自由講場 今日: 292 | 主題: 1357208

積分: 11570

1^#

發表於 09-12-5 21:23 |只看該作者 |正序瀏覽 |打印

DELETED

THANKS

[ 本帖最後由 adaughter 於 09-12-19 09:54 編輯 ]

0 0 0

私人傳訊

keroroee

積分: 7228

26^#

發表於 09-12-7 00:25 |只看該作者

字裡行間, 覺得你很成熟, 莫說你18歲, 我幾十歲也在學習怎樣與老人家相處, 唯有給他們多的關心, 多寒暄問暖, 幸好相處仍融洽.

重男輕女源遠流長, 亦可說是習俗, 故不必再問點解...., 皆因他們是同姓三分親, 古語已云:嫁出去的女, 如潑出去的水...這點釋懷吧!

反而我較重視為何你哥哥成日打你, 你父母尤得他虐待你, 你有沒有找社工幫忙? 這問題非常嚴重, 很心痛小朋友在長期在這情況下成長. 你必須先保護自己, 盡量少留在家, 如忍至升讀大學, 可與同學合資租屋, 只要你不放棄, 命運是由自己操控.

不要怕...如哥哥虐待你太過份, 你即時報警, 讓警察好好教訓她倆母子. 阿Q想法...在這家總好過活做中國的女孩子給人活生生埋葬, 正面面對, 可令自己舒服減厭...

沒有過不去的事情, 只有過不去的心情, 不要胡思亂想, 今後好好安排自己未來, 如補習幫補生計, 講句說話也大聲D或到自修室溫習, 可減少在家被虐. 大部份大學生也當過窮學生, 但當你大學畢業, 有份職業穩定, 有個美滿家庭, 幸福已蓋過不愉快經歷, 朝著目標的路行, 一定有志者事竟成...加油!

私人傳訊

積分: 11570

25^#

發表於 09-12-6 17:45 |只看該作者

原帖由 Cathyneo 於 09-12-6 17:31 發表
樓主, 我每天見既中二學生, 想法和你一樣, 所以我叫你小朋友. 佢地都係成日問點解人哋咁對佢. 點解同學唔同我玩, 點解老師罰我, 點解屋企人咁煩...

我唔會去決定你地邊個啱或錯, 因為而家唔係係法庭, 邊個輸贏. 而 ...

thanks

[ 本帖最後由 adaughter 於 09-12-19 09:47 編輯 ]

私人傳訊

Cathyneo

積分: 7368

24^#

發表於 09-12-6 17:31 |只看該作者

樓主, 我每天見既中二學生, 想法和你一樣, 所以我叫你小朋友. 佢地都係成日問點解人哋咁對佢. 點解同學唔同我玩, 點解老師罰我, 點解屋企人咁煩...

我唔會去決定你地邊個啱或錯, 因為而家唔係係法庭, 邊個輸贏. 而係你有冇心解決困局.

過去既我地唔能夠改變, 而未來係可以變, 先改變自己，唔好諗住去說服別人佢咁做係錯, 廣告都有教, 贏左場交, 輸左頭家, 有意義咩?

或者我辭不逹意, 可能會令你難受, 以為又多個人唔明你委屈. 但係我只係想同你分析, 媽媽買衫俾你原本係好事, finally it's not a happy ending. 係呢件事你有冇方法可以避免爭拗(你知媽媽性格係點), 以後遇到類似事情點處理.

樓主
點解哥哥咁, 屋企人都偏心?
點解媽媽成日用難聽說話鬧我?
點解屋企人重男輕女?...
呢啲點解都係無解, 只有 let go. 往前看, 讀好書, 改變自己態度和想法後, 家人依然固我, 咁只有隨緣.

ps, 我讀U嗰時, 記得要交學費($5000), 我開口問我爸借(我地唔同住我跟我媽, 我知佢有)話GRANT LOAN批左就會還俾佢, 佢都SAY NO. 最係用credit card 攪掂. 而個時我已經和同學搬左出去住(因為我媽呢邊幾複雜, 冇辦法唯有搬出去)由中學開始已經係咁, 阿媽話兩餐一宿冇問題, 但係要讀書就自己攪掂. 學費, 書簿費靠政府, 生活費做part time 自己賺. 樓主, 我好少同人講呢啲, 想話俾你聽, 路係自己行出來, 有時間諗咁多野, 不如去多啲自修室溫書, 少啲時間留係屋企少啲磨擦仲好.
唔好同我講自修室sun唔開.

