吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 結婚未夠一年老公有第二個

夫婦情感今日: 2|主題: 42799

收藏本版

發帖

返回列表

跳至頁

樓主: superwannadie

13 141516 17...25

積分: 695

281^#

發表於 16-7-13 13:17 |只看該作者

superwannadie 發表於 16-7-13 12:17
多謝你⋯ 其實自己就唔覺得自己堅強⋯ 夠強就唔會搞到咁

我會努力走出困局！呢幾日就會有個了斷 ...

係去面對唔逃避已經好好
加油(emoji)(emoji)

私人傳訊

Chichibunny_218

禁止訪問

積分: 158

282^#

發表於 16-7-13 17:14 |只看該作者

提示: 作者被禁止或刪除內容自動屏蔽

私人傳訊

superwannadie

複式洋房

積分: 308

283^#

發表於 16-7-13 17:37 |只看該作者

aidan08 發表於 16-7-13 00:26
你完全係同我一直講好似你嗰個朋友一模一樣！
樓主，其實，你應該真係好害怕面對改變，面對無伴呢件事而已 ...

多謝你一直都打咁多字去幫我同支持我~:) 我會努力~~
希望你個位朋友都可以振作，或者你都將我個故事同你朋友講，可能佢用第三者角度睇，自己都可以開懷D (或者等佢知道世界上其實都有好多人同病相鄰:( )~~

祝你朋友可以快D 好返啦~!!!

私人傳訊

肥桔

子爵府

積分: 11110

284^#

發表於 16-7-13 22:56 |只看該作者

唔甘心又可以點？bb都有咗，唔捨得亦要放手！唔好曬青春喇！有1次就有第2次！點解要咁？讓自己傷心一段時間，俾自己重新選擇自己應該過嘅生活！人唔係為他人而活！過得開心快活每一天呀！加油啦

私人傳訊

superwannadie

複式洋房

積分: 308

285^#

發表於 16-7-15 09:14 |只看該作者

我經歷到好恐怖既一日

由佢出trip開始，我冇搵佢，佢send過幾個message黎，我都冇應佢。我希望自慢慢丟淡。到左星期三，佢個日返香港，之後冇搵過我，我自己都心知肚明，一個人係屋企慢慢心灰意冷。

點知夜晚1點半，佢突然返黎，佢同我講佢選返黎，佢會辭工，叫小三落b...仲問我係米仲有時間落到⋯

我當時好開心，但都同佢講，你聽日返工又叫到佢，你唔係好肯定既唔好同我講呢d野，唔好俾假希望我，因為今次你咁樣係跳樓機。佢話今次係真架，唔會改。

之後琴日返工，佢晨就send msg黎話同老闆講左，之後聽晚會去小三到執返d野過黎。我話，真係？千祈唔好帶我玩跳樓機，佢仲話工都辭左仲有假咩。

放工後，佢車我，我地傾好多，佢話佢老闆笑佢，話佢終於揀好，又笑話自己浪子回頭etc...跟住又卜要搵工，第時做咩好⋯⋯ 所有野都好好，好似冇野咁，返到屋企又話始終係呢到好住、好舒服，又plan定星期六日做咩、8月去日本探朋友，出年換車、生B....

到左係屋企食飯時，佢突然收到個message.. 跟住臉色變左，隔左陣，佢同我講：對唔住。

我即刻發左癲⋯⋯ 然後我狂喊求佢罵佢刮佢⋯⋯

最後，佢走左。

私人傳訊

eggpudding

子爵府

積分: 14327

286^#

發表於 16-7-15 09:21 |只看該作者

superwannadie 發表於 16-7-15 09:14
我經歷到好恐怖既一日

由佢出trip開始，我冇搵佢，佢send過幾個message黎，我都冇應佢。我希望自慢慢丟淡 ...

