吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 究竟我咁做啱唔啱呢 ?

夫婦情感今日: 10|主題: 42418

收藏本版

發帖

返回列表

跳至頁

查看: 11433 | 回覆: 80

究竟我咁做啱唔啱呢 ? [複製鏈接]

12 3 4 5

Evolution6

大宅

積分: 1175

1^#

發表於 09-9-15 00:35 |只看該作者 |倒序瀏覽 |打印

好辛苦好辛苦捱過咗最痛苦的時間, 今晚突然想上嚟講吓野.

我好細個拍拖..13歲識到宜家呢個老公, 雖然散過好多次, 但都可以20歲同佢結婚, 今時今日結咗婚巳經12年....有兩個仔, 大既5歲, 細既2歲. 一直以來都覺得自己好幸褔, 有個好老公, 成份人工比晒我處理, 難得既係佢當差咁多年都無壞; 我一直都有工作, 生活方面算得上幾好.

今年6月頭, 老公突然對我唔抽唔睬...好似好憎我咁..問佢咩事..傾又傾過, 佢話無第三者, 只係覺得越來越同我相處唔到, 話我成日鬧佢飲酒,打機等等, 佢想自己一個人生活, 佢想要自由...呢件事一路拖拖拖, 拖到7月18日, 佢自己同我講, 佢好多野呃住我...唔想再呃我, 佢真係比我估中佢有婚外情,那個八婆亦係我一路懷疑那個佢係facebook打機識的又肥又醜既女人.....我崩潰過, 真係崩潰...想過死...但唸到呢個男人一直以來都唔理兩個仔, 如果我死咗兩個仔一定好慘.. 我亦曾經兩次搬回娘家, 最後,當自己冷靜下來才搬回家. 我搬走咁耐, 佢無搵過我叫我回家, 亦依舊同條豬扒一齊.

好多朋友佢既同事都同佢傾過, 佢亦帶埋件豬扒出去同d朋友同事食飯飲酒. 佢同人講話咁多年嚟忍得我好辛苦,話我生完第二個仔後成個人變晒, 話我成日鬧人好似癲咗咁, 又話我成日話佢飲酒, 打機. 連佢d同事都話點解佢明知我生完仔後有產後抑鬱都唔可以體諒, 佢話如果佢唔體諒我, 佢巳經一早走咗, 唔駛等到宜家, 佢話條豬扒既出現係導火線, 人地問佢想點, 佢話婚就一定唔會離, 因為佢知道兩個仔要屋住, 因為我地係住宿舍的, 如果離婚就要交番間宿舍比政府, 佢話佢宜家真係好鍾意件豬扒, 佢唔會放棄佢, 因為豬扒唔管佢, 好明白佢, 又可陪佢飲酒, 雖知佢巳結婚仲有兩個仔, 但豬扒唔迫佢, 佢真係好愛佢.(佢可以同我講埋同豬扒連床都上埋), 咁同事問佢同我係咪無彎轉, 佢又話唔係既, 但要時間囉. 又話呢一刻真係好鍾意豬扒. 同事又話, 如果你係要選擇豬扒咁唔該你起身, 要行就行, 唔好拖累人, 但佢又唔離婚. 佢亦話好想搬出去一個人住, 佢重同我講過, 話好想搬出去一個人住半年或一年, 但唔係同豬扒住, 只係覺得自己適合一個人生活, 但佢問我可否保証不輪佢搬出去半年定一年, 我都唔會識第二個男人....我覺得佢巳經痴晒線. 仲要早幾日比我發現佢用手機從網上影咗一D深圳桑拿地址同埋一D骨女的相.....我覺得好恐怖...佢好似變咗第二個人咁. 因為佢以往從來都好抗拒大陸女人...我唔知佢宜家點解會咁...

今時今日, 我巳經決定唔理佢, 佢唔離婚唔緊要, 只要每個月出糧我有錢攞 (佢依然比我係戶口過錢走), 我繼續有屋住, 我就唔理佢, 佢宜家一個星期只會回來一或兩晚, 但每次返嚟佢又可以攬住我訓什至搞我添, 之前成年, 佢每晚都係鎖埋電腦房門打機打通宵, 天光先入房訓, 我巳經過了成年接近單親的生活...今時今日, 佢又可以返親嚟都攬住我訓.

