媽媽會所 今日: 0 | 主題: 569

積分: 34727

343^#

發表於 04-6-1 10:12 |只看該作者

Re: ~ 再續架部 ~ 西區左鄰右里

Chingchingmom:
我9月會一家三口+奶奶+爸媽去沙巴玩4日3夜.而家好想D時間快D過.

曲曲:
如果你真係生完搵工(朗澄返幼兒園、細b返育嬰院),咁你梗係要買奶泵,返工前兩星期開始儲定d奶,如果唔係細b食乜?不過育嬰院d姑娘會唔會同你reheat d人奶呢?如果你諗住細b返育嬰院期間由得佢食奶粉,咁你都可以唔駛買奶泵.你放左工接左細b返屋企就埋身餵佢食人奶囉.

私人傳訊

積分: 2478

344^#

發表於 04-6-1 10:14 |只看該作者

Re: ~ 再續架部 ~ 西區左鄰右里

fchan:
哎, 你同老公要多多保重呀, 唔係一個傳一個傳一個, 就真係好煩. 我都試過有次係咁, 阿仔係學校染感冒, 好快好返, 但我中招, 到我好緊, 老公又中, 老公康復中, 又到我......搞左成個幾月, 差d去唔到旅行. 祝你地全家快快好返!!!

曲曲:
你身體點呀? 仲有無唔舒服呀?

如果你想搵工返工, 又想BB食全人奶, 就要泵奶啦. 方法可以係:
-上班時泵2至3次(假設返大概8小時)
-如果返工唔方便泵, 可以覺得谷時擠一d出來等佢鬆d, 另外早上餵完後泵一次, 晚上回來餵後泵一次(有D媽媽鍾意一邊餵一邊泵, 奶量多D), 幾時覺得有奶剩都泵下:-P
-想存貨多D, 以上兩項可以同時進行

不過, 最初餵人奶最好可以全程埋身餵, 因為BB吸吮係最能刺激身體產生荷爾蒙造奶, 奶泵都只係模仿BB吸吮的動作, 初期泵都唔泵得出幾多(我頭一個月泵足1個鐘, 得半安; 2個月左右, 一泵就4至6安; 返工後因為無餵幾個鐘, 可以一次泵8至11安). 所以你最初唔好諗咁多, 只要全心餵到順, 咁大概一個月至2個月後, 你先開始泵都未遲.

我個時有朋友畀個奶泵我(但已畀我用爛埋:-P), 我諗你可以而家睇定, 因為奶泵都有好多牌子同型號, 有平有貴, 有得有好唔得, 但未必要急住買, 同埋可以去母乳餵哺個邊, 問下其他媽媽意見, 佢地好多要返工都餵全人奶架.

另一問題, 係育嬰院係咪願意同你餵母乳. 我朋友仔6年前放bb係第三街間育嬰院, 佢泵定奶, 但育嬰院話只會餵奶粉, 佢最後只能返工放工埋身餵. 前兩年見有線就呢個問題, 訪問育嬰院, 社署同衛生署, 因為衛生署係咁推母乳餵哺, 但社署轄下育嬰院唔幫手, 唔知而家有無改善呢?

私人傳訊

^O^

積分: 34727

345^#

發表於 04-6-1 11:14 |只看該作者

Re: ~ 再續架部 ~ 西區左鄰右里

Chingchingmom:
嘩!你好多奶呀!我最多都只可以泵到8-9oz.

曲曲:
"母乳餵哺"果邊有個"母乳platform"係有d熱心媽媽借出奶泵比d準備買奶泵的媽媽試用.你可以去睇睇.fyi,我自己就用medelx迷你電泵,ok快出奶,但較noisy.我家姐就曾用過avenx手泵,佢話出奶都ok,唔noisy.如你有心買奶泵,你留意下"母乳餵哺"或"二手市場"會有二手奶泵賣.

私人傳訊

MarbleMa

積分: 1810

346^#

發表於 04-6-1 11:30 |只看該作者

Re: ~ 再續架部 ~ 西區左鄰右里

chingchingmom, ^0^,

妳地好犀利, 可以堅持咁耐, 我餵左2個月, 返工就cut左, 其實都好唔捨得. 囝囝我係埋身餵, 囡囡因為當時輕磅, 埋身餵左幾日都唔夠力啜, 於是泵俾佢, 唔可以埋身餵隻傻豬妹真係有d遺憾!

曲曲,
我因為係孖b, 日泵夜泵, 所以我係租左比較大set 的電泵(醫院用那種), 都係用M字頭的那個牌子, 覺得又快又舒服.

marblema

私人傳訊

fchan

別墅

積分: 733

347^#

發表於 04-6-1 11:42 |只看該作者

Re: ~ 再續架部 ~ 西區左鄰右里

chingchingmom

多謝您! 我

私人傳訊

^O^

積分: 34727

348^#

發表於 04-6-1 12:00 |只看該作者

Re: ~ 再續架部 ~ 西區左鄰右里

曲曲:
正確個topic名應該係“擠奶器試用” 平台.

Marblema:
我估係情意結,同埋餵人奶比到滿足感我,所以我估如果我個女唔再食我的奶,我會好失落的.

all:
我懷疑我個女開始踏入trouble-two.佢呢兩個星期郁d就發脾4,掉野,喊.請問我應該點做好呢?

