婆媳關係 今日: 0 | 主題: 27782

積分: 31

1^#

發表於 09-8-13 10:54 |只看該作者 |倒序瀏覽 |打印

多謝你係我人生最需要支持的時候給我動力,
多謝你係我最唔開心的日子你帶給我快樂,
多謝你係呢7年的日子裡給我依靠,

現在,

我終於覺悟了, 我知道我在你心目中係什麼地位
無論在你屋企聽了什麼難聽的說話,
比人陷害, 我都冇同你呻過一句,
衹因為知道你在乎你屋企人,

在言語中出現左你唔啱聽既字, 你就唔開心, 發皮氣, 俾面色我睇, 你全家都係好人, 唯獨我唔係.

無論你既兄嫂對我幾咁惡劣,
你都要我話佢"好",
因為佢地係你既家人,
唔好意思, 我做唔到,
我講唔出遺背自己良心的說話,

我只可以同你講:

我選擇放棄, 因為我想選擇我自己的生活,
我選擇離開, 因為我想你找一個可以包容你整個家庭的她.

我會努力學習, 面對新既生活!

0 0 0

私人傳訊

AM0809

民房

積分: 76

2^#

發表於 09-8-13 11:05 |只看該作者

原帖由 aprilsky 於 09-8-13 10:54 發表
多謝你係我人生最需要支持的時候給我動力,
多謝你係我最唔開心的日子你帶給我快樂,
多謝你係呢7年的日子裡給我依靠,

現在,

我終於覺悟了, 我知道我在你心目中係什麼地位
無論在你屋企聽了什麼難聽的說話,
比人陷害 ...

作決定先前真係要多的時間去諗清楚,如果唔係會後悔ga!

私人傳訊

clee90210

積分: 1705

3^#

發表於 09-8-13 11:18 |只看該作者

為左咁而選擇離開? 咁咪即係輸?
我唔會支持你走我會支持你反抗!!

有冇小朋友?

私人傳訊

積分: 31

4^#

發表於 09-8-13 11:50 |只看該作者

原帖由 clee90210 於 09-8-13 11:18 發表
為左咁而選擇離開? 咁咪即係輸?
我唔會支持你走我會支持你反抗!!

有冇小朋友?

反抗會令人更加討厭,
選擇離開佢,
都係因為我想選擇自己同小朋友一齊既生活,
我唔係唔鐘意佢屋企,
只係佢屋企既大陸嫂令我討厭,
不過佢都要維護住佢,
我~~~~
連呻都唔可以呻下佢唔好,
佢會話佢都係一家人,
點解我包容唔到????

冇錯, 我係唔可以包容到佢屋企既呢個人, 我唔想為左d咁小既事係度成人嘈, 仲要睇佢面色做人, 咁落去會好辛苦, 反正依家小朋友仲細, 佢應該好快可以適應到.

私人傳訊

montana

子爵府

積分: 13938

醒目開學勳章畀面勳章 BK Milk勳章

5^#

發表於 09-8-13 12:14 |只看該作者

為左一個大6嫂而離婚值得咩???

私人傳訊

積分: 31

6^#

發表於 09-8-13 12:29 |只看該作者

原帖由 montana 於 09-8-13 12:14 發表
為左一個大6嫂而離婚值得咩???

唔係為左大陸嫂而離婚, 而係唔想對住一個唔維護自己, 又唔理自己老婆受委屈既人一齊生活喇, 更加唔想我既開心同埋唔開心好似由佢來支配咁.

佢覺得佢屋企係最好既, 我地既小家庭並不溫馨, 我讓他重投佢家既懷抱... ...

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

7^#

發表於 09-8-13 12:30 |只看該作者

我諗樓主係對個老公灰心, 大6嫂只係導火線. 如果樓主老公係真心愛護樓主, 就唔會無理要求樓主去遷就人. 大6嫂係屋企人, 唔通老婆唔係屋企人? 如果老婆都唔夠大嫂親, 咁做佢老婆又有乜意義呢?