實在我今時今日唔係刻意去等佢, 只係想在唔影響兩個仔的生活環境下...繼續過自己同兩個仔的生活. 我唔知咁做啱唔啱, 但佢每次回來我都真係唔係咁想見到佢, 我早幾日曾經同佢講過,如果佢真係同豬扒一齊好開心, 不如佢搬走, 因為我唔想佢影響我同兩個仔的生活, 我唔想在兩個仔的成長過程比個錯既概念佢地...以為爸爸係可以成日都唔返屋企...全無親子關係的...唉...雖然我巳將他放低80%, 但始終佢時出現時唔出現...唔多唔少對我都有影響, 但我知佢唔搬..可能係因為我唔放錢比佢. 我都唔知咁既生活重要維持幾耐...亦唔知佢會幾時醒, 但我有唸過若然我識到第二個, 我都唔排除我會走, 但問題係...今時今日我有兩個仔...巳經唔係咁容易搵到第二個男人.

好長篇, 但希望大家唔好介意我上嚟吐吓苦水 !

Thank you.

0 0 0

私人傳訊

premum2006

侯爵府

積分: 20716

好媽媽勳章醒目開學勳章

2^#

發表於 09-9-15 00:55 |只看該作者

哎....
真係唔知講乜
人人對婚外情嘅容忍都唔同
講真別人都唔能夠代你出D咩主意
始終自己嘅處境同感受自己先最清楚
最緊要你精神同情緒承受到咁嘅生活模式
不過
你仲俾佢搞你??
佢都唔知同過幾多女人喎(就算以前冇, 第日都陸續有嚟)
保護自己身體之餘
仲應該為自己身體留番尊嚴
唔可以俾自己同其他D女人睇齊
保重

放低自己，尊重別人
提升內蘊，不為別人為自己

私人傳訊

Evolution6

大宅

積分: 1175

3^#

發表於 09-9-15 00:59 |只看該作者

回覆 1# premum2006 的文章

當我知道佢可能係大陸有玩之后, 我巳經無再比佢搞....之前曾經好傻咁唸, 佢仲搞我即係佢仲對我有感情.

私人傳訊

咕b

伯爵府

積分: 16036

好媽媽勳章畀面勳章

4^#

發表於 09-9-15 01:12 |只看該作者

agree

你唔覺

得同你老公繼續性行為會有問題? 先唔講北上

嘅骨妹, 只講件豬扒, 佢同豬扒攪完又返嚟同

你......咁豬扒同佢攪之前 / 後仲有冇其他人

攪過呀?? 比我就真係頂唔順, 想起

都

點解你明知自己唔開心, 都仲要忍? 點解你要

比佢牽住個鼻走? 佢咁樣你都忍得? 唔好話留

低係為咗d仔, d仔始終會大, 到時就算唔完全

清楚成件事, 但唔多唔少都會估到d, 萬一第時

d細路有樣學樣點算呀? 始終都係一個壞榜樣

私人傳訊

Evolution6

大宅

積分: 1175

5^#

發表於 09-9-15 01:18 |只看該作者

可能一路以嚟, 不論我屋企人同佢屋企人都叫我暫時唔好理佢住, 所以我無唸過離婚, 我宜家都覺得之前仲同佢行埋係好傻, 可能唸住想佢回頭.

私人傳訊

咕b

伯爵府

積分: 16036

好媽媽勳章畀面勳章

6^#

發表於 09-9-15 01:26 |只看該作者

為自己又好, 為細路又好, 唔好再心軟聽佢氹喇......搬出去一年半載......點知佢係出面攪咩喎, 就算佢一年半載後返嚟搵返你, 你問心可以當冇事咩? 就算你問佢, 又唔知佢講真定講假, 盞自己仲更加多疑問, 咁咪仲辛苦......
叫你答應唔好識第二個, 要等佢......你就要安安份份咁等佢, 佢就可以出去花天酒地, 兩夫妻係咁架咩?? 要咁樣做夫妻你開心咩? 真係可以算?

