打爛碗筷只係其中成日發生嘅事咋，浴缸水喉粒的唔知點解俾工人扯咗出嚟，結果要成組換，駛咗3千，廁所塊大鏡又俾佢哋撞崩咗，我都唔換住了，換一換又駛幾千，就連工人廁嘅洗手盤，無端端盤同渠嗰條管可以分離，唔知佢哋點用，瞓覺，晚晚要開住燈先瞓得着，死唔死？ 工人洗衣機無端端去唔到水，好彩仲係新機有保養，C fu 喺去水位揾到個一蚊，就係咁塞住去水位，我放喺飯廳兩個裝飾用（有人半身高）花樽，兩個工人，一人打爛一個，兩個冇晒，我再買咗3個細啲嘅，結果又撞崩咗一個，最搞嘢，其中一個工人成日發夢，執枱可以將食具當垃圾包埋丟，剩係陶瓷生果刀，同一款，就俾佢唔見咗4把，我有懷疑佢係咪唔鈡意用哩款刀，特登同我丟晒，又試過將濕抹枱布放喺廚櫃櫃桶，最難頂係～明明有洗衣機俾佢洗衫，都成日唔洗衫，哩個工人，成日惹埋晒啲螞蟻蚊子入屋，做嘢去到邊食到邊～啲零食，最慘啲零食碎丟到周圍係，除咗廚房有蟻路同螞蟻外，就連我房都有時見螞蟻，（我問另一個工人，佢就話我聽佢一路做一路食嘢），食完嘢飲完嘢周圍放，我冇工人的話，如果唔食嘢我廚房都唔會污糟，但而家就算我冇食嘢，廚房都會污糟，哩個工人自己食完啲嘢唔會跟手清潔，擺喺度嘔蚊，哩個就係我想換嗰個，佢仲有好多騎哩嘢，我都唔想喺網上講咁多。
發表於 
返回列表
