^#

發表於 20-6-17 12:06 |只看該作者 |正序瀏覽 |打印

我bb有呑野問題，最近佢食咩都無興趣，一開餐就喊，又拍我手，又搶匙羹，不停擰頭，總之唔俾人餵！我試過唔同嘅食物，粥粉麵飯糊都唔食，到最後都係要㩒住個頭，夾硬餵佢食，唔係佢喊就我喊，氣氛好差，食完望住整野食嘅餐具，我又會喊，點解食餐野都要搞到咁，點俾心機都無用，又整又餵又洗，但都唔得！好傷心，唔知要點做，唔想餐餐咁樣餵，唔想佢更加怕食野！好無方向，搞到一開餐佢同我都怕，我好大壓力，好唔想開餐時間咁快到！

0 0 0

私人傳訊

priscilla_yiu

別墅

積分: 727

86^#

發表於 20-7-19 00:30 |只看該作者

Heart18 發表於 20-6-17 16:07
試過一齊食，但都係食幾啖就唔食，佢係開心嘅，但之後淨係會睇住我哋食，自己唔肯食！麵包烏冬都試過，麵 ...

其實佢攞食物黎玩係好事喎你不如買飯盤大到佢跌唔到食物落地就算跌你就由佢唔好阻止佢玩食物你咩都唔俾佢唔會食得開心架

私人傳訊

taocc

積分: 367

85^#

發表於 20-7-18 16:01 |只看該作者

Heart18 發表於 20-6-17 15:46
佢餐餐都唔食，咁可以點？佢試過幾日餐餐餵一個鐘，都係食得幾啖，一個鐘就收野，個人瘦咗，婆婆嫲嫲個個 ...

我餵一餐飯要餵兩個半鐘，無辦法噶，就算食得耐都要餵咖，個個都話夠鐘就收走等下一餐先再俾佢食，但係佢自己好似唔識肚餓咁，做得人媽媽果個都唔會話由佢食就食唔食就算囖，所以我每一餐飯都會食好耐，只要佢肯食食得慢我都無所謂

私人傳訊

積分: 432

84^#

發表於 20-6-21 01:33 |只看該作者

yuukbbi 發表於 20-6-21 01:31
可以我小朋友外向，冇怕大人，反而好鐘意大人，雖然都會發下脾氣，但會照食。對住我餵，吾喊但亦吾食，直 ...

但我哋先係主要照顧者，所以都係要搞搞佢，氹掂佢食嘢先得！

私人傳訊

yuukbbi

別墅

積分: 917

83^#

發表於 20-6-21 01:31 |只看該作者

Heart18 發表於 20-6-21 01:21
佢都係好怕爸爸，爸爸少餵佢，佢會乖乖咁食，一發脾氣，爸爸話下佢就會乖返，但我餵呢，就會大喊，喊到我 ...

可以我小朋友外向，冇怕大人，反而好鐘意大人，雖然都會發下脾氣，但會照食。對住我餵，吾喊但亦吾食，直接行開，嘢我會照收。

私人傳訊

積分: 432

82^#

發表於 20-6-21 01:21 |只看該作者

yuukbbi 發表於 20-6-21 00:31
我bb細個成日嘔奶入院，一歲前食固體都好地地，都係由一歲三個月開始食固體好差，但仲會飲奶，亦都有醫院 ...

佢都係好怕爸爸，爸爸少餵佢，佢會乖乖咁食，一發脾氣，爸爸話下佢就會乖返，但我餵呢，就會大喊，喊到我收野為止！

私人傳訊

yuukbbi

別墅

積分: 917

81^#

發表於 20-6-21 00:31 |只看該作者

Heart18 發表於 20-6-20 17:30
佢瞓咗就唔會呑野，一日四餐，得18磅左右。
之前佢細個飲奶，會成日呑唔切，成日濁親，跟住就會嘔，醫生同 ...

我bb細個成日嘔奶入院，一歲前食固體都好地地，都係由一歲三個月開始食固體好差，但仲會飲奶，亦都有醫院嘅醫生發現佢好抗拒食固體或者好單一咁淨食白飯吾食送，就轉介去見營養師，要覆診。有次無意中我朋友揾bb食飯，佢哋幫我餵bb食飯，佢又會食到正常份量嘅飯同小量嘅送，事實證明bb係蝦我（單親，唯一嘅照顧者），盡管我俾佢自己食，協助佢用餐具食都好，都遠遠吾及其他人幫我餵佢食嘅量。可以的話你都可以請屋企人有空嘅時候幫幫你餵，睇下會否食到正常份量。

私人傳訊

積分: 432

80^#

發表於 20-6-21 00:29 |只看該作者

Daisywong313 發表於 20-6-20 23:52
我仔之前都會咁，我嘅方法可能好多媽媽覺得唔好，就係我喂佢會加佢鐘意嘅嘢，例如每淡飯上面放半粒星星餅/ ...

Thank you ，我而家就試吓佢食一啖，我就讚佢同佢拍手掌，或give me five咁，佢咪食下開心下，不過就食好耐，同埋我好攰，但叫做有食咁啦！

私人傳訊

Daisywong313

子爵府

積分: 12434

79^#

發表於 20-6-20 23:52 |只看該作者

我仔之前都會咁，我嘅方法可能好多媽媽覺得唔好，就係我喂佢會加佢鐘意嘅嘢，例如每淡飯上面放半粒星星餅/一啖飯餸，一淡香蕉/同埋我有比佢睇youtube食，我知係唔好
依家23個月，都唔洗咁樣食了，都係正常食大人飯餸。
所以我覺得佢唔食，你就就下佢。
嗰時我仲會整一碗有牛油果、烚蛋整碎，加包果蓉/乳酪。呢碗野我覺得都幾有營養。

私人傳訊

kaobebe

積分: 4796

78^#

發表於 20-6-20 18:38 |只看該作者

回覆樓主：

本帖最後由 kaobebe 於 20-6-20 18:38 編輯

如果你餐餐，捉佢口黎食，唔好話bb，大人都驚，仲邊會想食飯呀?你試下整好食既野，慢慢等佢食，再慢慢加多少少唔同嘢有顏色豐富嘅等佢自己試下慢慢食唔好迫佢。

私人傳訊

積分: 432

77^#

發表於 20-6-20 17:30 |只看該作者

bamamaba 發表於 20-6-20 17:22
訓左餵有冇試過？我個糊都唔鍾意食，又係食几啖之後要呃要氹先食多少少🤏咁你一日餵几餐呀？仔仔依 ...

