自由講場今日: 2938|主題: 1348817

收藏本版

發帖

返回列表

跳至頁

樓主: Giant

有乜辦法可改善小朋友的學習態度?? [複製鏈接]

~仔仔媽咪~

水晶宮

積分: 51912

21^#

發表於 09-9-16 10:15 |只看該作者

原帖由 mother904 於 09-9-16 09:40 發表

你細佬既問題同課外活動完全無關喎？假設佢一樣課外活動都冇上過，伯母對佢既態度維持一樣，咁又會點？

我同意小朋友既學習態度係來自成功感同自信，但有時有d小朋友未開竅，係學習上未必即時可以得到成功感，就算屋企人點鼓勵， ...

我係知課外活動好處多,但我既意思係,父母俾課外活動俾仔女時,個出發點唔好係諗住俾到課外活動既成功感佢,佢就會有心讀書,根本課外活動同有無學習心係兩回事,我用我細佬既例子黎講,都係因為我細佬同樣响巴士同攝影上有滿足感同成功感,以前亦曾經俾父母'鼓勵'過佢玩呢D玩意,佢亦玩到好PRO,連溫哥華巴士公司老細都識埋做朋友,查實佢呢D原本係無咩問題,但佢呢D'課外活動'既成功感,亦無助於佢對學習既熱誠,當我細佬响讀書方面反而得唔到父母認同或者成功感時,佢又係响讀書方面感到壓力大,好自然會寧願去玩多D佢覺得成功同滿足感大既巴士攝影,而逃避嗰D令佢有好大壓力既學業.

有時決定同選擇呢D事情真係要好小心,做之前真係要先問問自己既出發點同target係乜先,如果你純綷介紹多樣興趣俾仔女學下玩下陶冶性情,咁就無問題囉,呢D都係好野黎;

但如果你一心俾仔女去學課外活動,個動機係想佢讀好D書,同埋日後有樣野可以食住佢,當係賞罰既,真奉勸一句唔好囉,寧願响讀書方面搵出仔女唔肯讀既根源,對症下葯,反而黎得實際,否則佢地只會轉移目標而己,佢地响課外活動有成功感,唔代表佢地會自自然然攞課本黎讀囉.根本就係兩回事,佢响讀書方面仍然無成功感只有挫敗感,又何來令佢地有學習心呢.

私人傳訊

~仔仔媽咪~

水晶宮

積分: 51912

22^#

發表於 09-9-16 10:19 |只看該作者

原帖由 Heady 於 09-9-16 09:46 發表

係呀..我都係拱話...

見過好多人都只係識打同鬧...無錯..小朋友果刻會聽話...但不代表佢服你..而且會比個錯誤訊息佢以為拱樣就可以解決問題...這個真係後果嚴重

我個仔都會有時鼓勵返我轉頭架...真係幾sweet下架 ...

我太多朋友打鬧慣咗D仔女喇,最終下場個仔/女人仔細細,咪已經當媽咪鬧爆佢係唱歌,打佢係媽咪又發癲,罰佢時佢即頭好寸好不在乎咁答:"好呀,你咪罰囉!"根本已經打鬧到慣咗,又點要佢賣亞媽怕呢.

反而我會覺得要先捉到仔女心理,最好令到佢地在意番父母感受,咁樣反而易教D囉.