1-3歲 今日: 2 | 主題: 19704

積分: 619

21^#

發表於 22-4-5 23:31 |只看該作者

babyfung61 發表於 22-4-5 21:12
好多謝你嘅回覆其實我對初生B嘅over tired未係幾識觀察，相信上次都好多時遇到此情況而又無辦 ...

初生既睡眠訊號反而最容易睇，通常眼紅，眼皮跌落黎，打喊露就一定係好眼瞓，過左3個月就唔容易睇到。
你可以參考呢個清醒時間表，按住時間氹瞓覺都幾有效。
最緊要係唔好比bb刺激過度。
我開頭都唔識呢d野，bb個幾月後先知，就按時間比bb瞓覺，真係容易左氹同埋可以放床仔氹瞓覺添，當然都唔係次次都成功，有時都係唔知點解bb勁眼瞓都唔瞓，又向到爆喊。

私人傳訊

積分: 619

22^#

發表於 22-4-6 03:39 |只看該作者

babyfung61 發表於 22-4-5 21:17
就係BB瞓唔好呢個問題已令我對住佢都開心唔起嚟。大人勁眼瞓又瞓唔到係好難頂，時間非常難過。真係捱吓又 ...

我細仔都有呢個問題，就算而家5個幾月都有呢個問題，只係比以前改善左好多。
頭3個月晚晚醒十幾次唔係講笑，飲完奶都爆喊又唔瞓，夜媽媽凍冰冰抱住都喊，幾個鐘唔收聲，大人勁眼瞓又無得瞓好難頂。
但4個月開始可能係我慢慢捉到佢作息時間，唔會咁易疲勞過度，所以小睡瞓好左少少，夜晚都快入睡。
雖然未戒到夜奶，但餵完會瞓返都無所謂，最驚係餵完都唔瞓。
最差咪bb死都唔瞓，爆喊，但斷哂電就點都會瞓既，比空間bb喊下對佢身體無壞處，你自己又休息下（我試過真係好眼瞓，由得bb向床仔喊2個鐘，我繼續瞓覺）。
趁而家仲未生，抽多d時間陪大b，第時真係無咁多時間。
媽媽加油！

私人傳訊

venusbbpig

大宅

積分: 4971

23^#

發表於 22-4-6 23:59 |只看該作者

我覺得係天生的，大女好好湊，食飽就訓，訓飽就食，1個月已戒夜奶，我諗佢好訓既原因係佢肯食奶咀，佢係食奶粉，因為埋唔到身，細女極難湊，訓5分鐘就醒，醒左要啜，啜完又訓，訓5分鐘又醒，不斷輪迴地獄，即使到而家就2歲，叫好d，但仍然未戒夜奶，我諗自己已變人肉奶咀，佢係全埋身人奶，因為唔肯食奶樽，奶咀都唔鍾意食。雖然奶咀好多人都話唔好，但肯食奶咀既bb，我覺得係天使寶寶，如果細女肯食，我一定2話不說塞佢食

私人傳訊

積分: 7516

2024年龍年勳章

24^#

發表於 22-4-7 10:41 |只看該作者

SVeela 發表於 22-4-5 23:31
初生既睡眠訊號反而最容易睇，通常眼紅，眼皮跌落黎，打喊露就一定係好眼瞓，過左3個月就唔容易睇到。
你 ...

好多謝你個表，好有用呀！咁起碼對BB嘅清醒時間有啲掌握，見差唔多夠鐘就氹佢瞓。

私人傳訊

積分: 7516

2024年龍年勳章

25^#

發表於 22-4-7 10:52 |只看該作者

SVeela 發表於 22-4-6 03:39
我細仔都有呢個問題，就算而家5個幾月都有呢個問題，只係比以前改善左好多。
頭3個月晚晚醒十幾次唔係講笑 ...

