夫婦情感 今日: 0 | 主題: 42796

積分: 37380

醒目開學勳章畀面勳章

2101^#

發表於 18-4-6 14:38 |只看該作者

回覆 GabKar2012 的帖子

你老公係唔想離婚，但佢又唔能夠放棄去滾。我有一個親戚都係咁嘅人。
女方有高薪厚職，
外表仲大方得體，
但個男人係不斷咁出軌，
滾似乎係佢興趣，
有D人係冇得改！

私人傳訊

積分: 6156

2102^#

發表於 18-4-6 14:48 |只看該作者

GabKar2012 發表於 18-4-6 14:21
其實你講嘅唔信任我嘅意思係邊方面？佢背叛我，點解會係佢唔信任我？

BTW，如果佢不停對你嘅要求落閘，其實都係一個表態嚟架喎，即係佢唔願意改，你夾硬逼佢佢最多講幾句大話應付咗你先

私人傳訊

積分: 4540

2103^#

發表於 18-4-6 15:03 |只看該作者

~小樹兒~ 發表於 18-4-6 14:31
你而家同佢有利益衝突，自然覺得你做嘅嘢都係為你自己，佢聽你講佢會喪失自己利益，所以成隻刺蝟咁
...

你所指嘅利益，似乎係指背著我做有利佢自己嘅事，例如偷食。是嗎？

私人傳訊

積分: 6156

2104^#

發表於 18-4-6 15:23 |只看該作者

GabKar2012 發表於 18-4-6 15:03
你所指嘅利益，似乎係指背著我做有利佢自己嘅事，例如偷食。是嗎？

是的

私人傳訊

mimiNbaby

積分: 5888

陪月勳章

2105^#

發表於 18-4-6 15:31 |只看該作者

~小樹兒~ 發表於 18-4-6 14:48
BTW，如果佢不停對你嘅要求落閘，其實都係一個表態嚟架喎，即係佢唔願意改，你夾硬逼佢佢最多講幾句大話 ...

我果個又係咁, 每次一同佢傾佢就落閘, 好無奈.

私人傳訊

積分: 4540

2106^#

發表於 18-4-6 16:59 |只看該作者

~小樹兒~ 發表於 18-4-6 15:23
是的

攤牌嗰日我有問佢點解唔想離婚，佢無實在咁回答我。但從佢嘅反應我估佢係為咗個囡想保持家庭完整，亦唔想離婚之後唔可以日日見到個囡。另一方面，男人40對自己嘅事業未能有成嘅失落感，如果連婚姻都保不住，佢會覺得自己徹徹底底好失敗。對於我...... 如果唔係有個囡，我幾肯定佢會肯離婚，已經唔係愛唔愛嘅問題，係佢無面目面對我，佢會選擇逃避。個囡令佢覺得有責任留係呢段關係度，即使呢段關係已經爛哂佢都覺得值得。

私人傳訊

積分: 47022

開心吸收勳章

2107^#

發表於 18-4-6 17:15 |只看該作者

soso1227 發表於 18-4-6 14:38
回覆 GabKar2012 的帖子

你老公係唔想離婚，但佢又唔能夠放棄去滾。我有一個親戚都係咁嘅人。

滾的確係心癮居多，不過有啲滾得有返咁上下日子嘅人覺得出去滾都係不外乎嗰啲嘢（唔玩感情），總會有厭倦嘅一日！

百花叢裡過，片葉不沾身。

私人傳訊

積分: 47022

開心吸收勳章

2108^#

發表於 18-4-6 17:18 |只看該作者

GabKar2012 發表於 18-4-6 16:59
攤牌嗰日我有問佢點解唔想離婚，佢無實在咁回答我。但從佢嘅反應我估佢係為咗個囡想保持家庭完整，亦唔想 ...

其實妳自己都知佢為咗乜而唔離婚，相信妳老公會係一個怕麻煩，又怕面對現實嘅人，咁佢為咗個女而唔離婚，妳又會唔會因為個女而繼續咁落去？如果會，妳會唔會改變妳自己？即係做掛名夫妻，但各有各嘅生活（包括感情生活）？

百花叢裡過，片葉不沾身。

私人傳訊

積分: 4540

2109^#

發表於 18-4-6 17:37 |只看該作者

wing1388 發表於 18-4-6 17:18
其實妳自己都知佢為咗乜而唔離婚，相信妳老公會係一個怕麻煩，又怕面對現實嘅人，咁佢為咗個女而唔離婚， ...