私人傳訊

060905

男爵府

積分: 6052

8^#

發表於 09-8-13 12:38 |只看該作者

想清楚, 為左外人離婚, 真係值得?? 雖然我都曾經為6299, 姑9佢地搞到想離婚, 但最後都無, 我並唔係叫你啞忍, 真係無方法改變你老公嗎?? 我以前老公都係極維護佢屋企人, 但如今我覺得他維護我多些, 或許他知如果佢唔改我終會有一日離開他呢！

原帖由 tantanmama 於 09-8-13 12:30 發表
我諗樓主係對個老公灰心, 大6嫂只係導火線. 如果樓主老公係真心愛護樓主, 就唔會無理要求樓主去遷就人. 大6嫂係屋企人, 唔通老婆唔係屋企人? 如果老婆都唔夠大嫂親, 咁做佢老婆又有乜意義呢? ...

私人傳訊

A.C.C.

積分: 3786

9^#

發表於 09-8-13 13:04 |只看該作者

試下同你老公搵輔導, 再唔係就先分居俾十家時間空間諗清楚.

私人傳訊

已刪除用戶

已刪除用户

積分: 20771

2018復活節勳章開心吸收勳章育兒性格勳章畀面勳章 15週年勳章親子王國15週年勳章

10^#

發表於 09-8-13 13:32 |只看該作者

提示: 作者被禁止或刪除內容自動屏蔽

私人傳訊

FM94.8

禁止訪問

積分: 3310

11^#

發表於 09-8-13 13:34 |只看該作者

提示: 作者被禁止或刪除內容自動屏蔽

私人傳訊

巴士媽咪

複式洋房

積分: 257

12^#

發表於 09-8-13 13:43 |只看該作者

先唔好講你阿嫂點，重點係，你仲鍾唔鍾意你老公﹖你同老公仲有無感情﹖如果仲有既話，你真係要再重新考慮你既決定

私人傳訊

corylai

複式洋房

積分: 465

13^#

發表於 09-8-13 15:02 |只看該作者

要堅持呀

如果你仲愛你老公就唔好因為個大陸婆而離婚，你同老公係對一世嘅唔好同個女人，所以你唔好放棄呀！況且你仲有小朋友呢。。。

私人傳訊

Angel_BB

珍珠宮

積分: 40111

畀面勳章環保接龍勳章大廚勳章

14^#

發表於 09-8-13 15:15 |只看該作者

小朋友係無辜架！單親家庭亦未必好似你想得咁簡單... 不如同你老公坐低傾下啦！

私人傳訊

pakyumama

伯爵府

積分: 18482

虎到金來勳章

15^#

發表於 09-8-13 15:19 |只看該作者

或者搬出去住過3人世界會否好d呢

私人傳訊

ggmui

複式洋房

積分: 343

16^#

發表於 09-8-13 15:38 |只看該作者

真係諗通咗? 有冇問自己E個係咪自己最想要嘅結果? 有冇試吓其他方法去解決問題，係咪人哋對自己做乜講乜都要放係心上。

我唔知發生咗啲乜嘢事導致你同C6嘅關係變成咁，但係自己係咪完全無責任呢? 如果你俾佢哋由一開始就蝦你，你都有責任㗎喎，因為你無同佢哋表達你嘅不滿，唔只同C6講，仲要同佢哋講。

今晚返屋企，攞返啲結婚相，旅行相，BB出世相睇睇，問吓自己係咪從拍拖到現在都未開心過，定係啲開心事其實可以蓋過啲唔開心事，祝你好運!

私人傳訊

WING1004

積分: 2893

17^#

發表於 09-8-13 16:03 |只看該作者

為左個小朋友好一定要諗清楚. 或者分開一斷時間比大家冷靜一下, 可能令你老公以後更懂珍惜妳

私人傳訊

積分: 31

18^#

發表於 09-8-13 17:58 |只看該作者

唔知你地既老公有冇咁既問題, 佢要你覺得佢屋企好, 要你接受佢屋企每個人, 仲要和睦共處.
即使係自己3人世界, 佢都覺得唔及佢以前既"家"好, 覺得我係搞分裂, 要佢離開佢既"家".

平時佢屋企d閒語閒語, 單打既說話, 我已經左耳入右耳出喇, 從來冇同佢提過.

我同佢反應返情況佢不嬲都唔啱聽, 覺得我多事, 理埋佢屋企既野, 自從咁之後, 我都好少理, 有時我有意見, 想提出黎, 佢永遠都唔俾, 佢仲話我咁有咩問題姐??? 成日話自己唔做醜人, 唔反應意見.
咁我都算喇, 冇出聲, 死忍!!!

噚晚只係講左一個佢唔啱聽既字, 關於佢屋企人既, 因為佢屋企人仲意"威", 我就用左呢個字, 佢就唔滿意, 就係度發皮四.

我好唔開心, 佢屋企人講既野幾難聽我都啃左, 一個字唔啱聽即變臉, 咁我啃左咁多野, 我都唔好受, 唔同我開唔開心都由佢控制, 同佢一齊生活要睇佢面色??? 況且呢個字係小事, 佢覺得"威"係負面意思, 仲叫我唔好同佢解釋唔好兜, 用呢個字並冇任何是非, 當係一個形容詞咁講, 亦冇諗過帶負面意思, 佢咁都唔滿意?

依家bb仲未懂事, 與其第日兩公婆嗌交, 攪到小朋友都唔開心, 倒不如依家做決定, 可以選擇過自己鐘意過既日子, 唔洗同佢講每句說話都要提心吊膽, 戰戰兢兢, 驚用錯字眼佢又發老皮.

試問下你地同老公講野洗唔洗咁? 洗唔洗每句野每過字都要汁過先, 睇下出唔出得口先講???

私人傳訊

小寶貝兒

珍珠宮

積分: 30295

19^#

發表於 09-8-13 20:36 |只看該作者

我諗我其實都要, 應該話, 其實基本上每對夫婦, 或對任何人, 講野前都要3思先好出口, 因為出左口, 就返唔到轉頭!!

我老公都唔like聽到我講, 我呻99點點點, 佢心知肚明佢阿媽係點既人, 佢自己都會同我呻, 但佢唔比我講, 試過有次我為左唔想過佢媽度食飯, 鬧左我足足15分鐘(之前唔出聲嬲左幾個鐘), 最後講左一句 "我媽佢對你好差咩!!"

我本來好嬲, 聽到呢句真係覺得好笑! 我問返佢:"你心知肚明你媽點對我, 如果你覺得咁樣都叫做好, 我冇野好講!!"
(之後我就關埋自己係間房, 一個人喊, 一個男人, 覺得阿媽咁樣對自己老婆都叫做好既話, 我無話可說啦! 好彩之後佢都知道講錯野, 走黎氹返我!)

但往後我就同佢約定, 我唔係佢面前再講99點點點, 但我係網上點樣講, 佢不能控制同理會!

咁之後99一對我唔好, 我咪上網數臭佢囉! 發洩左d悶氣, 怨氣, 又可以笑面迎老公啦!

男人, 最怕就係煩, 邊個煩佢少d, 佢就鍚邊個多d!
我而家冇再係佢面前講99點點點, 反而99就成日煩住佢, 咪搞到佢自己都唔想理99囉!!

係長期抗戰黎架啦! 仲好辛苦添! 我都試過幾次被99煩, 想同老公呻又被佢鬧, 搞到我情緒好抑鬱, 好想自殺, 好彩我仲有家人支持我, 成日陪我傾計, 唔係我應該唔可以係度同你長編大論了!!

你要努力, 唔好再講佢家人一句說話, 再努力比d家庭溫暖你老公, 而且我諗你bb仲細, 唔會咁好玩, 到大個d, 1,2歲, 識行識走識講野, 你老公就會開始覺得bb好玩, 你再以比多d教育bb為理由, 個個星期六日都安排活動一家三口去玩(去沙灘, 去博物館, 去行山), 慢慢你老公就會覺得呢個家溫馨可愛架啦!!

努力!! 千祈咪比d外人打敗, 佢地就係想睇住你死, 你就偏偏活得比佢好!!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

十一月