唔好再傻, 堅強d, 仲有兩個小朋友要你照顧架, 要為小朋友同自己將來打算

加油呀

私人傳訊

Evolution6

大宅

積分: 1175

7^#

發表於 09-9-15 01:31 |只看該作者

回覆 1# 咕b 的文章

Thanks. 我當然覺得佢係完全痴線既. 我為嘜要坐係屋企等你回頭....我會努力..

私人傳訊

NicoleTszChing

大宅

積分: 2333

8^#

發表於 09-9-15 02:22 |只看該作者

你o既經歷同我媽咪o既朋友(s太太)有d相似~~
早o係十幾年前,s太太老公係揸中港貨車.
有1仔1女.
點知s先生o係大6有女人,比s太太發現.
但因為s太太唔想仔女o係單親家庭生活,
所以佢地無離婚~
不過s先生就搬開住,每個月定時比家用(大約萬幾,十幾年前好好駛嫁啦)
過左6,7年,唔知s先生係玩厭定比人飛,
終於返左屋企.
s太太原諒左佢之餘亦無問佢之前點樣.
一路到而家都幾恩愛!

感情無話對錯,
無人能夠擔保個男人會浪子回頭,
亦可能無咩女人可以好似s太太咁忍得.
最重要係你自己想得到d乜?!
你自己可唔可以接受到咁o既生活~

私人傳訊

yummy-mommy

等待驗證會員

積分: 72

9^#

發表於 09-9-15 08:19 |只看該作者

放生自己啦!
你老公痴鬼線架.

等佢浪子回頭? 邊個會等 pat 屎回頭架?

Come on, u deserve much better.

私人傳訊

minib

大宅

積分: 3541

10^#

發表於 09-9-15 08:59 |只看該作者

去到咁既地步, 最緊要keep住d錢同埋有間屋, 其餘佢返來咁當出租床位, 不過佢搞你, 你就睇你想唔想俾佢搞同埋要佢帶套, 點知佢會帶咩病返來, 小心為上.

2個仔要好小心處理, 唔係就有樣學樣, 好難教; 其實你自己要睇開d, 男人要變心你真係控制唔到, 你唯有努力工作, 有拖拍就拍, 有機會千祈唔好放過; 等佢返轉頭就side時間, 自己扮靚d仲好啦!

努力呀, 支持你, 唔開心就上來呻, 唔好屈係心好易唸埋一邊, 屋企人錫你先會擔心, 証明好多人都陪住你.

原帖由 Evolution6 於 09-9-15 00:35 發表
好辛苦好辛苦捱過咗最痛苦的時間, 今晚突然想上嚟講吓野.

我好細個拍拖..13歲識到宜家呢個老公, 雖然散過好多次, 但都可以20歲同佢結婚, 今時今日結咗婚巳經12年....有兩個仔, 大既5歲, 細既2歲. 一直以來都覺得自 ...

私人傳訊

冰糖

大宅

積分: 1978

11^#

發表於 09-9-15 12:49 |只看該作者

睇完有d火,真係好想講一句,你係唔係女人來,你總俾佢搞你.男人好多野都可以忍,只有呢一樣野唔可以,因為佢跟本無尊重過你,佢可以同你講明已証明佢已有最壞打算,但你所做的決定令佢鬆一口氣然後再得寸進尺.

私人傳訊

zoosaku

別墅

積分: 811

12^#

發表於 09-9-15 13:30 |只看該作者

我會覺得...算吧啦依個臭男人....根本唔值得...為左個豬排放棄成個家....你同佢都甘多年感情了....

你而家要踢佢走(講到有幾為佢著想甘, TUM佢走先!), 大家個關係唔好攪衰先, 一陣佢反口唔俾錢你點....

你要有錢養自己D仔女....扮靚D, 令自己心情好D!!!依個男人你就放手吧!大把好男人啦, 你先32歲JEI!仲後生!我有朋友, EVEN 係BK既MUMMUM拖住2件都搵到個好男人啦....你唔好睇死自己, 要有希望!擴寬D自己生活圈子, 識多D人! 搵到個好男人LAW, 你未同你個C6離婚LAW!( SO我叫你一定要踢佢走先, 因為離婚要2年的IF單方面APPLY!) 甘你未唔會再WASTE自己時間LAW!

