吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 第一次出帖想請教向位JM,長文

夫婦情感今日: 2|主題: 42737

收藏本版

發帖

返回列表

跳至頁

查看: 9847 | 回覆: 27

第一次出帖想請教向位JM,長文 [複製鏈接]

itssuck

洋房

積分: 66

1^#

發表於 22-6-16 23:10 |只看該作者 |正序瀏覽 |打印

拍拖6 年，結婚3 年唔夠，有一個1歲既仔，以前拍拖試過同佢long d, 一路都對佢有信心，佢亦係一個好有交帶既人，從來無懷疑過佢，佢電話我都有密碼，可以隨時check, 但我從來無check 過
我大肚加bb 出左世呢兩年都係疫情，大家work from home 日日係屋企見，好少嗌交，佢好盡責，我無請陪月，佢清潔煮飯買餸煲湯乜都做哂，我真心覺得佢係一個好老公同好爸爸，亦都好錫個仔

直至上星期真係唔知無啦啦鬼拍後尾枕，佢係廚房，佢電話響係佢屋企人打俾佢，我無聽，響完我就諗住拎個電話俾佢，就見到佢wechat 有個陌生女仔名，我禁入去睇，見到佢地既對話係閒聊，但都密，有一兩句會flirt下大家，講下你住邊區呢幾日落雨個d, 睇得出係好表面既對話，當下手都震埋，但我無睇到好多，我經驗少，唔識處理，即場同佢對質，但我蠢左無叫佢俾我睇哂d 對話，而佢拎返個電話個陣已經delete 左個msg, 我就崩潰，因為我永遠唔會知道真相。

之後大家傾，佢解釋本身係話好耐無搵既朋友，但識佢咁耐佢唔識講大話，俾我問多兩句已經收皮，之後承認係無聊wechat people nearby 個度search 識左呢個所謂既網友，咁我又崩潰，點解要上網識人，已經喊到顛左

之後我問佢拎返個電話，禁返個女仔個chat 出黎我問c6 可唔可以扮同佢傾計證實佢講既野係咪真，c6 肯，一開始個女仔應我普通野，之後我一表明我係佢老婆佢就無再覆，而我都block 佢再 delete 埋佢，順勢我同c6 講我宜家要check 哂佢電話

佢肯，佢應該無delete d 咩，因為無時間，當我check 佢電話時都俾我發現佢結婚前d msg 有d 同女仔私聊但無下文，傾幾日就無傾個d, 而check 哂佢電話之後佢就解釋佢真係無聊搵人傾計only, 絕對唔敢出軌，我唔知有無男人真係淨係有時想同d 唔識既人flirt 下，定係我太天真？我唔知應唔應該信佢

事隔呢一星期，我依然好不安，因為真係有條刺，而又不斷上黎呢度趴文，發現好多都係覺得男人有呢個開始已經係想出軌，愈睇愈打定輸數，好痛苦

但佢有say sorry 又應承我以後唔會再同人傾計，我亦將佢電話所有app 都轉哂家庭照（原本係單人），佢亦keep 住俾電話我睇，佢暫時都係work from home, 所以我地都係仲係日日係屋企，佢只係會同我一齊落去買餸。雖然我都仲係好不安，成日喊，睇完bk d post 仲唔開心，唔知可以點，大家覺得我應唔應該俾機會佢？

最後，我地一早plan 左黎緊年尾會移民，佢係咁同我講佢真係無出軌無第二個，我相信佢淨係私聊，但個問題係，如果佢有呢舖引，移左民一樣會同人私聊，唉

點評

la_source

發表於 22-6-17 14:24

0 0 0

私人傳訊

fitceo

子爵府

積分: 13429

28^#

發表於 22-6-20 00:10 |只看該作者

itssuck 發表於 22-6-17 17:21
回覆 kaman06 的帖子

不過宜家問題係佢話自己無出軌只係傾計佢承認同女仔私聊係唔岩係貪玩搵人吹水佢 ...

