大仔大女媽媽會 今日: 0 | 主題: 177860

積分: 1661

261^#

發表於 07-6-8 00:52 |只看該作者

Re: 04年6月BB(PART31)

cathy,
恩恩都係最鍾意食芝心批條邊架,生日會原來你唔去,咁有機會再拿比你看啦!

我想分享一件開心事,就係恩恩申請到上午班啦,對於我來講,就等同中左六合彩咁開心,老師昨日打電話來時,我開心到傻左,因為4月中交書簿費後,打過去問話上午班無人放棄學位,話最快都要8月先知,我一早已打定輸數,恩恩會讀下午班,所以突然知道可以讀上午,簡直係喜出望外

私人傳訊

llcathy2004

積分: 3825

262^#

發表於 07-6-8 01:37 |只看該作者

Re: 04年6月BB(PART31)

vanessa,咁真係恭喜你同恩恩啦，啲作息唔駛亂晒∼∼第日係咪都係自己帶恩恩番學？

８號啦，祝阿澄&鏗少生日快樂，活潑可愛，精乖伶俐

鏗鏗要快啲好番，同媽咪一齊切蛋糕呀！

私人傳訊

pcsiauw

伯爵府

積分: 17254

熱血金章 BK Milk勳章

263^#

發表於 07-6-8 08:27 |只看該作者

Re: 04年6月BB(PART31)

[size=large]早...[size=x-large]晨...[size=xx-large]呀...

Oni, 你都要學我喇, 早睡早起, 早d出門口搭車, 一定要有得坐先好上車, 因為d人真係唔讓位比你架!!!

鏗媽, 乜鏗少咁大劑呀?! 氣管有事真係幾麻煩, 你要小心d處理呀...

渣渣, 粒瘡比人搞, 好過自己搞啦

傑媽, 第陣時叫 pizza 食叫埋我, 我同傑傑分黎食, 佢食包, 我食送

雲尼沙, 真係恭喜你呀!! 如果係我, 我會覺得中六合彩開心d :mrgreen:

私人傳訊

pcsiauw

伯爵府

積分: 17254

熱血金章 BK Milk勳章

264^#

發表於 07-6-8 08:32 |只看該作者

Re: 04年6月BB(PART31)

早兩晚半夜時, 阿儀喊到鬼哂咁嘈, 話耳仔痛, 喊足成晚咁滯, 搞到成屋人無覺好訓, 尋日朝起左身係咁喊, 於是婆婆拿拿聲帶佢去睇醫生, 原來耳仔發炎, 係之前發燒帶落黎ge, 又要食消炎藥............

由於我極度擔心ge關係, 於是尋日urgent地拎半日假返屋企, 睇下佢咩事, 返到屋企, 同佢食藥, 陪埋佢一齊訓一覺, 到訓醒時, 佢已經無事lu (*touchwood*), 仲好開心咁玩左成晚添......

尋晚成家人終於都有覺好訓咯

私人傳訊

ardnas65

等待驗證會員

積分: 27318

265^#

發表於 07-6-8 09:07 |只看該作者

Re: 04年6月BB(PART31)

早晨呀！
亞仔今朝發燒, 37.9,等陣同佢去睇醫生.......

蓮蓮，
佢幫我搞個陣,我嗌到鬼殺咁嘈,跟住佢話我生左兩件都唔忍得痛..... 跟住我話左佢聽我兩個都係開刀ga......

私人傳訊

HCbb

積分: 12328

266^#

發表於 07-6-8 09:19 |只看該作者

Re: 04年6月BB(PART31)

私人傳訊

wilfredchan

積分: 6505

267^#

發表於 07-6-8 10:17 |只看該作者

Re: 04年6月BB(PART31)

早晨!

有急事想問....

我囝 lee 兩晚半夜都有發燒, 不過, 探熱又吾係發燒, 但係身同手腳都好慶好熱, 都同佢食退燒, 食左退左, 朝早起身個人都熱, 探又係無燒.... 如果喉嚨發炎會吾會甘架 ??

私人傳訊

HCbb

積分: 12328

268^#

發表於 07-6-8 10:30 |只看該作者

Re: 04年6月BB(PART31)

鏗媽,
妳同鏗少探熱係咪用肛探呀? 耳探未必會準~
喉嚨發炎好多時會引致發燒的, 駛唔駛再睇下醫生呀??

私人傳訊

pcsiauw

伯爵府

積分: 17254

熱血金章 BK Milk勳章

269^#

發表於 07-6-8 10:46 |只看該作者

Re: 04年6月BB(PART31)

鏗媽,
耳探真係唔太準架, 如果你真係摸到鏗少興興地的話, 真係同佢去睇個醫生穩陣d喎...同埋多d用毛巾幫佢抹下個人, 等佢涼d, 仲有飲多d水, 冷氣要長開!!

如果係喉嚨發炎, 應該會發高燒添 bor (阿儀咪就係咁囉...)

私人傳訊

evamama

積分: 6225

270^#

發表於 07-6-8 12:35 |只看該作者

Re: 04年6月BB(PART31)

史迪媽,

乜鏗少生日到黎搞d咁野, 安全計, 都係搵醫生check下, 唔使靠估!

鏗少, 快d好番啦, 你阿媽就黎畀係搞到發顛啦

私人傳訊

evamama

積分: 6225

271^#

發表於 07-6-8 12:58 |只看該作者

Re: 04年6月BB(PART31)

琴晚大少第一次半夜叫我起身同佢痾尿, 我以為佢發開口夢, 又以為我自己發夢, 結果要佢推我幾下先知唔係發夢, 拿拿聲的佢去廁所, 急得濟唔記得開燈, 又驚佢摸黑痾出界......後尾眼訓得濟, 無沖廁又無睇下又冇出界就番上床訓, 阿仔既第一次就係咁胡混過關

私人傳訊

vanessa_lee

積分: 1661

272^#

發表於 07-6-8 15:16 |只看該作者

Re: 04年6月BB(PART31)

蓮蓮 & cathy,
多謝你地呀!我唔賭錢架!我應該都會送恩恩返學

史廸媽,
恩恩都經常喉嚨發炎的,通常都會持續發燒,你可以看下佢個喉嚨有無紅到,正常係粉紅色的,同埋問下佢喉嚨有無痛,若果唔放心,最好都係看下醫生了!
祝鏗鏗早日康復!

私人傳訊

wenwan

積分: 4676

273^#

發表於 07-6-8 16:19 |只看該作者

Re: 04年6月BB(PART31)

Happy birthday to 鏗鏗 !
鏗鏗, 你要快d好返呀 !

私人傳訊

ardnas65

等待驗證會員

積分: 27318

274^#

發表於 07-6-9 09:11 |只看該作者

Re: 04年6月BB(PART31)

早晨呀!!!
史廸仔,
生日快樂呀.... 快d 好返, 唔好要史廸媽擔心您咯.....

私人傳訊

HCbb

積分: 12328

275^#

發表於 07-6-9 11:50 |只看該作者

Re: 04年6月BB(PART31)

今朝帶左晴晴去健康院做三歲綜合觀察, 點知健康院話改左制, 4歲先做! 不過既然到左, 就照幫晴晴做, 4歲只係返去驗眼就得。
今日做ge有:
1. 有幅圖有1大1小圓圈, 問晴晴邊個係大圓圈, 然後轉個方向再問。(晴晴無問題)
2. 有幅圖有六種顏色, 叫晴晴講出其中3種。(晴晴6隻色講晒)
3. 俾張紙及一支筆晴晴, 然後跟護士畫。先亂畫, 然後直線、橫線及圓圈。 (晴晴可以跟到畫)
4. 俾個樽晴晴, 要佢扭開蓋拎粒餅出來, 然後扭返埋個蓋。(呢個有小小問題, 因為晴晴平時扭果d, 好快可以扭開, 但今日要扭果個, 要轉好多次先開到, 所以晴晴轉轉下發覺唔開, 又扭返轉頭。姑娘話要響屋企train下佢, 但唔好俾d只扭一下就開ge蓋佢試。)
跟住, 主要係問下我們問題, 問下晴晴可唔可以講全句句子, 平時食飯及活動情況等等。
姑娘結論係, 晴晴發展正常, 認顏色有4歲程度(3歲可以認到3隻色已ok); 仲有, 話晴晴好活潑(因為佢成日行左去)

私人傳訊

llcathy2004

積分: 3825

276^#

發表於 07-6-9 19:24 |只看該作者

Re: 04年6月BB(PART31)

happy birthday to RACHEL~~

& JUNE too!

係自由報料見到:

由6月9日至6月10日(只限兩日)

慶祝冒險樂園十三週年, 有新 promote呀!

1. 1994年6月9日出生, 就送$1,000代幣(500個).

2. 6月9日出生, 就送$100代幣(50個).

3. 1994年出生, 就送$50代幣(25個).

4. 6月或9日出生, 就送$10代幣(5個).

領獎時, 有以下注意事項 :

第一項, 領獎者一定要有有效證明文件之副本 (例如 : 身份證及出世紙) 及有效之會員證.

第一至四項，須出示有效證明文件(例如 : 身份證及出世紙) 及有效之會員證, (非會員可即時免費申請成為會員)

**合資人士必須為香港居民. 並在指定日期親身領獎.**

##我只寫一部份, 請看看"730"或詢問冒險樂園##

私人傳訊

llcathy2004

積分: 3825

277^#

發表於 07-6-9 19:28 |只看該作者

Re: 04年6月BB(PART31)

【明報專訊】近年不少父母讓初生嬰兒參加游泳班，期望能令嬰兒的身體更健康均衡地發展。然而比利時的一項研究顯示，幼兒在室內泳池游泳，可能增加患上哮喘的風險。

該項研究由天主教魯汶大學進行，以341名學童作研究對象，當中43名學童在嬰兒時期曾參與游泳班，研究發現他們的呼吸道內層比無上游泳課的學童更易受損，這將令他們患上哮喘或周期性復發支氣管炎的風險比其他學童高出3倍。

專家相信問題源於室內泳池的空氣質素。當添加了氯的池水與泳客的汗水、唾液或尿液混合時，便產生稱為三氯胺的物質。三氯胺會被釋放到空氣之中，形成平時在泳池所嗅到的氯氣味，目前醫學界已確定這種物質會對眼睛及上呼吸道構成損害。

研究員建議家長不要讓嬰兒過早學習游泳。若子女有上游泳班，應留意泳池是否有過強的氯氣味，有沒有泳客投訴眼部及上呼吸道過敏等，這些都有助識別池水及空氣中是否有高含量的三氯胺。

私人傳訊

wilfredchan

積分: 6505

278^#

發表於 07-6-10 09:55 |只看該作者

Re: 04年6月BB(PART31)

早晨呀!

鏗鏗已經好番好多啦, 8號佢正日生日果日我都係無同佢睇醫生, 我驚醫生要佢入醫院, 吾係甘想佢生日要住醫院, 同埋想係屋企睇定多1日食多1日藥, 所以佢都可以慶祝到生日, 同切到個 birthday cake, 尋日9號一早同佢去左養和楊執庸到覆診, 條氣管好左好多, 可以自己繼續係屋企吸氣同食藥, 不過, 個喉嚨比早幾日重紅左, 所以要食1個星期消炎藥, 過幾日再覆診, 見佢好左甘多, 我地更係開心啦, 於是, 睇完醫生我就去接埋老公, 諗住同鏗一齊去尖沙咀食 lunch 跟手去玩具反斗城買玩具, 典知食完飯係去反斗城途中, 我個c6 拖住鏗鏗, 可能鏗鏗又 naughty, 想走開去, 甘我隻佬又大力甘扯住佢, 大家都用錯力之下, 鏗鏗突然大叫cry, 扎住自己隻左手喊到好淒涼, 係甘講痛..........我即刻抱埋佢一邊, 叫佢遞起隻手, 佢已經遞吾到喊到顛晒, 我即刻同佢出番養和睇急証, 我係車度炳到我老公 pk, 去到醫院, 好彩醫生話都吾係好大件事, 小朋友好多時都係甘, 佢個 '交' 位可能用錯力'樓咩'左, 係醫院入面醫生同佢 '樓' 番正, 不過, 佢就喊到9彩, 吾駛照 x光住, 係屋企觀察一日先, 番到屋企已經好番好多, 隻手仔都肯郁下, 不過, 佢好得意, 成日反反下, 可能突然記得, 就走過黎遞起隻手比我, 跟住講痛, 要我地捉住佢隻手鍚幾啖, 佢又無事甘走去反........... 總括黎講, 我鏗今年生日都好慘, 不停進進出出去睇醫生同食藥, 希望佢過左 lee 幾日, 以後都可以開開心心, 身體健康

鏗鏗, 生日果日媽媽都未係lee 度同你講生日快樂, 而家同你講番.....

祝你生日快樂, 身體健康, I Love You !

私人傳訊

HCbb

積分: 12328

279^#

發表於 07-6-11 09:10 |只看該作者

Re: 04年6月BB(PART31)

私人傳訊

HCbb