總之, 不要回頭了, 依個男人又叫太陸雞又攪婚外情, 太嘔心了...返轉頭都唔好要!!加油!!

私人傳訊

Evolution6

大宅

積分: 1175

13^#

發表於 09-9-15 15:02 |只看該作者

回覆 1# zoosaku 的文章

我都知道感情無話錯與對, 我巳唔放希望係個男人身上, 但都係為咗唔影響兩個仔的居住環境, 所以既然佢話點都唔會離婚, 我就唔離住, 總之一日有錢, 我都會唔理佢住.

今朝當佢又想搞時, 我同佢講宜家開始大家唔可以再有呢種關係, 因為接受唔到佢同咁多個女人搞過, 佢話唔明點解我話咁多個女人, 我唔知佢係咪無係大陸玩, 只有豬扒一個所以咁講, 但我話不論幾個多, 有老婆仲係出面同第二個有呢種關係, 巳經係一個大問題. 我話畢竟我曾經都係你鍾意過既人, 希望你尊重番我. 比番d尊嚴我. 跟住佢話我知...都係我衰吖嘛. 然后我就無再理佢.

私人傳訊

fairyfloss

男爵府

積分: 9660

14^#

發表於 09-9-15 17:08 |只看該作者

唔知點解喺香港,白痴既人都可以做警察.....不論道德操守或智商都咁低..

私人傳訊

Evolution6

大宅

積分: 1175

15^#

發表於 09-9-15 17:17 |只看該作者

回覆 1# fairyfloss 的文章

係因為係佢地既圈子入面...結咗婚出面有幾個女人呢d事係好平常.

私人傳訊

sandy1425

珍珠宮

積分: 41032

好媽媽勳章大廚勳章

16^#

發表於 09-9-15 17:42 |只看該作者

原帖由 Evolution6 於 09-9-15 17:17 發表
係因為係佢地既圈子入面...結咗婚出面有幾個女人呢d事係好平常.

我以前識好多警察,真係10個有9個都係甘(結咗婚出面有幾個女人)(當然吾係全部係甘,只係甘啱見到係甘)

私人傳訊

Evolution6

大宅

積分: 1175

17^#

發表於 09-9-15 17:55 |只看該作者

回覆 1# sandy1425 的文章

實在佢咁多年都無野的, 亦真係出街都唔會望女仔...D朋友亦同我講, 佢係鍾意飲酒, 但從來都唔會掂女仔. 今次呢件係FB識的豬扒..真係醜到...無人要那種.., 但咁啱遇上佢最唔開心既時候咁就一齊咗...仲要佢話好鍾意件豬扒...天呀....我覺得好MO辱我...如果你話出面那件好過我都話, 但係全世界包括佢D同事都話見到佢都想嘔.

私人傳訊

maymay.choi

大宅

積分: 1422

18^#

發表於 09-9-15 18:06 |只看該作者

痴線家,e家既差人都唔知咩來既,一啲道德都無.
比我,如果份糧成份系手就打死唔離婚,佢玩你都可以識過個家,只不過為佐佢啲錢之麻.你應得既,既然個豬扖甘理解佢,咪由得佢去理解飽佢lo.
我連鎖都換埋添呀,咪叫佢自己報警lo,車,呢啲人唔使比面佢la.仲比佢反來ar,叫佢發夢好了.

私人傳訊

Evolution6

大宅

積分: 1175

19^#

發表於 09-9-15 18:21 |只看該作者

回覆 1# maymay.choi 的文章

maymay.choi,

你講既野都係我大部份朋友講的, 就係話如果佢成份糧仲比晒我處理 (我宜家只係剩番少錢比佢用, 所以佢同根本無可能有錢同件豬扒洗), 佢同d朋友講宜家去街睇戲食飯都係件豬扒比錢, 我心唸件豬扒都幾節墜...無人要到貼埋錢溝條背景咁複雜既男人. 所以個個都叫我唔好咁衝動離婚住...放長雙眼睇佢兩個玩得幾耐.

私人傳訊