如果我係你
我唔會將自己放係個低位由別人“操控“情緒
就算你呢刻決定分居佢都要等兩年
兩年可以有無限可能
只少你可以收拾心情
你將決定權放係別人身上，結果就會大上大落
佢呢一刻可以話番黎，之後又可以無限loop
呢個一定係事實黎，究竟你想俾佢無限loop
還是收拾心情重新出發
決定權係自己到唔係別人到呀！

未經本人同意,請勿轉載內容!

私人傳訊

superwannadie

複式洋房

積分: 308

287^#

發表於 16-7-15 09:22 |只看該作者

佢話有d野佢好想要。
佢話佢緊張個邊多d, 變收到message就好緊張。
佢話其實同佢之間好多野，呃左我好多。
佢話個b一定係佢既，佢只係講大話呃我。

我好似癲左咁，我完全唔知發生左咩事，上一秒仲好地地，下一秒就變成地獄。我唔明白點解一個我親密既人可以咁樣對我，我由第一日己經同會講，我接受人變心，你變心話我知，然後大家講再見，就係咁簡單。但唔係咁⋯⋯ 我唔明點解可以對我咁殘忍，將我拋上拋落，俾好多希望又俾好多失望⋯

原來，以前個個好錫我既人己經死左，眼前既係一個好恐怖既陌生人。

我刮佢時，我發現唔認得佢，我唔知佢係邊個，我只知佢係我既仇人，我好憎佢，佢當時個樣好懦弱，我好嬲⋯ 我唔知呢個係咩人，我好想打走呢個人⋯ 呢個好陌生既人。

我唔明白亦都接受唔到發生咩事，真係唔明白⋯今次跌得好痛，痛到我唔想起返身、亦都唔知應該點行落去⋯

點解人可以咁明目張膽去傷害人？仲要係一個對你好、同你無仇無怨既人？仲要係用呢種咁殘忍既方法？

刮佢既時候，我手好痛、心都好痛。刮到最後，我只係禁住佢塊面，同佢講：我憎死你，我憎死你，我憎死你。

佢終於講出口話要離婚。佢話今次係最後一次，唔會再返黎。我亦都同佢講，你以後唔好再返黎。

我心已死。

我呢個故事亦都完結。

多謝大家之前既留言同支持。

私人傳訊

babyplscome

大宅

積分: 1236

288^#

發表於 16-7-15 09:22 |只看該作者

superwannadie 發表於 16-7-15 09:14
我經歷到好恐怖既一日

由佢出trip開始，我冇搵佢，佢send過幾個message黎，我都冇應佢。我希望自慢慢丟淡 ...

咩事？個msg 講咩？
嗰個女人玩自殺？

私人傳訊

mini1204

翡翠宮

積分: 79228

289^#

發表於 16-7-15 09:24 |只看該作者

superwannadie 發表於 16-7-15 09:22
佢話有d野佢好想要。
佢話佢緊張個邊多d, 變收到message就好緊張。
佢話其實同佢之間好多野，呃左我好多。

真仆街，點解吾一早面對現實呢，正一廢人

樓主 take care.

私人傳訊

me-ism

子爵府

積分: 10397

290^#

發表於 16-7-15 09:28 |只看該作者

樓主，加油呀！
Tmr is another day!!!

I can be mean as fxck. Sweet as candy, Cold as water. Evil as hell. Or loyal like a soldier. It all depends on you.

私人傳訊

wbowbo

子爵府

積分: 10302

291^#

發表於 16-7-15 09:35 |只看該作者

本帖最後由 wbowbo 於 16-7-15 09:37 編輯

愛著呢d 咁既男人真係不幸!

樓主, take care.

私人傳訊

Rubik

珍珠宮

積分: 32775

292^#

發表於 16-7-15 09:35 |只看該作者

嘩，想點呀？痴線架，收一個msg就可以咁樣？係咪落降呀，唔好話你，我都接受唔到，我唔知點安慰你，只可以講句加油

私人傳訊

eggpudding

子爵府

積分: 14327

293^#

發表於 16-7-15 09:53 |只看該作者

回覆樓主:

我都好明白你的痛
加油
等時間去沖淡
take care

未經本人同意,請勿轉載內容!