私人傳訊

積分: 2478

349^#

發表於 04-6-2 10:26 |只看該作者

Re: ~ 再續架部 ~ 西區左鄰右里

^O^:
都唔係呀, 其實11安係最高紀錄來:-P 一般都係8安左右, 有時臨放工個次, 得6安7安添, 不過阿B食得唔多, 咁至頂到咋.
我都係用M字mini electric, 嘈到不得了, 不過朋友畀唔駛錢, 我又唔介意話畀同事聽我泵奶(仲攤開晒道具, 係pantry道倒奶入奶袋), 唔理咯.

MarbleMa, ^0^:
其實你仲犀利, 一個餵兩個喎! 2個月都唔簡單啦! 你最初知道懷雙胞胎, 有無擔心, 還是好開心?

我成日想, 如果家族歷史有人生雙胞, 我一定好驚, 因為照顧兩個newborn唔係講笑, 好辛苦架! 而且懷孕時好多擔心. 我好鬼驚青, 一個一個來我都覺得吃力. 我最初都係諗住餵到返工, 因為辛苦到暈, 後來臨返工又覺得餵順左, 無理由而家停咁唔抵, 於是試下返工泵, 慢慢原來又得. 當時份工好他條, 又無壓力, 而且定時, 至可以咁. 而家呢份要泵奶就未必得啦.

如果再要泵, 我都想過租M字大泵, 好似話會快D?? 咁返工就無咁花時間. 你當時一租租幾耐呀?

私人傳訊

^O^

積分: 34727

350^#

發表於 04-6-2 10:30 |只看該作者

Re: ~ 再續架部 ~ 西區左鄰右里

chingchingmom,

我最多都係8.5-9oz呢!

我婆婆曾生過龍鳯胎,所以我都驚唔知會唔會隔代遺傳,因如果我下一胎打孖黎我就暈了.

帶m字大泵返工會唔會好重呢?

私人傳訊

積分: 2478

351^#

發表於 04-6-2 10:38 |只看該作者

Re: ~ 再續架部 ~ 西區左鄰右里

^O^ :
我仔仔都有段時間搞搞震發脾4, 我老公好好心機, 每次都會即刻好嚴肅同少少惡咁話佢知咁樣唔可以, 唔o岩, 同埋問佢"發脾氣有無用呀?" (佢發脾氣要某D野, 我地一定唔會滿足佢)同埋要佢有禮貌咁request佢要乜野. 又會提醒佢, 下次咁做就要打手板. 阿仔覺得打手板好醜, 佢會收斂少少, 但卒之都會再犯. 老公言出必行, 會輕輕打一下手板, 咁仔仔已經覺得好humiliating.

有時如果屋企仲有其他人, 或者在人地屋企, 老公就會捉佢入房"傾偈", 即刻講返佢做錯乜野, 要佢自己講係咪錯左, 要道歉, 同埋出來時要同在座各位道歉.

不過我老公大多數都好能夠控制自己脾氣, 就算話佢, 語氣都係firm但唔會發嬲咁, 等仔仔知道發脾氣無用.

而家我阿媽見阿仔曳, 我老公又在場時, 我聽到我阿媽細細聲同仔仔講: "你好乖乖做番乜乜乜, 如果唔係你老豆又捉你入房講耶穌啦!"

私人傳訊

^O^

積分: 34727

352^#

發表於 04-6-2 11:06 |只看該作者

Re: ~ 再續架部 ~ 西區左鄰右里

chingchingmom,

你囝囝而家3.5歲會明白你地講乜同埋識表達佢想點,但我個女而家先1.5歲,有好多野似明非明,同埋最慘係佢只識講單字但唔識表達,所以就算講完一大輪道理佢都係喊唔收.不過試過幾次佢喊我地唔就犯,佢喊左好耐我地都唔so佢,結果佢就走過黎要食奶奶comfort番佢自己. :-P

私人傳訊

TszHin媽咪

積分: 35220

353^#

發表於 04-6-2 13:15 |只看該作者

Re: ~ 再續架部 ~ 西區左鄰右里

^O^,

係呀..開始踏入trouble-two呀...我既方法唔知你合唔合用呢....
1. 發脾4,喊
我會唔理佢由佢....等佢收聲自動行0黎我度...我就會同佢講道理....

2. 掉野
我會收0左佢...然後話佢知點解...要放在佢睇到但取不到既地方....

如果有其他人在場...不能做到以上既野...我就會抱住佢一邊講道理一邊走去無人既地方

私人傳訊

^O^

積分: 34727

354^#

發表於 04-6-2 13:33 |只看該作者

Re: ~ 再續架部 ~ 西區左鄰右里

TszHin媽咪:

Thanks for your advice, I'll try them and see if they work on my daughter or not.

私人傳訊

chungmother

積分: 2141

355^#

發表於 04-6-3 00:54 |只看該作者

Re: ~ 再續架部 ~ 西區左鄰右里

Chingchingma, MarbleMa, ^0^,

最近都係多數睇你地的討論, 因為我都冇麥特別事可講, 但睇到你地講餵人奶, 我真係覺得你地好偉大呀, 我自己最初都係想住餵人奶, 在生完忠忠後, 在醫院 5 日都係餵人奶, 可以話 5 日都未訓過, 但個感覺好特別, 真係可以為左仔仔唔訓都得, 但我就好辛苦, 加上我又冇麥奶 (其實我當時都唔係好識這方面的知識) 都最後都放棄左.

私人傳訊