夫婦情感 今日: 0 | 主題: 42770

積分: 11426

睛靈勳章畀面勳章 BK Milk勳章

22^#

發表於 07-11-30 00:19 |只看該作者

to weima
你講得好有道理.我們都好彩有個好老公.其實有時佢亞媽+我亞媽d嘢,真的很困擾．有時仲會喊出嚟．幸好我老公都會支持我．所以有時佢亞媽搞到我唔開心，會自己忍咗去或者同我老公講，之後就明白有個好老公勝過擁有一切．
ｔｈａｎｋ　ｙｏｕ．我會記住你呢番話！！:-P

爆愛車縫作

私人傳訊

積分: 7737

23^#

發表於 07-11-30 19:16 |只看該作者

講到結婚, 我都想講我99果d衰野, 因為佢真係一件極品, 佢自己嫁女果陣, 收個女婿$3800做禮金(佢以為個女婿冇錢, 但其實搵錢仲多過我老公), 到我結婚果陣, 佢竟然同我講, 話佢自己好隨便, 禮金是但都得(即係想比我地女家$3800), 我頂, 唔係你話要比幾多就幾多架, 到最後, 我呀媽當然唔肯啦, 我地女家要佢地比$28000做禮金, 而且因為我家習俗, 要男家係過大禮果日送一套金比我(耳環, 介子, 頸鏈, 手鏈各一), 至於買幾重既金, 就隨便佢地, 之後, 我99就成日比說話我聽, 又話我地女家要咁多錢禮金, 又話邊有人問男家攞金, 仲話週圍問人地, 人地都話唔駛比(佢所謂既人地, 咪就係佢d大陸同鄉囉, 大佬呀, 我女家同佢地都唔係同一個鄉下, 習俗當然有唔同啦).....總之佢講埋d說話真係好難聽, 後來我就叫我老公同我99講,叫佢比就比, 唔比就算, 我地女家都唔係貪男家呢d野, 後來我老爺因面子既問題都有比金我 (佢唔想比我地女家覺得佢地男家比唔起), 不過禮金本來話係佢地比, 但最後都反悔, 要由我老公自己比返. 但我要強調, 我6299唔係d冇$既人. 當初又係佢催我地結婚, 到真係結, 又多多事實.....好q煩.

蜜棗
你仲記唔記得我呀? 我之前都有係bk同你傾過架.
其實我覺得無理由比人"恰"到上心口都唔出聲架, 如果99唔太過份, 都仲可以忍, 但如果真係太過份, 就真係要出聲, 如果唔係, d 99真係會以為自己係皇后, 仲會得寸進尺添. 不過我覺同住就更加麻煩, 就算嘈, 都要就住, 因為大家始終住埋同一間屋, 成日都會見.不過好在你老公都幾好, 起碼佢唔會聽曬佢呀媽講, 又識得幫你, 你而家馱住bb, 千其唔好為左d無謂人而激氣呀, 如果唔係個bb好易變忟薑架!

其實我媽咪同你媽咪都好相似, 不過係我老豆搞成佢咁, 因為我老豆都幾衰, 唔肯比錢我媽用, 連家用都唔比, 我呀媽問佢攞個錢都好難, 所以搞到我呀媽樣樣野都會好緊張. 有時我媽都會緊張埋d唔等駛既野, 令我好鬼慶, 不過佢始終都係我呀媽, 係最愛我既人. 所以你唔都好同你媽咪計較喇, 有d野佢唔講都講左, 可能佢係講之前自己都冇諗清楚, 如果佢知道自己咁講係會令你難做同唔開心, 我相信佢一定唔會講.

自從我小產之後, 我就冇返99度住, 我而家暫時住係我媽度 (遲d我同老公會搬出黎住), 但我99都係死咬住我唔放(唔聽佢電話, 就狂打比我, 仲要係留言度講埋d不知所謂既野), 我老公叫佢唔駛煮野過黎, 佢就同我老公講, 話我呀媽都唔知唔識得煮補野比我食, 真係痴線架

!!! 我呀媽唔識唔通佢識? 佢識就係識, 不過係識少少扮代表果總.