私人傳訊

shannon_fky4186

男爵府

積分: 8879

294^#

發表於 16-7-15 09:53 |只看該作者

superwannadie 發表於 16-7-15 09:22
佢話有d野佢好想要。
佢話佢緊張個邊多d, 變收到message就好緊張。
佢話其實同佢之間好多野，呃左我好多。

事情告一段落，對jm你都算係一個解脫。

唔好再見佢，唔好再回頭喇! 我讀到你既描述都好心酸。

不如去個稍長既旅行，行開吓，看看世界有幾大，享受吓，慢慢撫平傷口啦。

私人傳訊

Nancy20090615

瑪瑙宮

積分: 139783

295^#

發表於 16-7-15 10:16 |只看該作者

咪就係話唔好拖, 個男人一早同您講清楚咪好囉, 都唔知佢攪咁x多野做乜, 結果都係一樣.

無法子喇, 您自己又做唔到決定, 係都要一野醒. 係好架, 係傷 d , 但時間會沖淡一切.

加油

私人傳訊

aidan08

侯爵府

積分: 21125

296^#

發表於 16-7-15 10:17 |只看該作者

樓主，其實樓上有個jm真係講得啱，你唔應該將自己放到咁低嘅位置，第一係你點解要比人操控情緒？你根本應該係做主導嗰個。第二，其實你將自己放到咁嘅位置，係好不智，因為等如你話比佢知你係呼之則來，揮之則去，你其實比足時間佢去適應無咗你嘅生活，成個過程佢係慢慢去適應，佢幾時覺得需要你就返嚟，要過去嗰邊亦係隨時可以，因為你無底線，可以隨時接受佢返嚟。一個會無限期等嘅女人，男人點會珍惜？佢會覺得，我梗係攪咗麻煩D嗰邊先啦！

樓主，你太單純，婚姻戀愛唔多唔少係心理戰，你唔識運用吓技巧係好難去打呢場仗。你可以睇吓，佢去旅行嗰咁多日，你唔理佢唔覆佢，佢返到嚟即刻死晒狗，因為佢feel到失去嘅滋味，而佢一返嚟你又熱烈迎接佢，好似好歡迎佢咁，佢又知道原來你仍然係死心塌地咁等，於是又覺得無失去，咁佢又去攪咗麻煩嗰邊先。唉........所以，樓主，你唔可以再將自己擺到咁低的位置。

我諗，其實佢已經唔顧你感受，你真係唔好再心軟了，要錫自己呀！唔可以比人當你扯線公仔咁扯上扯落，自己唔愛惜自己，點會有人去愛惜你？

加油！

私人傳訊

aidan08

侯爵府

積分: 21125

297^#

發表於 16-7-15 10:29 |只看該作者

superwannadie 發表於 16-7-15 09:22
佢話有d野佢好想要。
佢話佢緊張個邊多d, 變收到message就好緊張。
佢話其實同佢之間好多野，呃左我好多。

樓主，你打嘅呢段說話，我嗰個剛攪分居的朋友說過一模一樣的話，佢都經歷過係咁問呢D問題的階段。

其實，當初你話個b可能唔係佢嘅，呢度好多jm已指出根本只係佢一派胡言，唔明點解你會信。當時，你真係都幾相信個B可能唔係你老公嘅，仲幻想你會好開心見到呢個結果。我睇到嗰度，我更相信你真係好單純天真。

你今日會咁問呢堆問題，係因為你真係太相信自己嘅感覺，而你嘅感覺，其實唔係太有邏輯根據，係一種近乎直覺的相信而已。我朋友性格思想真係好似你，所以，我特別想提醒你，今後真係唔好再咁單純相信自己的直覺了，習慣多d理性D去分析事物，同埋真係要接受其實一直以嚟你係睇錯你老公，佢根本唔係你諗到咁單純，你再天真地相信佢講嘅所有嘢，你只會更痛苦。佢係變心，鍾意咗第二個人，但佢本身，都不如你想像的單純，所以，你唔好再同佢搵籍口，唔好再咁輕易相信同原諒佢。要原諒，都必須要佢長時間做得出好多誠心悔改的行為先可以，如果唔係，佢只係喺到拖你時間而已。

