單親天地 今日: 1 | 主題: 18362

積分: 494

1^#

發表於 20-9-24 23:40 |只看該作者 |正序瀏覽 |打印

我仔下年升小一, 為佢準備好多嘢
自己全職輪班工作，仲要part time讀書

每日生活喺壓力同無助之下

喺小朋友面前要扮開心

面對前景太多不明朗。。。

有誰共鳴。。。

0 0 0

私人傳訊

kenfung71

男爵府

積分: 6294

24^#

發表於 20-10-7 01:12 |只看該作者

evelyn916 發表於 20-10-5 23:18
我想有同路人同我一樣好堅持, 好俾心機去平衡各方面，盡力做好，但，係好辛苦好辛苦好辛苦好辛苦x100000嘅 ...

我仔由幼稚園高班到e加已經中四，當中辛酸只有自己知道，但重要的是知道自己在做緊咩，有明確的目標，即使身在累但心不累，享受每個奮鬥的當下。

而當然的是，個仔初中時期已過，將來壞極有限，、我現在輕鬆多喇，

，你都多些為自己打氣，未來仍然是光明的

私人傳訊

steven1110

積分: 1179

23^#

發表於 20-10-6 23:40 |只看該作者

DDMMYY2015 發表於 20-10-6 23:33
你咁堅，自己放棄份工。

我年年都等緊俾人炒我，等我安心湊細路。

學你話齋：有咗小朋友就放棄所有嘢了！係需要有取捨的。
我唔想無咗同小朋友嘅回憶？但一日只有廿四小時,我都想做女強人。不過當覺得原來好難兼顧嘅時候，我選擇咗小朋友。小朋友陪伴嘅時間永遠都覺得唔夠。依家上咗小一，佢好開心媽咪可以接佢放假送佢返學，照顧哂佢所有嘢。等佢放咗學，我先去做嘢。

私人傳訊

積分: 1364

2023年兔年勳章育兒性格勳章畀面勳章

22^#

發表於 20-10-6 23:33 |只看該作者

steven1110 發表於 20-10-5 22:57
睇完你咁多段嘅回覆。既然你覺得自己處理得好好,時間分配得好好，照顧得小朋友好好，處理得小朋友嘅小一好 ...

你咁堅，自己放棄份工。

我年年都等緊俾人炒我，等我安心湊細路。

樓主，睇來，你都相當年青力壯。我生完B之後，甩頭髮+失憶+瞓唔長+腦轉數慢，我就無你咁勁。加油加油！老實講，就算你做唔到，都係正常。我一知道自己有咗，我就同自己講，我玩完，以後乜鬼都俾晒亞B。時間+金錢+心思，通通都唔再係我的。果然，亞B一出世，一切都心甘情願俾晒佢。

’放空‘真係好正，真心推介！

私人傳訊

積分: 494

21^#

發表於 20-10-5 23:18 |只看該作者

steven1110 發表於 20-10-5 22:57
睇完你咁多段嘅回覆。既然你覺得自己處理得好好,時間分配得好好，照顧得小朋友好好，處理得小朋友嘅小一好 ...

我想有同路人同我一樣好堅持, 好俾心機去平衡各方面，盡力做好，但，係好辛苦好辛苦好辛苦好辛苦x100000嘅

好似依家23：16我仲對住電腦廢寢忘餐讀緊書，我用咗daytime陪我小朋友玩，踩單車，做功課，一日24小時絕對唔夠，我聽朝6點要起身返工。

私人傳訊

steven1110

積分: 1179

20^#

發表於 20-10-5 22:57 |只看該作者

evelyn916 發表於 20-10-4 08:24
我就係所有嘢都兼顧得好，所以逼得太緊，我唔會放棄任何一樣嘢

我日頭會陪佢，佢返咗學，我溫書，佢訓咗 ...

睇完你咁多段嘅回覆。既然你覺得自己處理得好好,時間分配得好好，照顧得小朋友好好，處理得小朋友嘅小一好好，自己可以輪班工作又照顧到小朋友，又可以同佢玩到又可以溫到書。咁你都只係想要一個共鳴？！

個人認為：小朋友係需要陪伴多於所有嘢。有時你覺得小朋友明白你辛苦，明白你要溫書，佢可以自己玩。可能都只係表面。
佢內心唔敢將最真實嘅同你講。小朋友剛升小一。之前工作唔使輪班，返朝九晚五，放工返到嚟五點半。星期六日放假。小朋友都覺得媽咪嘅陪伴係唔夠，到咗依家，我係搵咗份返四日嘅工嚟多啲時間陪佢。
時，係要有取捨。我都唔捨得放棄高薪厚職。

私人傳訊

skytobb

積分: 4483

BK Milk勳章

19^#

發表於 20-10-4 10:37 |只看該作者

evelyn916 發表於 20-10-4 08:24
我就係所有嘢都兼顧得好，所以逼得太緊，我唔會放棄任何一樣嘢

我日頭會陪佢，佢返咗學，我溫書，佢訓咗 ...

你要負擔既事太多喇，無論如何，你要有足夠休息，保持心境開朗，抽個時間放空，遇到唔開心嘅時候，唔好怪責自己，我有時都會覺得攰，但諗諗唔係每件事情能夠控制，有人會因為追唔到巴士而嬲，亦有人會覺得下一班始終會來，走過一段不平坦的路，人生才會更有深的體驗
欣賞你既努力，希望你仔仔考到心儀學校，見證你戴四方帽！

私人傳訊

積分: 494

18^#

發表於 20-10-4 08:24 |只看該作者

skytobb 發表於 20-10-4 07:58
你仔係咪會考學校？如果係黎緊拍片面試都幾忙。星期六，日假期有冇陪小朋友一齊，平日夜晚有冇時間同佢傾 ...

