自由講場

跳至

首頁

尾頁
   3


男爵府

積分: 8179


1#
發表於 12-10-10 20:54 |只看該作者



去年憑《潛行狙擊》的「辣薑」一角眾望所歸勇奪「最佳男配角」,黃智賢今年在《雷霆掃毒》裏再演大反派「潘 Sir」,又被指勁搶男主角林峯鏡,有些綠葉就是這樣,做好人平平庸庸沒法出頭,走上歪路反倒能殺出一條血路。

做奸角,黃智賢有他的底線。
首先,不能欺負女人。本刊前一期劇透有誤,誤指劇中潘 Sir有份強姦女主角徐子珊,黃智賢甚是緊張:「我係仆街,但係都唔係仆街到咁呀……我唔介意做奸角,但係奸到恰女人,我覺得係人格污點囉……」
第二,不願透露年齡。「有人話我 77年、有人話我 65年,冇咁後生亦都冇咁老……唔好講真實年齡啦,我仲後生,仲想拍多幾年㗎……」
從接他到場、到訪問結束送他上車,我用盡方法也沒能讓黃智賢自己說出真實年齡。 Ok,你不說,我自己計。
15歲進警察學校,完成兩年學堂生涯正式當差三年, 1989年入選無綫「青少年大使」入行,如無意外,黃智賢今年應該 43歲。
出道 23年,愈奸愈亮眼的黃智賢說:「乜都要計、乜都要爭,做奸人其實好攰……」

唔畀我,畀邊個?

去年拿完「最佳男配角」獎項,今年臨近台慶又執到「潘 Sir」支好籌,黃智賢曾經在訪問中說過,有信心冧莊。我問黃智賢,電視台獎項受人氣、關係、年資還有各種政治因素影響,去年已經輪過一次,冧莊?有冇咁易?黃智賢答道:「我反問你一句,唔畀我,畀邊個呢?」大口氣到咁?「舊年抽離咁睇,你同我都係一個觀眾,憑網上反應同收視,唔畀辣薑畀邊個呢?」原來 Ben哥哥是聽錯了問題,以為說的是去年。其實這一兩年間,對他來說並非是別人眼中的事業高峰:「呢兩年,唔可以話係高潮,係轉變。學似你話齋,你都係睇《閃電傳真機》大,公司同觀眾又係睇住我大,呢個轉變係累積返嚟。大家都睇到呢個人嘅質地係唔係成熟、處理角色係唔係到位,辣薑係一個代表啫,呢兩年嘅改變係咁多年累積返嚟嘅印象分。」播種 23年,終於看到成果,又激起團火、躊躇滿志總會吧?「演員除咗學做戲,仲要學識調整自己心態去接受得失。換句說話,心要有準備,唔一定要畀你。我都後生過,曾經覺得一定要畀自己過,唔畀,結果咪走囉……」

人生唯一一次做男主角是 97年的古裝劇《真命天師》,黃智賢是男一,該劇配角有張家輝、滕麗名及徐濠縈。

黃智賢說得是 1999年,那年他在《真情》裏的角色「阿海」街知巷聞人氣高企,滿心以為上硬位卻繼續被投閒置散,一氣之下離開無綫北上拍劇:「我唔知你記唔記得,我都做過男主角, 97年套《真命天師》。日打夜打捱眼瞓拍咗 20集劇,擺喺聖誕檔(聖誕新年檔市民興外遊,收視例牌全年最低)出街,公司都係冇信心,剪走咗五集……你話可以剪咗五集都出得街嘅劇,劇本可以有幾好?你估我係周星馳咩,唔係話幾爛嘅劇本都可以憑個人表演扭轉劣勢咩?我以為公司會對我有個好啲嘅計劃,結果係派我做一個邊個做都死嘅角色,後生嗰陣想有更好發展,咪走囉。其實做男主角就係呢樣唔好,有個負擔要揹起成套劇, o依家,我唔會覺得我要揹起啲甚麼甚麼,將自己擺低啲,落番去一個簡單嘅層面,觀眾喜好同收視都控制唔到,淨係做好自己囉。早十年問我做唔做男主角,我會話,梗係做啦!我做演員,唔想做主角做咩? o依家……實際啲,你加我人工好過。」

不正常,小朋友。

那些年,我們都看過《新紮師兄》。那些年,我們都遇過鄰家男孩想型想威學似朝偉走去讀 Cadets(皇家香港警察少年訓練學校)。黃智賢就讀過 Cadets、當過差,不過不為型不為鐵飯碗,為的是離家出走。
「我細個住深水埗、屋企做小販,六歲開始被派去掹毛、刮腎、切葱切薑蓉,大啲就放血、劏雞做燒臘,我哋九個兄弟姐妹從來冇做過正常小朋友……我小學返下午班,一早起身帶住套校服落工場幫手,食完晏返學,返完學開檔,開完檔八、九點先至做功課。老豆好鍾意賭,每日臨收檔最多錢嗰陣,貴利就準時嚟到收數,日日還,日日再嚟攞,每日辛勞完,睇住全部畀晒貴利都仲係還唔完,日日如是直到中學,我真係好想脫離呢種生活,所以一滿 15歲,就走去讀 Cadets,不為甚麼,為佢哋有得寄宿。」