好有同感！我都好怕半夜餵完奶一直唔肯瞓，果吓先最難捱，有時自私地寧願佢瞓超過3個鐘唔準時食奶好過⋯每次見佢瞓咗就似炸彈一樣，驚佢唔知會唔會一陣好快又醒，壓力好大。
今次唔同，我要照顧埋大果個，可能都無咁多時間氹小B瞓，只是怕到時一打二，細嘅爆喊唔瞓，大嘅又纏住曬扭計，大人又眼瞓嘅時候就好慘。
希望今次能夠順利啲啦。
一起加油！

私人傳訊

積分: 7516

2024年龍年勳章

26^#

發表於 22-4-7 10:56 |只看該作者

venusbbpig 發表於 22-4-6 23:59
我覺得係天生的，大女好好湊，食飽就訓，訓飽就食，1個月已戒夜奶，我諗佢好訓既原因係佢肯食奶咀，佢係食 ...

原來全埋身都會有苦惱，因為諗住BB食人奶成份溫和好瞓啲。而上胎無奶，我今次都打定輸數。聽你咁講，我又有返啲信心，飲乜都好，最緊要係要買救命奶咀

多謝教路

私人傳訊

Maryjei

積分: 527

27^#

發表於 22-4-7 16:04 |只看該作者

babyfung61 發表於 22-3-26 00:03
我自己嘅經歷係湊到如同踏進地獄，日夜顛倒，夜晚飲完奶爆喊，橫抱直抱企住抱坐住抱都搞唔掂，眼光光喊吓停 ...

我生左一胎，佢而家一歲，分享少少
初生嬰兒食得飽會訓得耐d, 所以盡量定時食奶，三個鐘或四個鐘一次(我唔跟feed on demand呢一套)，又食得哂就最好
另外，呀b頭幾個月我都會朝早放佢係廳既窗邊曬下日光，夜晚返入房訓就要黑哂燈, 等佢分辨日夜，建立作息，可能係我又好彩，我b個半月就自己戒左夜奶
我陀b個陣，成日訓唔到，晚晚3點4點訓，我囡出世都唔會夜訓，所以我信小朋友既作息係後天建立。不過ADHD小朋友就唔包括啦，因為佢地都唔需要訓咁多。

私人傳訊

Maryjei

積分: 527

28^#

發表於 22-4-7 16:04 |只看該作者

Maryjei 發表於 22-4-7 16:04
我生左一胎，佢而家一歲，分享少少
初生嬰兒食得飽會訓得耐d, 所以盡量定時食奶，三個鐘或四個鐘一次(我唔 ...

至於，餵人奶或奶粉，就各有利弊，因為我臨生之前個胸同乳頭生好多疣，所以我無埋過身，怕傳染比bb，係全泵媽，好處係易d掌握bb食左手幾多人奶，唔好就係無咁上奶。
所以盡做就好，餵人奶或奶粉都係好媽媽

私人傳訊

積分: 619

29^#

發表於 22-4-8 01:35 |只看該作者

babyfung61 發表於 22-4-7 10:41
好多謝你個表，好有用呀！咁起碼對BB嘅清醒時間有啲掌握，見差唔多夠鐘就氹佢瞓。

...

本帖最後由 SVeela 於 22-4-26 00:58 編輯

按清醒時間完結前15分鐘開始氹瞓覺就差不多，頭2個月可能飲完奶，掃完風，換埋片都夠鐘瞓覺。
第三個月開始建立食玩瞓模式，比佢多d活動下手腳，曬下太陽會好瞓d。

私人傳訊

積分: 619

30^#

發表於 22-4-8 01:58 |只看該作者

babyfung61 發表於 22-4-7 10:52
好有同感！我都好怕半夜餵完奶一直唔肯瞓，果吓先最難捱，有時自私地寧願佢瞓超過3個鐘唔準時食奶好過⋯每 ...

