夫婦情感 今日: 0 | 主題: 42751

積分: 1175

1^#

發表於 09-9-15 00:35 |只看該作者 |正序瀏覽 |打印

好辛苦好辛苦捱過咗最痛苦的時間, 今晚突然想上嚟講吓野.

我好細個拍拖..13歲識到宜家呢個老公, 雖然散過好多次, 但都可以20歲同佢結婚, 今時今日結咗婚巳經12年....有兩個仔, 大既5歲, 細既2歲. 一直以來都覺得自己好幸褔, 有個好老公, 成份人工比晒我處理, 難得既係佢當差咁多年都無壞; 我一直都有工作, 生活方面算得上幾好.

今年6月頭, 老公突然對我唔抽唔睬...好似好憎我咁..問佢咩事..傾又傾過, 佢話無第三者, 只係覺得越來越同我相處唔到, 話我成日鬧佢飲酒,打機等等, 佢想自己一個人生活, 佢想要自由...呢件事一路拖拖拖, 拖到7月18日, 佢自己同我講, 佢好多野呃住我...唔想再呃我, 佢真係比我估中佢有婚外情,那個八婆亦係我一路懷疑那個佢係facebook打機識的又肥又醜既女人.....我崩潰過, 真係崩潰...想過死...但唸到呢個男人一直以來都唔理兩個仔, 如果我死咗兩個仔一定好慘.. 我亦曾經兩次搬回娘家, 最後,當自己冷靜下來才搬回家. 我搬走咁耐, 佢無搵過我叫我回家, 亦依舊同條豬扒一齊.

好多朋友佢既同事都同佢傾過, 佢亦帶埋件豬扒出去同d朋友同事食飯飲酒. 佢同人講話咁多年嚟忍得我好辛苦,話我生完第二個仔後成個人變晒, 話我成日鬧人好似癲咗咁, 又話我成日話佢飲酒, 打機. 連佢d同事都話點解佢明知我生完仔後有產後抑鬱都唔可以體諒, 佢話如果佢唔體諒我, 佢巳經一早走咗, 唔駛等到宜家, 佢話條豬扒既出現係導火線, 人地問佢想點, 佢話婚就一定唔會離, 因為佢知道兩個仔要屋住, 因為我地係住宿舍的, 如果離婚就要交番間宿舍比政府, 佢話佢宜家真係好鍾意件豬扒, 佢唔會放棄佢, 因為豬扒唔管佢, 好明白佢, 又可陪佢飲酒, 雖知佢巳結婚仲有兩個仔, 但豬扒唔迫佢, 佢真係好愛佢.(佢可以同我講埋同豬扒連床都上埋), 咁同事問佢同我係咪無彎轉, 佢又話唔係既, 但要時間囉. 又話呢一刻真係好鍾意豬扒. 同事又話, 如果你係要選擇豬扒咁唔該你起身, 要行就行, 唔好拖累人, 但佢又唔離婚. 佢亦話好想搬出去一個人住, 佢重同我講過, 話好想搬出去一個人住半年或一年, 但唔係同豬扒住, 只係覺得自己適合一個人生活, 但佢問我可否保証不輪佢搬出去半年定一年, 我都唔會識第二個男人....我覺得佢巳經痴晒線. 仲要早幾日比我發現佢用手機從網上影咗一D深圳桑拿地址同埋一D骨女的相.....我覺得好恐怖...佢好似變咗第二個人咁. 因為佢以往從來都好抗拒大陸女人...我唔知佢宜家點解會咁...

今時今日, 我巳經決定唔理佢, 佢唔離婚唔緊要, 只要每個月出糧我有錢攞 (佢依然比我係戶口過錢走), 我繼續有屋住, 我就唔理佢, 佢宜家一個星期只會回來一或兩晚, 但每次返嚟佢又可以攬住我訓什至搞我添, 之前成年, 佢每晚都係鎖埋電腦房門打機打通宵, 天光先入房訓, 我巳經過了成年接近單親的生活...今時今日, 佢又可以返親嚟都攬住我訓.