個囡嗰日喊住咁求我地唔好唔做老公老婆，我個心其實好痛，嗰刻我真係好嬲好嬲有啲人咁自私去破壞個囡心目中美好嘅家庭形象！點解佢做錯事要我同個囡承受佢嘅錯！?

你問嘅呢個問題，亦係我而家同時諗嘅問題。

私人傳訊

積分: 47022

開心吸收勳章

2110^#

發表於 18-4-6 17:51 |只看該作者

GabKar2012 發表於 18-4-6 17:37
個囡嗰日喊住咁求我地唔好唔做老公老婆，我個心其實好痛，嗰刻我真係好嬲好嬲有啲人咁自私去破壞個囡心目 ...

咁你哋真係要諗清楚，離婚對年紀細嘅子女嘅影響真係估計唔到！

但呢個時候妳要俾個女明白發生緊咩事，俾佢知道爸爸因為其他女人而搞成咁樣，亦要妳C6親自向個女承認先係最恰當！

百花叢裡過，片葉不沾身。

私人傳訊

積分: 4540

2111^#

發表於 18-4-6 23:22 |只看該作者

wing1388 發表於 18-4-6 17:51
咁你哋真係要諗清楚，離婚對年紀細嘅子女嘅影響真係估計唔到！

但呢個時候妳要俾個女明白發生緊咩事，俾 ...

我個囡好細喳，講呢啲似乎唔係咁恰當。叫爸爸係個囡面前承認做錯呢啲更加無可能啦～叫佢同我承認做錯都唔會呀！仲同阿囡講，impossible添啦

私人傳訊

積分: 47022

開心吸收勳章

2112^#

發表於 18-4-7 09:25 |只看該作者

GabKar2012 發表於 18-4-6 23:22
我個囡好細喳，講呢啲似乎唔係咁恰當。叫爸爸係個囡面前承認做錯呢啲更加無可能啦～叫佢同我承認做錯都唔 ...

唉...咁妳真係要拿定主意，離抑或唔離最好早啲決定啦，留返多啲時間俾自己同個女適應。

離，妳要點同個女解釋點解要同爸爸分開，唔離又點去處理將來同C6嘅關係同模式。

百花叢裡過，片葉不沾身。

私人傳訊

積分: 6156

2113^#

發表於 18-4-7 10:12 |只看該作者

GabKar2012 發表於 18-4-6 16:59
攤牌嗰日我有問佢點解唔想離婚，佢無實在咁回答我。但從佢嘅反應我估佢係為咗個囡想保持家庭完整，亦唔想 ...

其實佢所謂為面子，冇面目面對你，都係自私底，冇真心內疚，搞到妻女咁難過，唔好話改過，連一句對唔住都唔願意講。我反而覺得你要認清呢個人仲係唔係愛你，兩人之間冇愛嘅話，唔愛你就唔會對你好，咁一齊冇意思，而家咪佢著數哂，又偷食又唔洗面對婚姻失敗或失去女女，要你硬食。

如果你接受到各有各玩，都要諗下自己底線好唔好講出嚟，或點表達好，佢份人咁自私，要考慮佢攞正牌之後會唔會變本加厲，要面對嘅事可能更不堪，例如玩到返屋企、帶啲唔知咩女人比女女認識，各有各玩係咪真係收得咁埋。小朋友而家太細唔明，對佢係一個影響，佢大啲明白之後會有另一個影響，因為爸爸做錯一回事，媽媽嘅決定都會影響佢將來家庭觀、感情觀。

私人傳訊

積分: 6156

2114^#

發表於 18-4-7 10:47 |只看該作者

GabKar2012 發表於 18-4-6 17:37
個囡嗰日喊住咁求我地唔好唔做老公老婆，我個心其實好痛，嗰刻我真係好嬲好嬲有啲人咁自私去破壞個囡心目 ...

