我係2018年十月份,買咗美容院約HKD39xxx美容package, 而此package於2021年九月份已到期. 我在不知已過期的情況下, 預約美容院做facial,目的係將剩餘約HKD12,000餘額儘快消費完畢. 期間由於美容業因疫情影響而停業, 無法預約做facial,導致到2022年我既package餘額未用完.
上星期,我預約咗做facial. 一到美容院, 職員並無告知我的package 已過期, 而直接帶我入房做facial,又建議我做貴價機, 又建議做按摩等.我一心諗住快點用完package, 所以接受佢地既建議. 點知, 做完之後, 負責人先告知我,我的package已於2021年九月過咗期(佢地中間並沒有提醒我要快點使用, 因就來過期, 一次提醒都沒有),我要再續期(再買39xxx元package)先可以用返原本package既12000元餘額.
我覺得好驚訝, 點解美容院會在沒有告訴我過期既情況之下, 幫我做咗呢啲服務? 雖則我當時係同意做呢啲服務, 但前提係我以為可以扣我原先package餘額的情況下先願意做. 美容院點可以係我已做完facial之後, 先同我講過咗期而焗住要我續期? (我原本都打算用完就算, 唔再續, 次次做都扣咗幾千蚊,同出邊比實在太貴)
美容院覺得自己無錯, 佢地當日停業係因為政府規定, 而客人或因為害怕疫情而就算美容業無停業都唔敢除罩做facial, 美容院覺得呢啲都係客人自己的問題. 咁都唔緊要.由頭到尾, 我無同佢地吵過要延期我的 package, 我既不滿係源於美容院的手法.如果當日我預約時, 或上到去美容院做facial 前, 佢地有通知我過咗期, 我係會放棄package既餘額, 唔再喺呢間美容院消費.但事前並沒有人問我打唔打算續約, 唔續既話打唔打算做埋嗰日book既facial, 完全無. 而我為咗當日可以離開美容院, 只好碌卡俾咗當日使用咗既服務--HKD5840(單次). 我事後諗起, 覺得自己做為一個消費者,我係有權知道我所買既服務到咗/過咗期, 我係有權係個package過咗期既情況之下, 放棄個 package, 唔使用佢地既服務.
佢地話當日簽呢個package時, 已寫到明係三年, 話每一間美容話都會訂有使用期限. OK我明, 但呢個package我2018年買, 點會過咗三年幾仲記得幾時過期? 或者佢地有冇因疫情延package期? 唔記得個package幾時到期或者係我錯, 但有咩理由一次提醒都冇? 同埋做咗facial先同我講過期唔扣得?
其實咁樣有冇問題呢?
monica69 發表於 22-5-20 17:16
大家好, 想請教下大家我嗰間美容院既手法有冇問題.事情係咁的:
我係2018年十月份,買咗美容院約HKD39xxx美 ...
發表於 
返回列表