佢瞓咗就唔會呑野，一日四餐，得18磅左右。
之前佢細個飲奶，會成日呑唔切，成日濁親，跟住就會嘔，醫生同佢照內窺鏡，睇到佢有軟喉，所以要做治療幫幫佢！

私人傳訊

bamamaba

男爵府

積分: 5530

76^#

發表於 20-6-20 17:22 |只看該作者

Heart18 發表於 20-6-20 16:45
我都想佢飲，但佢一掂到樽奶，就會掉左佢，我都係糊糊加奶再加少少果蓉俾佢食咋。出街佢都食得好差，帶咩 ...

訓左餵有冇試過？我個糊都唔鍾意食，又係食几啖之後要呃要氹先食多少少🤏咁你一日餵几餐呀？仔仔依家几重呀？點樣發現佢吞野有問題架？

私人傳訊

積分: 432

75^#

發表於 20-6-20 16:45 |只看該作者

bamamaba 發表於 20-6-20 16:34
我同你一樣，完全唔知點餵食，食小小就唔食，本身我唔識煮飯，唔識整其他嘢，粉麵唔知點煮先好食！

你咁 ...

我都想佢飲，但佢一掂到樽奶，就會掉左佢，我都係糊糊加奶再加少少果蓉俾佢食咋。出街佢都食得好差，帶咩俾佢都唔食，食三四啖就唔肯，就會喊！而家出街食，都會諗埋佢果份，有啱佢食嘅嘢先食，一齊食，每樣食幾啖都叫做食到啲野，無咁擔心！同買定個麵包，進餐時間兩個鐘頭內得閒俾幾啖佢！加加埋埋都夠頂肚嘅！

私人傳訊

bamamaba

男爵府

積分: 5530

74^#

發表於 20-6-20 16:34 |只看該作者

Heart18 發表於 20-6-20 10:06
而家都係慢慢試，睇吓佢鍾意咩啦！大家都加油！

我同你一樣，完全唔知點餵食，食小小就唔食，本身我唔識煮飯，唔識整其他嘢，粉麵唔知點煮先好食！

你咁快幫佢介左奶啦？我仔都唔食奶架，要等佢訓左先餵到！所以我都唔敢帶佢出街太耐，因為就算佢係街訓左有時都唔食！最衰佢固體都食得唔好，唔係我都想介曬奶佢

私人傳訊

積分: 432

73^#

發表於 20-6-20 10:06 |只看該作者

siusiumi 發表於 20-6-20 02:56
有進步真係好喇~~~
恭喜媽媽呀

Thank you (emoji)(emoji)

私人傳訊

積分: 432

72^#

發表於 20-6-20 10:06 |只看該作者

MrsSilviaChan 發表於 20-6-20 05:58
好叻呀！我個囡好中意食生果，但上次個生日蛋糕太甜，佢就麻麻地，朝早佢食白粥加兩個包仔，佢都係好愛星 ...

而家都係慢慢試，睇吓佢鍾意咩啦！大家都加油！

私人傳訊

MrsSilviaChan

積分: 1104

71^#

發表於 20-6-20 05:58 |只看該作者

Heart18 發表於 20-6-20 00:37
多謝你，我今日夜晚試左，一齊埋枱食，一齊分餸，佢都食，不過都有扭，所以我要加油，等佢習慣下，都教緊 ...

好叻呀！我個囡好中意食生果，但上次個生日蛋糕太甜，佢就麻麻地，朝早佢食白粥加兩個包仔，佢都係好愛星星餅。
我個囡之前6個月唔食糊仔，但好中意食果蓉，所以我一啖果蓉一啖糊仔咁餵，第二日佢就已經可以純食米糊。到佢真係唔再食米糊，我先加固。

慢慢試唔同食物，好快就知佢嘅喜好。
佢唔中意食西蘭花

私人傳訊

siusiumi

積分: 1243

70^#

發表於 20-6-20 02:56 |只看該作者

Heart18 發表於 20-6-20 00:37
多謝你，我今日夜晚試左，一齊埋枱食，一齊分餸，佢都食，不過都有扭，所以我要加油，等佢習慣下，都教緊 ...

有進步真係好喇~~~
恭喜媽媽呀

私人傳訊

積分: 432

69^#

發表於 20-6-20 00:37 |只看該作者

MrsSilviaChan 發表於 20-6-19 19:56
樓主加油，其實我都試過(emoji) 佢之前明明食飯仔，仲食得好好，無端端唔肯食。
跟著我個日好沮喪，佢扔到 ...

多謝你，我今日夜晚試左，一齊埋枱食，一齊分餸，佢都食，不過都有扭，所以我要加油，等佢習慣下，都教緊佢用手擺食物入口，不過要啲時間！佢都好叻仔，肯試好多食物！原來佢真係有少少重口味，鍾意食豆沙包入面個餡，同水果，我諗佢鍾意甜食！

私人傳訊

MrsSilviaChan