黃智賢(左一)說自己從小愛看電視想做電視, 20歲參加無綫舉辦「青少年大使」選舉,順利入選做兒童節目《閃電傳真機》主持後入行。

黃智賢說,九兄弟姐妹個個都識劏雞鴨整燒臘,不過最憎也是劏雞鴨整燒臘,出身後沒一個繼承父母衣缽:「阿爸阿媽雖然小學畢業做一世小販,但係我哋九個喺深水埗大,大個冇一個吸毒行古惑,呢啲都係阿爸阿媽教出嚟。阿爸成日一開檔就走去賭,留晒啲嘢畀我哋做,所以我最錫阿媽,覺得阿媽最勁。」
三年多前,黃母因為癌症離世,黃智賢說,人走了,有些回憶愈是清晰愈是抹不掉:「阿媽臨走時好鍾意講以前啲嘢,九個細路逐個講。我最記得讀書嗰陣有次俾訓導主任鬧,我先至知自己嗰朝頂完阿媽嘭埋道門就去返學,原來佢鞋都冇着一路喊一路鬧跟住我去到學校……訓導主任話我,我淨係識得喊,好內疚、好難受……嗰次以後,我學識叫自己錫阿媽:『黃智賢,你收吓把口啦,唔好再激佢喇。』我哋做仔女嘅,最遺憾係阿媽勞碌一世,冇畀佢享過福,最後嗰段日子醫病醫到好瘦,又係折磨……其實走咗係解脫,我同阿媽都係基督徒,我哋相信一句說話:『息去地上勞苦,回天家去。』人一生都係受苦,有咩好得過最後受完苦,返去天父嘅懷抱呢?」

我愛佢,佢知㗎!

堅信人一生都要受苦受難沒有例外,黃智賢因此與妻子達成共識不會生兒育女,拍拖十四年、結婚七年,與黃智賢夫婦做伴的,只有寵物。
「對老婆又係好愧疚,佢好敏感又冇我份人咁樂觀,佢最需要工作安穩喺經濟上有安全感,但係我做呢行,咁多年最畀唔到佢嘅就係呢份安全感。其實佢要求好簡單,唔求享受唔愛名牌,我今年份生日禮物仲爭緊佢……因為我叫佢去買個手袋,佢話自己唔需要。佢冇乜呢啲憧憬,我諗就算有過,跟咗我咁多年都俾我打沉咗……可能我細個捱慣,就算遇過難關,都唔覺得恐懼,唔會特別去記住。我淨係記得好多次要老婆為我憂心,其實我好想講啲實質嘅好消息,話我嚟緊會加人工、接咗啲咩戲,叫佢唔好擔心,但係實質冇,淨係空口講白話,淨係識得講:『唔使擔心!』我嗰句『唔使擔心』,愈講愈無力……我冇成日講出口,不過我愛佢,佢知㗎。所以我話,畀我做男主角,不如加我人工仲實際,我好想放個長假,同老婆去一次富富貴貴嘅旅行。」

替綠葉們說句話

《雷霆掃毒》開播第三週,黃智賢說最苦惱是得罪不少林峯 fans。

再說回本刊早前劇透誤指「潘 Sir」黃智賢強姦「阿 Pat」徐子珊,黃智賢說影響真的不小:「好慘呀,強姦已經衰,仲要嗰個係徐子珊,有好多粉絲喺微博@我嚟鬧……我澄清完雖然有改善,但係你知唔知林峯仲多 fans,我做戲日日都要同林峯針鋒相對,套劇做咁耐就俾林峯 fans鬧咁耐,個個話見到黃智賢就憎!」
在此向黃智賢誠心道歉,劇情有誤連累他被罵。不過粉絲們能理智些嗎?做戲啫,唔使憎埋黃智賢喎!



水晶宮

積分: 71818

畀面勳章 環保接龍勳章


59#
發表於 12-10-11 12:33 |只看該作者
我覺得佢幾"正"架!
謀事在人,成事在天,個天先係最終揸"fit"人!!

你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。


大宅

積分: 4863


58#
發表於 12-10-11 11:30 |只看該作者
其實我覺得佢幾好戲呀..

都幾中意佢..

咁每部戲都梗有正派同反派角色架啦..

有花都要有葉..依個不死定律黎...


