吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 終於諗通了-----支唔支持我???

婆媳關係今日: 0|主題: 27782

收藏本版

發帖

返回列表

跳至頁

查看: 3754 | 回覆: 26

終於諗通了-----支唔支持我??? [複製鏈接]

aprilsky

洋房

積分: 31

1^#

發表於 09-8-13 10:54 |只看該作者 |正序瀏覽 |打印

多謝你係我人生最需要支持的時候給我動力,
多謝你係我最唔開心的日子你帶給我快樂,
多謝你係呢7年的日子裡給我依靠,

現在,

我終於覺悟了, 我知道我在你心目中係什麼地位
無論在你屋企聽了什麼難聽的說話,
比人陷害, 我都冇同你呻過一句,
衹因為知道你在乎你屋企人,

在言語中出現左你唔啱聽既字, 你就唔開心, 發皮氣, 俾面色我睇, 你全家都係好人, 唯獨我唔係.

無論你既兄嫂對我幾咁惡劣,
你都要我話佢"好",
因為佢地係你既家人,
唔好意思, 我做唔到,
我講唔出遺背自己良心的說話,

我只可以同你講:

我選擇放棄, 因為我想選擇我自己的生活,
我選擇離開, 因為我想你找一個可以包容你整個家庭的她.

我會努力學習, 面對新既生活!

0 0 0

私人傳訊

pomanlife

彩鑽殿

積分: 610209

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

27^#

發表於 09-8-15 12:15 |只看該作者

原帖由 小寶貝兒 於 09-8-14 22:34 發表

我問題就係99, 你果個就係大陸嫂~

對付方法都一樣, say hi say bye, 唔出聲, 借埋阿陳對耳, 咩都唔上心, 真係嬲爆時, 咪上網數臭佢囉! 再唔係趁屋企冇人時就大大聲講晒粗口咁鬧爆佢囉~ (我都試過架!)

我99比你老 ...

小寶貝兒,
你講既野, 我好有同感呀, 不過嗰個人唔係99, 又唔係大陸嫂, 而係太99.

太99係傳統福建女人, 佢唔鐘意人地既意見同佢唔同, 如果老公講錯一句野, 佢就會發晒顛咁.

拍緊拖嗰時, 老公唔知激嬲左佢d乜, 佢唔采老公已經有幾日, 咁我去到佢屋企, 食完飯臨走先見佢出現, 咁我咪同佢講聲"婆婆我走喇" 佢答我, 走咪走囉, 好快d走. 我問老公佢做咩, 老公話佢自己激嬲左佢, 依家連我都嬲埋.

到左結婚, 我地用廣東既結婚習俗, 要俾禮金呀, 各樣各樣, 佢又係唔鐘意, 又嬲左老公, 又話老公做咩要聽女家講, 佢地男家d習俗點解唔用, 又話我嫁入去要"入鄉隨俗", 老公話唔洗跟佢福建例, 佢咁就嬲左. 嬲到我地結婚時都未嬲完, 老公叫左佢去飲, 佢都唔去, 事後仲周圍同人講老公冇叫佢去.

入左門, 我見到佢, 叫聲婆婆, 因為佢係99媽咪, 係老公外婆, 所以應該叫婆婆, 咁都冇叫錯, 你話啱唔啱! 佢就話我叫得唔啱, 要叫佢做阿"麻". (佢鐘意點就點, 雖然唔岩, 我都費事駁佢嘴, 都知佢係個咩人)

以前一齊住, 見到佢我都係叫佢"早晨", 夜晚見到佢就問佢食飯未, 我唔會同佢講第二句, 佢同我講野, 我扮聽唔到, or唔識聽, 費事講錯野佢又嬲, 食完飯, 我就搞自己野, 沖涼or入房睇電視.

久而久之, 佢覺得冇引, 即使屋企有人都唔會理佢, 連老公係度都唔會同佢講野, 老公更加唔會問佢食飯未(老公不撈都唔識咁關心佢既人). 太9同大陸嫂就係一黨既, 佢同大陸嫂最好傾, 可惜有段時間大陸嫂同99嘈左大鑊, 鬧到冇計傾, 唔黎99度, 咁太9日夜都冇人理佢, 最後覺得冇引, 要返鄉下住.