私人傳訊

積分: 11426

睛靈勳章畀面勳章 BK Milk勳章

24^#

發表於 07-11-30 21:44 |只看該作者

原文章由 irisang2007 於 07-11-30 19:16 發表
講到結婚, 我都想講我99果d衰野, 因為佢真係一件極品, 佢自己嫁女果陣, 收個女婿$3800做禮金(佢以為個女婿冇錢, 但其實搵錢仲多過我老公), 到我結婚果陣, 佢竟然同我講, 話佢自己好隨便, 禮金是但都得(即係想比我地 ...

HI,IRIS.緊係認得你.你宜家身體好d未.乜你99到宜家仲亞芝亞draw.好鬼煩.

唉!估唔倒大家在婚前都面對過呢d問題.你個99唔係啩!自己收得人小就諗住比返咁小人.仲要開口話你知幾多錢?加下佢娶新抱定嫁女?佢有冇記錯??
唉~~我未又係.話就話收三萬.但我亞媽其實唔算好誇.因為佢都知我哋擺酒D錢係6299借.所以都話賀禮唔收(算係咁啦!因為我哋計過每圍幾錢,計落應該唔賺都唔會蝕)前幾日我62去攞錢封禮金.比人抄牌.呢D咁小事,我未來99都拎嚟講笑:『JOEY,叫你亞媽去交,世怕都係因為去櫃台拎錢比你哋女家.』我冇著.因為佢如果真係比張告票我,我就會叫佢比佢個仔.
今個月月中.我同未來6299+我男友去飲.(6299 D朋友)當日個新娘敬酒帶咗條大金錬.到我哋走時,佢同我講:『你睇吓個新娘條大金錬.係新娘個亞媽唔要禮金改要五飾金,比個女做嫁妝.但你亞媽就要錢囉!』我嗰吓都忟忟哋講:『我亞媽早兩年我未話嫁時已經買定2對金鈪比我,結婚當日再+套珍珠錬比我出嫁.』我都未講我老豆會買咩比我.心諗,我唔係貪你D乜.你自己都開口講明只係買咗一對金鈪比我.我相信我老豆實會再買嘢比我.到時女家見倒男家送得一對鈪,睇吓邊個肉酸.
好心呢個未來99自己又唔係送好多嘢比我.自己又未知我會帶幾多女家嘅嘢出嚟.就咪咁多嘢講.仲要我開保險箱唔準同亞媽一齊開.喂..我大部分金飾都係女家比.佢嘈咩喎!!~

爆愛車縫作

私人傳訊

積分: 7737

25^#

發表於 07-11-30 23:29 |只看該作者

hi 蜜棗

我而家身體好返好多喇, 不過個人就比較容易攰, 我遲d會去睇中醫補o下身:-P ! 唉, 我個99, 完全唔覺得佢有變, 上個月月中佢生日, 要我出去食飯, 我真係彩佢都傻, 我都係剛小產完冇耐, 邊出得街, 佢仲要講想沖喜o下, 都唔理我感受

.

你99都幾煩, 你62比人抄牌, 係因為佢自己亂泊車, 只不過今次係去銀行攞禮金比你地女家, 所以你99先有得借題發揮, 冇錯, 如果佢真係比張牛肉乾你, 你就比返佢個仔啦, 真係最憎d咁既人!

仲有呀, 你個99都幾衰格播, 話你呀媽淨係要錢, 真係講到我都慶慶, 佢又知你呀媽唔會買嫁妝比你. 好心佢啦, 唔知就唔好亂咁講, 而家都未到你結婚果日, 講咁多野做乜春, 我驚到時佢見到你咁多金會嚇到拉屎咋,仲有呀, d金比左你就係你架啦, 佢理得你放係邊o者, 就算你要同你呀媽開個聯名保險箱放d金, 佢都冇權理. 呢d人真係好麻煩, 冇事搵事講

講到結婚既金飾, 我99又有一傑作, 話說我爸媽送左兩對龍鳳鈪比我, 結婚果日我去到男家, 我99一見到果兩對龍鳳鈪, 即刻唔高興, 仲話我爸媽果兩對龍鳳鈪都大過佢果對, 唉, 我老公一早知佢地要面, 係好早之前就同佢地講, 話我爸媽買左兩對大既比我, 仲問佢地駛唔駛買對大d既龍鳳鈪, 點知我6299唔理, 仲要覺得自己買果對已經係好大對

.

