自由講場 今日: 232 | 主題: 1348289

積分: 88060

好媽媽勳章王國長老

22^#

發表於 22-5-5 21:14 |只看該作者

~仔仔媽咪~ 發表於 22-5-5 21:08
不過我地果日至响世界搞，火化完又車啲親友去另一間大酒店。。。隔離，似乎有啲搞事。

依家等緊長 ...

我以為你爸爸喺香港殯儀館添，如果係咁可以揀炮台山、北角或者太古城囉。
我爸爸火葬嗰日我哋冇擺纓紅，但後來我哋係教堂做咗安息彌撒，咁彌撒完畢之後我哋就喺炮台山彩福酒樓擺咗三圍，我覺得呢間酒樓都OK。

私人傳訊

積分: 51912

23^#

發表於 22-5-5 21:18 |只看該作者

麟媽媽發表於 22-5-5 21:09
呢段時間係比較辛苦，有時會好似失魂落魄咁，但你只要諗住呢次係為你爸爸做最後一件事，咁你就有動力去做 ...

係啦，仲要冇諗過我阿哥呢次真係頂唔住。我都冇諗過我堅係淨得一條友搞哂一條龍佢。我已經連我果啲可以俾我去傷心既quota都過哂俾我哥，所以都冇得繼續傷心喇。依家堅冇傷心感覺。忙到攰到我冇哂知覺。我未試過連續幾日唔瞓，我都依然繼續唔識瞓，尤其夜晚，我已經眼瞓到真係好頭暈又心口唔舒服，但一諗到老豆啲事仲有咩未整或新靈感，我就唔會識得瞓，又走出廳開電腦係咁打字。我連搞靈堂啲花，我都自己打咗份word檔出嚟，連圖一天光send俾殯儀公司個阿姐睇。所以，老豆走咗唔夠一星期，我已經覺得好似過咗一頭半個月咁耐。都冇瞓。

私人傳訊

積分: 88060

好媽媽勳章王國長老

24^#

發表於 22-5-5 21:20 |只看該作者

~仔仔媽咪~ 發表於 22-5-5 21:10
所以我哥有講不如簡單嗌點心算。依家仲要未知會有幾多親友出席。

纓紅又唔係咁叫點心喎，不過而家最多都係八人一圍，咁人數都容易啲控制，你先訂兩圍預16人，咁到守夜嗰晚，你大約會知邊啲人會跟上山，因為啲親友會同你講聽日再嚟，或者話唔方便再黎，講真好親先至會第二日再跟上山嘅，咁你大約知道個數，如果多過兩圍你第朝通知酒樓佢哋都改得切嘅。

私人傳訊

積分: 51912

25^#

發表於 22-5-5 21:21 |只看該作者

Charlotte_mom 發表於 22-5-5 19:59
襯我記得
阿媽話食唔晒都唔好打包走wor

所以更覺可能嗌點心仲方便仲穩鎮。我預三枱，萬一果日真係少親友嚟，我地都唔會嘥咗枱野食。等我再諗諗。

私人傳訊

積分: 88060

好媽媽勳章王國長老

26^#

發表於 22-5-5 21:25 |只看該作者

~仔仔媽咪~ 發表於 22-5-5 21:18
係啦，仲要冇諗過我阿哥呢次真係頂唔住。我都冇諗過我堅係淨得一條友搞哂一條龍佢。我已經連我果啲可以俾我 ...

你冇搵殯儀服務公司咩？花呢啲嘢唔使自己咁樣搞個喎，Agent問先人有幾多兒女？攞晒後人d名同關係，Budget幾多鍾意乜嘢花？咁佢哋就會幫你訂，除咗心形花牌會過千之外（你媽送）其他後人嗰啲都係$6-800，六百已經有百合玫瑰，八百就靚啲有繡球紅掌之類。

私人傳訊

積分: 51912

27^#

發表於 22-5-5 21:27 |只看該作者

麟媽媽發表於 22-5-5 21:20
纓紅又唔係咁叫點心喎，不過而家最多都係八人一圍，咁人數都容易啲控制，你先訂兩圍預16人，咁到守夜嗰晚 ...

