吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 你地仲記唔記得,BB出世時個情境???

大仔大女媽媽會今日: 0|主題: 177860

收藏本版

發帖

返回列表

跳至頁

樓主: patpat234

[2006年] 你地仲記唔記得,BB出世時個情境??? [複製鏈接]

annpoon51

大宅

積分: 3627

21^#

發表於 07-9-17 09:41 |只看該作者

我個b好懶, 一直坐在我的肚內, 唔肯轉身, 結果38週在產房做人工轉頭位, 好彩一下就轉到, 所以才有機會嘗試順產的感覺

, 成日聽人講, 生仔十級痛, 我真是好想經歷下, 結果在39週5半夜突然聽到poppop兩聲, 跟住d水是咁流, 於是即刻洗頭沖涼, 跟住坐的士入院, 我真是覺得下體好似開水喉咁, 等左五個鐘, 開左3度, d姑娘話好叻喎, 開多半度可以落產房, 點知個半度足足再捱多7個鐘才開, 嘩, 其實當時陣痛已去到四分鐘一次, 我最記得食個餐午飯, 常常聽人說, 生前一定要食飽嘢, 否則無力生, 結果個餐飯在二次陣痛間就狂吞, 一痛就即刻吐出來, 痛完又立即食回剛才吐出來的飯, 簡直是食哨咁:-( , 推入產房後, 最初都無聞氣, 後來頂唔順都聞啦, 點知我聞極都是咁痛, 後來我c6話條喉甩左無人知

,唉,跟住疴極都疴唔出, 痾左個半鐘, 剛巧遇到d助產士交更, 結果產房好多人為我打氣, 最後都痾左, 終於攪掂啦,抱住阿仔,見到他眼仔碌碌, 喊得好大聲, 真是好sweet:lol: :lol: :lol: , 最好彩頭等房剛巧有人走, 嘩, 好開心, 真的好正, 一個人一個廁所, 有自己的電視, 電話, 梳化, 自己一間房, 夜晚又有姑娘問你要否帶走阿b, 膳食又豐富, 交左咁多稅, 那天終於享受番作香港市民的福利了.

私人傳訊

agneslai206

大宅

積分: 2446

22^#

發表於 07-9-17 13:11 |只看該作者

HI annpoon51,

我睇錯定你寫錯 ? 吐左的野食番 ? 唔好嚇我.

原文章由 annpoon51 於 07-9-17 09:41 發表
我個b好懶, 一直坐在我的肚內, 唔肯轉身, 結果38週在產房做人工轉頭位, 好彩一下就轉到, 所以才有機會嘗試順產的感覺 , 成日聽人講, 生仔十級痛, 我真是好想經歷下, 結果在39週5半夜突然聽到poppop兩聲, 跟住d水 ...

]My Melody[/url]

私人傳訊

annpoon51

大宅

積分: 3627

23^#

發表於 07-9-17 15:53 |只看該作者

自已d口水, 無所謂啦, 當時只是想, 食多d, 點知要捱幾耐, 無力生生唔出咁點算呀.
quote]原文章由 agneslai206 於 07-9-17 13:11 發表

HI annpoon51,

我睇錯定你寫錯 ? 吐左的野食番 ? 唔好嚇我.

私人傳訊

yuking

複式洋房

積分: 247

24^#

發表於 07-9-21 00:54 |只看該作者

我仲好記得當時預產期係10月1日, 所以就請前2後8. 頭一個星期真係好悶. 所以係21號去坐昂平360開幕第2天(好彩無係纜車生BB). 到22號晚, 食完飯同沖完涼後, 開始見紅, 就好驚同老公講有血呀! 於是就晚上10到坐的士去威記, 姑娘就幫我檢查, 見未有動靜就叫我老公走. 我老公講當時我獨自一個行入病房好可憐. 點知12時開始陣痛, 真係女人最痛, 凌晨3點開始好密地陣痛, 姑娘都無理我, 要自己行去佢哋工作枱同佢講好痛(當時佢哋係到睇雜誌), 到凌晨4點去產房. 入到去個助產士勁惡, 果時我已經好痛, 我話要老公陪產, 叫佢畀電話我打佢就勁惡話我:tongue: . 當時聞氣聞到我頭暈同冇力, 只有自己一個人作戰. 到早上9點老公先有得入去陪我生喬喬, 其實佢係出面都等咗好幾個鐘.

私人傳訊

nanahui

洋房

積分: 123

25^#

發表於 07-9-23 02:15 |只看該作者

當然記得喇
我預產期係16/9，28/8晚9pm有小小見紅，只係有手指公咁多姐，所以就諗 ... 打唔打比老公先呢定係遲小小有d動靜先打好呢，因為佢係做消防，返24hr，晚就得我自已一個屋企，等到10pm都係打左比佢，佢就飛返黎陪我等，不過佢同我講覺得我今晚會食白果，點知第到4am都冇動靜我地就返上床喇。

到到月31號晚，佢又係返工，我同friends出去食完晚飯返屋企放狗的時候仲同佢地講，覺得個肚好緊，唔知係咪食得太飽呢，好似掂下就會暴咁緊，我仲講笑咁話......可能我今晚就生架喇，點知到夜晚3am想起身去廁所的時候就穿水喇，嘩！一地都係水丫，隻狗仲走黎聞聞下，都唔知顧得邊樣，但我都仲係搞掂晒拖左地d水先打比老公4am，今次佢聽到我話穿水佢飛得仲快過上次返黎丫。佢話開車返黎時個心跳得好勁。我話比人聽唔係即刻打電話比個老公，佢地個個都鬧我做咩咁老定

on the way 去廣華的時候都 feel 到開始有陣痛喇，中間d唔講喇，之後就係痛痛同痛喇 ...