係我結婚果日, 我個咁既99就係連我媽都整慶埋, 事緣係因為我結婚果日係平日, 大部份親戚都要夜晚先黎到, 所以我就冇乜金帶過男家, 到左下午去到註冊處, 99一見到我呀媽, 就即刻走去同佢講: 『你個女好多金都係我地男家比既』, 好啦, 到左夜晚, 因為我d親戚到齊曬, 我係酒店斟茶比佢地, 佢地先比金我, 數目當然係多過男家比果d啦, 點知我99又走去同我媽講:『你地女家都有幾多親戚播, 所以都有幾多金』, 佢仲問我呀媽, 叫佢估o下我身上面d金有冇10兩, 我呀媽彩都唔彩佢, 行開左.

我已經決定左, 睇時唔係過時過節都唔見我6299, 費事搞到自己唔開心.

蜜棗, 你結婚d野搞成點? 我覺得結婚之前一個月係最忙既, 所以你要小心身體, 有時間要休息多d呀

私人傳訊

積分: 11426

睛靈勳章畀面勳章 BK Milk勳章

26^#

發表於 07-12-1 02:20 |只看該作者

iris
你個99都幾唔知羞.聲大大話你D金多數係男家比.到最後見個勢唔對路又轉呔...
有時真係唔想講99咁多嘢.但我都忍唔住講.我都知唔係全部99都係咁衰.有D會好好.好到我都好羨慕.但好可惜唔係我99或者我亞〝女麻〞...我個99經己係咁講我亞媽不是.我都冇出聲.(我知我就嚟忍唔住)最衰就係同埋佢D三姑六婆咁.有一次又〝生安白做〞今個月中仲有我男友個堂家姐結婚.咁我男友亞爸嗰邊都9兄弟姊妹.咁當然我唔係全部見過.但佢堂家姐結婚當日.我男友都有介紹比我識.我都會叫人..頂呀~過兩日佢亞媽趁我男友行開時.話我見倒D親戚就算唔鐘意都要叫人.我都R哂頭??第一次見又點解會唔鐘意?仲話你唔好失禮我.我都想D人話我新抱有禮貌架!我即刻問:『AUNT,唔好意思,我想問吓我會唔鐘意你邊個親戚呢?不如你直接同我講啦!我都好想知!』佢又講唔出.你話係咪老作.
其實結咗婚之後.我就係要同6299住.起碼一年.我都諗緊點.我結婚D嘢都搞得7788.不過早前佢要求過我結婚要斟茶比佢D金蘭姊妹.我覺得唔係親戚好似唔係咁好.我女家都唔會比我斟茶比D冇乜關係嘅人.我媽咪把口又唔收.一陣有火藥味都唔知點...

爆愛車縫作

私人傳訊

onon1022

積分: 12596

好媽媽勳章

27^#

發表於 07-12-1 12:59 |只看該作者

其實你可以同你未來奶奶解釋...你阿媽唔係咁既意思...希望佢唔好再話你阿媽...始終個個係你阿媽...而且你地結婚之後...你阿媽應該同你未來奶奶好少接觸...慢慢件事淡左...你未來奶奶應該唔會再提...

[url=http://lilypie.com][img]

私人傳訊

心滿意足

積分: 8910

好媽媽勳章

28^#

發表於 07-12-1 13:20 |只看該作者

我個99好鬼貪心又死要面,窮人就唔好話攪呢攪路啦!
我老公因還債中,所以無錢攪結婚,只係註冊算(係我提出的,因我都唔想攪)但99就唔高興,猛話邊個邊個都擺3X圍啦,又話佢做99又要著幾套衫咁,又話要有金器唔好失禮...但佢既意思唔係佢出錢,
佢亦都知佢個仔無錢,佢係叫我出錢,禮金仲更加$1都唔會有啦,連佢男家要洗既錢,同佢地幾兄弟妹著既衫都要我比...仲大大聲話:你阿媽都唔洗要禮金啦,又唔係賣女...
我唔想哂錢,我D錢係用黎比個女同就黎出世既BB用既,所以我堅決咩都唔攪,佢見我咁決絶,就話:乜你唔想做新娘靚下換下晚裝著下婚紗著下褂咩?你唔想好好睇睇咁入我地門咩?
我話:結婚係我同老公既事,唔需要同其他人交待,我唔係送比你地屋企,唔洗包得靚靚咁送入你地"門"(因為佢地又講埋一大堆家規,又話新抱係阿4 ,係負責服侍夫家所有人,要聽從夫家既人話,錢又係要比佢地,自己家人係外人,唔洗理咁多,所以我忍唔住要提提佢,我唔係嫁比佢地一家)
講到最後,我都係死都唔肯,佢就話我:係米因為你離過婚又有個女,返頭嫁,你阿媽怕無面,所以咩都唔攪呀?你父母都唔理佢既,佢地都唔方好啦...
邊有D人咁講野架?-( 我唔小佢,係比面我老公咋,連佢個仔都頂佢唔順想小佢,不過比我禁止左,費事同佢一樣咁無品呀!佢咁樣,想我當佢係一家人都幾難呀:tongue:

