夫婦情感

收藏本版
發帖
返回列表
跳至頁

首頁
123

尾頁
   0
Pooh_Piglet


民房

積分: 3


1#
發表於 07-5-23 01:07 |只看該作者

老公買樓,我99唔贊成加我個名入去...

o係未結婚前我99攞左一舊錢出黎俾我老公買樓置業,層樓係99同老公聯名既,到宜家我地結左婚有左小朋友需要換大D地方,就要賣左之前果層樓黎套現去買新樓,99出過$,當然新樓都要有佢個名,我都諗住出$幫下手,等老公之後唔使供咁多,點知當我老公同99講會用公司名義買樓,99佔50%,我同老公各佔25%既時候,我99唔贊成加我個名入間樓度!佢仲話如果要加就加埋佢個女(我姑奶)個名入去!!即係一層樓4個人名!!係咪痴線!!我老公費事小事搞大,搞到咁複雜,最後層新樓就只有我老公同99既名...我老公都好歉意,佢話加唔到我個名佢唔會用我d$,即係之後佢要向銀行借多d$交多d息!!

我同我老公一齊已經12年,結左婚都3年,仔都生埋,為左個仔,我放棄左一份月入4萬既高薪厚職留o係屋企做湊仔婆(我真係好唔捨得份工架),我克盡己份,我真係唔明點解我99會咁對我?點解我62冇出口幫我,佢以前當我係女咁鍚我格?!我夠膽講由做佢地個仔女朋友到宜家做佢地新抱,我都真係好努力出自真心咁孝順佢地兩個老人家(係大家都一致認同既事),佢地覺得唔值得俾我擁有層新樓既業權?又唔係白加我個名,我都會出$架(係我既積蓄,我宜家已經冇收入啦),咁都要反對?!?!

我為左依件事好唔開心,我唔係要同我老公分身家,亦唔係驚老公將來會拋棄我要有樓揸手,但係我覺得6299咁做,我真係好心淡囉,好hurt呀!我唔會再真心對佢地好!

你地覺得我咁諗岩唔岩,定係我諗多左,佢地老人家係比較緊張d$,除左自己仔女,唔想將身家俾"外人"以己?
私人傳訊

sfll


版主

積分: 80425

2025中秋節勳章 母親節2025勳章 2025勳章 2025勳章蛇年勳章 2024年龍年勳章 虎到金來勳章 好媽媽勳章 醒目開學勳章 畀面勳章 版主 環保接龍勳章 大廚勳章 BK猜猜猜慶中秋


2#
發表於 07-5-23 01:29 |只看該作者

Re: 老公買樓,我99唔贊成加我個名入去...

Pooh_Piglet : Yes. U are in a way right. Your 99 fears that anybody would take control of her house. Elders usually believes in nobody. She is already very kind in financing her son la. Don't be disturbed.....u are one of the lucky guys ah.
生離死別, 並不可怕, 可怕的是自私的靈魂
私人傳訊

ICE烏冬


民房

積分: 55


3#
發表於 07-5-23 01:36 |只看該作者

Re: 老公買樓,我99唔贊成加我個名入去...

我覺得你99好有問題,
你係佢個仔老婆,
就算你唔出錢,
買樓+你名好正常,
你99咁做好過份囉
私人傳訊

grand2005


男爵府

積分: 7553


4#
發表於 07-5-23 01:39 |只看該作者

Re: 老公買樓,我99唔贊成加我個名入去...

D 99係咁嫁啦！
我間屋得我名，我99當住我面同我老公講"大吉利是如果你兩個有咩事，間屋咪益左外人(我老豆)"？ ?-( 我只係嬲佢係我面前咁樣講，好心就等我唔係度先講啦！一D建設性都無，明知我聽完又唔會加名俾佢地，當時我老公都嚇親，睇得出佢驚我即刻發爛乍...

人就一定係自私的，當然唔想益外人啦！我覺得佢咁諗幾正常，始終你唔係佢生既，都無謂諗咁多啦，鬼叫一開始佢有份俾首期咩...

私人傳訊

米米女


別墅

積分: 728


5#
發表於 07-5-23 01:40 |只看該作者

Re: 老公買樓,我99唔贊成加我個名入去...

你俾完首期之後供樓負擔就只係老公身上 (當然你有為頭家付出, 只係家庭主婦無糧出:-| , 幾唔抵), 所以99會覺得佢個仔應該大份過你, 最重要相信係今時今日好多人離婚, 無問題時當然無野, 但有事就唔知關係變成掂, 所以在佢來講就會唔想搞咁多野, 因為個業權其實一直都唔會有用, 直至分家產, 你地一生一世一齊就你地住間屋, 萬一離婚就唔知點分, 佢話如果要加就加埋佢個女, 可能係想你唔要求加名啦, 你唔好諗太多啦.

