mansonwai 寫道:
嘩....係隔離有位媽咪係屯門醫院開刀差 D --> C 鬼左.
好恐怖呀 !!!
MANDY
[quote]
小巫女女 寫道:
事緣係咁~我18號那天上午9點左右入到手術室開刀,因係半身麻醉,所以聽到醫生講野,係佢攞囡囡出呢之後(09:21),佢開始幫我清理胎盤,但係整整下,我個人開始暈同呼吸困難,跟住就聽到個醫生講,要快d幫我止血,跟住隔左一陣,佢地就同我輸左兩包血,到左10點半左右,佢地就推左我出手術室,放左我係另一間房,但係我都係好暈同唔係好呼吸到,到左差唔多12點我先出到病房,當時我都仲有d血色,但係到左下午4點左右,我個人開始面色轉灰,(係d姑娘講)我又再次呼吸困難,(出手術室至4點都好暈)跟住我開始神智不清,我只知道我不斷咁叫好暈同呼吸唔到,跟住我見到十幾人係我床邊同我搶救~到左再清醒時,d姑娘問我要唔要通知我先生,我問d姑娘而家幾點,d姑娘就話已經係下午5點20分,我心諗5點半係探病時間,老公都已經黎緊,所以我就話唔使通知,過左一陣,我老公黎到見到我都嚇呆左,之後問返我老公,佢話當時見到o既我係面色灰白,插住鼻孔呼叫器,左右手都插左鹽水針,好以半死咁訓左係張床度,佢問我發生乜事,我就叫佢問姑娘,但係d姑娘就好就住就住咁話我失血過多,剛剛輸左血,而家已經冇事,到左第二日,醫生巡房,我問醫生,原來我係手術室時已失血過多輸左兩包血,到出左黎搶救時又輸多兩包血,佢話我total冇左1800ml 血,如果再冇多500ml (即兩包細檸檬茶),我就係咁先~ 各位你地話我係咪差d出唔到黎呀~
其實係我面色轉灰時,已經開始有醫生黎左,我不斷叫好暈同呼吸唔到係搶救緊o既期間,因為我知道如果我唔出聲,暈左過去,唔知會唔會醒返,所以我先不斷咁叫~
唉~~~下半場仲慘~~
到左第三日檢查傷口,居然係幫我開刀攞大囡出黎個醫生(佢姓張),呢個醫生手法好正的,之前我個條疤差唔多係睇唔到,好靚,但係當佢打開我塊紗布一睇個新傷口,佢即刻黑晒塊面,仲話做乜攪成咁~佢話俾我知,今次呢個醫生幫我開刀時,唔係一刀過,係要兩刀先開刀,仲要係縫針時太手緊,而家個傷口疊左,兩邊位又縫得太開,右手邊傷口爆左,左手邊雖然冇爆,但係都唔係咁好,佢即時同我講要係右手邊補返一針,仲要日日洗傷口,如果唔係就好易發炎,呢個張醫生好好,佢即刻同我入治療室,同我補針,又同我張d太緊o既針位拉返開,等個傷口冇咁肉酸,但係呢個過程就好痛苦,直到而家出左院,我個傷口同個肚都仲係好痛,有時仲痛到訓覺都痛醒.
本來諗住可以餵人奶,點知發生咁o既事,雖然我都有忍痛餵過囡囡,食左一日,但係囡囡一食我就即刻暈,可能身體真係太過弱,所以而家唯有放棄,我覺得好對囡囡唔住,我係醫院晚晚哭,到而家心情仲係好低落,好喇各位,我老公叫我休息喇,等我精神再好d再同大家講啦~~~ [quote]
Y's_Baby 寫道:
睇完Mandy同Stephy個post真係勁驚!
發表於 
返回列表