我哥唔安排守夜吖。淨book咗半日禮堂同火化咋。所以都難知有幾多親友會出席。好大挑戰。驚我預得少，到時真係突然好多人嚟睇老豆，我唔夠招呼，咁樣就好尷尬喇。依家都鼓勵啲長輩知有邊個會嚟就話我知。打搞哂啲長老添。

私人傳訊

WongHuiBB

大宅

積分: 1182

28^#

發表於 22-5-5 21:28 |只看該作者

~仔仔媽咪~ 發表於 22-5-5 19:37
輪到要book枱。屋企想book太古城，有邊間可以book又體面又價錢ok?

都想八卦吓除咗太古城，港島區邊間好又 ...

可考慮北角三德吃素的。

私人傳訊

mommyli

伯爵府

積分: 15413

29^#

發表於 22-5-5 21:28 |只看該作者

~仔仔媽咪~ 發表於 22-5-5 21:10
所以我哥有講不如簡單嗌點心算。依家仲要未知會有幾多親友出席。

點心就唔係嗰樣嘢嚟架喇。

其實呢啲嘢真係百無禁忌。如果你自己屋企唔係好注意呢啲儀式，其實唔食都無問題。但如果你屋企有人係介意儀式有無做足嘅話咁點心就好似唔係好appropriate。所以不如你同家人傾下先啦。其實covid呢兩年就算出殯後都好少會食飯。所以樓主你唔洗太緊張啦。如果家人一致通過唔食咪由佢囉。如果都係想食，你去問下北角海逸同上面其他jm介紹嘅酒樓。打去問有無孆紅宴。有就問價錢，餐單。叫佢whatsapp俾你。無就直接跳過。攞晒餐單同價錢再問屋企有無人有意見食邊間。有就佢哋揀你去confirm。無你就自己揀囉。或者擺上嚟，一定有jm幫你分析的

私人傳訊

積分: 88060

好媽媽勳章王國長老

30^#

發表於 22-5-5 21:29 |只看該作者

~仔仔媽咪~ 發表於 22-5-5 21:21
所以更覺可能嗌點心仲方便仲穩鎮。我預三枱，萬一果日真係少親友嚟，我地都唔會嘥咗枱野食。等我再諗諗。
...

但冇人做纓紅食點心飲茶，而且不能有牛肉，一陣d人唔知叫牛肉腸粉同山竹牛肉咪論盡。而且叫纓紅好容易，坐低就上菜，如果唔係到時邊個叫點心都冇心情，我話你聽，上完火化場，係難過到水都吞唔落，仲要招呼親友叫點心，好難攪㗎。

私人傳訊

積分: 51912

31^#

發表於 22-5-5 21:31 |只看該作者

麟媽媽發表於 22-5-5 21:25
你冇搵殯儀服務公司咩？花呢啲嘢唔使自己咁樣搞個喎，Agent問先人有幾多兒女？攞晒後人d名同關係，Budget ...

我有幫襯呀！但有好多野，都要睇我哥想點，佢呢兩日十問9唔認，所有WhatsApp已讀不回，問十句，佢好耐至應機，但走嚟講第十一樣野，唔答我問題。。。搞到好多野問唔到答案，我同間公司都好攰。。。今日就好啲，似乎佢都開始傷心完。。。腰骨痛。。。

私人傳訊

mommyli

伯爵府

積分: 15413

32^#

發表於 22-5-5 21:34 |只看該作者

~仔仔媽咪~ 發表於 22-5-5 21:27
我哥唔安排守夜吖。淨book咗半日禮堂同火化咋。所以都難知有幾多親友會出席。好大挑戰。驚我預得少，到時真 ...

長老會明白的。尤其係會出席出殯儀式嘅話，咁真係同你爸爸有一定嘅感情。大家都會理解的。

或者你打俾餐廳問嘅時候，你問埋預人數嗰方面。所以我話揀做開嘅酒樓。因為你依家有嘅擔憂肯定好多其他人都有過。餐廳可能已經有個機制去幫你預食物。同埋去呢類餐廳，平時可能比一般餐廳少客人。所以你要臨時加位都可能容易好多。

私人傳訊

積分: 51912

33^#

發表於 22-5-5 21:34 |只看該作者

麟媽媽發表於 22-5-5 21:29
但冇人做纓紅食點心飲茶，而且不能有牛肉，一陣d人唔知叫牛肉腸粉同山竹牛肉咪論盡。而且叫纓紅好容易，坐 ...

咁樣又係。再唔係唔駛佢地點，主力都係我到時點，再係咁2問問親友有冇咩特別點心炒飯想食，我再夾同order,咁會唔會好啲？

私人傳訊