不過你老公處理得好好, 你想加名而無法加到名, 就唔要你出錢

其實我地層樓雖然係我地2個一齊供, 不過都只有老公個名, 因為當時佢用單身置業貸款買嘅, 我都無打算去搞加名, 萬一最後要分開我都信佢會分番俾我, 我地買樓時99(當時仲係伯母)仲叫我放心, 萬一有咩事, 佢會做主(分錢)
私人傳訊

kali1314


男爵府

積分: 5789


6#
發表於 07-5-23 01:42 |只看該作者

Re: 老公買樓,我99唔贊成加我個名入去...

6299一講到呢d野不嬲都係自c架啦~唉~
私人傳訊

JFL


伯爵府

積分: 17183


7#
發表於 07-5-23 01:50 |只看該作者

Re: 老公買樓,我99唔贊成加我個名入去...

唔好唔開心,人係咁 la, 先顧自己同自己仔女.你地可唔可以賣左之前果層樓比返 日麗 D錢佢地,然後再用你地自己的錢買層新樓？因為你一日重用佢地D錢，佢都有權利加自己個名上去!
私人傳訊

janet818


別墅

積分: 634


8#
發表於 07-5-23 01:54 |只看該作者

Re: 老公買樓,我99唔贊成加我個名入去...

多數6299 口口聲聲話對待新抱如同女兒般, 但係始終唔係自己親生就更係差d. 邊有可能話當自己女一樣? 平時無咩特別就唔多覺佢地有咩唔好, 但係一講到錢就即時現晒形. 始終驚自己個仔比人騙晒d錢. 佢地會覺得個仔已經結了婚, 個仔的身家已被新抱分左一半, 個仔買樓不用再加個新抱個名, 佢地會覺得係多次一舉 ,想當年我都曾經聽過呢d閒言閒語.
其實佢地的思想停留係30/40's年代, 我唔知你地係唔係有錢到可以一筆過咁比晒錢買樓, 但我地就唔係, 仲要供餐死!
佢地d老人家剩係以為現在d人要有層樓先叫有社會地位, 但現在社會唔同左, 你估現在有樓的人唔使供咩
, 我地層樓唔跌價算執到!
我想層樓有我名都係想同 老公一起分擔頭家姐~
珍惜眼前人
私人傳訊

onon1022


子爵府

積分: 12596

好媽媽勳章


9#
發表於 07-5-23 02:40 |只看該作者

Re: 老公買樓,我99唔贊成加我個名入去...

其實講錢傷感情...你奶奶可能有佢既原因...其實有無你個名唔重要...最重要你老公對你好...



[url=http://lilypie.com][img]
私人傳訊

bb012506


大宅

積分: 2641


10#
發表於 07-5-23 07:47 |只看該作者

Re: 老公買樓,我99唔贊成加我個名入去...

D奶奶話當新抱係女，9成9都係無利益沖突下先會，真心做得到有幾多個

私人傳訊

momama


大宅

積分: 1720


11#
發表於 07-5-23 08:57 |只看該作者

Re: 老公買樓,我99唔贊成加我個名入去...

Pooh_Piglet, if i were you, i would use my own saving to pay back 99, and then buy a new flat under my name.
私人傳訊

cutekurumi


民房

積分: 80


12#
發表於 07-5-23 09:10 |只看該作者

Re: 老公買樓,我99唔贊成加我個名入去...

唔好唔開心喇.....好多老人家都會好怕自已個仔會蝕底, 佢可能覺得,你無做野, 佢個仔一個人搵錢供樓養家好辛苦, 如果你兩公婆有咩野事, 分分鐘仲要比半層樓你喎, 梗係唔讚成喇..

不過如果我係你咁有本事呢, 我諗我會出黎做野囉, 一來可以搵多個錢比小朋友將來讀書, 二來又可以幫輕下老公既負擔, 到時, 你 99 一定唔咁話你無貢獻喇...
私人傳訊

BigBigB


複式洋房

積分: 275


13#
發表於 07-5-23 09:35 |只看該作者

Re: 老公買樓,我99唔贊成加我個名入去...

你 6299 好自私呀... 你地點解唔賣左樓之後就比番錢佢，然後用自己錢買新樓呀...

同埋，你老公都有問題者... 點解佢咁大個人想做 d 野都仲係比佢呀媽控制住架... 仔都有啦，自己既野自己都決定唔到？
================================ 未得本人同意，請勿轉載本人所發表的文章､回應及意見。
私人傳訊

可愛的天使


男爵府

積分: 5839


14#
發表於 07-5-23 09:49 |只看該作者

Re: 老公買樓,我99唔贊成加我個名入去...

算啦! 只要老公對你好就得啦.
私人傳訊

finger


男爵府

積分: 9521

醒目開學勳章 畀面勳章


15#
發表於 07-5-23 09:57 |只看該作者

Re: 老公買樓,我99唔贊成加我個名入去...