同嗰d咁小氣, 小小野就記成世既人, 最好唔好同佢多說話, 還有鐘意講事講非既大陸嫂都係一樣, 亦都係同佢say hi & bye, 咁就最好呀喇. 唔洗驚講錯野.

私人傳訊

小寶貝兒

珍珠宮

積分: 30295

26^#

發表於 09-8-14 22:34 |只看該作者

原帖由 aprilsky 於 09-8-14 17:38 發表

其實99對我係唔錯既, 只係間中唔知有心冇心咁講左d野姐, 62係"大老"乜度鐘意威, 去邊都要威. 咁我問下c6佢去左邊樹威? 咁佢覺得"威"呢個字係貶低佢老豆. 咁我都冇辦法喇.

9962 d野我已經冇講, 不過佢地唯一唔好就 ...

我問題就係99, 你果個就係大陸嫂~

對付方法都一樣, say hi say bye, 唔出聲, 借埋阿陳對耳, 咩都唔上心, 真係嬲爆時, 咪上網數臭佢囉! 再唔係趁屋企冇人時就大大聲講晒粗口咁鬧爆佢囉~ (我都試過架!)

我99比你老公更"哦哥"!
例如講野要小心, 真係每講一個字都要lun過, 諗埋佢聽左後會點諗, 有少少驚, 就唔好講勒! 仲要諗埋佢聽完後會回咩說話, 你又要回咩說話, 有邊d唔講得, 有邊d講得, 有邊d佢聽完會唔開心, 有邊d佢聽完呢刻冇事但日後會抽後算賬, 有邊d佢一聽到就會發癲!
真係同佢講野仲攰過跑馬拉松!

每次講完一樣野, 你係要記住你講左d咩, 唔係記一陣, 唔係記一個月, 係起碼十年8載, 甚至20年!! 因為我99好興翻舊帳, 我62 廿幾年前講過既一句說話, 佢都記得, 然後再加以扭曲, 再用黎做一次大控訴!

我老公都lai過野, 某日99忽然嬲左我地, 明明前一日仲好地地去飲茶又傾計, 好開心咁, 第2日就忽然嬲左, 我地諗黎諗去, 最近一個月都冇得罪過佢丫, 最後得知, 原來99係嬲個大仔(即我老公)係十幾年前"逼"佢比錢送個2仔去留學, 最後2仔讀書唔成, side左佢d錢, 所以佢就忽然嬲我地勒!
我老公知道後, 咪走向同佢對質囉, 當時我老公係同父母講, 不如比多次機會細佬, 如果屋企真係有困難既, 佢可以出部份錢(因當時已有工作及part time), 就係呢2句說話, 99就話當年佢咁樣講, 即係鬧做父母既冇盡到責任, 要佢呢個做大佬既承擔, 即係逼父母比錢!!

嘩~~ 我真係第一次見識到, 原來一個人例橫折曲起黎, 係可以咁勁既!! 真係甘拜下風!!

我老公之前都會因為我話99點點點而鬧我, 我都有衝動搵紙筆寫底究竟有咩字眼同事情係唔講得, 得閒就攞出黎背下!

不過後尾我發現左個方法, 就係用講笑話既方式~ 仲要講到婉轉d, 聽到都唔係好銀耳果隻, 最搞笑有次我講完, 老公笑左2聲, 先話我, "老婆, 你都幾識串人架喎~"

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

aprilsky

洋房

積分: 31

25^#

發表於 09-8-14 17:47 |只看該作者

原帖由 zxzx 於 09-8-14 15:19 發表
我c6同你個都差不多, 只要係佢家人就永遠對, 我就錯, 不分是非黑白. 我為佢死忍佢家人, 倒頭來佢仲比番氣我受, 超難頂, 我冇子女, 有想過離婚, 因為每日都生活在痛苦裏(我唔係同9962住架,都咁!!!) 因為佢家人, 我 ...

99有排咳, 我試過買左千幾蚊藥材俾佢煲, 佢唔煲開湯飲, 連點煲都唔識, 教左佢煲, 佢唔知係唔係唔識煲, 煲完飲左之後話佢身體受唔到, 唔得. 之後我都唔會再買藥材佢煲喇.

9962冇乜野既, 只係99封建乜野都要拜神, 要搞佢地習俗嗰d野, 我唔認同, 佢成日要c6去搞, c6會好聽話去搞, 不過有時真係行唔開, 唔同成日請幾日假返埋鄉下陪佢顛咩, 呢度唔洗搵食呀? 如果冇左份工點算先?
有時真係會為左呢d野嘈, 咁我叫自私咩??? 我都係為頭家好姐, 希望大家有份工做, 安安穩穩就算, 都唔要求佢搵到錢過大富大貴既日子, 依家風大浪大, 出去咁容易搵返份工咩? 你話係唔係先?

以前拍拖時, 99要佢去搞, 我當然冇問題, 因為嗰時冇自己家庭負擔, 自己搵自己洗, 依家唔同, 依家當然以個家為先, 又唔係拜左即刻變億萬富豪.

c6唔識得分析, 99叫佢做乜就做乜, 99又唔識得為個仔嗰邊諗下, c6覺得99叫到難推, 佢又覺得呢d係要做, 一陣99叫到唔做唔得. 又係乜都聽晒99講.

[ 本帖最後由 aprilsky 於 09-8-14 17:49 編輯 ]

私人傳訊

aprilsky

洋房

積分: 31

24^#

發表於 09-8-14 17:38 |只看該作者

原帖由 小寶貝兒 於 09-8-13 20:36 發表
我諗我其實都要, 應該話, 其實基本上每對夫婦, 或對任何人, 講野前都要3思先好出口, 因為出左口, 就返唔到轉頭!!

我老公都唔like聽到我講, 我呻99點點點, 佢心知肚明佢阿媽係點既人, 佢自己都會同我呻, 但佢唔比我 ...

其實99對我係唔錯既, 只係間中唔知有心冇心咁講左d野姐, 62係"大老"乜度鐘意威, 去邊都要威. 咁我問下c6佢去左邊樹威? 咁佢覺得"威"呢個字係貶低佢老豆. 咁我都冇辦法喇.

9962 d野我已經冇講, 不過佢地唯一唔好就係好多"古老例" eg. 點拜神, 生, 死, 都要搞好多野, 仲勁多唔知乜既習俗, 我唔係好認同呢d封建既野.
不過我只係唔認同, 冇講過d乜既.

9962都冇咩是非我講, 大陸嫂就鐘意無中生有, "無滅"我既人, 咁我自己都要保護自己, 有咩唔啱?

噚日我冇理到c6, 亦都冇打電話俾佢, 佢打電話俾我, 有一次聽, 一次唔聽, 一次聽, 一次唔聽咁... ...

佢好似當冇事發生過咁.... .... 唔知佢想點.

私人傳訊

zxzx

伯爵府

積分: 17363

23^#

發表於 09-8-14 15:19 |只看該作者

我c6同你個都差不多, 只要係佢家人就永遠對, 我就錯, 不分是非黑白. 我為佢死忍佢家人, 倒頭來佢仲比番氣我受, 超難頂, 我冇子女, 有想過離婚, 因為每日都生活在痛苦裏(我唔係同9962住架,都咁!!!) 因為佢家人, 我地感情開始差, 老實講唔差就有鬼, 就算自己係被動.

到最後, 我分析過冇佢家人(冇提佢地), 其實我同c6好sweet架, 之後我冇再同c6講佢家人, 講都冇用, 盞傷感情, 我同佢restore番感情先. 好衰咁衰, 有次我買貴藥材比99補身, 62好惡一句就話唔要我d野叫我law番走, 我拿住送比佢都唔知"店"好, 個時c6見到晒, 佢冇出聲 (是與非佢知ge, 但我唔洗佢出面幫我, 唔通叫佢鬧番62咩), 我亦冇complain, but之後買野比佢地,有時(平靜地/扮委屈)會話唔知62會唔會好似上次咁唔要我d野呢.

我就用左比佢見呢招, 因為事實勝於雄辯.

切忌比"第三者" (如男家,子女,事業etc.)破壞自己ge婚姻.

[ 本帖最後由 zxzx 於 09-8-14 15:31 編輯 ]

私人傳訊

catherineleungg

男爵府

積分: 5883

22^#

發表於 09-8-14 14:10 |只看該作者

你C6係你自己揀, 你想一想點解你當初會同佢結婚呢? 你愛唔愛佢? 加上你有小朋友, 真係要想清楚才好作決定, 唔好因一時之氣而後悔呀.

基本上個個男人都係咁, 我個C6都係咁, 如果你真係好嬲, 咪行開下冷靜下先, 而呢個時候我通常會搵我家人傾訴, 跟住等啖氣消咗, 先啋番C6, 嬲的期間我係唔會同C6講任何嘢, 因為講咩都無用, 對牛彈琴, 所以留番啖氣暖肚好過.

私人傳訊

boobecky

伯爵府

積分: 17328

畀面勳章

21^#

發表於 09-8-14 10:17 |只看該作者

其實我都明白樓主唔係因為一個大6人而離婚既
睇得出你c6好尊橫, 自己做乜都得
大男人
我估樓主係忍唔到呢d啫

私人傳訊

十一月

大宅

積分: 1900

20^#

發表於 09-8-14 00:01 |只看該作者

UM, 睇完樓主情況, 既要忍受c6脾氣, 又要忍受佢屋企人閒言閒語, 真係好辛苦。
我c6佢好怕人煩, 我好早就知, 我亦都唔要求佢維護我, 我係以保護自己方式同佢屋企人相處, 久而久之, 佢屋企人唔會惹我, 但我一出佢家門就好似無野發生, 照同c6有講有笑, c6奈我唔何, 佢知佢有意見就會同我嘈, 但我扮無野時, 佢有會扮無事, 在家我唔會過問佢屋企事, 亦唔會同佢呻半句, 反正呻都會兩公婆嘈。所以我選擇自己同佢屋企人過招, 如果c6要面咪唔係佢面前講羅, 大家鬥假, 我成日覺得邊個投訴得多, 就邊個輸。
我試過教我朋友都係咁做, 佢c6係孝順仔, 佢阿媽成日趁個仔唔喺度比說話我朋友聽, 我朋友硬食, 唔出聲, 返來同我地呻, 我都係叫佢, 佢阿媽可以趁個仔唔喺度話你, 你都可以當場話佢, 到c6聽完佢阿媽投訴你, 你可以反口, 好過個c6話你只有聽你投訴佢阿媽, 佢阿媽都無投訴過你(梗係啦, 話人嗰個邊會投訴呀, 多餘)

私人傳訊

小寶貝兒

珍珠宮

積分: 30295

19^#

發表於 09-8-13 20:36 |只看該作者

我諗我其實都要, 應該話, 其實基本上每對夫婦, 或對任何人, 講野前都要3思先好出口, 因為出左口, 就返唔到轉頭!!

我老公都唔like聽到我講, 我呻99點點點, 佢心知肚明佢阿媽係點既人, 佢自己都會同我呻, 但佢唔比我講, 試過有次我為左唔想過佢媽度食飯, 鬧左我足足15分鐘(之前唔出聲嬲左幾個鐘), 最後講左一句 "我媽佢對你好差咩!!"

我本來好嬲, 聽到呢句真係覺得好笑! 我問返佢:"你心知肚明你媽點對我, 如果你覺得咁樣都叫做好, 我冇野好講!!"
(之後我就關埋自己係間房, 一個人喊, 一個男人, 覺得阿媽咁樣對自己老婆都叫做好既話, 我無話可說啦! 好彩之後佢都知道講錯野, 走黎氹返我!)

但往後我就同佢約定, 我唔係佢面前再講99點點點, 但我係網上點樣講, 佢不能控制同理會!

咁之後99一對我唔好, 我咪上網數臭佢囉! 發洩左d悶氣, 怨氣, 又可以笑面迎老公啦!