私人傳訊

積分: 11570

23^#

發表於 09-12-6 14:14 |只看該作者

原帖由 HAZEL920 於 09-12-6 13:57 發表
樓主, 我不會叫你小朋友, 因為我自己也曾經歷過你的年紀, 我也有一個像你媽的媽媽, 我沒有像你般理智, 嘈得多, 一次我講我還返條命比佢算了, 佢話"我先唔信" 咁既人, 仲為佢死黎做乜, 死左個個先係傻. 到我自己嫁左 ...

thanks

[ 本帖最後由 adaughter 於 09-12-19 09:48 編輯 ]

私人傳訊

Elvinhui

複式洋房

積分: 128

22^#

發表於 09-12-6 14:03 |只看該作者

原帖由 smilejackie 於 09-12-6 12:17 發表
我全部看完! 寫得很流暢, 表達很清楚.

人與人之間都有份"因緣", 幸好你懂正面面對.

天降大任於斯人, 先勞其根骨, 餓其體膚....

相信自己, 假以時日, 你一定有一番成就, 你的家人會為你而驕傲. ...

[ 本帖最後由 Elvinhui 於 09-12-6 14:40 編輯 ]

私人傳訊

Elvinhui

複式洋房

積分: 128

21^#

發表於 09-12-6 14:02 |只看該作者

原帖由 adaughter 於 09-12-6 13:11 發表

很感謝你,對我有很大的鼓勵!
對,我都驚訝自己為什麼可以忍那麼久
我只是想,無論怎樣,他們都`是我的家人
家人不像朋友,情人,不可以更換,是注定了的
跟他們是緣薄,但中間總有一個聯繫
想聽聽各位家長的看法,我想關係 ...

[ 本帖最後由 Elvinhui 於 10-1-8 23:38 編輯 ]

私人傳訊

HAZEL920

伯爵府

積分: 15462

醒目開學勳章畀面勳章環保接龍勳章大廚勳章

20^#

發表於 09-12-6 13:57 |只看該作者

樓主, 我不會叫你小朋友, 因為我自己也曾經歷過你的年紀, 我也有一個像你媽的媽媽, 我沒有像你般理智, 嘈得多, 一次我講我還返條命比佢算了, 佢話"我先唔信" 咁既人, 仲為佢死黎做乜, 死左個個先係傻. 到我自己嫁左人, 已為人母, 佢對我都一樣係咁, 講d說話難聽起上黎係完全唔係人講既, 我只有當耳邊風, 佢係我媽媽, 呢個係改變唔到既事實, 佢對我既唔好, 亦都唔會改變, 我唔奢望佢會改, 因為佢根本唔覺得自己有問題. 努力生活落去, 係我自己既想法, 因為我成年後我知道自己將來會有自己既家庭, 有新既家人, 因為見過媽媽既錯, 先會對自己既仔女好, 所以我而家有個好幸福既家, 一家四口. 希望你努力加油, 因為你要知道未來既世界唔只係得你既爸爸媽媽, 前路要由你自己去爭取, 去創造

私人傳訊

Elvinhui

複式洋房

積分: 128

19^#

發表於 09-12-6 13:55 |只看該作者

原帖由 smilejackie 於 09-12-6 12:17 發表
我全部看完! 寫得很流暢, 表達很清楚.

人與人之間都有份"因緣", 幸好你懂正面面對.

天降大任於斯人, 先勞其根骨, 餓其體膚....

相信自己, 假以時日, 你一定有一番成就, 你的家人會為你而驕傲. ...

[ 本帖最後由 Elvinhui 於 09-12-6 13:59 編輯 ]

私人傳訊

積分: 11570

18^#

發表於 09-12-6 13:44 |只看該作者

原帖由 Cathyneo 於 09-12-6 13:12 發表
樓主, 你有冇想過自己太鑽牛角尖?同埋自己的溝通技巧有冇問題.

從你提及的片斷, 你媽媽會買衣服俾你, 發現錯左同你鬧完交, 佢覺得係你錯, 但都又返去再換俾你, 你有冇想過如果係一個非常憎恨你的人, 會唔會幫你做咁 ...

謝謝

[ 本帖最後由 adaughter 於 09-12-19 09:49 編輯 ]

私人傳訊

Cathyneo

積分: 7368

17^#

發表於 09-12-6 13:12 |只看該作者

樓主, 你有冇想過自己太鑽牛角尖?同埋自己的溝通技巧有冇問題.

從你提及的片斷, 你媽媽會買衣服俾你, 發現錯左同你鬧完交, 佢覺得係你錯, 但都又返去再換俾你, 你有冇想過如果係一個非常憎恨你的人, 會唔會幫你做咁多野?如果係好憎你, 就算見到咩都唔會諗住買俾你, 又何來俾你機會話佢錯呢?

樓主, 你已經係中七學生, 應該有判斷力去睇事情的動機, 而唔係只睇自己的委屈. 現在社會溝通技巧好重要, 如果將來你上司出錯, 你會唔會直接話佢聽係佢錯?

仲有我想你坦白問自己, 如果類似事件發生係你同朋友身上, 你會唔會用同一態度處理? If no, 就係你對家人的不公道.

當日, 你媽媽買衫返來, 你有冇好開心多謝你媽媽先? 定係一開始已經話你媽媽買錯?

你發覺大件左, 唔一定要話媽媽買錯, 可以話:[件衫好靚喎, 試吓先. 哎呀, 呢排瘦左咩? 件衫大件左唔啱, 媽咪有冇得換呀? 唔係咪哂左?]

小朋友, 你自己都話父母讀書少, 佢地係上一代既想法, 憤怒既時候咩都鬧得出, 你想佢地改變好難? 但係你呢? 你受過咁多教育, 你可唔可以轉變呢?

我相信你係乖女, 你會做哂家務減輕佢地負擔, 但家人未必感受到, 只覺得係份內事. 正如你媽媽買衣服俾你, 你都覺得係份內事. 媽媽話你黑口黑面, 你有冇認真諗過係唔係? 你話唔識嗲人, 但係都可以做返應有態度? 認真想一想你對朋友既態度係點? 你對家人既態度又係點?

有一句說話送俾你, [家庭好與壞, 視乎溝通與關懷.]

ps. 我好少回應, 但係見你打咁大篇野, 應該呢件事都幾困擾你. 平時我都處理唔少呢類問題, 所以忍唔住出聲, 希望幫到你. 放開啲, 唔好咁執著, 專心考好 A-LEVEL, 入到U, 你會發覺世界又唔同左.

私人傳訊

積分: 11570

16^#

發表於 09-12-6 13:11 |只看該作者

原帖由 smilejackie 於 09-12-6 12:17 發表
我全部看完! 寫得很流暢, 表達很清楚.

人與人之間都有份"因緣", 幸好你懂正面面對.

天降大任於斯人, 先勞其根骨, 餓其體膚....

相信自己, 假以時日, 你一定有一番成就, 你的家人會為你而驕傲. ...

很感謝你,對我有很大的鼓勵

[ 本帖最後由 adaughter 於 09-12-19 09:50 編輯 ]

私人傳訊

積分: 11570

15^#

發表於 09-12-6 13:05 |只看該作者

原帖由 麟媽媽 於 09-12-6 12:40 發表
樓主，多謝你打左一大遍文章，
我由頭到尾睇晒，
你令我了解多一點現在既年青人。
我感覺你同家人關係上最大既問題，
係每個人都著重自己既感受多過別人，
互相溝通係有，但表達出現左問題！
正如父母心中已認定你諸多不滿，
因為佢 ...

