自由講場今日: 78|主題: 1369695

收藏本版

回覆發帖

返回列表

跳至頁

查看: 3724 | 回覆: 34

葵涌廣場美食街湧現大量吉舖網民歸納變死場5大死因:個場.. [複製鏈接]

elbar

公爵府

積分: 28659

1^#

發表於 5 天前 |只看該作者 |正序瀏覽 |打印

一代平民美食天堂、學生潮流勝地風光不再？近日社交平台上一則帖文掀起廣泛討論，有網民驚覺葵涌廣場昔日熙來攘往的美食街，如今竟變得異常冷清。帖文迅即獲數千人轉載，引發大批市民留言分享所見所聞，有人更直言路過時被眼前景象「嚇一跳」。這座曾被譽為「平民美食天堂」的商場，究竟為何落得如斯田地？

日前，有網民於Threads平台上載葵涌廣場2樓實況照片，從相中可見昔日排滿小食檔的走廊如今吉舖處處，門上掛滿一張張的招租廣告，場面冷清。發文者更驚訝表示「嘩葵涌廣場2樓咩事？以前成條美食街勁迫，而家執晒咁滯⋯⋯得返嗰間魚蛋燒賣飯」。該帖文迅即吸引逾6,000個轉載分享，不少市民紛表共鳴，指近日親身路過時同樣被眼前景象震懾，坦言感到震驚之餘，亦為之唏噓。

綜合網民意見，普遍認為葵涌廣場由盛轉衰並非單一原因造成，而是多重因素疊加下的結果，當中以租金問題、食物性價比、商場環境、規劃混亂及北上消費等五大死因最受關注。

死因一：租金瘋狂飆升　小商戶被迫離場

租金高企是網民炮轟最烈的焦點。有留言直言，「個業主有病，咁嘅環境仲加幾倍租，點做得住」，亦有網民披露行內實況，「租舖其實成日都有一個不成文嘅規矩，就係本身個舖位可能只係兩萬蚊租，但係聽到你做飲食業就會加到上去五萬七萬九萬，真人真事，唔止係講緊葵涌廣場，好多街舖都係」。更有網民指出「間間都4-5萬，甚至更高，計呎租仲貴過地舖」，當生意額追不上租金增幅，商戶只好選擇離場。

死因二：小食變「大食」　價格升幅難接受

食物價格不斷上漲，同樣趕客。有留言狠批「無野好食，大陸野扮香港野，小食變晒大食，$40-60一份，嚟食小食，變左食正餐咁，仲要唔好食」。連鎖效應下，愈來愈多人寧願另覓地方消費。有網民更直言「我而家都無興趣行葵涌廣場」，反映昔日以廉價小食作招徠的葵涌廣場，如今已失去其最大優勢。

死因三：冷氣長期失修　夏日如焗桑拿

商場環境欠佳，亦令不少顧客卻步。有留言投訴「個場啲冷氣，好多都壞左，業主都唔肯整」，另一網民亦指「個商場好熱，真係唔想行」。有市民更從消費習慣角度分析：「其實葵涌廣場啲野越嚟越貴，鋪租無坐喺到嘅貴，但野食要企喺到食，加上依家365日夏天，咁不如搵一間鋪好好地坐喺到食」。在高溫天氣下，一個連冷氣也欠奉的商場，確實難以留住客人。

死因四：規劃混亂欠通風　魚蛋味飄入時裝店

有網民直指商場設計存有根本缺陷：「其實葵涌廣場係一個好無規劃嘅商場，你喺A舖篤魚蛋隔籬舖就係賣衫，啲咖喱味傳晒過隔離間舖啲衫都唔使要啦！其實應該按種類分層，一層係專做飲食或者美食廣場之類嘅同埋做好啲抽風通風咁樣會好啲囉！」

死因五：北上消費成風　特色盡失難留客

中港全面通關後，港人北上消費已成趨勢。與此同時，場內店舖質素亦為人詬病，有留言批評「賣晒淘寶野，無晒特色」，失去了昔日多元化、特色小店林立的吸引力。更有網民將問題歸咎於個別商戶的變動，直言「走左章魚無雙之後人流少左好多」，亦有市民表示「開咗間螺螄粉之後無再去」，反映商戶組合的改變同樣影響着整體客流量。

面對吉舖處處的現狀，有網民慨嘆「一代葵涌廣場搞到咁，呢D時候就唔應該不停加租啦，搞到個場爛晒想夠返都唔係咁容易」。