實在我今時今日唔係刻意去等佢, 只係想在唔影響兩個仔的生活環境下...繼續過自己同兩個仔的生活. 我唔知咁做啱唔啱, 但佢每次回來我都真係唔係咁想見到佢, 我早幾日曾經同佢講過,如果佢真係同豬扒一齊好開心, 不如佢搬走, 因為我唔想佢影響我同兩個仔的生活, 我唔想在兩個仔的成長過程比個錯既概念佢地...以為爸爸係可以成日都唔返屋企...全無親子關係的...唉...雖然我巳將他放低80%, 但始終佢時出現時唔出現...唔多唔少對我都有影響, 但我知佢唔搬..可能係因為我唔放錢比佢. 我都唔知咁既生活重要維持幾耐...亦唔知佢會幾時醒, 但我有唸過若然我識到第二個, 我都唔排除我會走, 但問題係...今時今日我有兩個仔...巳經唔係咁容易搵到第二個男人.

好長篇, 但希望大家唔好介意我上嚟吐吓苦水 !

Thank you.

0 0 0

私人傳訊

老來嬌

別墅

積分: 591

81^#

發表於 09-10-12 00:55 |只看該作者

你都算好忍耐力

原帖由 Evolution6 於 09-10-11 22:09 發表
上星期初...佢主動話同我過生日, 本來唸住唔提...點知再後都講起呢個話題....佢成日都話自己無放棄過呢個家...如果佢放棄個家...佢一早走咗. 佢話自己只係同我性格唔夾.暫時唔想同我一齊, 佢話自己未知會否同件豬扒 ...

私人傳訊

積分: 1175

80^#

發表於 09-10-11 22:09 |只看該作者

回覆 1# 老來嬌的文章

上星期初...佢主動話同我過生日, 本來唸住唔提...點知再後都講起呢個話題....佢成日都話自己無放棄過呢個家...如果佢放棄個家...佢一早走咗. 佢話自己只係同我性格唔夾.暫時唔想同我一齊, 佢話自己未知會否同件豬扒一齊, 但呢刻真係好想搬出去自己住,唔想同我一齊. 佢又話即使佢搬出去..都會一星期返嚟瞓兩至三晚..我火都嚟埋話..你都痴X線架..你出咗去.呢度仲可以比你自出自入咩. 你咪當我白痴啦...咩性格唔夾...咩一個人住, 無件豬扒出現, 你會否無端端話同我唔夾, 你搬咗出去..仲唔同件豬扒日攪夜攪咩...佢真係比豬扒攪到痴咗線. 我宜家只有採取..唔理佢既態度, 佢好攪笑架喎...好似今日咁...係屋企, 佢又好好死..陪兩個仔玩喎..又幫手洗碗喎..呢D野係佢咁多年嚟...好偶然好偶然先會做一兩次既野. 對我既態度又好好架喎...但另一邊廂佢實在又同緊豬扒一齊...但我唔敢再心軟...因為每次我一心軟, 佢就打回原形.

私人傳訊

老來嬌

別墅

積分: 591

79^#

發表於 09-10-11 21:46 |只看該作者

佢仲未良心發現呀

原帖由 Evolution6 於 09-10-11 19:59 發表
都唔明點解佢可以宜家當無事發生...雖然佢話就話最快10月底搬走...同埋佢依然係一個禮拜幾晚唔返嚟訓....同埋我巳經趕咗佢去瞓書房...但佢仲可以返到屋企當無事...今朝仲可以叫我煮麵佢食...好好野囉. ...

私人傳訊

積分: 1175

78^#

發表於 09-10-11 19:59 |只看該作者

回覆 1# Fu_Fu 的文章

都唔明點解佢可以宜家當無事發生...雖然佢話就話最快10月底搬走...同埋佢依然係一個禮拜幾晚唔返嚟訓....同埋我巳經趕咗佢去瞓書房...但佢仲可以返到屋企當無事...今朝仲可以叫我煮麵佢食...好好野囉.

