吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 3月10號我响廣華生咗, 想同大家分享一下. ...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2581 | 回覆: 45

[2011年] 3月10號我响廣華生咗, 想同大家分享一下. [複製鏈接]

12 3

Catherinebyorn

大宅

積分: 3664

畀面勳章

1^#

發表於 11-3-25 18:29 |只看該作者 |正序瀏覽 |打印

唔好意思, 事發經過可能長咗少少, 敬請見諒!!!

三月七號(40w1d)

去最後一次產檢, 醫生約埋十五號入院十六號催生, 仲比咗張胎動紙我, 要 mark底千金由朝九晚九郁咗幾多次.

返到屋企, 肚仔已經有啲唔舒服, 都係一般 "宮縮"啫, 瞓醒晏覺先啦. 瞓到老公返嚟, 都係唔舒服, 不過又好似唔太嚴重.

我照常食飯, 睇電視, 上網, 沖涼瞓覺, 老公仲約我同 KARMAN第二日晏晝飲茶.

三月八號(40w2d)

瞓到點幾鐘, 痛多咗, 覺得開始有規律咁痛, 不過又可以忍到, 繼續瞓.

終於碌咗幾個鐘, 瞓下醒下到四點幾, 我開始 mark低幾耐痛一次, 又上網睇下陣痛係點......終於 mark到六點, 差不多隔五至七分鐘一次, 每次痛三十秒, 嗰種痛比經痛痛好多. 嗌醒咗老公, 咁我就去沖涼洗頭....其實我好驚又報假案!!

七點幾出門口, 落街無的士, 電召都無, 個肚越嚟越痛!! 响樓下周旋咗十分鐘先有車.

出到旺角, 點都忍住痛去明苑食埋個早餐, 我唔想無力生呀! 呢個時候陣痛由三至五分鐘一次, 都係痛三十秒. 食完早餐登記入院.

去到九樓產房, 開始做檢查, 咁好彩我遇著三個 "理大婦產科學生". 換言之, 我係白老鼠. 老實講, 我唔介意比佢哋做實習, 不過响我痛到想攞刀斬人嘅時候就難搞啲囉.

做完初步檢討入產房掛機, check BB心跳同宮縮, 掛咗個幾鐘係有宮縮, 不過未生得, 等醫生簽名轉上十一樓病房觀察. 一等到十二點幾開飯, 我就响產房食埋個飯, 醫生都未嚟, 咁我就出去搵老公, 終於搞到點幾鐘先上房.

成個下晝, 我就忍住陣痛, 由三至五分鐘一次, 又回落返五至七分鐘一次. 一襯唔痛我就行, 一係就同隔離床傾偈. 直至到夜晚探病時間, 老豆媽咪嚟探我, 老公攞飯比我食. 不過因為好痛, 所以開始無咩胃口, 但係我都格硬食, 唔想無力生.

三月九號(40w3d)

零晨時分, 越嚟越痛, 痛到忍唔著嗌咗出嚟! 我唔敢大聲, 驚嘈到隔離床, 最終忍到點幾鐘, 撳鐘嗌姑娘. 姑娘 check到我開到三度仲要見紅, 可以落番去產房.

落到產房, 都係例牌掛機, 掛咗個幾鐘, 無聲氣. 等(痛) 到天光, 醫生巡房, 醫生check 話我開咗一度半....吓!! 之前又話三度!! 天呀~ 我已經兩晚無覺好瞓兼無刷牙沖涼洗頭喇!!

呢日勁難過, 因為又有幾個媽咪生完, 走埋...我個繼續痛, 仲要一痛痛到上頂, 無止痛, 無氣比我聞...宮縮又回落番五至七分鐘一次, 不過下下都好似比刀插落條腰度, 度數一直都無再開.

黃昏時候醫生巡房, 我又好好彩比我遇著個 "婦產科顧問醫生"同一班學生, 呢個顧問醫生睇完我record 就話: "你入咗嚟兩日, 今晚仲未得就聽日同你催生啦!"

唉~ 我都想走!! 我响度兩日, 眼見同房已經有兩班生完, 可能人家已經出埋院. 我個肚又痛, 又無胃口, 又無覺好瞓......真係好灰囉!!

夜晚老公攞飯嚟比我食, 食完飯, 我去咗電視房坐波波, 我攰到洽眼瞓, 心情極差, 極頹喪!!

三月十號(40w4d)

零晨, 開始又痛密咗, 大概三分鐘左右一次, 仲要再痛深咗, 我忍唔住嗌咗出嚟, 跟住助產仕唔比我嗌, 因為原來嗌係會用錯力, 咁個子宮就收縮, 壓住個B, 影響到佢個心跳. 不過真係好難忍, 我用晒佢哋教嘅鼻吸口呼, 完全唔得囉. 助產仕再幫我 check, 好似開多咗少少, 但係仲未穿水, 宮頸未夠薄, 好灰.

我當時思緒好亂, 好想走, 唔知落咗催生藥最終都生唔到, 到頭來要開刀, 因為李詩夢同隔離床個媽媽都係咁, 好驚, 好痛, 好想即刻走!! 我就要求開刀, 助產仕話唔到事, 佢哋唔建議開刀, 仲要我自己問醫生.

直到朝早醫生一嚟我就已經要求開刀, 佢一口拒絕! 我要求出院, 咁當然係唔走得啦, 除非有私家醫院即時有位收我啦. 當時我已經情緒失控, 不停喪喊, 嗌開刀, 嗌出院, 要搵老公......由八點擾攘到九點幾, 結果係..少數服從多數. 跟著助產仕, 醫生準備幫我人手穿水, 我越嚟越驚, 覺得好似肉隨鉆板上囉.

穿咗水, 跟著吊鹽水同催生藥, 助產仕一早幫我攞定笑氣, 我襯藥力未到時要求無痛妢娩, 不過有機會唔得, 要到生嗰陣先由醫決定.

大概十分鐘後, 藥力發作, 嗰種痛...平時少少痛都食panadol嘅我, 痛到人都癲, 十級經痛!! 我有聽講過唔好聞咁多笑氣, 因為聞得多會嘔, 生嗰陣會無力. 不過嗰種痛, 令我不自覺咁吸, 雖然唔係完全止痛, 起碼我只係感覺到最痛嗰一刻.

西迷迷之際, 我好似聽到有人叫我唔好起勢咁聞, 又好似見到個鐘十一點幾......總之有人嗌我唔好聞, 我就停, 一聞到啲新鮮空氣, 我又好似醒醒地.

迷迷糊糊之下, 好似有人摸我個頭; 迷迷糊糊之下, 我好似打到啲嘢; 迷迷糊糊之下, 好似有人嗌我. 老公嚟咗!! 不過我聞氣聞到西迷迷, 根本比唔到反應, 我只係聽到老公叫我慢慢聞, 我又好聽話慢慢聞, 唔知幾時老公把聲唔見咗, 支笑氣又聞完, 我成個人完全清醒咗, 完完全全感受到陣痛指數27, 35, 60, 89, 103, 127....我痛到高聲呼叫, 助產仕即刻再幫搵笑氣, 不過因為嗰日連埋我有十個媽媽生BB, 根本唔夠樽用, 我唯有等. 我痛到不停抽搐不停典, 我諗大概痛咗兩個鐘, 笑氣又再返嚟我嘅身邊, 我又再進入西迷迷嘅狀態.

呢個時候, 除咗西迷迷, 痛之外, 仲想痾屎. 迷糊之際, 好似聽到助產仕話我啲胎水流晒落地下, 又好似有人幫我檢查, 仲有人問我打唔打只痛針, 我又好似有出聲話要痾屎.

擾攘間, 有人話要call 我老公, 但係我真係好急屎, 大概下晝五點鐘, 我就比人推咗入後產房.

我終於生得喇, 老公又嚟埋, 成個生產過程, 老公都陪著我, 佢仲睇住千金出世.

五點五十五分, 千金出世喇~!

後記

原來我痛到自殘囉!! 生完千金, 我條脷, 我個咀唇損晒; 右手瘀咗, 左手抓損咗囉.