既然佢都講左只係傾計無其他, 點解唔信佢,繼續疑神疑鬼? 咪盞自己辛苦,講左原諒就再真係原諒,唔好再提, 再提就破壞關係,跟住無限輪回, 呢d就係你想過既生活。要建立自信,令對方無左你唔得先係成功,而唔係怕佢變心,攪到自己精神病人咁。

[img align=right]http://i116.photobucket.com/albums/o21/keiyan76/CEO.gif[/img]

私人傳訊

kaman06

男爵府

積分: 7241

27^#

發表於 22-6-19 16:59 |只看該作者

itssuck 發表於 22-6-17 17:21
回覆 kaman06 的帖子

不過宜家問題係佢話自己無出軌只係傾計佢承認同女仔私聊係唔岩係貪玩搵人吹水佢 ...

我覺得哩個係大家邊際感唔同。有人覺得同女單獨食飯無問題，有人即發火，咁佢唔覺得有問題，你唔使迫佢，但你都要揾人傾，你似有壓力，發生之後，你唔識同佢相處，揾人傾下好，網上不能盡講咁多

私人傳訊

itssuck

洋房

積分: 66

26^#

發表於 22-6-17 17:21 |只看該作者

回覆 kaman06 的帖子

不過宜家問題係佢話自己無出軌只係傾計佢承認同女仔私聊係唔岩係貪玩搵人吹水佢覺得我地兩公婆都無題佢有認錯私聊係佢唔岩，以後都唔會再同人私聊，同佢堅稱自己無出軌，所以佢一定唔會去睇婚輔個d
不過我自己都有關心佢多d , 同佢傾多左計，但要好小心唔好再提起，雖然忍得好辛苦，同埋成日見佢拎住個電話就會起疑心，唔知佢傾緊咩，佢有時會開speaker 突登俾我聽佢同 d frd whatsapp 男人對話

私人傳訊

soso1227

珍珠宮

積分: 37354

醒目開學勳章畀面勳章

25^#

發表於 22-6-17 14:43 |只看該作者

趁佢知道自己Wechat flirt 女唔啱，但又唔知大家有乜問題，唔知點改善，就夾佢去見婚姻輔導，例如明愛。

私人傳訊

kaman06

男爵府

積分: 7241

24^#

發表於 22-6-17 14:10 |只看該作者

本帖最後由 kaman06 於 22-6-17 14:12 編輯

itssuck 發表於 22-6-17 12:45
回覆 kaman06 的帖子

都係，本身我都猶豫移民，因為始終屋企人喺香港，本身係佢想走多啲. 而家反而係我好 ...

唔知你地識左幾耐，感覺上唔會處理太deep 的事，

我講下我聽到的case, 我fd 出軌，去過婚輔，佢話過程係，出軌的人認錯，大家認真探討個原因，例如佢個case 係jm放太多時間在工作，完全無關心佢， jm 又有講返佢睇到c6的問題，以致佢無左關心c6, 大家互相明白體諒對方，一齊承諾改變自己，跟住大家有個plan 跟住去做好，例如c6多做家務，陪jm煲劇， c9就多d 甜蜜時刻同關心佢，好似幾個月又會再review 一次，佢地好似搞左1,2年先好返， now 好過以前好多

我講個case 出黎唔係話要做足，但當中我覺得重點係，認錯，找原因，共同承諾改變，同有計劃行動，如果全部都無，你要好好考慮一下

私人傳訊

itssuck

洋房

積分: 66

23^#

發表於 22-6-17 12:45 |只看該作者

回覆 kaman06 的帖子

都係，本身我都猶豫移民，因為始終屋企人喺香港，本身係佢想走多啲. 而家反而係我好想快啲移民，都想有個新嘅開始，當然如果一個男人要出軌去到邊都會
其實有結婚到而家差唔多三年我哋都真係乜都講同好少嗌交，我今日都有問佢覺得我哋有冇啲乜嘢溝通問題或者我有冇啲地方需要改善，雖然佢答無，但佢都認真答我無人係完美，大家都都要互相磨合相處，同埋佢再堅稱佢只係貪玩傾計，唔會敢約人出黎，話網上面好多女仔係呃人，講講下又話唔想再講呢個話題，總之應承左我就完啦，搞到我又好似突然處於下風，我都知我唔應該再提起呢件事，點先可以高招d 唉

私人傳訊

20150618bb

珊瑚宮

積分: 108273

2024年龍年勳章虎到金來勳章牛年勳章 2018復活節勳章開心吸收勳章

22^#

發表於 22-6-17 11:42 |只看該作者

itssuck 發表於 22-6-16 23:10
拍拖6 年，結婚3 年唔夠，有一個1歲既仔，以前拍拖試過同佢long d, 一路都對佢有信心，佢亦係一個好有交帶 ...