男爵府

積分: 7005

好媽媽勳章 畀面勳章


57#
發表於 12-10-11 11:26 |只看該作者
佢越黎越有味道


瑪瑙宮

積分: 140656

父親節2025勳章 母親節2025勳章 2025勳章蛇年勳章 2024年龍年勳章 牛年勳章 2018父親節勳章 2018復活節勳章 開心吸收勳章 醒目開學勳章 15週年勳章 親子王國15週年勳章 親子王國15週年勳章


56#
發表於 12-10-11 11:13 |只看該作者
這個世界上所有的愛都是以聚合為最終目的,只有一種愛以分離為目的,那就是父母對孩子的愛。 父母真正成功的愛,就是讓孩子盡早成為一個獨立的分個體﹗


公爵府

積分: 26163


55#
發表於 12-10-11 11:13 |只看該作者


禁止訪問

積分: 4191


54#
發表於 12-10-11 11:09 |只看該作者

回覆:黃智賢: 一個壞蛋的自白

提示: 作者被禁止或刪除 內容自動屏蔽


男爵府

積分: 8408


53#
發表於 12-10-11 11:01 |只看該作者

回覆:黃智賢: 一個壞蛋的自白

Ben哥哥 撐你


水晶宮

積分: 64276

育兒性格勳章 畀面勳章 環保接龍勳章 BK Milk勳章 hashtag影視迷勳章


52#
發表於 12-10-11 10:51 |只看該作者
努力 一定有回報 .


水晶宮

積分: 64439

2025勳章蛇年勳章 虎到金來勳章 畀面勳章 BK Milk勳章


51#
發表於 12-10-11 10:39 |只看該作者
回覆 SWtwins 的帖子

嘩~都幾高wor,未見過真人,就咁睇佢都幾高架


版主

積分: 69989

2024年龍年勳章 2023年兔年勳章 2018復活節勳章 開心吸收勳章 最關心BB問題熱投勳章 大廚勳章 好媽媽勳章 醒目開學勳章 畀面勳章 版主 環保接龍勳章 BK猜猜猜慶中秋 BK Milk勳章


50#
發表於 12-10-11 10:13 |只看該作者
辣薑~


琥珀宮

積分: 175231

好媽媽勳章 畀面勳章 環保接龍勳章 BK Milk勳章


49#
發表於 12-10-11 10:11 |只看該作者

回覆:黃智賢: 一個壞蛋的自白





若要人不知 唔好咁低B !  : P


琥珀宮

積分: 167274


48#
發表於 12-10-11 10:09 |只看該作者

引用:我覺得佢做戲,+好過三哥好多!

原帖由 mickeyeva 於 12-10-11 發表
我覺得佢做戲, 好過三哥好多!
三哥一出道就男主角,中間又停咗咁多年,同阿海既戲齡同經歷同差好遠!




瑪瑙宮

積分: 141319

2025勳章蛇年勳章 2024年龍年勳章 2023年兔年勳章 虎到金來勳章 畀面勳章 環保接龍勳章 親子達人勳章 BK Milk勳章


47#
發表於 12-10-11 10:03 |只看該作者
我覺得佢做戲, 好過三哥好多!


男爵府

積分: 7839


46#
發表於 12-10-11 09:59 |只看該作者

回覆:黃智賢: 一個壞蛋的自白

佢越來越有戲味。呢d都係浸返黎。


禁止訪問

積分: 117499

玩具勳章 趣教勳章 畀面勳章 叻叻勳章 有「營」勳章 wyeth冷知識勳章 陪月勳章 大廚勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag影視迷勳章


45#
發表於 12-10-11 09:51 |只看該作者
提示: 作者被禁止或刪除 內容自動屏蔽


男爵府

積分: 8760

2018復活節勳章


44#
發表於 12-10-11 09:44 |只看該作者
我都好鈡意佢


瑪瑙宮

積分: 141319

2025勳章蛇年勳章 2024年龍年勳章 2023年兔年勳章 虎到金來勳章 畀面勳章 環保接龍勳章 親子達人勳章 BK Milk勳章


43#
發表於 12-10-11 09:37 |只看該作者
睇番他做真情時的阿海, 好老土,宜家越來越有男人味, 正!


珊瑚宮

積分: 105136

父親節2025勳章 母親節2025勳章 2025勳章蛇年勳章 2024年龍年勳章 牛年勳章 2018復活節勳章 hashtag影視迷勳章 玩具勳章 醒目開學勳章 畀面勳章 睛靈勳章 環保接龍勳章 BK Milk勳章 親子王國15週年勳章 親子王國15週年勳章


42#
發表於 12-10-11 09:36 |只看該作者


大宅

積分: 3191


41#
發表於 12-10-11 09:35 |只看該作者

首頁

尾頁

跳至
Presslogic Logo
Baby Kingdom Logo