單親天地 今日: 0 | 主題: 18362

積分: 494

1^#

發表於 20-9-24 23:40 |只看該作者 |倒序瀏覽 |打印

我仔下年升小一, 為佢準備好多嘢
自己全職輪班工作，仲要part time讀書

每日生活喺壓力同無助之下

喺小朋友面前要扮開心

面對前景太多不明朗。。。

有誰共鳴。。。

0 0 0

私人傳訊

chujai127

積分: 2866

2^#

發表於 20-9-25 15:25 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

明呀同路人
星小學settle左會好d既

私人傳訊

Jan.Jan

積分: 2321

3^#

發表於 20-9-27 09:39 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

明，仲要好多野都只有自己屈響心，明白點都要撐住，大家加油！

私人傳訊

kl1

伯爵府

積分: 18362

4^#

發表於 20-9-28 02:35 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

我當年都係輪班工作情況下一個人湊大個女，最初要請工人幫手照顧小朋友，解決膳食問題，如果返通宵班當係有個成年人照，有事嘅時候就要馬上返屋企跟進。單親的確壓力好大，面對小朋友要小心處理情緒要多啲傾偈，令小朋友明白你，佢自然會同你一齊面對，呢個情況下，相信會為你帶來無論幾辛苦都值得。加油(emoji)(emoji)！

私人傳訊

Macusmama

珍珠宮

積分: 30595

5^#

發表於 20-9-28 10:49 |只看該作者

加油

私人傳訊

koalay

積分: 1012

6^#

發表於 20-10-1 00:23 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

點辛苦都好，自己要為自己安排一些放鬆時間，做運動又好，食飯又好，情緒唔好和壓力大會好容易捱出病來！加油

私人傳訊

可愛招積仔

別墅

積分: 518

7^#

發表於 20-10-2 21:59 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

加油

私人傳訊

積分: 1364

2023年兔年勳章育兒性格勳章畀面勳章

8^#

發表於 20-10-2 23:59 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

你迫得自己好緊下...... 返Shift又進修，仲邊有時間照顧小朋友？

私人傳訊

積分: 1364

2023年兔年勳章育兒性格勳章畀面勳章

9^#

發表於 20-10-3 00:06 |只看該作者

DDMMYY2015 發表於 20-10-2 23:59
你迫得自己好緊下...... 返Shift又進修，仲邊有時間照顧小朋友？

我同你一樣，小朋友下年升小一，我已經六年唔敢出去上堂進修。目的係要工餘時就盡力陪住小朋友成長。

如進修並非迫切需要，不如俾多D時間自己休息。相信，足夠休息後，才能量去面對未來。

加油，你不孤單。

私人傳訊

積分: 494

10^#

發表於 20-10-3 00:20 |只看該作者

DDMMYY2015 發表於 20-10-3 00:06
我同你一樣，小朋友下年升小一，我已經六年唔敢出去上堂進修。目的係要工餘時就盡力陪住小朋友成長。
...

進修。。。是必須的，我其實已經拖咗幾年，我雖然辛苦，但只要諗起兩年後，個仔就可以睇住我戴四方帽行畢業禮，媽媽咁辛苦都做得到，佢亦都得，亦都希望個仔見到我嘅努力，佢自己都會俾心機讀書

再辛苦都要撐落去，為自己，為個仔

私人傳訊

積分: 1364

2023年兔年勳章育兒性格勳章畀面勳章

11^#

發表於 20-10-3 03:43 |只看該作者

evelyn916 發表於 20-10-3 00:20
進修。。。是必須的，我其實已經拖咗幾年，我雖然辛苦，但只要諗起兩年後，個仔就可以睇住我戴四方帽行畢 ...

如果只為四方帽而進修，你又何必將所有事情安排在同一時段發生呢？如果係公司要你進修，就無可奈何。一個人每日唔係咁多時間做晒所有事，如果你覺得無問題，就唔會上來講啦。

都係同一句，俾多d時間自己休息，好多事，唔係跑得快就贏。我唔睇你讀邊一科，但亦都想像到，你淨係面對Assignment都己經唔晒瞓。湊仔，真係要夠瞓才做到好媽媽。

細路係要陪伴，至於你想佢效發自己，就真心唔好咁早有呢種期望。

加油，希望你同你仔仔生活愉快。

私人傳訊

積分: 1364

2023年兔年勳章育兒性格勳章畀面勳章

12^#

發表於 20-10-3 04:00 |只看該作者

其實，你有咩唔開心先？壓力人人有，但共鳴都只係可以證實有人同你一樣。咁樣能否解決你個困局先？

個個都話明白你，但你有無開心番？

或者，我分享下，我點樣覺得開心。
我個小朋友都K3，以前佢細個，唔使返幼稚園，我一去湊佢返屋企，佢就開心到跳下跳下。佢又會將佢心愛的玩具/食物同我分享。到佢返學，佢又會為我祈禱，又會當我係佢最好朋友，最信任的人。我一諗起個路細可以開心幸福，我都好開心。

我無興趣再搵個伴侶，因為我唔願意再為個陌生人去令自承擔任何風險。在我而言，外人始終係外人，唔值得花走我任何時間。

私人傳訊

積分: 1364

2023年兔年勳章育兒性格勳章畀面勳章

13^#

發表於 20-10-3 04:13 |只看該作者

另外，要解決你個無助感。究竟係經濟抑或精神上覺得無？

經濟上，就真係要靠自己努力搵錢及省錢。你仲有錢讀書，我估你唔係經濟壓力。

精神上的無力感，就要你自己搵個支撐點。每個人都會有目的去做每件事，例如：食飯可以係為咗生存而食。但其實，又可以為咗開心而同其他人一齊食。自己諗下，你咁辛苦為乜先？有無達到目的先？

私人傳訊

積分: 494

14^#

發表於 20-10-3 06:12 |只看該作者

DDMMYY2015 發表於 20-10-3 04:13
另外，要解決你個無助感。究竟係經濟抑或精神上覺得無？

經濟上，就真係要靠自己努力搵錢及省錢。你 ...