私人傳訊

queendom

別墅

積分: 664

298^#

發表於 16-7-15 10:38 |只看該作者

冷靜

故事會無限loop.
佢今日走，過幾日一定會返嚟。要有準備。
係呢個時候，無論佢講乜都冇用。佢心會兩邊走。短時間佢冇可能回頭。
JM, 攞返尊嚴，攞返主動權。
要贏，依家一定要全身而退。
結果：1）自己重新開始
2）佢倦鳥知還，過一段長d嘅時間，佢嗰邊唔work, 佢會返嚟求你。

私人傳訊

katietam1231

子爵府

積分: 14138

299^#

發表於 16-7-15 10:43 |只看該作者

樓主..雖然我未結婚..個幾月前我都經歷過背叛
個幾月前我發現拍拖6年幾既Ex有第三者
當下我真係晴天霹靂個種心痛唔多講啦經歷過既Sis都會明
我即時攤牌分手初初佢有對我道歉叫我比機會佢,比時間佢解決..大家分開冷靜下..我既回覆係..,依家決定權係我手上..我等你簡佢定簡我呀? 你憑乜野?我有權話事.我決定走.我放生我自已.唔該你放過我.

分手後我立即反省過自已
呢段感情的確我有一半責任..大家感情淡左加上我屋企有d事所以我忽略左佢一般長時間
到我想去補救番段感情既時候..已經太遲.佢已經瞞住我搞左第二個過左我底線無可能再一齊
我無食野一個星期..每日不停諗諗諗諗..但我無喊過, 因為當初我發現既時候.係Ex同第三者講她以後只可以為我Ex一個人喊..咁我又何必再浪費我寶貴既眼淚呢? 已經唔值得
第二星期開始正常生活我不停運動運動..shopping , 扮靚 , 同朋友去玩 , 穩樹洞呻
我知道逼自已唔諗反而只會越容易諗起,所以我就放縱自已去諗..睇開.睇化.當我冷靜番落黎..完全睇清楚呢個人既自私,不負責任,唔尊重段感情,當我既信任係垃圾,原來一個人處理感情已經可以反映佢係乜人.偽君子.簡單講..係一個仆街,雖然回想番的確係好唔捨得..但我唔會連尊嚴都唔要去委曲求存自已,我寧願佢搞另一個既時候諗起我.好過同我一齊既時候個心有第二個.我唔想爭..爭到又點?爭件垃圾好光彩咩?

第三星期我已經開始走番出黎..到依家.我已經recover哂.仲開心過以前
無左一個賤人,但我得到身邊一班朋友同屋企人支持.我扮番靚去番街..行步路都有番風.因為我知道我已經重生,去等待更適合我既人! 留係過去作賤自已不如重新出發去穩未來

加油呀.. 10年係好痛..但你人生仲有幾個10年呀.....愛自已吧

私人傳訊

mapp2009

子爵府

積分: 13784

300^#

發表於 16-7-15 11:00 |只看該作者

傻妹, 難得你未有小朋友, 多好彩! 身心的傷口, 總會好番!!

不要再等此人, 不要再心軟, 你沒有輸, 我唔覺得大肚小三搶人夫就幾叻, 小朋友未出世就已經要背負此罪名, 多可憐!!!

既然緣盡, 好好離座, 現在住的地方是租?買? 租的話, 收拾好自己東西就搬走, 如不是用你名租屋/交水電/轉賬交租, 更加走得瀟洒!! 屋中有什麼你付款買的, 叫人上來搬走收錢, 免益外人

不要怕告知家人, 家人永遠在你身旁