本帖最後由 choyki 於 22-9-25 13:12 編輯
candycheng2478 發表於 22-9-23 14:48 
想問月供股票方面有咩唔同？
因為我係一個app做曬啲投資嘢 （有啲懶）
而家無做月供 想學下嘢
我係喺南商月供股票嘅，而家停咗供，但未賣出，坐緊艇，息繼續收。
南商月供股票嘅收費模式與一筆過買賣股票嘅收費模式唔同，基本上二者可以當係兩個戶口，各有各嘅收費模式。
一筆過買賣股票嘅收費模式大家都知，唔使講。
月供股票嘅收費模式則類似月供基金嘅收費模式，
> 月供基金：供時收認購費，無存倉費，無代收股息手續費。
> 月供股票：供時收手續費，無存倉費，無代收股息手續費。
但賣出時可能唔同，月供基金賣出時無手續費，月供股票賣出時可能有收費（因為我未賣過，唔知有無收費，所以只係「可能」）。
此外，月供基金供時收認購費與月供股票供時收手續費亦有少少唔同，月供基金無論金額大小都係收一個比率，月供股票則視乎金額大小而有分別，$20,000 或以上都係收一個比率，但少過 $20,000 則收最低收費，金額小的話，費率很高。
我係因為當時做推廣，首三年免供款手續費（先收後回）才供的，三年後便停供，停供後亦不會轉為一筆過買賣股票嘅收費模式，停供後依然係月供股票嘅收費模式。基本上一筆過買賣與月供係兩個戶口，停供後依然係月供戶口，唔會轉為一筆過買賣戶口。
中銀嘅收費模式一樣，其他銀行則唔知，證券行則好似唔同。
我係收費敏感，會格價，所以唔同嘅投資會喺唔同地方做。
我做月供股票系統。 講笑。 不是。
我做證券，認識做月供股票系統的人。 也是講笑。 不是。
向證券公司推銷月供股票系統不容易，需找多些水魚月供股票。
發表於 
返回列表