等到1/9差唔多 2:15pm的時候，姑娘同我 check過話我開到有 6度架啦，差唔多生得架啦，等一等醫生會來再同我 check。到 2:30pm醫生到啦，點知 … …醫生話唔得，我要去開刀，仲大聲叫姑娘 call麻醉師立即來幫我做麻醉要立即開刀，我都唔知發生咩事，之後就有好多姑娘來到我的床邊，又話現在出去叫我老公入來見下我跟住我就去開刀，我就痛到就死就死咁，床邊又好多人喎，我聞氣又聞到傻傻地咁都聽唔得清楚佢地講咩。

老公到啦 … …點知我一見到老公就喊到收唔到聲，但真係講一句咋姑娘就叫佢出返去喇，醫生又鬧個麻醉師點解仲未到架，冇耐麻醉師到啦，佢地想取走我支氣丫，話入到去手術室都有，咁我當然就係死攬住唔放啦。之後就連人帶氣一齊推左入手術室開刀喇。

老公話我係3:08pm 推入去，咁亞女就3:29pm出世喇，老公第一次見亞女的時間係3:45pm，我自已就唔記得係幾點第一次見亞女喇，麻醉藥又未散喎又大近視都睇唔到個鐘。痛左11個鐘先至開刀真係唔底丫:-(

到第二日要落床的時候 ......嘩！原來開刀生仔第一次落床係咁痛架，真係好似比人撕開個傷口咁痛丫

亞女，你睇亞媽為你痛左幾耐，你E+竟然叫爸爸先

私人傳訊

stbb06

大宅

積分: 1241

26^#

發表於 07-9-23 02:31 |只看該作者

我預產期都係10月1日,不過9月25日訓醒一起身就留左一"灘"水
出黎(又唔係話好多,條under係濕哂),咁我就即刻打比我做護士o既朋友問佢我係咪穿水,因為我生第一個你無穿水唔知穿水係咩感覺,咁我個朋友就話係架啦,條褲都濕哂,同埋因為我第2胎又驚會好快生,咁我咪即刻打比老公話入醫院囉,屋企又得我一個人,又即刻打比亞媽叫佢去醫院幫我手,點知入到去check係咪穿水,個姑娘話唔係喎

吓!?咁點呀?不過係入到黎有咁o既情況都要留院觀察下先同埋都就黎到預產期囉~咁我唯有留院啦!點知比姑娘check完之後耐唔耐都有d血絲流出黎喎!無啦啦比佢攪到我見紅:tongue:
留左2日,到26號我問佢如果再無動靜可唔可以出院呀?
佢話過埋今晚等聽日醫生檢查左再決定啦!
悠悠可能費事我又出又入,o係26號10:00pm左右開始有肚痛啦!
一開始就10分鐘痛一次,我仲一箱情願以為好快就生得(d人話第2胎快d嘛),點知足足痛左我十六個鐘先生得出~

到第2朝7:00am先入產房可以即刻打電話比老公叫佢黎
入到去我一早就諗住做無痛分娩,點知比個助產士嚇我又話會咁又咁,攪到我又驚有後遺症,又話叫我同老公傾下先,
我老公大約7:45am黎到入到去我即刻問佢做唔做又講番之前個
助產士講o既野比佢知,佢竟然係無答我,睇完本關於無痛分娩o既
書仔就無出聲,我又無再問!我諗可能佢都係驚有後遺症。
咁我就諗算啦!自己忍啦!對我同bb都好d,咁就死忍落去

總之一痛我就係咁遙張床發哂癲咁,比我生啦!比我生啦!

到真係生得時,又同上一次一樣又話我有"唔唔"叫我自己痾左先

ops:" />
嘩~大佬又對住咁多人痾!?無計啦~當時都唔理得咁多,總之快d生左就算了,今次仲衰過上次,一路進行一路比人話!好醜!

ops:" />

ops:" />
o個一刻真係想搵個窿捐:-( 仲要比個老公見到d咁肉酸o既情景~
唉.....你話媽媽係咪好偉大!

不過最攪笑同最安慰係我痛到死死下o既時候,我老公仲開部cam
影低我痛緊時個樣,之後睇番仲罵佢話:攪錯呀!我痛到咁你仲影好樣衰呀!真係想delete左佢,不過佢答完我之後我又無咁做,
佢話:緊係要影啦!等個女知道媽咪生你時生得好辛苦。

[ 本文章最後由 stbb06 於 07-9-23 02:44 編輯 ]