私人傳訊

Fu_Fu

別墅

積分: 632

77^#

發表於 09-9-25 01:21 |只看該作者

Evolution,

其實，你都有工作, 並不斷同社會有接觸,
點解唔再堅强d, 同佢講清楚你唔想佢自出自入影响個人情緒同小朋友身心發展！

既然佢仍然比你分配用佢份糧，你咪分幾仟比佢出去租套房囉！

你只得32歲, 人生路漫漫, 難道成世屈住? 就因為一齊既20年而放棄未來既50年??

我唔想勸人離婚, 但我感覺到你心底深處仍有"等佢回頭既想法", 是否太儍呢?

他就算會回頭，又是否是你想要的那個人呢? 為甚麽要等呢？

放佢自已出去住一年，等你自已清楚自已都有權利去追求開心既生活！起碼你和兩個小孩都較容易去投入"正常生活", 縱然像是單親，但都比現在來得正常！

小朋友是敏感的，相信他們也感受到父親對母親及自已的疏離，父親既飄忽不定對小孩有重要影響

你不想離婚，只要你能忍受到, 也不著急於一時, 但是不要把自已處於太忍耐既情況, 太辛苦自已了

明白你忍耐力很強，但迫得太辛苦, 太抑壓, 真是不好的！

要先懂得真正愛自已，才能找到懂得愛你的人, 若自己也不懂得愛自已, 更不要想其他人會真心保護你

待自已好點吧！

私人傳訊

積分: 29938

好媽媽勳章醒目開學勳章畀面勳章環保接龍勳章

76^#

發表於 09-9-24 23:07 |只看該作者

係社會現實姐, 都要文字表達得流暢有point 麻
我有你的想法, 但沒法流暢表達呢

你老公是警察嗎?
我的普通話只得半桶水

原帖由 serena2009 於 09-9-24 21:08 發表

我住在香港，老公是香港人，我只是不会说广东话。
但是能看的明白和听的明白。嘿嘿～～～
多谢赞我！其实并不是我说的好呀，只是社会现实就是这样的！ ...

私人傳訊

serena2009

複式洋房

積分: 290

75^#

發表於 09-9-24 21:08 |只看該作者

原帖由 wingogo 於 09-9-24 00:06 發表
你說得好好呀, 這也是我的唸法!!
你現在住那裡? hk嗎?

我住在香港，老公是香港人，我只是不会说广东话。
但是能看的明白和听的明白。嘿嘿～～～
多谢赞我！其实并不是我说的好呀，只是社会现实就是这样的！

私人傳訊

積分: 29938

好媽媽勳章醒目開學勳章畀面勳章環保接龍勳章

74^#

發表於 09-9-24 00:54 |只看該作者

笑c我

原帖由 二小姐 於 09-9-24 00:34 發表
更難聽的花名都聽過啦

總之出去飲野...個警察係個警太來前同來左之後完全兩個樣囉.....警太對眼會好似探射燈咁就圍射下有咩人呀有咩女呀咁...見到幾攪笑，之後個個警察咪有排比同事笑囉...話佢怕老婆呀，叫佢振夫鋼呀.. ...

[ 本帖最後由 wingogo 於 09-9-24 00:56 編輯 ]

私人傳訊

二小姐

侯爵府

積分: 24881

73^#

發表於 09-9-24 00:34 |只看該作者

回覆 71# wingogo 的文章

更難聽的花名都聽過啦

總之出去飲野...個警察係個警太來前同來左之後完全兩個樣囉.....警太對眼會好似探射燈咁就圍射下有咩人呀有咩女呀咁...見到幾攪笑，之後個個警察咪有排比同事笑囉...話佢怕老婆呀，叫佢振夫鋼呀...好多好多啦...

8-)

私人傳訊

積分: 29938

好媽媽勳章醒目開學勳章畀面勳章環保接龍勳章

72^#

發表於 09-9-24 00:13 |只看該作者

有冇唸過寫封信比佢?
或2個人正正經經坐低傾下?