私人傳訊

積分: 11426

睛靈勳章畀面勳章 BK Milk勳章

29^#

發表於 07-12-1 16:27 |只看該作者

原文章由 心滿意足 於 07-12-1 13:20 發表
我個99好鬼貪心又死要面,窮人就唔好話攪呢攪路啦!
我老公因還債中,所以無錢攪結婚,只係註冊算(係我提出的,因我都唔想攪)但99就唔高興,猛話邊個邊個都擺3X圍啦,又話佢做99又要著幾套衫咁,又話要有金器唔好失禮...但佢 ...

你個99簡直係

講嘢勁勁勁賤.把口十年冇擦牙.佢哋男家就著數哂.講真就算你話很搞.佢都係金粉都唔會比你.莫講話金器.
本來我都係唔想擺酒,因為我哋都冇錢.但佢哋話要擺.我就講明冇錢.咁佢哋都借錢比我哋.但擺酒唔係話只係酒席要比錢,租衫,請化妝,攝影又係我哋比.佢哋都冇諗過.
昨晚同咗我老公講叫佢同佢亞媽傾吓.我都同我老公解釋過點解.你哋話如果佢真係再喺我面前講我亞媽咁我點好??

爆愛車縫作

私人傳訊

積分: 7737

30^#

發表於 07-12-2 01:54 |只看該作者

原文章由蜜棗於 07-12-1 02:20 發表
iris
你個99都幾唔知羞.聲大大話你D金多數係男家比.到最後見個勢唔對路又轉呔...
有時真係唔想講99咁多嘢.但我都忍唔住講.我都知唔係全部99都係咁衰.有D會好好.好到我都好羨慕.但好可惜唔係我99或者我亞〝女麻〞... ...

蜜棗

唉, 我99咪又係咁, 我次次見佢d親戚, 無論係邊個我都會叫佢地&打招呼, 但我唔知我99係"嚨"定係點, 次次都話我做乜叫唔人(跟住要個親戚同佢講我已經叫左, 佢先收聲), 但佢就永世唔會話自己d女, 有次仲好笑, 佢知我叫左人, 但竟然話我做乜唔叫大聲d, 我即時火都黎, 一句得埋去: [99, 你估而家係嗌交咩, 咁近距離駛唔駛叫咁大聲呀. ] 跟主佢仲唔死心, 私底下再同我講, 話就算唔鐘意人, 都要叫人一聲, 佢成日都驚死我冇禮貌, 唔叫人, 我自問我屋企家教都ok, 點會連呢d基本既禮貌都唔識, 況且我而家係代表緊自己, 我覺得佢只不過想係d親戚面前攞威, 死要面. 仲有呀, 我同佢一齊住果陣, 我d姑仔返黎屋企食飯, (姑仔唔係同我地一齊住), 就算望主我都唔會叫我, 仲要笑都唔笑下, 不過呢樣都算, 最嬲就係我入左門咁耐, 佢連一聲呀嫂都未叫過, 你話呀, 佢屋企呢d就叫有家教.....

我覺得你99成日都借d易話你, 係想豎立自己既威脅, 佢會唔會有果種初歸新抱, 落地孩兒既意想? 想你乜都聽曬佢話.

