吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好嬲，大家評下理，自己阿媽咁對個女(超長) ...

婆媳關係今日: 0|主題: 27782

收藏本版

發帖

返回列表

跳至頁

查看: 7204 | 回覆: 100

好嬲，大家評下理，自己阿媽咁對個女(超長) [複製鏈接]

12 3 4 5...6

melmelyan

男爵府

積分: 8594

1^#

發表於 12-12-6 03:26 |只看該作者 |正序瀏覽 |打印

我4月發現有左bb，所以今年9月註冊結左婚。兩邊屋企都知我同c6唔想擺酒，但其實4大長老都好想我地擺，所以我地話想留錢俾bb而唔擺。但因為c6係拉仔，對上得兩個家姐，62好想我地擺酒好好睇睇，所以6299話佢地出錢擺酒，俾十圍我媽當禮金。我同99關係好好，佢當我女咁錫，我自己本身好唔好意思接受呢個恩惠，亦都覺得要搞一場大龍鳳真係好煩，但c6想順62意，咁就當係俾面男家做得好好睇睇啦。我媽知道我地都係擺酒後，當然好開心啦。但我表明立場，由於唔係我出錢，所以我係冇話事權的，一切我會尊重6299既意見。我媽就覺得咁仲好，有人幫佢搞埋，佢唔駛煩又有面。

咁我99係家庭主婦，我媽要返工既，99雖然係好傳統既師奶，但都好開通好潮。講到擇日，99梗係睇通勝啦，我知我媽一定唔識，但我都專登問左佢，佢想由我99擇日丫，定佢搵我婆婆擇，我媽就話既然99識咁就交俾99擇啦。由我有bb果刻開始，我媽日日打黎問擇左日未，問到我煩，我解釋左萬九幾次想2013年尾，所以99要等到有通勝先擇到日，佢就日日都要打黎追問買左未，點解咁耐都未出通勝，冇理由仲未出，煩到我燥，我話你咁叻你買本返黎俾我，佢就停左一排…

點知過一排，又再追問我地揀左酒樓未。我解釋左好多次，由99決定，因為唔係我出錢。而我媽不停推介a酒樓，又或者佢朋友講b酒樓好，佢又會叫我揀。佢揀親果啲唔係冇雷公咁遠呢，就係彌敦道一定冇得泊車既酒樓，我全部都唔得(男女家都係住新界)。如是者推介左好多間俾我，我都係果句99決定。同埋我話日子都未諗好，諗好先算啦。但佢都繼續keep住追問做乜唔揀呢間，做乜唔揀果間，我真係就快俾佢激到嘔血，好似唔識聽廣東話咁!!!

好喇，買左通勝喇，99要夾一日係唔沖我同c6 & 6299 & 我父母，都係想為大家好，而c6同99講想要weekend 或假期既日子，唔好揀weekday，所以99都真係好難擇，擇左好耐(當中又要忙c6家姐結婚既事)，終於揭到本通勝爛咁滯今日就擇左13年12月8日或14年1月1日係最夾我地既。而同時99都揀左一間喺大埔好出名擺酒既酒樓(我女家&女家親戚都住大埔，男家住北區)，99都有好多朋友住大埔，又方便男女家，酒樓又好好睇睇而價錢亦好公道，所以99決定呢間，我同c6都冇意見。咁好啦，99驚住得返一年時間，唔知會唔會俾人訂左，所以打鐵趁熱今晚即時就去左酒樓食飯兼落訂，咁我就拿拿臨同我媽講啦。我媽話唔鍾意果間酒樓，話逼喎，我又講多次唔係我俾錢我冇得話事，咁我媽就冇再講。點知12月8日已俾人訂左，淨返1月1，咁我又同阿媽講，點知佢好大反應話果日唔得，因為佢偶像生日年年果日都請佢地飲，我一聽到呢個理由即刻火滾，你個女嫁緊要啲定你偶像年年都有既生日緊要啲呀！佢問我揀過第二日得唔得，我話唔得，因為得返呢日最夾我地，佢話唔信成年得果一日好日，我又要再從頭解釋俾佢知點解得果一日，佢就話我唔就佢，話我野蠻，話我錫晒99得架喇冇老母架喇!! 救命，我真係嬲到震，宜家係邊個野蠻? 我同佢講，如果你偶像咁重要，咁得啦，果日唔聯婚，淨係男家娶新抱，女家我一個都唔請。佢話佢唔去飲偶像果餐唔緊要，但佢班40幾年好姊妹一定會揀去飲偶像果餐而唔飲我呢餐。哈，我聽到呢度仲火滾，個阿媽為左要就自己啲朋友而要我改期，多麼無稽的一個理由。我堅決唔退讓(何況我冇得退讓因為我真係冇得話事)，我媽就鬧爆我，點解佢都係主人家點解唔可以就佢唯一呢樣野，佢話總知果日一定唔得，我話其實果班aunties 唔黎真係冇所謂，我唔介意，但我媽話佢介意，佢介意自己嫁女班姊妹唔喺度，我話第一，你啲姊妹如果係當你姊妹俾面你就一定會黎，第二，宜家係我結婚唔係你結婚，如果唔係男家俾10圍你你根本一個人都請唔到。結果成晚我就同我媽爭鬥左好耐，眼見99要落訂喇，我要我媽即刻決定要聯婚定分開擺，我媽冇應我，而我99已經照原訂計劃聯婚而落左萬幾蚊訂金。其實全程99都唔知我同我媽發生咩事，只知我媽有啲意見，我99仲不停問我，"係咪襯家有意見，駛唔駛我同佢傾下"，我梗係話唔駛啦，我媽野蠻到咁我真係唔想佢兩個會嗌交收場兼搞到我同99關係有變化(我媽係果啲明明自己踩到人都要鬧返人地果種人)

到宜家呢一刻我媽依然覺得係我衰我不孝，但其實我個心有幾痛佢知嗎？各位jm，係咪真係我做錯係我不孝?? 我bb今個月尾出世喇，今日勞氣到bb踢到我宜家都未訓到，希望呻完我訓得著啦。

0 2 0

私人傳訊

melmelyan

男爵府

積分: 8594

101^#

發表於 12-12-23 19:13 |只看該作者

引用：噢....+我覺得媽媽成日都有D+偏思想的.我媽

原帖由 salomanfa 於 12-12-23 發表
噢.... 我覺得媽媽成日都有D 偏思想的.
我媽都係D怪人, 佢宗信佛教, 佢有返PART TIME, 佢會為左返佛堂, 返 ...

其實做女兒的，最心痛係自己媽媽竟然唔係將自己放第一位

私人傳訊

salomanfa

大宅

積分: 4453

100^#

發表於 12-12-23 18:34 |只看該作者

噢.... 我覺得媽媽成日都有D 偏思想的.
我媽都係D怪人, 佢宗信佛教, 佢有返PART TIME, 佢會為左返佛堂, 返 PART TIME, 將佢個女 (即係我) 拋諸腦後的.

例如, 我生B 個一日, 我叫佢煲粥黎比我食, 佢話佢要返PART TIME唔得閒.
我叫佢煲薑醋, 佢話個日要返佛堂唔得閒...
等等等等.....................

(最後, 要我大發雷霆, 佢先極不願意講句: 怕左你, 請假啦... 巴閉)

私人傳訊

melmelyan

男爵府

積分: 8594

99^#

發表於 12-12-23 03:00 |只看該作者

引用：Quote:原帖由+melmelyan+於+12-12-06+發表

原帖由 紅蝴蝶 於 12-12-23 發表
想當年我老母叫我改日子就佢幾個朋友食dry , 激到我啤一聲

咁你點解決??

私人傳訊

紅蝴蝶

大宅

積分: 4967

98^#

發表於 12-12-23 01:42 |只看該作者

引用：我4月發現有左bb，所以今年9月註冊結左婚。

原帖由 melmelyan 於 12-12-06 發表
我4月發現有左bb，所以今年9月註冊結左婚。兩邊屋企都知我同c6唔想擺酒，但其實4大長老都好想我地擺，所以 ...

想當年我老母叫我改日子就佢幾個朋友食dry , 激到我啤一聲

私人傳訊

melmelyan

男爵府

積分: 8594

97^#

發表於 12-12-18 13:15 |只看該作者

引用：或者試下換個角度，你媽偶像生日就係個女結

原帖由 emiliarabbit 於 12-12-18 發表
或者試下換個角度，你媽偶像生日就係個女結婚，好有意思，個的姐妹可以跑2埸，明白你咁多年的苦處，但知你 ...

所以宜家我唔再諗，專心等bb出左世之後先再算，仲有成年，慢慢安排。

私人傳訊

emiliarabbit

男爵府

積分: 9088

陪月勳章

96^#

發表於 12-12-18 04:10 |只看該作者

回覆：好嬲，大家評下理，自己阿媽咁對個女(超長)

或者試下換個角度，你媽偶像生日就係個女結婚，好有意思，個的姐妹可以跑2埸，明白你咁多年的苦處，但知你都係想盡力維繫，慢慢再講，仲有成年，會好的！

禁止在頭像相片，自定義頭銜，個人簽名，使用帶有商業/個人/團體廣告或宣傳推介成份之字句/圖片/超連結

私人傳訊

melmelyan

男爵府

積分: 8594

95^#

發表於 12-12-18 01:35 |只看該作者

引用：我的想法好直接，如果媽媽真係咁緊張個女

原帖由 kamajenny 於 12-12-18 發表
本帖最後由 kamajenny 於 12-12-18 00:49 編輯

我的想法好直接，如果媽媽真係咁緊張個女嫁得好唔好，咁 ...

我就係覺得如果佢係緊張我，想我以後喺男家好，就會識得權衡輕重。可惜佢唔係，到宜家呢一刻依然想全世界就晒佢。

私人傳訊

kamajenny

大宅

積分: 3388

94^#

發表於 12-12-18 00:44 |只看該作者

本帖最後由 kamajenny 於 12-12-18 00:49 編輯

我的想法好直接，如果媽媽真係咁緊張個女嫁得好唔好，咁佢有無諗過自己無付出，但仲呀之呀左，一個唔該，搞到個女同男家關係唔好，咁個女以後點同男家相處? 咁叫為個女好咩? :;pppp:

我自己都搞緊結婚，但媽媽就咩都無所謂，今年仲買定d"立"腸話要送比我99，雖然已經叫左佢唔好買，但媽媽講左句: "禮多人不怪，等你99高興下，希望第日對你都好d !!!" 雖然唔知 work 唔 work, 但感激佢有咁既心!

將心比己，樓主別勞氣!
我看她只是十分幼稚，及不分輕重!

希望你唔好介意我咁評價她!

私人傳訊

Hoyu妹妹

複式洋房

積分: 310

93^#

發表於 12-12-17 08:35 |只看該作者

回覆：melmelyan 的帖子

點都好啦，可能她真係對你好衰，我旁人吾知，希望可以體諒下她

私人傳訊

melmelyan

男爵府

積分: 8594

92^#

發表於 12-12-16 21:10 |只看該作者

引用：我真係好妒忌你有個咁愛你ge呀媽，同埋奶奶

原帖由 Hoyu妹妹 於 12-12-16 發表
我真係好妒忌你有個咁愛你ge呀媽，同埋奶奶，雖然我都有！第一，呀媽煩你，係想關心你咩時間，第二不停同你 ...

呀仲有，果班aunties ，sorry ，佢地冇睇住我成長，一年都唔會見到佢地一次囉。我真係完全唔熟佢地。而以我所知所謂40幾年好姊妹，果3圍人入面得3幾個係40幾年好姊妹，其他所有人都係佢影迷會入面識既人……

私人傳訊

melmelyan

男爵府

積分: 8594

91^#

發表於 12-12-16 21:06 |只看該作者

引用：我真係好妒忌你有個咁愛你ge呀媽，同埋奶奶

原帖由 Hoyu妹妹 於 12-12-16 發表
我真係好妒忌你有個咁愛你ge呀媽，同埋奶奶，雖然我都有！第一，呀媽煩你，係想關心你咩時間，第二不停同你 ...

我唔否定我媽對我的愛，但我想講，第一，佢煩我定日子，係想我快啲定左日子好讓佢立即對外公布。我同佢講過唔好咁快同人講，因為我當時仲未決定接受99好意而擺酒，但佢已經同好多人講左。曾經有段時間我同c6達唔成共識，所以我同佢講我都係唔擺喇，點知佢即刻發晒癲鬧我，話佢已經同好多人講左我會擺酒，宜家又唔擺佢點同人交代，我話我一早講左唔好公布住，因為所有野都未有定案……佢仲無啦啦同我表妹講，叫佢做我姊妹，又叫我表姐做司儀，我呆左囉!! 十畫都未有一撇啊！做乜要咁樣安排? 第二，佢推介俾我既酒樓，佢係絕對冇上門搵過的。純粹係佢一聽到我可能會擺酒，就周圍同人講，然後呢個又叫佢揀a酒樓，果個又叫佢揀b酒樓，呢個又叫佢揀c酒店咁……佢每聽完一個人講就打一次俾我。酒樓呢個問題，我一開波已經講我冇話事權呀！因為唔係我俾錢，我講過，男家俾錢擺酒自然要根據返男家既經濟能力，總唔能夠因為我媽一句佢鍾意就要男家用多左錢而出去啲乜乜酒樓擺。我媽愛唔愛我，我心知肚明，佢愛的，但有幾愛，我心照了。爸爸家姐及我已經心淡，但我唔會放棄我媽媽，佢點對我都係我媽，bb出世我一定會通知佢，我知道佢錫我&錫孫的。只係今次呢件事我係唔會因為佢而改期的。過往我已經為左佢放棄左好多好多，包括我既夢想!!! 我放棄咩都唔緊要，但要我放棄人生大事及將來屬於自己既家就一定唔得!

私人傳訊

Hoyu妹妹

複式洋房

積分: 310

90^#

發表於 12-12-16 20:12 |只看該作者

回覆：好嬲，大家評下理，自己阿媽咁對個女(超長)

我真係好妒忌你有個咁愛你ge呀媽，同埋奶奶，雖然我都有！第一，呀媽煩你，係想關心你咩時間，第二不停同你講邊間酒樓好係因為她好開心個女嫁，想參與你結婚ge籌備，因為你係她ge女，自己特登都行下酒樓睇下邊間好，仲有，你以為你呀媽話酒樓迫係挑剔你，錯了，係想你嫁得有體面d,

每個人都有自己尊重ge人，你呀媽吾係拎你同偶像比較，係想係嫁女時有一班好要好ge姐妹係婚宴上見證住自己喜悅ge時刻，好坦白講十月懷胎生你，朋友睇住你成長，其實她都係想比自己有個好回憶，吾好覺得她煩！。

你奶奶問親家係咪有問題果時，為何你不說？你都係因為吾好意思出聲，但件事我覺得奶奶都出聲問，都係想大家滿意，但你明知有但吾講，其實我覺得你處事手法有待改進囉，同埋同你呀媽say sorry 因為你傷左她心，你要記得潑左出去ge水係收吾番！