吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 點解衰嘢一定要似亞媽!!!!

婆媳關係今日: 0|主題: 27770

收藏本版

發帖

返回列表

跳至頁

查看: 2032 | 回覆: 30

點解衰嘢一定要似亞媽!!!! [複製鏈接]

annatse45

大宅

積分: 3986

畀面勳章

1^#

發表於 11-5-28 23:43 |只看該作者 |正序瀏覽 |打印

我個仔(2歲半)比較為食,佢好少將D零食SHARE比人
我自己覺得好正常,但係我會教佢SHARE,佢肯唔肯我唔會迫佢
(其實都唔一定唔比,小朋友佢多數比,大人先唔肯比,
但係你講多2句,有時都會連大人都比)

咁我老爺已經成日都話佢孤寒,跟手就會話佢唔知似邊個,
我聽過好多次都唔出聲架喇,今日我終於忍唔住,
我同佢講"細佬仔係咁架LA, 多數都唔鐘意比人架LA"
跟住佢就話"咁細個點會呀!!"我解釋大部份都會咁架LA,可能女仔就會好D...
點知我姑奶可能唔抵得我出聲,佢即時話"梗係唔係LA,亞邊個,邊個,同邊個都唔係咁"
(3位邊個係我個仔D表哥,佢屋企就係得咁多細佬)
佢就用佢屋企緊有O既細佬代表所有小朋友黎同我個仔比較.

我都費是同佢理論,一句就話"咁可能似我LA.""佢係我個仔,唔似我似邊個呀??"
條8婆個心梗係唔服LA,跟住回應我一句"可能LA,可能有D基因呀!"

我頂呀...我個仔D眼睫毛又長又靚就似佢地其中一人...唔好果D又唔認!!
我先無你地咁不知所謂,個仔我O既,好O既,衰O既都似我...點都係我個寶貝仔!!!

下次再激到我嬲嬲地,我真係彈句佢地聽下"係呀,你地又知個仔一D唔似你地果邊O既!!"

呻完...

0 2 0

私人傳訊

姑姑

大宅

積分: 2712

31^#

發表於 11-6-4 12:55 |只看該作者

本帖最後由姑姑於 11-6-4 12:55 編輯

我個女細個嗰時奶奶湊佢都成日咁講:亞daddy,叔叔,姑姐佢哋細個都冇咁曳,都唔知似邊個.....(下刪數百字),平均一日最少講一次,我通常夜晚就會同老公發脾氣(佢知乜事,所以佢受...),之後佢要幫姑姐同叔叔湊小朋友,哈哈就輪到我講:嘩....乜你曳過xx(我女名)咁多架! (我都仲未問佢似邊個,佢亞媽聲都冇得聲....)

姊妹們,其實有d嘢真係可以放長相眼睇架.....

私人傳訊

lcyaa

大宅

積分: 4141

30^#

發表於 11-6-3 17:00 |只看該作者

Me too. 好野人定似男家o既人，衰野一家似阿媽, 我99有句口頭嬋:[我個仔都唔(e.g.為食), 點解個孫會咁,都唔知似邊個], 跟住有個擦鞋蘇 (我叔仔老婆)就會在側邊附和笑

私人傳訊

carmanting^^

複式洋房

積分: 195

29^#

發表於 11-6-3 10:54 |只看該作者

回覆:點解衰嘢一定要似亞媽!!!!

我會教個女講＂我同媽媽一樣咖，吹咩！＂呵呵呵！講笑咋，但係諗下都開心！

私人傳訊

Applle仔

大宅

積分: 3128

28^#

發表於 11-6-2 18:02 |只看該作者

我屋企都係咁，好野人定似男家o既人，衰野一家似阿媽....都唔知係咩心態！

私人傳訊

oimei_yiu

大宅

積分: 1789

畀面勳章

27^#

發表於 11-6-2 14:34 |只看該作者

d 6299成日都話d孫似佢個邊, 我個99望住成家族人d相, 話我個女對眼似姑媽, 口有似佢地邊個, 講到搵唔到似邊個, 連死咗成二十年的太99都講埋, 硬係冇一樣似我. 成家人都有病!!!

私人傳訊

rainiemama

水晶宮

積分: 64439

2025勳章 2025勳章蛇年勳章虎到金來勳章畀面勳章 BK Milk勳章

26^#

發表於 11-6-2 02:19 |只看該作者

我奶奶都成日話我個囡似佢個仔，由出世都而家都係咁講，
有一次我終於忍唔住話：而家冇人話我個女似你個仔啦！

好笑，佢唔係我生ka，冇一忽似我？
有病！

私人傳訊

zoe@3510

子爵府

積分: 12799

畀面勳章環保接龍勳章

25^#

發表於 11-6-2 02:02 |只看該作者

我有次串串咁同c6 講： bb係我同你生，似我地係應該，唔通你想話我同第二個男人生？

私人傳訊

WINGWINGGOGO

大宅

積分: 1748

畀面勳章 BK Milk勳章

24^#

發表於 11-6-2 01:22 |只看該作者

本帖最後由 WINGWINGGOGO 於 11-6-2 01:23 編輯

我99之前都有話過阿囡孤寒,我阿囡得一歲,佢次次見阿囡食緊餅餅嘅時候就會同阿囡講請嬚嬚食啦,不過阿囡多數都唔會俾,之後佢就會話阿囡孤寒,有一次我問佢

我: 99出面d小朋友係咪你問佢拎野食佢會比你ga??

