家庭理財 今日: 0 | 主題: 47108

積分: 1433

好媽媽勳章

21^#

發表於 04-3-31 13:43 |只看該作者

Re: 有無人將會買樓呀?

我都好想買樓呀,可是比政府玩死,當初諗住結婚後就買居屋,點知結左婚唔夠一個月政府就話停售居屋,跟住係舊年諗住伸請"首置貸款",又比政府拒絕,伸請公屋又超過入息,又冇足夠首期買樓,哎!都唔知幾時先致可以有屬於自己0既安樂窩...

雖然我們不能左右天氣 , 但是可以改變自己的心情 !

私人傳訊

積分: 11405

好媽媽勳章

22^#

發表於 04-4-1 22:27 |只看該作者

Re: 有無人將會買樓呀?

我都好想買樓呀, 計過下年年尾就夠$入市.

睇完豬爸爸佢地反而諗住賣, 有d驚自己會變蟹.........
前幾日睇有線樓盤傳真, 都話第二季(即4月-6月)樓市會放緩, 年尾如果真係加息, 樓價就應該會下調...........都唔知高興定唔高興好!!!

私人傳訊

豬爸爸

積分: 736

23^#

發表於 04-4-2 09:57 |只看該作者

Re: 有無人將會買樓呀?

Hi 阿早!

哈哈!俾你提到我個名,想唔比D意見你都唔得啦!

唔駛咁擔心變蟹,自己住嘅冇乜問題。最緊要係有工做。

反而想提下你,條數一定要計清楚。
一筆過嘅有:首期、律師費、經紀佣金、裝修、厘印等。二百萬嘅樓乸埋都要七八十萬。
每月都要俾嘅有:供款、管理費、差餉、地租等。

千祈唔好為左買樓駛哂D錢。一定要有彈藥係身。

講到加息,最快最快都要下年年初。之前一年減左十幾次,掉番轉一年都可以加番十幾次!過度都差幾千蚊架。要預算埋架!

講咁多希望唔好嚇倒你啦!

私人傳訊

sara

積分: 2734

24^#

發表於 04-4-2 12:06 |只看該作者

Re: 有無人將會買樓呀?

想買樓既心態我非常明白,因為自己二十幾歲時都會咁諗,樓=生活,好好好渴望有一層自己擁有既單位,好似唔買樓唔可以結婚咁,不過呢幾年真係完全唔會咁諗,因為層樓未必升,而且係唔想成世住死一層樓,如果你唔真正住過那處地方,你係唔知道那處係唔係真係鍾意住,所以如果層樓自住真係要諗清楚!

私人傳訊

積分: 11405

好媽媽勳章

25^#

發表於 04-4-2 12:19 |只看該作者

Re: 有無人將會買樓呀?

豬爸爸....唔好意思, 一時心急"篤"左你出黎tim, hehe....

嘩, 七八十萬呀........仲要留d彈藥係身........要好多$$呀~_~!!

我地諗住做九成按揭, 因為問過銀行, 息率同七成一樣, 不過要比多幾萬蚊保費(可以一次過俾, 或者放埋入去供都得).

我地手上有40萬度.....所以可以買新樓-樓價貴d但唔駛點裝修, 或者舊樓 - 樓價平但係要預十幾廿萬裝修整廁所廚房.
最後暫定買舊樓, 因為唔想供得咁辛苦....

我係咪博左d呢? 同老公想快d買樓係因為我地而家屋租同供唔差幾多, 而舊樓差餉管理費都唔算貴, 仲有考慮租屋好多野唔可以話事(我而家轉個洞裝儲物架都唔敢, 驚整"round"人地間屋, 所以儲物好麻煩.)

私人傳訊

積分: 11405

好媽媽勳章

26^#

發表於 04-4-2 12:22 |只看該作者

Re: 有無人將會買樓呀?

sara,

我都真係有d你講既心態架......我想問如果有小朋友係咪租屋住比較難?

私人傳訊

豬爸爸

積分: 736

27^#

發表於 04-4-2 15:06 |只看該作者

Re: 有無人將會買樓呀?

哈哈!算數啦,下次唔好啦!不過,其實我都唔介意。

嘩!俾我估中,真係嚇親你添。不過,總好過你做錯決定。

九成按揭就真係唔贊成啦。又要比幾皮野,借錢又多咗,即係利息又貴D。真係長命債咩。

你想買個層舊樓要幾錢?有冇裝修?攞一百萬黎計。首期三十萬,律師費、厘印、經紀佣金加加埋埋都要幾皮。咁你就得番幾皮去裝修,僅僅夠啦。

借七十萬供廿年,2.5%,就要三千七;供十五年就要四千六。加埋管理費、差餉、地租又千幾。我諗同你租差晤多。

阿早! 寫道:
豬爸爸....唔好意思, 一時心急"篤"左你出黎tim, hehe....