0 0 0

私人傳訊

ping10

複式洋房

積分: 271

46^#

發表於 11-5-2 01:57 |只看該作者

回覆 Catherinebyorn 的帖子

我都可能遇見過你同Fairyland!! 我10号早上順產,在東9的13号房!

;-)

私人傳訊

小虫媽媽

大宅

積分: 2372

45^#

發表於 11-4-8 15:07 |只看該作者

我唔係痛咁多日嘅媽咪 (第一胎13個鐘, 第2胎5個鐘), 生咗之後嘅感覺除咗感動外 (唔係第一個感覺!), 第一個出來的感覺係鬆一口氣! 個肚當堂舒服晒!

私人傳訊

Catherinebyorn

大宅

積分: 3664

畀面勳章

44^#

發表於 11-4-8 13:39 |只看該作者

回覆 molly0827 的帖子

痛四日

你好勁呀媽媽!!!

私人傳訊

molly0827

禁止訪問

積分: 2382

畀面勳章

43^#

發表於 11-4-7 22:51 |只看該作者

提示: 作者被禁止或刪除內容自動屏蔽

私人傳訊

Catherinebyorn

大宅

積分: 3664

畀面勳章

42^#

發表於 11-4-7 17:58 |只看該作者

可能係, 我個friend一月生, 開刀住西九.
不過我有見過開刀住東九喎.

私人傳訊

小虫媽媽

大宅

積分: 2372

41^#

發表於 11-4-7 16:23 |只看該作者

聽講順產就東9, 開刀/有生產問題就西9, 唔知對不對...

私人傳訊

Catherinebyorn

大宅

積分: 3664

畀面勳章

40^#

發表於 11-4-7 05:37 |只看該作者

回覆 cherryttt 的帖子

我都唔知噃

私人傳訊

cherryttt

大宅

積分: 4773

39^#

發表於 11-4-6 17:20 |只看該作者

其實係點安排住大房, 二人房or 獨立房架????

私人傳訊

Catherinebyorn

大宅

積分: 3664

畀面勳章

38^#

發表於 11-4-6 06:31 |只看該作者

回覆 TeriAnla 的帖子

啲醫護人員真係好好, 日日都咁忙. 仲要招呼埋我呢啲惡媽媽=P

私人傳訊

Catherinebyorn

大宅

積分: 3664

畀面勳章

37^#

發表於 11-4-6 06:27 |只看該作者

回覆 bksbb 的帖子

多謝^^ 我相信每一個媽媽都好 proud of可以生到一個BB

私人傳訊

Catherinebyorn

大宅

積分: 3664

畀面勳章

36^#

發表於 11-4-6 06:20 |只看該作者

回覆 alqt 的帖子

唔會呀~
雖然佢哋係忙啲, 佢哋應咗你一定會理你, 不過睇下你嘅要求急唔急囉~!

私人傳訊

Catherinebyorn

大宅

積分: 3664

畀面勳章

35^#

發表於 11-4-6 06:17 |只看該作者

回覆 Fairyland 的帖子

可能我哋有相遇噃~ 10號零晨我都响產房.

私人傳訊

TeriAnla

大宅

積分: 2324

34^#

發表於 11-4-6 01:55 |只看該作者

恭喜恭喜!! 我都係廣華生架. 係2月28日. 我覺得當初決定係KWH生, 係絕對正確, 都覺得好彩冇係私家.

我都係催生, 痛到見人就罵. 我記得我罵那兩個醫生唔知識唔識, 點解痛禁耐都話未生得.最後, 因為我突然發燒, BB心跳唔正常要緊急開刀. BB出世唔識呼吸要急救, 都係老公話我知, 因為吸完笑氣加發高燒, 已經斷了片.我真係好感激產房的醫護人員同醫生. 我係產後病房的日子, 幫我做手術的醫生(給我罵的醫生)日日都來看我手術後的情況,仲好詳細細心解釋點解要突然開刀同BB的情況, 仲日日去兒科了解BB的進展 (BB在初生嬰兒深切治療).他們真的好好, 係我意想不到.

各位預備係KWH生的準媽媽可以絕對放心. 最後我想分享我係住兩人房有獨立洗手間, 而且間房係得我一個住咗六日, 絕對好過係私家.