男人, 最怕就係煩, 邊個煩佢少d, 佢就鍚邊個多d!
我而家冇再係佢面前講99點點點, 反而99就成日煩住佢, 咪搞到佢自己都唔想理99囉!!

係長期抗戰黎架啦! 仲好辛苦添! 我都試過幾次被99煩, 想同老公呻又被佢鬧, 搞到我情緒好抑鬱, 好想自殺, 好彩我仲有家人支持我, 成日陪我傾計, 唔係我應該唔可以係度同你長編大論了!!

你要努力, 唔好再講佢家人一句說話, 再努力比d家庭溫暖你老公, 而且我諗你bb仲細, 唔會咁好玩, 到大個d, 1,2歲, 識行識走識講野, 你老公就會開始覺得bb好玩, 你再以比多d教育bb為理由, 個個星期六日都安排活動一家三口去玩(去沙灘, 去博物館, 去行山), 慢慢你老公就會覺得呢個家溫馨可愛架啦!!

努力!! 千祈咪比d外人打敗, 佢地就係想睇住你死, 你就偏偏活得比佢好!!!

私人傳訊

aprilsky

洋房

積分: 31

18^#

發表於 09-8-13 17:58 |只看該作者

唔知你地既老公有冇咁既問題, 佢要你覺得佢屋企好, 要你接受佢屋企每個人, 仲要和睦共處.
即使係自己3人世界, 佢都覺得唔及佢以前既"家"好, 覺得我係搞分裂, 要佢離開佢既"家".

平時佢屋企d閒語閒語, 單打既說話, 我已經左耳入右耳出喇, 從來冇同佢提過.

我同佢反應返情況佢不嬲都唔啱聽, 覺得我多事, 理埋佢屋企既野, 自從咁之後, 我都好少理, 有時我有意見, 想提出黎, 佢永遠都唔俾, 佢仲話我咁有咩問題姐??? 成日話自己唔做醜人, 唔反應意見.
咁我都算喇, 冇出聲, 死忍!!!

噚晚只係講左一個佢唔啱聽既字, 關於佢屋企人既, 因為佢屋企人仲意"威", 我就用左呢個字, 佢就唔滿意, 就係度發皮四.

我好唔開心, 佢屋企人講既野幾難聽我都啃左, 一個字唔啱聽即變臉, 咁我啃左咁多野, 我都唔好受, 唔同我開唔開心都由佢控制, 同佢一齊生活要睇佢面色??? 況且呢個字係小事, 佢覺得"威"係負面意思, 仲叫我唔好同佢解釋唔好兜, 用呢個字並冇任何是非, 當係一個形容詞咁講, 亦冇諗過帶負面意思, 佢咁都唔滿意?

依家bb仲未懂事, 與其第日兩公婆嗌交, 攪到小朋友都唔開心, 倒不如依家做決定, 可以選擇過自己鐘意過既日子, 唔洗同佢講每句說話都要提心吊膽, 戰戰兢兢, 驚用錯字眼佢又發老皮.

試問下你地同老公講野洗唔洗咁? 洗唔洗每句野每過字都要汁過先, 睇下出唔出得口先講???

私人傳訊

WING1004

大宅

積分: 2893

17^#

發表於 09-8-13 16:03 |只看該作者

為左個小朋友好一定要諗清楚. 或者分開一斷時間比大家冷靜一下, 可能令你老公以後更懂珍惜妳

私人傳訊

ggmui

複式洋房

積分: 343

16^#

發表於 09-8-13 15:38 |只看該作者

真係諗通咗? 有冇問自己E個係咪自己最想要嘅結果? 有冇試吓其他方法去解決問題，係咪人哋對自己做乜講乜都要放係心上。

我唔知發生咗啲乜嘢事導致你同C6嘅關係變成咁，但係自己係咪完全無責任呢? 如果你俾佢哋由一開始就蝦你，你都有責任㗎喎，因為你無同佢哋表達你嘅不滿，唔只同C6講，仲要同佢哋講。

今晚返屋企，攞返啲結婚相，旅行相，BB出世相睇睇，問吓自己係咪從拍拖到現在都未開心過，定係啲開心事其實可以蓋過啲唔開心事，祝你好運!