嘩, 七八十萬呀........仲要留d彈藥係身........要好多$$呀~_~!!

我地諗住做九成按揭, 因為問過銀行, 息率同七成一樣, 不過要比多幾萬蚊保費(可以一次過俾, 或者放埋入去供都得).

我地手上有40萬度.....所以可以買新樓-樓價貴d但唔駛點裝修, 或者舊樓 - 樓價平但係要預十幾廿萬裝修整廁所廚房.
最後暫定買舊樓, 因為唔想供得咁辛苦....

我係咪博左d呢? 同老公想快d買樓係因為我地而家屋租同供唔差幾多, 而舊樓差餉管理費都唔算貴, 仲有考慮租屋好多野唔可以話事(我而家轉個洞裝儲物架都唔敢, 驚整"round"人地間屋, 所以儲物好麻煩.)

私人傳訊

積分: 11405

好媽媽勳章

28^#

發表於 04-4-2 20:08 |只看該作者

Re: 有無人將會買樓呀?

唔.......本來諗九成按揭係想有d錢傍身, 不過如果俾七成按揭, 每個月供咁少又真係好鬼吸引, 等我諗諗裝修費可唔可減d先.......

私人傳訊

sara

積分: 2734

29^#

發表於 04-4-3 12:43 |只看該作者

Re: 有無人將會買樓呀?

阿早,
我記得我細個時d人叫我唔好供太多錢樓,我都係唔係好聽佢地話,覺得自己好有本錢,其實那時供樓都係佔我家庭總收入27%,不過供左樓後真係洗費多左,又管理費,又差餉又地租,於是27%變30%,覺得自己成日欠人好多錢,好想快d還!

其實我而家都夠錢再上車,不過我覺得無咩必要,因為我未有心水樓盤,而且租樓真係好正,我那裏租$9500 ,包管理費($1400)及全屋電器(上個月整洗衣機$1400都係業主出),業主整埋窗花窗簾,但係如果買,層樓要成300萬,就要拿100多萬做首期,而且要每月供萬幾蚊!

我有諗過買層居屋一直住落去,不過都係諗緊居屋既保安無咁好!

有細路都唔難租樓,不過最緊要係你地職業穩定(好客),就可以ask到好平既租金啦!

不過你未供過樓,我相信你係唔會體會到的!我覺得你都係唔好做九成按揭,供層平d,如果樓價升左先換層貴d啦!都有可能樓市會升架!

私人傳訊

hinhinmummy

侯爵府

積分: 21395

30^#

發表於 04-4-3 15:27 |只看該作者

Re: 有無人將會買樓呀?

阿早

我SHARE我的經驗比你聽:

我好早結婚, 結左一年, 跟住想有自己的安樂窩, 買左層樓, 後尾發覺供得好幸苦, 將層樓租出去, 繼續同親戚住.

果幾年自己供得好幸苦, 一心想快D供完層樓, 可以搬返去住, 所以我做埋PART TIME, 一日打兩份工, 有時夜晚還接JOB返屋企做.

每儲到5萬元就拿去還錢, 但係還極都還不完.

最後都係賣左層樓, 蝕左幾十萬, 我們繼續儲錢, 加埋賣左層樓的錢同埋儲的錢, 一筆過買層舊樓. 雖然層樓係舊, 但勝在我有足夠的錢去負擔層樓, 夠實用, 但係舊樓佢的升值潛力不大, 不過我亦都無諗過會摋, 除非佢比人收購再重建.

量力而為, 最緊要儲下錢.

不好將自己的積蓄一筆過用晒, 留返D作日後用.

私人傳訊

sara

積分: 2734

31^#

發表於 04-4-3 16:32 |只看該作者

Re: 有無人將會買樓呀?

hinhinmummy,
我覺得你好精明,而且亦能忍到手唔去買間大d既屋!其實好多人都知呢d道理,但係真正能夠實行的真的不多!我都成日諗搬去d平d既地方,唔去旅行就可以儲多d錢,不過有時又好唔想,因為洗大左,食大左搬大左真係好難再返轉頭!

經驗之談:唔好洗大左,儲多錢係好重要的!

私人傳訊

積分: 11405

好媽媽勳章

32^#

發表於 04-4-3 22:15 |只看該作者

Re: 有無人將會買樓呀?

多謝大家既意見呀! 你地經驗對我黎講都起左個警剔作用.

坦白講呀, 我開頭個心真係幾雄架, 因為我先生都叫做專業人士, 收入算穩定, 年年都會升職加薪個種囉. 不過, 我都知世事無絕對, 而且佢份工都幾大壓力, 佢都有呻過想轉工.......

唔.....而家個心好矛盾, 問人買唔買樓好, 意見半半波...我屋企同老公想買, 我屋企思想比較傳統, 仲要o岩o岩我妹賣左層樓賺左筆錢.........但我而家就麻麻地想買.........可能我唔係好行動派, 平時嘻哈大笑吹水就有份, 到自己就諗餐死.........唔........要再諗多幾諗先............@_@

私人傳訊

Umi

男爵府

積分: 8715

33^#

發表於 04-4-6 00:29 |只看該作者

Re: 有無人將會買樓呀?

hinhinmummy,

你好勁喎！可以一日做兩份工，我都想揾多份part-time做，但係好難揾，現在每個月都入不敷支，又要供樓，又要還債，又要養女，唉．．．

私人傳訊

LFC

積分: 635

34^#

發表於 04-4-6 10:46 |只看該作者

Re: 有無人將會買樓呀?

等我又講下自己諗法
自己住緊層居屋, 想遲下BB出世穩定左後,
放左間屋租樓住, 一來租樓支出比供樓小, 儲錢機會多左.
等自己他日有足夠彈藥再入市未遲.

唔知我既諗法如何呢

私人傳訊

hinhinmummy

侯爵府

積分: 21395

35^#

發表於 04-4-6 10:55 |只看該作者

Re: 有無人將會買樓呀?

UMI

真係多謝你讚我, 不過果時好景(95-97年), 所以先可以搵到份part-time(朋友介紹係佢公司做data-entry), 但係真係好倦, 晚晚放工飯都不食做到12點.

不過真係好似好耐之前發生的野, 如果不係最近係度同人討論另外一樣野, 自己都不記得左當初為左供樓, 打兩份工tim.

私人傳訊

fish_fish

複式洋房

積分: 153

36^#

發表於 04-4-8 22:59 |只看該作者

Re: 有無人將會買樓呀?

原來有很多人同我的經歷一樣.

97年9月我們買了第一層樓(300呎左右), 當時問阿媽借了20萬. 從此成為負資產.

2000年10月我們結婚, 二人世界, 層樓細又窮又空氣差又嘈, 都可以忍下, 儲下錢希望日後買層大些.

2003年sars期間, 樓價狂跌, 經濟差, 驚無了份工, 所以不敢換樓.

最近, bb剛剛出世, 經濟好轉, 但又換唔到樓. 我們想搬去紅磡區, 近bb爺爺, 方便照顧bb, 點知短短2個月, 紅磡的樓貴了2成至3成.

雖然, 我們兩公婆是中產一族, 但沒有享受過人所渴望的中產生活質素, 又要養bb, 養父母......

究竟買唔買樓呢?

私人傳訊

sara

積分: 2734

37^#

發表於 04-4-11 23:56 |只看該作者

Re: 有無人將會買樓呀?

fish_fish,

"雖然, 我們兩公婆是中產一族, 但沒有享受過人所渴望的中產生活質素, 又要養bb, 養父母......"

你呢幾句說話好touching! 我淨係買樓賣樓我都蝕左唔少,跟著人到三十,又有bb,要儲多d錢,工作不保,又要開始儲錢,希望第時退休生活好d.....
我而家既目標係要儲番第一桶金先,如果我而家買左樓就會延遲我儲桶金的時間.....除非,你覺得你桶金係由層樓搵番來啦!

私人傳訊

sfiawong

男爵府

積分: 5238

畀面勳章

38^#

發表於 04-7-3 09:47 |只看該作者

Re: 有無人將會買樓呀?

我和個女合資購置小型的,用來收租補助入不敷出之不足.只因本人與內子經常來往美國和香港之間很需要多一些生活上的開支.所以想方設法來増加收入為是.

你要身體好、記得時時要飲水、不一定等到等到口渴嘅！

私人傳訊

ivory

洋房

積分: 193

39^#

發表於 04-7-5 16:51 |只看該作者

Re: 有無人將會買樓呀?

現階段樓價已經升左好多lu~
好似又一居咁.....
舊年sars的時候,700多呎單位下試250萬,
但現在巳反彈約300萬....
所以我覺得現階段不是買樓好時機.

私人傳訊

MariaChan