你99點解要你斟茶比佢D金蘭姊妹, 佢地係唔係上左契先? 如果唔係, 點解要你要斟? 不過我覺得如果佢一定要你斟, 你今次就真係要順佢意(雖然我個人覺得唔合乎禮節, 因為大家都唔係親戚), 如果唔係佢真係會講足你一世, 仲有呀, 第時佢可能成日都會攞返黎講, 咁就會好煩. 不過如果你真係好唔想, 由你呀媽出聲會好d, 就算佢地真係因為呢件事而嗌交, 起碼佢地第時見面既機會唔多, 你又唔會咁尷尬.

私人傳訊

積分: 11426

睛靈勳章畀面勳章 BK Milk勳章

31^#

發表於 07-12-2 02:09 |只看該作者

原文章由 irisang2007 於 07-12-2 01:54 發表
蜜棗

唉, 我99咪又係咁, 我次次見佢d親戚, 無論係邊個我都會叫佢地&打招呼, 但我唔知我99係"嚨"定係點, 次次都話我做乜叫唔人(跟住要個親戚同佢講我已經叫左, 佢先收聲), 但佢就永世唔會話自己d女, 有次仲好笑, ...

出事喇!!勁唔開心!老公同我講就嚟一家人唔好再咁~!~!
頭先上老公屋企食飯.佢亞媽又嚟問,IRIS我真係想問吓.擺酒當日未有D西餅會招呼大家.咁當日坐住要拎十幾打餅.咁究竟係咪我哋女家出架??頭先佢亞媽就係問我:『到嗰日你亞媽諗住拎幾多打餅招呼親友??』佢言下之意係我女家要出哂全場西餅.我真係唔知原來係女家出!我都問乜係我哋拎嘅咩??但最忟係當佢行開咗時,我老公同我講話當日佢比囉咁!!又話叫我唔好同佢亞媽計較呢D嘢!!激死我.
之後食完飯又搵嘢嚟講(我個人覺得好無聊)佢嗰邊男家親戚多.我女家真係唔算多.咁佢都可以拎嚟鬥.佢問:『JOEY,你覺得男家親戚多定女家親戚多?』係明知故問+好招積.我頂佢唔順答佢:『冇關係架?多定小都唔係你同我控制架啦?』再問我婆婆嗰個日會唔會去?因為早前我同佢講我婆婆中咗風.都講定佢知.我話未知.佢又先入為主問:『係咪你亞媽唔鐘..』佢未講完我著Q咗答佢:『我媽咪唔會唔鐘意,只係媽咪唔想婆婆咁辛苦!』我真係頂佢唔順.加上我老公咁講.我真係好Q忟.
我發顛喇!同佢誓不兩立!!

爆愛車縫作

私人傳訊

積分: 7737

32^#

發表於 07-12-2 02:21 |只看該作者

原文章由蜜棗於 07-12-1 16:27 發表

你個99簡直係
講嘢勁勁勁賤.把口十年冇擦牙.佢哋男家就著數哂.講真就算你話很搞.佢都係金粉都唔會比你.莫講話金器.
本來我都係唔想擺酒,因為我哋都冇錢.但佢哋話要擺.我就講明冇錢.咁佢哋 ...

心滿意足
嘩, 乜你個99咁講野架, 咁鬼刻薄, 仲有呀, 佢果d係乜理論黎架, 你估而家仲係封建時代咩......就算你係有個女, 咁又點呀? 咁係唔係代表你要貼埋大床先可以嫁先? 如果你99真係要大搞既, 咪由佢出$攞, 如果唔係, 就請佢尊重下自己個仔同新抱既意願.

蜜棗
我覺得如果你老公同你99講過, 叫佢唔好再係你面前話你呀媽, 但如果你99都係唔理, 都要照話既, 你都冇計, 因為把口係生係佢度, 佢要講, 你都阻佢唔到, 不過我會問返佢, 係唔係我呀媽得罪左你, 搞到你成日都要話佢.

唉.....我都唔想成日講自己個99, 不過如果唔講, 屈住屈住又會好辛苦, 有時都唔想係老公面前講太太99既衰野, 如果唔係佢會覺得我成日都針對佢呀媽, 唉....99呢類生物, 我覺得係世界上最麻煩既.

私人傳訊

積分: 11426

睛靈勳章畀面勳章 BK Milk勳章

33^#

發表於 07-12-2 02:37 |只看該作者

原文章由 irisang2007 於 07-12-2 02:21 發表

心滿意足
嘩, 乜你個99咁講野架, 咁鬼刻薄, 仲有呀, 佢果d係乜理論黎架, 你估而家仲係封建時代咩......就算你係有個女, 咁又點呀? 咁係唔係代表你要貼埋大床先可以嫁先? 如果你99真係要大搞既, 咪由佢出$攞, 如果 ...