唔好將啲負面情緒要個女承受埋，就算分對錯，都要盡量輕描淡寫，正面啲，離婚唔係世界末日，要比個女知道點樣都好，你哋都會有能力開心生活落去，係可能啲人物角色變動下咁。其實你哋決定好哂，先再諗點比小朋友知，唔好要個小朋友承受決定過程中嘅呢啲動盪，分擔埋大人啲負面情緒，另外亦真係要諗清楚哂先好去做，同小朋友表態，唔好變嚟變去

私人傳訊

micsin

公爵府

積分: 25196

2115^#

發表於 18-4-7 11:35 |只看該作者

~小樹兒~ 發表於 18-4-7 10:47
唔好將啲負面情緒要個女承受埋，就算分對錯，都要盡量輕描淡寫，正面啲，離婚唔係世界末日，要比個女知道 ...

人做錯係要承担責任架你忍只會一而再基本上已完就比佢完啦強求有用嗎你都要教呀女士可殺不可辱不要比人踩踏自己尊嚴

私人傳訊

積分: 47022

開心吸收勳章

2116^#

發表於 18-4-9 09:47 |只看該作者

~小樹兒~ 發表於 18-4-7 10:47
唔好將啲負面情緒要個女承受埋，就算分對錯，都要盡量輕描淡寫，正面啲，離婚唔係世界末日，要比個女知道 ...

其實佢囡囡識得叫父母唔好分開，即係話佢都已經知道發生緊咩事，而事實上而家啲小朋友都比我哋個年代「醒目」，寧可花多少少時間三口六面解釋佢知，總好過突然要佢接受父母分開呢個事實！因為心理上嘅影響可大可小，若然JM佢想繼續做有名無實夫妻，各有各玩的話，咁點解唔灑脫啲分開，反正紙包唔住火，個女大個都一樣知道咩環境，根本冇必要維持一段咁樣嘅婚姻！

百花叢裡過，片葉不沾身。

私人傳訊

積分: 6156

2117^#

發表於 18-4-9 10:14 |只看該作者

wing1388 發表於 18-4-9 09:47
其實佢囡囡識得叫父母唔好分開，即係話佢都已經知道發生緊咩事，而事實上而家啲小朋友都比我哋個年代「醒 ...

唔關事，我當年父母分開都冇比我直接目擊任何emotionally intense嘅時刻，呢啲係可以控制。主要我係提醒佢：第一，唔好鬧交或自己情緒激動嘅時候比小朋友直接感受其負面情緒，令佢更加覺得家唔係一個安穩嘅地方；第二，大人自己拆掂先諗下點樣同小朋友講，講嘅時候亦應盡量正面。我文中冇講過話唔應該同小朋友傾，我寫嘅係應該大人嘅問題應該大人自己處理，傾好之後先用一個較好嘅方法同小朋友傾，小朋友知係一回事，我當年都知，但同要聽和感受埋負面情緒係兩回事，都係嗰句，呢啲大人係可以控制同應該做，明唔明?

我文中後段意思就係同佢講，雖然各有各玩係一個短暫令個女唔需要面對咁大轉變嘅方法，但到個女大啲，識得做判斷嘅時候，佢會點睇今日各有各玩嘅決定? 我諗JM唔係想紙包得住火，而係佢冇/未諗到咁遠

私人傳訊

積分: 47022

開心吸收勳章

2118^#

發表於 18-4-9 10:28 |只看該作者

~小樹兒~ 發表於 18-4-9 10:14
唔關事，我當年父母分開都冇比我直接目擊任何emotionally intense嘅時刻，呢啲係可以控制。主要我係提醒佢 ...

咁當年妳知道父母要分開，妳第一個感覺係點樣？同埋當年妳係幾多歲？

不過又咁講，唔係每一對夫婦都可以咁克制，可以分開都唔嘈交，否則唔會咁多倫常悲劇發生，有時火嚟嘅時候都理唔到咩環境，小朋友在唔在場。況且一間屋有幾大？就算閂埋房門嘈，小朋友都會知道，實際上又真係好難做得到。而且我相信JM佢都唔止一次响囡囡面前同C6嘈過了，囡囡都已經知道父母之間發生咗問題。只可以咁講，當年妳父母做得比較好。

而JM佢呢一刻都應該冇諗到咁遠，正因為咁我先開呢個POST，想大家即使離婚或未知離唔離，都要諗長遠少少，免得將來拿手唔成勢！

百花叢裡過，片葉不沾身。

私人傳訊