自由講場今日: 126|主題: 1339464

收藏本版

發帖

返回列表

跳至頁

查看: 7210 | 回覆: 92

張慧儀好偉大~ 對佢完全改觀~~ [複製鏈接]

12 3 4 5

jadeling

別墅

積分: 613

1^#

發表於 09-6-7 15:11 |只看該作者 |正序瀏覽 |打印

之前佢一直都係姣精一名~~ 估唔到佢好有愛心

希望佢囝囝大過一定要孝順媽媽~ 亦希望佢可以遇到一樣有愛心既 mr. right, 同佢一齊照顧囝囝

[轉貼] 忽然一週
http://www.hkmagazine.org/newfull1/view.php?mag=sudden&issue=723&site=12840836

風騷張慧儀洗盡鉛華　收養大陸心臟病孤兒

張慧儀曾經是圈中發電機，緋聞多多， 99 年更被指介入阿叻陳百祥及黃杏秀感情。
03 年張慧儀被前未婚夫霍紹裘毆打一事震動全港，為離開傷心地她獨自到北京重新開始，多年來她偶有出現香港的電視節目，不過每次只留港數天。前周五（ 22 日）記者發現她再度來港為港台拍劇，洗盡鉛華的她身邊竟帶着一位年約五歲的男孩，還向工作人員介紹，「呢個係我個仔。」
經過記者連日追訪發現，這位現時叫 Hanson 的男孩，是慧儀兩年多前在北京收養的孤兒，他患有嚴重先天性心臟病，醫生說他能活到今天已是奇蹟。慧儀打算於兩年內安排兒子做心臟大手術。雖然兩年來為照顧這位病童花了不少心力及金錢，但她並不言悔，「同佢一齊好幸福，我會照顧佢一生一世。」絕對是人間有情。

上月 22 日，記者發現離港 6 年的張慧儀來港為港台劇集開工，由步出下榻酒店開始，慧儀抱着一位年幼男孩，到片場開工亦帶在身邊。
記者隨即打聽，原來慧儀去年將基地由北京移至廣州，於是便到廣州查探她生仔之謎。
本周二（ 2 日）下午約 4 時，記者於廣州番禺發現一身行政 look 的慧儀，出現於一間幼稚園，然後熟路地進入課室，接走她曾帶來香港的男孩，男孩一見她即開心叫「媽媽，你來了。」
做義工識囝囝
兩母子隨後返回居住的祈福新邨，其間記者上前截住慧儀，問男孩是否她的兒子，她雖然感到愕然，仍大方說：「係，我唔會專登講，不過俾人影到，亦冇必要隱瞞。」
原來男孩叫 Hanson ，現時跟她姓張和同住，「佢係我個仔，不過唔係我生，係收養返嚟嘅。」
憑《真情》彩瑤一角成名的張慧儀，是圈中電眼王，不過現時已洗盡鉛華，只想做位好媽媽，而他倆的故事，要從她年前由香港轉戰北京開始。當時慧儀在北京，主力搞家族食品生意，閒時和朋友到由港人 Teresa 開設、專收留患病孤兒的「平安之家」做義工。
在「平安之家」，慧儀遇上了 Hanson ，立即滿心歡喜，「好神奇，第一眼就好鍾意佢，可能呢啲就係緣份。」

03 年出世的 Hanson ， 04 年初被遺棄於北京一天橋，後被送進「平安之家」。該會創辦人 Teresa 曾寫了一篇文章希望有家庭可收養 Hanson ，結果他遇上張慧儀， Teresa 說：「慧儀呢幾年，不離不棄俾佢最好嘅照顧，令人讚賞。」
患嚴重心臟病
慧儀跟 Hanson 投緣，但他卻有嚴重心臟病，隨時死亡，「佢嘅問題好複雜，佢患有室間隔完整肺動脈閉鎖，這是常見先天性心臟病之一，呢個病好危險，因為心臟駁落肺嘅血管冇發育，因此由心臟輸送到肺嘅血行得唔好，仲好易缺氧，所以 Hanson 嘴唇好紫。曾經治療他的醫生都話，佢能夠活到今天係奇蹟。我遇到佢之前， \ 曾做過大手術，將血管通番，但唔會係永久。手術後做過九個星期植物人，好彩佢鬥志好強，後來醒番。佢睇嚟同一般小朋友差不多，不過學習比較遲緩，兩歲幾都唔識講嘢，只可講幾個單字，後來先慢慢識講。我同佢相處咗幾個月，覺得自己各方面都準備好，就決定正式領養佢。」
她單身一個女子，未結婚又未有家庭，因此慧儀父母亦擔心她只是一時衝動，「媽媽嘅擔心我好明白，因為佢身體始終有個計時炸彈，不過我一直覺得，生命不在乎長短，最緊要活在當下，依家我同佢一齊真係好開心、好幸福。」
上月 22 日，張慧儀答應接拍港台劇集而專程返港，因為一個女人帶住小朋友，惟有帶埋囝囝來港，仲要帶埋佢去開工。一步出酒店，慧儀見大風即為囝囝着上風褸（小圖），非常細心，是位稱職媽媽。

為愛兒努力賺錢
慧儀跟 Hanson 一齊生活兩年多，為了他，她願付出所有愛，甚至為他搏命賺錢，「佢係我嘅動力，以前我都會去蒲去玩去飲酒，依家每朝六點半起身，陪佢食早餐，然後送返學，下晝放學都盡量去接，如要做嘢或應酬，一夜返屋企我會好內疚。以前，我可以一個星期幾日去半島飲香檳，但依家就好樸實，有時仲去買餸煮飯俾佢食。」
慧儀現時在廣州拓展直銷生意，時間許可亦會接幕前工作，「我真係要努力做嘢，因為可能範圍之內，我希望給予個仔最好嘅。喺北京我俾佢讀國際學校，日日有司機接送。嚟到廣州，好多學校聽到佢有心臟病都話唔收，好難至搵到一間肯收。照顧健康有問題嘅小朋友，我亦要未雨綢繆，因為我計劃兩年內安排佢做心臟手術，改善佢嘅血管問題。初步問過，手術費同雜項開支，要一百萬以上，平日我亦帶佢睇好多心臟科醫生，不過我從來唔認為呢啲係負擔，因為錢只不過係身外物。」
即使努力工作，亦會有不如意的時候，她都曾經試過躲在房間痛哭，「點知佢就走入嚟安慰我，叫媽媽不要哭，見佢咁懂性，即刻又開心番。我成日諗世界上真係好心有好報，因為好多人見到我一個女人帶住個小朋友，而且仲唔係自己生，覺得我好偉大，於是介紹好多生意俾我，呢啲就係意外收穫。」
男友要接受兒子
正如她所講，一個單身女子帶着一位小朋友，搵對象都會更難，「我依然單身，我媽媽都提過我，依家情況好難搵對象，但我就覺得如果對方唔接受 Hanson 嘅話，根本就唔係適合我嘅人。呢幾年都出現過三位追求者，最終都係因唔接受 Hanson 而分手，但我都唔覺得可惜，唔通我有男朋友就一定要丟低個仔，我做唔到。人際間感情有好多種，可以係親情同友情，何況我經歷過唔開心嘅感情，依家覺得傾盡所有去愛佢好滿足。如果可以嘅話，我會照顧佢一生一世。」現時的她是有子萬事足，心目中最大追求，就是 Hanson 健康快樂成長，其他兒女私情，一切隨緣。