咁你結婚當日有冇拎西餅??我仲煩緊呢樣嘢!!

爆愛車縫作

私人傳訊

積分: 7737

34^#

發表於 07-12-2 02:43 |只看該作者

原文章由蜜棗於 07-12-2 02:09 發表

出事喇!!勁唔開心!老公同我講就嚟一家人唔好再咁~!~!
頭先上老公屋企食飯.佢亞媽又嚟問,IRIS我真係想問吓.擺酒當日未有D西餅會招呼大家.咁當日坐住要拎十幾打餅.咁究竟係咪我哋女家出架??頭先佢亞媽就係問我:『到 ...

唔好忟, 唔好忟, 據我所知, 婚宴上所有既野都係男家包既, 例如:酒水, 席前小食, 西餅等......但都要睇下你地男女家係點傾, 如果一開始係講好曬, 酒席係由男家出錢既話, 咁佢地就要問女家要幾多圍酒, 如果男家ok既話, 女家就可以收返自己女家比既人情, 根本唔駛出其他野, 我同我d朋友+同事結婚既時候都係咁. 女家要派餅, 都係出請帖既時候派啦, 點會係婚宴上派? 我覺得婚宴上既西餅冇理由要你地女家出架.

你99又係既, 你估而家去開片咩, 駛唔駛係度鬥人多呀? 又係食飽飯冇屎x, 搵野黎講..... 唔好彩佢o者.

你可以同你老公講, 呢d唔係計較, 只不過你覺得如果婚宴上既西餅要你地女家出, 好似唔係好合乎禮節, 你地女家又唔係出唔起果10打8打西餅, 禮節呢家野, 都係搞清楚好d, 費事第時是但一方唔好, 又係度懶.

私人傳訊

積分: 7737

35^#

發表於 07-12-2 02:56 |只看該作者

我擺酒既時候, 都加左個席前小食既package, 不過我99仲驚死唔夠, 係都要我老公去買多幾打西餅, $當然係我99出啦. 不過我知有d酒店/酒樓係包埋席前小食既, 講真, 如果你擺酒間酒店/酒樓係包埋席前小食, d錢咪又係男家出, 只不過因為今次唔包, 所以你99咪想你地女家出囉.

私人傳訊

積分: 11426

睛靈勳章畀面勳章 BK Milk勳章

36^#

發表於 07-12-2 03:04 |只看該作者

原文章由 irisang2007 於 07-12-2 02:56 發表
我擺酒既時候, 都加左個席前小食既package, 不過我99仲驚死唔夠, 係都要我老公去買多幾打西餅, $當然係我99出啦. 不過我知有d酒店/酒樓係包埋席前小食既, 講真, 如果你擺酒間酒店/酒樓係包埋席前小食, d錢咪又係男家 ...

的確冇包.但我估唔到佢會開口叫我哋女家出.仲要係奉旨.如果禮儀上係女家出.我覺得我哋唔會唔出.但我好記得買餅當日買100送7張.買咗300張.送咗21張.佢亞媽經已驚蝕咁.係咁問我拎返21張.我開頭諗住佢係留返擺酒當日拎西餅做席前小食.佢條友宜家竟然開口.我宜家上網搵唔倒答案!!唉~~
唔好話我計，我的確係同佢計．如果唔係佢咁Ｑ麻煩．喺度講我亞媽．我都唔會咁．
我諗緊點同佢亞媽開口！

爆愛車縫作

私人傳訊

積分: 11426

睛靈勳章畀面勳章 BK Milk勳章

37^#

發表於 07-12-2 03:06 |只看該作者

原文章由 irisang2007 於 07-12-2 02:56 發表
我擺酒既時候, 都加左個席前小食既package, 不過我99仲驚死唔夠, 係都要我老公去買多幾打西餅, $當然係我99出啦. 不過我知有d酒店/酒樓係包埋席前小食既, 講真, 如果你擺酒間酒店/酒樓係包埋席前小食, d錢咪又係男家 ...

爆愛車縫作

私人傳訊