我讀書係為自己，當然公司有俾壓力我，但呢科其實我都想讀，真心有興趣，但唔容易,依家唔讀過兩年又未必提得起勁讀

私人傳訊

積分: 494

15^#

發表於 20-10-3 06:12 |只看該作者

DDMMYY2015 發表於 20-10-3 04:13
另外，要解決你個無助感。究竟係經濟抑或精神上覺得無？

經濟上，就真係要靠自己努力搵錢及省錢。你 ...

我仔好錫我，從佢BB開始我哋已經相依為命，佢每日都主動同我講n次媽媽我好愛你，i love you等等，我哋一齊玩，一齊explore, 佢知我返工辛苦，輪班，佢識睇我更表，知我咩時間要休息，唔會騷擾我，自己靜靜玩/睇書

我覺得自己條命咁，生咗呢個仔，係上天對我嘅補償

壓力方面，望子成龍，身體健康，經濟壓力，工作壓力，全部都有，感情方面，雖然有追求者，但我已經冇心情同時間再拍拖，或者我家庭已經融唔入第三方，
唔想再俾男人牽制住。。。
自問都係小女人，一個人撐咗咁多年，好攰好辛苦。。。
醫生話我有抑鬱症，有時會鑽牛角尖諗埋一邊。。。

私人傳訊

積分: 1364

2023年兔年勳章育兒性格勳章畀面勳章

16^#

發表於 20-10-3 11:13 |只看該作者

evelyn916 發表於 20-10-3 06:12
我仔好錫我，從佢BB開始我哋已經相依為命，佢每日都主動同我講n次媽媽我好愛你，i love you等等，我哋一齊 ...

有陣時，情緒係因為休息唔夠而越來越差。如果仔仔聽話又生性，就無需要諗太多野。

文字中，你寫到自己好強，樣樣都合你心水，咁又何必再自尋煩腦？千祈唔好以為，身邊有人support一定好，有時自己太硬頸，咪又係令到大家嘈嘈吵吵。你睇人好，人睇你好吧。小朋友能健康活潑就要感恩啦，呢種幸運，只係大部分人都有，但唔係個個都有。

如果連醫生都話你病，就要好好治療。如果有人追，而對方又知你底細，咪拍下散拍去令自己開心下。休息多D, 抽多D時間同亞仔去玩。咁個人都會開心D.

私人傳訊

skytobb

積分: 4483

BK Milk勳章

17^#

發表於 20-10-4 07:58 |只看該作者

evelyn916 發表於 20-9-24 23:40
我仔下年升小一, 為佢準備好多嘢
自己全職輪班工作，仲要part time讀書

你仔係咪會考學校？如果係黎緊拍片面試都幾忙。星期六，日假期有冇陪小朋友一齊，平日夜晚有冇時間同佢傾偈？
你要讀書和返工，又要準備亞仔小一，時間真係好緊迫
因為要應付讀書，無時間準備亞仔升小一，萬一唔理想又怕後悔嗎？去到面試老師係會睇親子關係的，如果想考學校，趁而家多點陪伴仔仔喇

你陪仔仔，又擔心會影響讀書，到時兩頭唔到岸，你會點處理和面對？
明白你選擇咗亦好難放棄，卻開始覺得好吃力，俾我會多點陪小朋友，當年我有左小朋友中途放棄考級試，之後讀返都要重頭讀過，書之後可以再讀，有心唔怕遲，但你仔升小學就得果段時間。
唔好俾自己太大壓力

私人傳訊

積分: 494

18^#

發表於 20-10-4 08:24 |只看該作者

skytobb 發表於 20-10-4 07:58
你仔係咪會考學校？如果係黎緊拍片面試都幾忙。星期六，日假期有冇陪小朋友一齊，平日夜晚有冇時間同佢傾 ...

我就係所有嘢都兼顧得好，所以逼得太緊，我唔會放棄任何一樣嘢

我日頭會陪佢，佢返咗學，我溫書，佢訓咗覺，我溫書，返工搭車會溫書，總之所有自己一個嘅時間我都用黎溫書

我知呢段時間會超辛苦，但佢小一面試後，我就可以冇咁 harsh，所以10月至出年年頭我都要keep住呢個mode, 我冇因為讀書而少咗陪佢，反而佢知我讀書考試，會同我講加油媽媽

私人傳訊

skytobb

積分: 4483

BK Milk勳章

19^#

發表於 20-10-4 10:37 |只看該作者

evelyn916 發表於 20-10-4 08:24
我就係所有嘢都兼顧得好，所以逼得太緊，我唔會放棄任何一樣嘢

我日頭會陪佢，佢返咗學，我溫書，佢訓咗 ...

你要負擔既事太多喇，無論如何，你要有足夠休息，保持心境開朗，抽個時間放空，遇到唔開心嘅時候，唔好怪責自己，我有時都會覺得攰，但諗諗唔係每件事情能夠控制，有人會因為追唔到巴士而嬲，亦有人會覺得下一班始終會來，走過一段不平坦的路，人生才會更有深的體驗
欣賞你既努力，希望你仔仔考到心儀學校，見證你戴四方帽！

私人傳訊

steven1110