吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 3歲或以上› 點先可以令小朋友錫媽媽愛媽媽

3歲或以上今日: 1|主題: 8839

收藏本版

發帖

返回列表

跳至頁

樓主: potato38

點先可以令小朋友錫媽媽愛媽媽 [複製鏈接]

親親小孩子

子爵府

積分: 12088

馬年勳章 2025勳章蛇年勳章 2024年龍年勳章虎到金來勳章 Poo得好勳章 BB防敏心得分享勳章美好大世界2017勳章趣教勳章最關心BB問題熱投勳章親子王國15週年勳章

21^#

發表於 21-4-16 11:36 |只看該作者

你認為佢對你唔好，唔愛錫媽媽，咁佢平時對住爸爸同婆婆又係點？佢未必係對你唔好，而係佢根本唔識對人好。

我係WORKING MOM，坐月時係我自己一手一腳去湊，到返工之後，佢就明顯冇咁親我喇，見佢要爸爸抱都唔想媽媽抱，個下真係有啲心酸，不過我都繼續爭取時間去照顧佢，多啲抱佢，同佢唱歌、沖涼、按摩，又經常錫佢面仔，到而家5歲，每當我話過嚟攬下先，佢都會立即抱住我再錫啖我；俾佢食水果，我話俾啲媽咪食吖，佢都肯餵我，我同老公都有讚佢肯分享，雖然唔係佢主動，但起碼都同佢保持親密接觸，願意去同父母分享，呢啲真係要花好長時間日日做。

樓主你要放鬆心情，小朋友咁細佢好多嘢都未理解，自己先唔好同佢計較，一路去灌輸互相分享同關懷嘅重要性俾佢知，如果佢再大啲都冇改善，就要留意佢有冇其他發展上嘅問題，有需要同學校社工傾下，睇吓管教上有冇咩可以做得更好。

私人傳訊

EudyptulaMinor

男爵府

積分: 9263

22^#

發表於 21-4-17 04:41 |只看該作者

potato38 發表於 21-4-10 01:22
我仔3 歲幾。我覺得佢自私，樣樣只為自己諗，自己享受，今日搵車差d撞到我，我鬧佢如果車死了媽媽，咁邊個 ...

你對小朋友無條件付出太多，一切變得理所當然。
俾小朋友知道媽媽都係一般人，媽媽都會攰都有喜怒哀樂，你一直做一個完美嘅存在，佢冇辦法覺得佢同你係一樣，佢代入唔到你嘅感受。
你攰就表現出攰，同小朋友講今日媽媽好攰唔去公園啦；傷心就直接擺出傷心嘅表情，話俾小朋友知我唔開心唔想講嘢唔想玩遊戲。
你陪小朋友做小朋友嘅嘢，同時都可以要求小朋友陪你做你嘅嘢，例如叫小朋友幫手抹下枱，陪你買吓餸，俾小朋友有付出嘅機會。小朋友學習愛係相向嘅，接受愛同時都要去愛。

私人傳訊

shunshunmum

複式洋房

積分: 134

23^#

發表於 21-4-23 17:26 |只看該作者

回覆 potato38 的帖子

1. 睇繪本, 好多繪本都有講愛媽媽呢個內容
2. 你整親時, 叫老公示範大大力的問候, 鍚返, 小朋友好快會學識, 依家佢地都係模仿大人點做;

私人傳訊

lojo11

翡翠宮

積分: 99809

2024年龍年勳章牛年勳章

24^#

發表於 21-4-24 04:27 |只看該作者

首先唔好覺得自己付出晒一切就對個小朋友有咩期望... 做父母都係不斷去教同引導.. 唔好只諗自己做左幾多野... 3歲仲細, 我唔會問如果我死左你點算.. 其實佢好叻諗到仲有爸爸同婆婆, 咁佢都係回應你問題, 只係答案不似預期... 下次不如話"你會整痛媽媽", 叫佢錫番你... 咁慢慢佢知道整到人要關心下對方..

私人傳訊

秋天與楓葉

珍珠宮

積分: 32599

25^#

發表於 21-4-24 12:10 |只看該作者

本帖最後由秋天與楓葉於 21-4-24 12:11 編輯

睇字都覺得辛苦，仔仔得3歲咁細，只係唔小心差啲撞到你，你就鬧佢撞死你點算
當自己整親又怪仔自私、唔即刻走埋嚟關心你
再一次強調，你仔得3歲咋

你係working mum，平日有長老幫手湊，放工後陪玩、養育仔仔係媽媽基本責任，但又講到自己好辛酸，點解個仔永遠都唔感恩、唔去愛錫媽媽......

其實仔仔係一個好正常嘅3歲小朋友言行，現階段3歲可以健康快樂成長、發展正常，又有家人幫手湊，已經好大恩賜，媽媽唔感恩不止仲對3歲仔諸多挑剔，坦白講....媽媽你嘅言行同思想先係問題所在

終日無事化小、小事化大，好辛苦㗎！

私人傳訊

莫失莫忘

伯爵府

積分: 16986

26^#

發表於 21-4-24 15:26 |只看該作者

回覆樓主：

本帖最後由莫失莫忘於 21-4-24 15:27 編輯

我之前同一位心理學家傾開小朋友野，其中傾到佢話唔係個個小朋友都天生有同理心。我都有問過自己點解人地小朋友唔駛教就識分享，識關心人。心理學家同我講有啲小朋友需要大人幫佢培養同理心，教佢點樣做叫做關心人。所以樓主唔好唔開心，小朋友就算唔係天生暖男，佢喺你諄諄教導下仍有機會的。