其實男人仲意自我高潮,佢的所謂談話其實只係吹水,認真個邊個個是否女性都未知道,你應大方的同佢講小心.......提子

私人傳訊

Heman2001

男爵府

積分: 7233

21^#

發表於 22-6-17 10:32 |只看該作者

itssuck 發表於 22-6-16 23:10
拍拖6 年，結婚3 年唔夠，有一個1歲既仔，以前拍拖試過同佢long d, 一路都對佢有信心，佢亦係一個好有交帶 ...

理解的，有條刺係一定的，唔需要刻意扮大方話“我無事”，但如果選擇左繼續，無論妳還是妳老公，都應該淡忘過去重新開始，如果之後佢仍然有咁做，妳再作決定都未遲

如果大家係真心相愛，呢個時間大家都需要機會同時間去證明，就俾啲時間吧

私人傳訊

kaman06

男爵府

積分: 7241

20^#

發表於 22-6-17 10:13 |只看該作者

itssuck 發表於 22-6-17 03:21
回覆 szesze_lam 的帖子

我都明，其實真係如果傾閒計係ok 佢都唔需要心虛都唔需要delete, 但係我見到係有f ...

坦白講，我覺得係好事，一旦移民先知，真係唔知點算，其實大家都算無咩事，只係有個難題，就係你地有溝通問題，唔知係佢無朋友定無人關心佢，所以揾wechat, 但肯定係你地2個人關係變淡左，你地之前有無d 難題係點解決，例如結婚生仔咁，如果唔知，揾社工/婚輔都可以，始終有個中間人幫你地，我覺得都可以試下

私人傳訊

uckukuku

男爵府

積分: 9071

19^#

發表於 22-6-17 10:03 |只看該作者

itssuck 發表於 22-6-17 00:31
同埋佢delete 得對話，都一定係身有屎先delete, 我唔知佢地傾左幾耐同傾到有幾deep , 唉晚晚都瘋狂無限放 ...

咁又唔一定，可能就係表面和諧廢事你問到煩/ 無唸過被發現一驚就消滅證據先，未必係delete咗就等於有啲乜，如果案情真係唔嚴重，可能佢都覺得自己蠢咗不應咁快delete搞到你無限幻想

私人傳訊

shpfamily

伯爵府

積分: 16747

18^#

發表於 22-6-17 09:43 |只看該作者

準備移民, 即係乜都斷啦。咁我會原諒啦, 當佢無聊貪玩搵下人傾計。
移左民...再盯下囉。

私人傳訊

小菜豆

公爵府

積分: 27298

2025勳章 2025勳章蛇年勳章 2024年龍年勳章

17^#

發表於 22-6-17 09:38 |只看該作者

"而又不斷上黎呢度趴文，發現好多都係覺得男人有呢個開始已經係想出軌，愈睇愈打定輸數，好痛苦"
"睇完bk d post 仲唔開心，唔知可以點，"

比較擔心妳情緒, 似乎生完BB一年產後抑鬱...抑鬱的對象是老公, 將討論區個別最差情況(ie老公出軌)幻想發生自己身上, 無限放大及輪迴, 製造恐懼和擔心。
我當年疑似產前抑鬱, 抑鬱對象是BB, 將討論區個別最差情況(ieBB忽然胎死腹中)幻想發生自己身上, 無限放大及輪迴, 製造恐懼和擔心。
當年見醫生, 話太受網絡資訊影響, 建議暫停上討論區睇負面資訊。返回現實, 搵朋友傾計分擔。或者妳搵專業人仕協助。
從妳文中睇, 妳老公相處沒有問題, 亦配合妳釋除疑慮, 反而妳越做越多影響兩人關係的事。