miriam 發表於 21-6-15 20:55 
無, 呢件無聽過
我係我哥個仔 K.2 時發現佢有問題, 個時同佢一齊去玩, 見到佢既行為有古怪, 所以更加留意
我姑仔同佢老公同你哥差不多，佢地個仔因為早產，佢地又老來得子，縱到唔係人咁款，3歲小朋友已經要咩都話事，個老豆不斷話個仔聰明，但我真係一D都睇唔出，仲覺得佢搞到個仔老人精咁，好鬼乞人憎。我同老公因為幫個仔搵評估帝過好多不同機構不同人，實在好多不學無術呃錢嘅所謂資深醫生，所以見到姑仔個仔唔對路就提佢，叫佢去安排評估，但姑仔老公拒絕相信，唔肯承認個仔有問題，由幾歲到整個小學過程轉過好多間學校，連學校老師同校長都俾最後通碟要佢地帶個仔做評估，因為佢喺學校搞咗好多嘢出嚟，老師同學都不勝其煩。
姑仔老公話俾咗千幾蚊美金搵一個資深精神科醫生做咗個評估，份報告係得一大張紙，仲要唔係打滿字，我老公聽到笑咗兩聲，打賭學校一定唔收貨，果然！我個仔份報告係十幾頁紙，底面打滿，做過咩評估，用咩方法做，過程結果全部都清楚，自閉症5個範疇全部都有晒細節，之後就係總結、方案、建議等，有時真係讀得書多做得專業唔代表有常識，一版紙嘅報告！千幾蚊美金做嘅評估！我地兩公婆已經係完全將所有門路細節都講晒，佢地兩個要表示自己聰明去搵個唔知咩醫生，做完個報告完全唔用得，學校唔承認。個報告仲只係話佢地個仔有抑鬱，原因係太聰明。。。佢咁多年成績。。。哈哈哈。
而家16歲啦，咩人情世故都唔識，見到人唔會打招呼，眼神係話你知佢睇你唔記，佢仲由細到大都蝦我個仔，個老豆不但不阻止，仲凶我個仔，我老公好彩冇見到，否則一定同佢兩仔爺開片，老爺喪禮時表現得好唔尊敬，又專登騷擾我個仔，想我仔出聲鬧佢，好彩我仔有個妹隔開咗冇理佢，上山去到墳地，佢仲周圍踩人地嘅墳地石碑，睇到好多老公嘅朋友擰晒頭。。。其實去到十幾歲好難再教，加上父母都唔覺得有問題，有問題都係人地問題，即使全班冇人願意同佢仔做朋友都係全班同學問題，唔關佢仔事，again，佢覺得自己個仔太叻，堂上教嘅佢覺得悶，所以選擇唔交功課～仲有兩年升大學，真係不敢想像。我叫老公唔好再理，始終仔唔係自己嘅，父母唔理，輪唔到我地理，我唔會得閒到幫人教仔。
花旗太太生活在花旗國，留意時差，你問我未必即時答到。
發表於 
大仔讀書成績差，但都算乖，去讀IVE學一門手藝囉。細仔好固執，但其實唔難湊。一早同佢講定啲安排，佢就會跟住做。情緒管理差，有上情緒管理小組。除左有啲感統問題外，細仔其他方面都無大問題。仲數學，Logic, 3D立體既資優。一線小學成績中上。如果我唔講，啲人係睇唔出佢係自閉
返回列表
