Re: 老公買樓,我99唔贊成加我個名入去...
Pooh_Piglet,
請問你99自己有冇返工?佢同62有冇一齊買過樓?
如果佢有返工,咁可能佢唔扺得你"唔駛做/no contribution(係佢覺得咋)"間樓就有你個名嘞. 如果佢自己都冇返工,咁佢係心胸好窄吓o既人囉.....你會唔開心我都覺得好正常喎!
我同你背景有dd似,我都quit咗份i-bank o既高薪厚職去照顧仔女同搞移民,但好彩我地前幾年換樓時, 我6299都冇意見我地點落名,可能佢地知我結婚前我自己都買咗一間樓,後來係我quit 時,唔想老公同我供樓而賣咗啩!?
我都同意其他一d媽咪講,能力所及就還番d首期俾99,最好連息添....咁佢地唔應該再左右你地點落名囉.就算淨寫你名,都係你兩夫婦o既事啫, 但我估你都唔係咁o既人囉!
不過字裏行間我覺得你個case好似已經成咗定局,你係上嚟呻吓咋.......如果你地冇用到有限公司買樓,咁轉名會麻煩d,或者嘥錢(厘印),咁又唔係你想見到o既,係咪?
如果係咁,我勸你而家唔好咁唔開心嘞,向前看,不如部署一吓或者幾年後又會換樓呢!到時你咪知應該點做囉!
而且你婚姻又好穩定,老公响其他方面都似乎對你好好吖,咁你只係冇個名(呢件事有幾重要就睇你自己,你話"我唔係要同我老公分身家,亦唔係驚老公將來會拋棄我要有樓揸手,"),係我我會一樣照contribute 添,同老公講想為頭家好,慳番d息吖嘛,但以防萬一(我都好信任我老公,但要小心6299不明底藴),我會keep起所有evidence證明自己o既contribution,同叫老公話番俾佢地知我o既contribution.等佢地內疚吓都好吖,(如果佢地仲識o既話....)
唉!我都係覺得d老人家唔識做,你地係正式夫婦,又小朋友都有嘞,佢咁做咪盞影响你地夫婦感情? 如果你係大方o既咪同6299當冇事囉,但如果你真係唔開心,"唔會再真心對佢地好",我覺得係人之常情,我好支持你噃!
Pooh_Piglet 寫道:
o係未結婚前我99攞左一舊錢出黎俾我老公買樓置業,層樓係99同老公聯名既,到宜家我地結左婚有左小朋友需要換大D地方,就要賣左之前果層樓黎套現去買新樓,99出過$,當然新樓都要有佢個名,我都諗住出$幫下手,等老公之後唔使供咁多,點知當我老公同99講會用公司名義買樓,99佔50%,我同老公各佔25%既時候,我99唔贊成加我個名入間樓度!佢仲話如果要加就加埋佢個女(我姑奶)個名入去!!即係一層樓4個人名!!係咪痴線!!我老公費事小事搞大,搞到咁複雜,最後層新樓就只有我老公同99既名...我老公都好歉意,佢話加唔到我個名佢唔會用我d$,即係之後佢要向銀行借多d$交多d息!!
我同我老公一齊已經12年,結左婚都3年,仔都生埋,為左個仔,我放棄左一份月入4萬既高薪厚職留o係屋企做湊仔婆(我真係好唔捨得份工架),我克盡己份,我真係唔明點解我99會咁對我?點解我62冇出口幫我,佢以前當我係女咁鍚我格?!我夠膽講由做佢地個仔女朋友到宜家做佢地新抱,我都真係好努力出自真心咁孝順佢地兩個老人家(係大家都一致認同既事),佢地覺得唔值得俾我擁有層新樓既業權?又唔係白加我個名,我都會出$架(係我既積蓄,我宜家已經冇收入啦),咁都要反對?!?!
我為左依件事好唔開心,我唔係要同我老公分身家,亦唔係驚老公將來會拋棄我要有樓揸手,但係我覺得6299咁做,我真係好心淡囉,好hurt呀!我唔會再真心對佢地好!
你地覺得我咁諗岩唔岩,定係我諗多左,佢地老人家係比較緊張d$,除左自己仔女,唔想將身家俾"外人"以己?
[img align=left]http://www.msndoll.com/uploads/imdoll-8134.gif[/img]
發表於 
返回列表