99:多數都唔俾ga!!!

我: 等我仲以為其他小朋友都會俾,係我阿b先唔俾,咁姑寒!!!

99:呵呵,d小朋友多數都唔會比ga,佢地咁細個都未識野!!

之後奶奶都仲有講阿b,不過我覺得佢都係順口姐所以我都冇怪佢,因為佢真係好鍚阿b,有時d老人家係咁ga喇,諗到個句就講個句,可能你62都係順口姐!!原諒佢啦!!!

我99都成日話阿囡似老公,不過最好笑就係我個個姑9都話點解阿b唔似我,似我咪好囉,點解要似佢細佬!!

私人傳訊

annatse45

大宅

積分: 3986

畀面勳章

23^#

發表於 11-6-1 23:37 |只看該作者

嘩...原來咁多人o既6299都係咁架..我已經無99架la....都係咁!!!!
我將件事話比我亞媽聽,我亞媽初初都叫我唔好放上心...但係轉頭又諗計教我串返佢地...hahahahahaaa(我媽媽真可愛)

我亞媽叫我返到去講下..."e...亞仔咁高大唔知似你地邊個呢??"
p.s. 男家d人中等size...但係我亞媽同亞哥都好高大o既...!!!:;pppp:

不過話時話,人人見到我個仔都覺佢算高.
但係男家真係無人提過呢件事wo....可能知崩口人忌崩口碗呀...hahahahahaaa

私人傳訊

WTM

大宅

積分: 4745

畀面勳章

22^#

發表於 11-6-1 23:03 |只看該作者

引用:我姑姐都係咁ga成日話我d阿叔d仔好似佢d仔

原帖由 Suissesse 於 11-05-29 發表
我姑姐都係咁ga
成日話我d阿叔d仔好似佢d仔女
邊似呀

我6299 & 姑奶喪話我細仔似我老公堂細佬細個嗰陣！！都有病，唔好再扯遠啲！

私人傳訊

WTM

大宅

積分: 4745

畀面勳章

21^#

發表於 11-6-1 22:59 |只看該作者

引用:我個仔(2歲半)比較為食,佢好少將D零食SHARE

原帖由 annatse45 於 11-05-28 發表
我個仔(2歲半)比較為食,佢好少將D零食SHARE比人
我自己覺得好正常,但係我會教佢SHARE,佢肯唔肯我唔會迫佢
( ...

我6299都係咁！！我有時會忍唔住發晦氣，＂係呀，我呢邊個個都樣衰，格衰，衰嘅梗係似我啦，你地咁好，好嘅野實似晒你地！！好似佢地話我個女講野好叻，好鍾意駁咀，有時會激到佢地！跟住我就會話，緊係啦，你地家族遺傳架啦，個個把口講野咁犀利！睇落笑笑口講，但我同6299 姑奶都口和心不和！！以前我會唔出聲，但我發覺，唔出聲佢地當我死，所以為保護自己，我唔會再咁蠢！

私人傳訊

fattymama

伯爵府

積分: 16331

20^#

發表於 11-6-1 18:17 |只看該作者

好彩我老公成日都叫我教多d阿囡做番個似樣d嘅人(特別佢係囡),唔係似佢屋企人就敝.

特別係老公個家姐,連佢都話未見過咁污(where)嘅女人.:;pppp:

私人傳訊

FatKM

大宅

積分: 1931

畀面勳章

19^#

發表於 11-6-1 12:58 |只看該作者

唔使嬲, 就咁答一句:
梗係似呀媽啦! 我生架嘛! 好野衰野全部似我!

人總有優點缺點~
係自己生既, 就算有缺點又點?
我都咁錫呀! 你地唔鍾意咪唔好同我個B玩囉~呵呵~

私人傳訊

winkho

大宅

積分: 3186

18^#

發表於 11-6-1 12:31 |只看該作者

好有同感, 62成日係個仔發脾氣, 唔聽話的時候, 就一定講呢句:"我都唔明你點解係咁, D脾氣咁臭, 我地冇一個人係咁GA, 你DADDY都唔係咁架". 聽頭幾次, 當聽唔到, 但每日都咁講(因為仔仔參不多每日都有脾氣)想聽唔到都幾難.
我99就例牌話我兩個仔腸胃唔好,"咩你兩個D腸胃/身體咁差架, 我地都冇人係咁"(我地意指係佢家人, 我係外人) 死未.

私人傳訊

hayleymom

複式洋房

積分: 162

17^#

發表於 11-6-1 00:21 |只看該作者

我6299咪一樣, 個仔明明全世界連街外人都話佢同我餅印一樣, 6299都要話佢同我c6一樣樣, 自我滿足. 有次好耐冇見, 個個親戚都話阿b越大越似晒我, 佢哋即時黑面, 99都仲要夾硬"bi"個酒粒出嚟, 話"不過個酒粒都係似我", 好難頂. 當然阿b一有頑皮嘢, 就即刻話佢爸爸都唔係咁嘅, short short哋, 我咪即時笑笑口同c6講, "吓, 乜你細個唔會曳o架, 都幾唔正常wor"