我就係所有嘢都兼顧得好，所以逼得太緊，我唔會放棄任何一樣嘢

我日頭會陪佢，佢返咗學，我溫書，佢訓咗覺，我溫書，返工搭車會溫書，總之所有自己一個嘅時間我都用黎溫書

我知呢段時間會超辛苦，但佢小一面試後，我就可以冇咁 harsh，所以10月至出年年頭我都要keep住呢個mode, 我冇因為讀書而少咗陪佢，反而佢知我讀書考試，會同我講加油媽媽

私人傳訊

skytobb

積分: 4483

BK Milk勳章

17^#

發表於 20-10-4 07:58 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

你仔係咪會考學校？如果係黎緊拍片面試都幾忙。星期六，日假期有冇陪小朋友一齊，平日夜晚有冇時間同佢傾偈？
你要讀書和返工，又要準備亞仔小一，時間真係好緊迫
因為要應付讀書，無時間準備亞仔升小一，萬一唔理想又怕後悔嗎？去到面試老師係會睇親子關係的，如果想考學校，趁而家多點陪伴仔仔喇

你陪仔仔，又擔心會影響讀書，到時兩頭唔到岸，你會點處理和面對？
明白你選擇咗亦好難放棄，卻開始覺得好吃力，俾我會多點陪小朋友，當年我有左小朋友中途放棄考級試，之後讀返都要重頭讀過，書之後可以再讀，有心唔怕遲，但你仔升小學就得果段時間。
唔好俾自己太大壓力

私人傳訊

積分: 1364

2023年兔年勳章育兒性格勳章畀面勳章

16^#

發表於 20-10-3 11:13 |只看該作者

evelyn916 發表於 20-10-3 06:12
我仔好錫我，從佢BB開始我哋已經相依為命，佢每日都主動同我講n次媽媽我好愛你，i love you等等，我哋一齊 ...

有陣時，情緒係因為休息唔夠而越來越差。如果仔仔聽話又生性，就無需要諗太多野。

文字中，你寫到自己好強，樣樣都合你心水，咁又何必再自尋煩腦？千祈唔好以為，身邊有人support一定好，有時自己太硬頸，咪又係令到大家嘈嘈吵吵。你睇人好，人睇你好吧。小朋友能健康活潑就要感恩啦，呢種幸運，只係大部分人都有，但唔係個個都有。

如果連醫生都話你病，就要好好治療。如果有人追，而對方又知你底細，咪拍下散拍去令自己開心下。休息多D, 抽多D時間同亞仔去玩。咁個人都會開心D.

私人傳訊

積分: 494

15^#

發表於 20-10-3 06:12 |只看該作者

DDMMYY2015 發表於 20-10-3 04:13
另外，要解決你個無助感。究竟係經濟抑或精神上覺得無？

經濟上，就真係要靠自己努力搵錢及省錢。你 ...

我仔好錫我，從佢BB開始我哋已經相依為命，佢每日都主動同我講n次媽媽我好愛你，i love you等等，我哋一齊玩，一齊explore, 佢知我返工辛苦，輪班，佢識睇我更表，知我咩時間要休息，唔會騷擾我，自己靜靜玩/睇書

我覺得自己條命咁，生咗呢個仔，係上天對我嘅補償

壓力方面，望子成龍，身體健康，經濟壓力，工作壓力，全部都有，感情方面，雖然有追求者，但我已經冇心情同時間再拍拖，或者我家庭已經融唔入第三方，
唔想再俾男人牽制住。。。
自問都係小女人，一個人撐咗咁多年，好攰好辛苦。。。
醫生話我有抑鬱症，有時會鑽牛角尖諗埋一邊。。。

私人傳訊

積分: 494

14^#

發表於 20-10-3 06:12 |只看該作者

DDMMYY2015 發表於 20-10-3 04:13
另外，要解決你個無助感。究竟係經濟抑或精神上覺得無？

經濟上，就真係要靠自己努力搵錢及省錢。你 ...

我讀書係為自己，當然公司有俾壓力我，但呢科其實我都想讀，真心有興趣，但唔容易,依家唔讀過兩年又未必提得起勁讀

私人傳訊

積分: 1364

2023年兔年勳章育兒性格勳章畀面勳章

13^#

發表於 20-10-3 04:13 |只看該作者

另外，要解決你個無助感。究竟係經濟抑或精神上覺得無？

經濟上，就真係要靠自己努力搵錢及省錢。你仲有錢讀書，我估你唔係經濟壓力。

精神上的無力感，就要你自己搵個支撐點。每個人都會有目的去做每件事，例如：食飯可以係為咗生存而食。但其實，又可以為咗開心而同其他人一齊食。自己諗下，你咁辛苦為乜先？有無達到目的先？

私人傳訊

積分: 1364

2023年兔年勳章育兒性格勳章畀面勳章

12^#

發表於 20-10-3 04:00 |只看該作者

其實，你有咩唔開心先？壓力人人有，但共鳴都只係可以證實有人同你一樣。咁樣能否解決你個困局先？

個個都話明白你，但你有無開心番？

或者，我分享下，我點樣覺得開心。
我個小朋友都K3，以前佢細個，唔使返幼稚園，我一去湊佢返屋企，佢就開心到跳下跳下。佢又會將佢心愛的玩具/食物同我分享。到佢返學，佢又會為我祈禱，又會當我係佢最好朋友，最信任的人。我一諗起個路細可以開心幸福，我都好開心。

我無興趣再搵個伴侶，因為我唔願意再為個陌生人去令自承擔任何風險。在我而言，外人始終係外人，唔值得花走我任何時間。

私人傳訊