fionalee668 發表於 22-2-27 14:54
想問下你地煮麵個湯底係點煮呢?
蕃茄蛋花底:蒜頭爆香,落切細蕃茄,炒幾炒等蕃茄煮淋少少,加水,煮滾後再煮到顏色變深,蕃茄有少少散,熄火倒入蛋液。想食到一塊塊蛋就先炒蛋,撈起,等湯好再倒D炒蛋落去。
豬骨湯底:呢個要搞耐D,豬骨出水後洗淨,加水、洋蔥、蒜頭煲到個湯底變白變濃,之後就隔渣留湯,一次過煲大大煲,分開裝好放雪櫃/冰格,每次食就拎一份出嚟倒落去加熱就得。
味噲湯底:木魚絲、海帶加水煮滾到出味後,撈起渣,加豆腐粒,熄火後加入味噌煮溶,灑上蔥花。
普通肉片滾菜心湯都已經好甜,好啱做湯底。
花旗太太生活在花旗國,留意時差,你問我未必即時答到。