我都覺得可以咁做, 將賣樓既錢,(佢之前出左幾多首期, 比返99), 之後用剩餘既錢再加你既錢, 去比首期咯!!
咁得唔得??
http://jackylau.com/FreePhoto/PhotoData/U0047102.gif
私人傳訊

irisflower


大宅

積分: 2093


16#
發表於 07-5-23 09:58 |只看該作者

Re: 老公買樓,我99唔贊成加我個名入去...

d 99 係咁o架啦，我屋企個件咪又係！話說當年我同c6 未結婚，c6 想買樓，問99 借首期，條件就係俾佢個妹返o黎住，佢個妹乜o野料？係十幾歲未讀完書攪大個肚，冇辦法迫住結婚，點知嫁咗一年又跟佬走，同個佬同居，佢要帶埋個契家佬返o黎住，你o地話攪唔攪笑？99 唔覺得有問題，因為係佢個女，我當時雖然未結婚，但我唔贊成，仲俾佢鬧返我咁後生都咁"萌塞"！結果佢兩個都搬咗返o黎，期間好多風風雨雨，我同c6 因為咁差d 分手，後尾終於結咗婚，佢兩個亦肯搬走，但佢o地未走之前，99 又提出叫佢個細女搬過o黎，我真係火都o黎埋！
我知佢心理，佢想搵d 自己人霸地頭，因為我係獨生女，我老豆已不在人世，佢好驚我叫埋我阿媽返o黎住，到時咪益晒外人？呢d 就係把口話當你自己人，心裏面係咪真係咁諗！ :tongue:
私人傳訊

monalam


男爵府

積分: 6259


17#
發表於 07-5-23 10:18 |只看該作者

Re: 老公買樓,我99唔贊成加我個名入去...

係咁架啦, 如果你係佢個女, 佢就會叫你層樓一定要加你個名.

當年我老爺都係咁, 層樓無我名, 但係就叫我出埋錢供樓. 彩佢都傻, 你個仔供到咪供囉. 果陣我老公供到死, 做二份工, 不過我老公吾係好捱得, 最後都頂吾順.

我老爺仲偷睇我地本銀行薄, 話我地咪有錢囉.

之後又叫我d保險單受益人改我老公個名, 好難啦, 你點對我, 我點對你個仔.

之後賣左層樓,再搵樓, 今次有份睇樓, 有得揀, 之前無得睇, 得個知字. 加番我個名. 無我名, 我吾會供.
私人傳訊

yinmelody


超級版主

積分: 92455

2025勳章 2025勳章蛇年勳章 2018復活節勳章 好媽媽勳章 醒目開學勳章 畀面勳章 超級版主 環保接龍勳章 大廚勳章 親子王國15週年勳章


18#
發表於 07-5-23 10:31 |只看該作者

Re: 老公買樓,我99唔贊成加我個名入去...

我諗你經過今次之後...你識得點對62.99啦
其實你都係諗住幫輕下個老公...等佢唔洗供等太辛苦...又唔係要有d咩野回報...
你99洗唔洗做到咁出面呢 仲要寫埋佢個女個名 呢d 99有咩都係益自己仔女先架啦 媳婦...等下先啦
雖然我在線,但可能行開左
私人傳訊

麟媽媽


王國長老

積分: 88648

好媽媽勳章 王國長老


19#
發表於 07-5-23 10:53 |只看該作者

Re: 老公買樓,我99唔贊成加我個名入去...

無法子既，之前99 係出左一大份錢，
除非你兩公婆當借而有能力還番比佢，
如果唔係佢一定係有話事權的。
在佢立場，佢出錢只會係為左個仔，
你覺得touch wood 有日老公拋棄你無揸拿，
99 佢一樣驚有呢日你同佢分身家，
只是雙方立場唔同，所以，如果你有錢不如還比99，
無拖無欠，到時間屋寫邊個既名佢都無say，係咪？
私人傳訊

clementying


男爵府

積分: 9461


20#
發表於 07-5-23 10:54 |只看該作者

Re: 老公買樓,我99唔贊成加我個名入去...

我都覺得既然你有$$，就俾番d$$你個99，等如還番d$$俾佢囉。咁你地2公婆就可以用自己名買樓又唔駛睇佢面色。

況且，$$係你還，你都可以大聲d。再加上，你99都係只俾左首期咋，又唔會供落去，加佢個名未好so。只係俾首期就做業主，發夢啦。

仲有呀，大吉利時你老公有咩事，你方你99唔會叫你走，因為層樓就係佢，而唔係你呀。做人唔可以蝦到上頭頂。

不過咁都好，你可以睇清佢地丫，你對人好，人地未必對你好，(特別係99)。有愛心既，對自己屋企人 / 仔仔好過啦。

小少爺係ma mi 既心肝寶貝
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy