其實出呢個post果刻我腦停止唔到被傷害回憶，好似放映機，無得stop…
我先生的確係逃避問題，佢曾經同我講係佢帶佢地黎呢個世界，卻又比唔到幸福同完整家庭佢地，所以先生一直活在內疚裡～
我亦問過先生愛我定只係想擁有我？
先生本身待人超級好，係一個零脾氣大好人，eq奇高，但屬大男人，在這個家庭中反而我覺得他才是值得愛及需要被愛，他，要擔起一個家，工作壓力，經濟壓力，怕失去女兒壓力，大女反叛期，說話不留情，一副什麼都懂的態度，二女就講一句駁十句，加上前妻給他傷害，睇見佢就辛苦～
前星期，好認真給他wsp道出我真的要爆，需要搬走，佢無開心過，而且一提，他面上傷感我心真係好痛，佢無留我，因為佢知我真係頂唔住，佢睇到我既失眠胃痛同間歇性地發顛～
見好多jm覺得他不為我想不夠好，其實，佢都好無辜，突然面對巨變，錯不在他，只可說他後階段處理不好，係我呢胎臨生前一個月他才跟二女講出同佢地媽媽分開真相，我個人認為是太遲，先生一直唔講只係唔想破壞女兒媽媽心中形象～
但我已被傷了幾年，那份對我憎恨感覺好難突然抽離！
苦心自問，對佢兩個女我真係無愧於心，其實我付出幾多都無用，因為她們需要的不是我的愛，我同自己小朋友既離開會帶比佢地再次傷害還是得到她們的期待？
我需要想得好清楚，所有事情放棄係好容易堅持係最難，而我，日日面對住負能量既佢地，實在頂唔住，最刺激到我既係離間我地母女，同擔心我女被茶毒，佢地唔尊重我，我女係咁既環境長大自然唔會尊重我，而且佢二女佔有慾好強！
文字只屬小部分，每日生活點滴根本無法一一說明，因為真正面對既係自己，旁觀指指點點既人怎能感受到自己日積月累～
多謝支持同鼓勵過我既jm們，反我既人如果反得合理我會思考，反得黎帶有一副什麼都看通我會視這些人為無知一類～
今日心情好多了，看著家中每一物，好不捨～
http://www.pregnology.com/faralong.php?month=8&day=08&year=2014
發表於 
返回列表