原帖由 Evolution6 於 09-9-23 14:56 發表
老來嬌,

我都覺得Serena2009講既野好有道理..亦都係事實. 無錯. 一個男人...咁多年都無接觸過出面花花世界..加上自己無定力...宜家比佢接觸到一個咁橋又送上門的死姣豬. 佢仲唔迷晒落去咩...

說實在我都唔想離婚.. ...

私人傳訊

積分: 29938

好媽媽勳章醒目開學勳章畀面勳章環保接龍勳章

71^#

發表於 09-9-24 00:10 |只看該作者

咁攪笑?!

原帖由 老來嬌 於 09-9-21 15:06 發表
我講下我見到嘅野比大家聽下~~有個伙記老婆,佢經常跟埋個伙記仔出去,係人都知佢有個跟得夫人。而且,個伙記老婆係唔靚個隻。每次佢地走左,我地成班都笑個伙記(你知佢地把口架啦),又同佢老婆安花名....豬扒、豆豉眼豬扒、如花、巢皮面、呀賓、呀印......etc。"原來呀xx咁可憐,我地以後要對佢好d 洛, hahaha"

私人傳訊

積分: 29938

好媽媽勳章醒目開學勳章畀面勳章環保接龍勳章

70^#

發表於 09-9-24 00:08 |只看該作者

原帖由 二小姐 於 09-9-22 01:27 發表
因為d女仔傻傻地，比d警察消防呃到呀嘛...佢地成日係d女面前扮到好威好型好叻咁，實質kai子一名，個個成日都以為自己當差同行消防好鬼叻...

講真，就算你係跟住你c6出去飲野，同佢的fd又好伙計又好，你都唔會點見到露出馬腳ga，因 ...

私人傳訊

積分: 29938

好媽媽勳章醒目開學勳章畀面勳章環保接龍勳章

69^#

發表於 09-9-24 00:06 |只看該作者

你說得好好呀, 這也是我的唸法!!
你現在住那裡? hk嗎?

原帖由 serena2009 於 09-9-21 21:19 發表
他现在和几个女人一起吗？
我和你说，男人是这样的，他13岁同你一起，到现在30岁，对着你已经17年，突然给他接触到其他的世界（其他女人。。）他就会疯狂的爱上这种很新鲜刺激的娱乐。男人是这样，就算他对着李嘉新，一年两年后，他都会厌 ...

私人傳訊

積分: 1175

68^#

發表於 09-9-23 14:56 |只看該作者

回覆 6# 老來嬌的文章

老來嬌,

我都覺得Serena2009講既野好有道理..亦都係事實. 無錯. 一個男人...咁多年都無接觸過出面花花世界..加上自己無定力...宜家比佢接觸到一個咁橋又送上門的死姣豬. 佢仲唔迷晒落去咩...

說實在我都唔想離婚...但呢段時間真係難捱....始終情緒會時高時低....好似尋日咁..我又突然好唔開心.. 可能因為佢返吓又唔返吓嚟.

私人傳訊

毛容

積分: 2957

67^#

發表於 09-9-23 13:20 |只看該作者

原帖由 二小姐 於 09-9-23 12:05 發表
d男人覺得自己有衣食，食得唔好晒，唔食浪費左對唔住自己

私人傳訊

二小姐

侯爵府

積分: 24881

66^#

發表於 09-9-23 12:05 |只看該作者

回覆 65# 毛容的文章

d男人覺得自己有衣食，食得唔好晒，唔食浪費左對唔住自己

8-)

私人傳訊

毛容

積分: 2957

65^#

發表於 09-9-23 11:58 |只看該作者

原帖由 serena2009 於 09-9-21 21:25 發表
说句其他的话，
其实我们国内女人真的有很多，很让人不喜欢，连我自己都很不喜欢国内很多女人。我是又心痛又气愤／
国内女人尤其深圳的女人，很喜欢和香港男人勾搭在一起。没办法，主动送来的，哪个男人会拒绝呢？ ...

私人傳訊

毛容