話說有位男仔貪得意夜晚獨行獅子山, 之後朋友覺得個男仔唔妥, 無聊傾偈之下同左我講, 咁我幫手查日腳, 再睇埋上山時晨, 發現沖正個男仔.......................
事發情況大約係咁, 男仔一個人上山, 去到小食亭見到有條山路, 好奇之下用電筒照, 有諗過行呢條路上去, 但覺得太黑最終無行, 就行返大路上, 落山時路經小食亭又照一野, 個時佢真係怯左, 唔敢再照.
佢落山時見到有架靈車經過佢身邊, 我聽到覺得個段時間無可能有靈車經過, 事後再講返............架靈車係無車牌加無人揸車既...........
個晚開始個男仔都覺得唔妥, 成日都好無精神, 黃昏開始就會好攰, 平時玩跳高可以跳得好高, 點之出事之後完全跳唔郁................
機緣巧合下有朋友介紹去城隍廟問, 亦介紹埋一位做功德既姨姨畀我, 之後就約去城隍廟問事.
睇日腳時我已經知大鑊, 到問事當日知道係咩事發生, 好彩無拖到唔理, 因為個位靈體係要索命.
化解時我跪埋係個男仔身邊, 咁岩手肘掂到個男仔, 我即刻好唔舒服, 由個心度寒出黎兼震晒................
城隍同靈體傾掂後, 個位姨姨用大百解幫個男仔掃身時, 企係男仔身後既朋友都感覺都一陣寒氣飄過............
做完晒儀式同化寶後, 個男仔話身上既沉重感覺無左, 個人都精神左.
之後同佢地食野, 另一個朋友都話由做完儀式後個男仔面色由青慢慢紅潤返, 樣都唔同晒.
真係奉勸各位唔好亂咁玩夜探, 時運低時真係好易中招.
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
唔到你唔信, 好在你肯出手幫個男仔, 最後冇事
都有賊啦 
？
返回列表
