O+'sLover 寫道:
Candy0615,
我就唔知另外個間點,不過我經城市個間正式都請過2個,講起都曲折離奇,話說第一個工人本來做咗一個星期都好好,點知有晩半夜突然話透唔到氣,即刻送去入醫院,話哮喘, 成個人得返半條人命, 一來嚇親,二來搞咗成晩火都滾. 即刻走去萛將,
跟住周生都好好人,即刻比個替工我及同申請個另外一個, 點知等到第2個出晒紙,埋門一腳話老公唔比來香港,跟住又要等第3個. 即現在這個,咁佢都pick up 得好快, 個時同奶奶一齊住5個大人1個小朋友佢都1個星期巳經做到好好.
後期我奶奶經佢地都請多咗一個,第2個好到不得了, 又唔會多事, 做錯咗又自首, 跟住重話要賠錢比你, 雖然話佢都會黑口黑面,但起碼唔會翵駁咀.
我就係先選人才去選公司的,當初我都去過好多間,但呢間多的選擇, 因為我好痳煩, 要印印之前四年係香港同一顧主,因為同親佢續約衰極有限,又要高過 5.4米, 因為之前個太細粒,曾經祝唔住我個女而撞到佢瘀左隻眼, 又唔可以太肥,因我老爺唔鍾意肥人(自己人唔計,因為佢全家都好肥), 又唔可以太樣衰, 我老公唔鐘意 (所以我老公娶得我可想而知我好靚), 間直選美一樣,但係都比我地搵到.
所以你要先叫佢地比人你睇下先,我知周生明天會有一批新人,你可以去問下, 有心水就影印回家再作比較.
Mavis,
我個女讀緊陳伯宏pre-nursery, 我覺得好到不得了, 環境好,人數少,老師又好人. 衛理堂我都有睇過, 但我覺得人太多,佢話成50個小朋友係同一大課室上堂, 好迫下.
不過今年唔會升k1, 因為阿女入到st paul, 不過真的唔捨得, 啊女真係好開心.
O+'sLover 寫道:
陳伯宏真係好好, 我個女成日撞到 (太活潑, 係屋企都成日周圍撞), 佢都好有交帶打電話話比你知, 重有事發詳情報告比你. b+的同學有4-5個都由半日轉全日. 又有好多家長及親子活動 (雖然我成日都唔去).
總之一定會好開心同學到野, 不過由於老公鐘意名校, 佢話 阿女讀得辛苦一件事, 但出路會好好多, 而又好彩入到咁咪讀st paul. 因為其實b+而家有個同學家姐都係st paul 讀, 佢mama 話個大女讀得唔開心,所以細個個都會係返陳伯宏讀, 搞到我有少少驚.
其實我都係照正常程序考入去st paul, 不過可能我個女係大女(即2月出世), 所以會著數的. 差幾個月差好遠. 再加上阿女唔怕羞,有問必答, 所以就ok 咗啦.
,佢本來讀庇利羅士. 佢吾算好smart, 不過超勤力, 第一個學期就考第一, 我地後來做咗朋友, 先知佢本來係庇利羅士讀最差個一班, 而且無論佢點努力, 都仍是最差 . 後來更發現佢長期食藥, 因為係庇利羅士壓力太大, 精神太緊張, 個年佢先得15歲 :-( candycan 寫道:
真係好多媽咪鍾意St. Paul wor... 名校的確係有名校ga吸引處,不過我有兩則小故事, 吾知你地有無興趣聽呢?
小故事都係發生係我ga中學時期(嘉諾撒書院):
1. 話說嘉諾撒書院係天主教學校, 與St. Paul Collage (跑馬地) 屬同一教區, 每年都會有d天主教節日, eg.五旬期 & 感恩節for 聖母 (吾記得節日名), 我校五旬期會有個箱仔比我地把零錢捐出, 感恩節就會於美術or聖经堂整紙/黏土百合花放於聖母像前. F2 個年有聯校活動, 有老師被邀請過去搞funtion 後回來講感受, 貴族名校如St. Paul 就有一個敝病, 就係女生們喜以$作比較, 五旬期鬥捐$多, 感恩節就鬥鮮花大/貴, 老師們覺得失去了本來節日ga意義, 我當時就只慶幸自已吾係讀St. Paul, 因為我屋企無甘多$同名牌同人鬥, 一直到上咗U先知原來我屋企已叫做有個$,我地個d叫校風純樸
2. F5 會考有21分(滿分30), 好彩原校升上F6, 來了個新同學, 會考有24分, 升吾到原校
其實我仲有其他名校小故事, 係U d 朋友ga经歷. 我好慶幸媽咪比我讀普通學校, 讓我成長得開心,自問我絕不聰明. 可能係我無大志, 不過我寧願做池塘中大魚都不願做大海中的小魚. 我打算讓寧寧入普通學校. :-P
CANDYCAN:
case 1 & 2 我都有同感!
因為識得某間北角的補習社d老細兼教師. 我多時都去同d小朋友玩的,佢同我講如果想選名校,第一要看天資, 第二要家人恨花5-6小時一齊同佢做功課及溫書, (如果慢要成晚都有)就連星期六日都無得去街要返補習社或做練習. 如果家人無時間就順其自然好啦!如果唔係 到時佢又辛苦你壓力重大.
同埋我見佢有幾個p.1的小朋友, d功課多到7-8樣. 佢DICT 取90分佢mama都鬧到佢死, 而且個幾個小朋友重好寸添.
....正所為有樣學樣.....
果度重有個讀ST.PAUL 男女(好似係中/上環半山果度間名校)又係P.1 功課已很多, D書深到似普通P.3的書,都唔緊要啦, 最辛苦係背默英文, (相信大家都讀過STORY BOOK) 佢要背默2頁.( 我心想如果比我,我就唔想見到個仔禁辛苦)
個仔重要無記性,經常放咗D書係LOCKER, 而佢媽媽經常都說早知唔入好過入! 我覺得佢媽媽壓力非常大, 因為佢唔想見到個仔日日返來哭著講, 我又唔合格...., 我又欠帶...可唔可以看1小時電視....
其實個仔由佢K2看到P.1, 佢好老織, 真係好聰明, 但佢都要考30/32名....如果比你係個小朋友,你會唔會愧.
試下無防, 如果唔得就算啦(轉校唔難架)
好過到時要留班.
去到第2間考到第一未重開心....
candycan 寫道:
真係好多媽咪鍾意St. Paul wor... 名校的確係有名校ga吸引處,不過我有兩則小故事, 吾知你地有無興趣聽呢?
其實我仲有其他名校小故事, 係U d 朋友ga经歷. 我好慶幸媽咪比我讀普通學校, 讓我成長得開心,自問我絕不聰明. 可能係我無大志, 不過我寧願做池塘中大魚都不願做大海中的小魚. 我打算讓寧寧入普通學校. :-P
發表於 
返回列表
