講單搞笑野
件事發生係 1994 年, 個晚約左班 FRD 去朋友 A 公司度睇世界杯, 最終搞到要玩撳鐘仔 
朋友 A 係某國術總會做既, 我地成班傻人鍾意睇波, 咁就約埋去佢公司睇.
由於我會轉新工, 個時唔識打中文同用 ms office, 於是提早上去等朋友 A 教我.
一上到去時..........見到兩邊牆都係相架.............邊類相架.........乜乜永遠榮譽會長...............
見到時唉左一聲, 唔理咁多叫朋友 A 教左我電腦先, 其餘既野煩到黎先算.
學左三個鐘都無事發生, 真係好好彩.
因為有部份朋友係收左工先上去, 咁朋友 A 就約左佢地係地鐵站等, 我同老公就係返朋友 A 公司度等.
朋友 A 出左去十分鐘左右, 我開始聽到怪聲, 類似玩膠袋既沙沙聲, 個時無開電視架, 跟住有 D 嘭嘭聲, 我就估到班永遠榮譽會長唔老黎............
D 聲維持左好耐, 我老公唔知係咪聽唔到定扮鎮定喇, 繼續係度睇我練打中文.
到朋友 A 接埋其他人返黎時, 我即刻問佢公司有無香, 我話佢班永遠榮譽會長唔老黎係度投訴, 好不幸係無香囉.
當時我靈光一閃, 叫佢去隔離屋 ~~~ 一樓一鳳 ~~~ 問佢地借香.
佢就好無奈地畀我地望住佢撳鐘仔, 撳完有人開門時我就行埋過去, 講話出左事想問佢地有無香, 有既可唔可以畀少少我地.
咁個位 "姐姐" 好好人, 聽完我講知咩事, 即刻拎左一大紮畀我地.
基於個度係公司, 無香一定無香爐, 唯有拎隻紙杯上面整張紙方便插香.
第一個由朋友 A 講先, 話我地係度睇波咋, 無意打擾咁多位休息, 希望唔好見怪.
之後我地逐一上香, 上完香之後怪聲無晒.
拿, 唔好打我頭丫, 個時轉工期間莫財ing, 無錢去酒吧睇波丫.
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
返回列表