你個情況我好明白，我細仔勁醒瞓，所以有時佢瞓著就算過鐘我都無叫佢起身餵奶。
我有個朋友係規律主意者，咩都要跟時間表做，佢由bb一出世就定時餵奶，就算瞓左夠鐘一定叫醒餵奶。頭2個月每2個鐘1次（1日12次）；3個月每3個鐘1次（1日8次）；4，5個月每4個鐘1次（1日6次）；6個月每5個鐘1次（1日5次）。全部半夜都會跟時間叫醒餵奶，佢話bb真係夠鐘先會醒。
有無長老或老公幫手一齊湊？陪月？
我頭2個月幾乎日日鎖自己同bb向房，無乜點理過大仔，一行開又驚佢喊醒，大仔又玩到嘈哂，又成日拍門要媽咪，自己夜晚又要照顧bb無覺好瞓。
所以有人幫手湊，你就可以爭取時間休息或者陪下大b。

私人傳訊

積分: 7516

2024年龍年勳章

31^#

發表於 22-4-23 16:49 |只看該作者

Maryjei 發表於 22-4-7 16:04
我生左一胎，佢而家一歲，分享少少
初生嬰兒食得飽會訓得耐d, 所以盡量定時食奶，三個鐘或四個鐘一次(我唔 ...

幫BB建立日夜觀念真係唔易，要時間訓練，開頭每三個鐘餵一次，半夜餵完最怕氹唔到佢再瞓。我第一個B就係咁，3點幾飲完奶眼光光或一直喊到晨早成9點先喊返，明明見佢打曬喊怒，喊到面都紅曬，點抱都唔舒服咁，過咗頭一個月先叫好啲。上次乜都唔識係摸石過河，希望今次集返多啲心得，等到時好處理啲。

私人傳訊

積分: 7516

2024年龍年勳章

32^#

發表於 22-4-23 16:57 |只看該作者

SVeela 發表於 22-4-8 01:58
你個情況我好明白，我細仔勁醒瞓，所以有時佢瞓著就算過鐘我都無叫佢起身餵奶。
我有個朋友係規律主意者， ...

主要氹瞓覺方法方面我係掌握唔到，但每個B性格喜好唔同，唯有到時見招拆招。
我懶，所以做唔到好規律。認識有啲媽咪可以train到小朋友到時到候大小便，我就自問唔得。
其實預計二寶出生後都係傾向將注意力集中喺大寶，所以想以最唔困身嘅方法處理咗二寶嘅生活作息就算，話曬大寶嘅清醒時間較多，又要返K，無可能忽略佢。我無長老工人幫手，未搵陪月。我打算如果搞得掂初生瞓覺呢樣野，無陪月而請鐘點都得呀。

私人傳訊

chunana

大宅

積分: 2329

33^#

發表於 22-4-25 19:27 |只看該作者

babyfung61 發表於 22-3-26 00:03
我自己嘅經歷係湊到如同踏進地獄，日夜顛倒，夜晚飲完奶爆喊，橫抱直抱企住抱坐住抱都搞唔掂，眼光光喊吓停 ...

試下播抽油煙機聲比佢聽？我果個都係咁惡湊，依家捱到歲幾了，過咗果段時間會好啲，但過多陣出牙又再係惡夢了

私人傳訊

積分: 619

34^#

發表於 22-4-26 01:08 |只看該作者

babyfung61 發表於 22-4-23 16:57
主要氹瞓覺方法方面我係掌握唔到，但每個B性格喜好唔同，唯有到時見招拆招。
我懶，所以做唔到好規律。認 ...

氹瞓覺真係好難但每個bb唔同，或者你將來呢個好易氹呢。
好似我大仔勁易氹既，抱住就可以瞓覺，瞓左就可以放落床，我就可以休息。
我果時都無規律作息，由得大仔幾時瞓醒就幾時食，過左鐘而全日食少1餐都由佢。
我就一個易湊一個難湊，或者你都係，比多d信心自己。
你坐月完全無人幫手？！咁好難搞喎，又要照顧自己，又要照顧2個小朋友同bb，頭1個月你點都要搵人幫手啦，唔係將來自己身體手尾長。

私人傳訊

Maryjei

積分: 527

35^#

發表於 22-4-26 11:11 |只看該作者

babyfung61 發表於 22-4-23 16:49
幫BB建立日夜觀念真係唔易，要時間訓練，開頭每三個鐘餵一次，半夜餵完最怕氹唔到佢再瞓。我第一個B就係咁 ...

上一胎有無用睡袋？
我囡需要love to dream睡袋先訓得好

私人傳訊