謝

[ 本帖最後由 adaughter 於 09-12-19 09:51 編輯 ]

私人傳訊

積分: 11570

14^#

發表於 09-12-6 12:41 |只看該作者

原帖由 babyhowie 於 09-12-6 11:41 發表
睇晒成篇！
一開始睇時候有驚，
驚係我自己個女，
但睇落去就知道唔係，
因為我個女得13歲，佢係大女。

我同我個女之間都有小問題，
可能自從細佬出世（細七年），
我認為佢已經大個女識得照顧自己，
所以對佢有所忽略！
而我亦可算係 ...

多謝你

[ 本帖最後由 adaughter 於 09-12-19 09:51 編輯 ]

私人傳訊

麟媽媽

王國長老

積分: 89562

好媽媽勳章王國長老

13^#

發表於 09-12-6 12:40 |只看該作者

樓主，多謝你打左一大遍文章，
我由頭到尾睇晒，
你令我了解多一點現在既年青人。
我感覺你同家人關係上最大既問題，
係每個人都著重自己既感受多過別人，
互相溝通係有，但表達出現左問題！
正如父母心中已認定你諸多不滿，
因為佢地從你表情斷定，
佢地覺得你黑口黑面，唔服教。
而你亦覺得父母偏心，多講結果一樣，
所以情緒表達左出黎，
而亦好似一面鏡子，雙方都唔慌好面口。
如果你覺得爸爸比媽咪通情理一點，
不如同爸爸開心見誠傾吓啦，
不過講既時候切忌愈講愈勞氣，
因為咁樣，又會牽動互相既情緒，
平心靜氣一點，可能佢會明白你既感受多一d。

[ 本帖最後由麟媽媽於 09-12-6 12:45 編輯 ]

私人傳訊

smilejackie

大宅

積分: 4740

12^#

發表於 09-12-6 12:17 |只看該作者

我全部看完! 寫得很流暢, 表達很清楚.

人與人之間都有份"因緣", 幸好你懂正面面對.

天降大任於斯人, 先勞其根骨, 餓其體膚....

相信自己, 假以時日, 你一定有一番成就, 你的家人會為你而驕傲.

私人傳訊

babyhowie

水晶宮

積分: 65679

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

11^#

發表於 09-12-6 11:41 |只看該作者

睇晒成篇！
一開始睇時候有驚，
驚係我自己個女，
但睇落去就知道唔係，
因為我個女得13歲，佢係大女。

我同我個女之間都有小問題，
可能自從細佬出世（細七年），
我認為佢已經大個女識得照顧自己，
所以對佢有所忽略！
而我亦可算係一個保守媽咪，
雖然我係外國讀書，但我對個女好少攬同錫，
不過我個心係愛錫佢！

我個女升上中一後，佢為左友儕關係自殺，
我好心痛，我寫信俾佢，講出我心底話！
其實我地家庭好正常，我係全職媽咪，
daddy亦每日準時收工，假期我地會一家人去玩，
但我都唔明白點解個女仍然向外，
同社工傾過後，知道原來佢地呢個年齡係咁！

本來我想介紹我囡囡同你通信，
但原來你大佢咁多，咁未必岩傾喇！

睇你個case，相信你父母都係重男輕女，
既然你都已經18歲，你大可以考入大學，
搬去宿舍，唔係教你離開屋企，
問題係，如果你同家人緣薄，
不如相見好，總好過同住難嘛！
搬出去間中先見面，或者情況得以改善！

睇你屋企情況，我反而覺得你亞哥先最慘，
佢俾你父母縱到人唔似人！
既然你都18歲，咁佢都唔細啦！
咁大個人都會無原無故咁走去打個細妹，
睇黎佢要睇心理醫生！
從好角度睇，你父母雖然對你唔係咁好，
但亦因為咁，你被磨練得銅皮鐵骨，
將來無論遇到咩難題，已經唔再係咩一回事喇！

算啦！我地冇可能去改變別人，
只能調節自己去好好生活！
唔好再望回頭喇！
為自己將來好好打算吧！

私人傳訊

keroroee

積分: 7228

10^#

發表於 09-12-6 11:40 |只看該作者

樓主, 可唔可以段與段之間隔行, 好想睇下..但未睇都眼花花.....

私人傳訊

bbfish1992