論盡家傭今日: 0|主題: 134092

收藏本版

發帖

返回列表

跳至頁

樓主: ioi

很煩惱! 唔知請唔請傭工好. 請大家俾D意見! [複製鏈接]

Mummy

男爵府

積分: 5874

21^#

發表於 05-2-15 15:52 |只看該作者

Re: 很煩惱! 唔知請唔請傭工好. 請大家俾D意見!

你的case同我個妹根本一模一樣, 佢奶奶住得好近, 隔離街, 佢都係住緊兩房單位, 本身第2間房都係用黎做書房, 但礙於有左BB, 都要重新執位, 要的就諗辦法擺, 唔要的盡量掉左佢, 為既騰出一間BB房。當初佢既憂慮同你不相伯仲, 驚屋企有多個外人, 諗住叫奶奶湊日頭, 夜晚自己睇, 但諗諗下係完全唔work的。首先, 你有冇詢問過奶奶意願, 佢湊唔湊BB, 佢既年紀同體力究竟可唔可以應付到, 如果你奶奶根本自由慣, 鐘意做自己野既, 你地既諗法未免太過一廂情願, 湊住個BB直情邊度都唔使去。

現階段我覺得你真正需要請工人, 就算你個書房唔預工人住, 點都要比BB, 就算而家睡BB床, 可以同你一間房, 你估你可以堅持得幾耐? 你日頭要返工, 晚間要照顧BB, 分分鐘一晚起幾次身, 第日你有精神嗎? 所以大執你間書房係必然的, 再唔係就真係要搵地方搬。

講番我細妹, 佢奶奶就經常上去佢度幫下手湊下BB (唔係日日), 咁工人就可以做野, 晚間果餐就去奶奶度煮大家食, 而BB就同工人一間房以便夜間比工人照顧埋, 我細妹都同我講, 好彩請左個工人, 兩公婆先至有時間抖下, 起碼想出街拍下拖都可以, 所以請工人並唔係多左一個外人, 冇左兩公婆時間, 反而兩公婆時間更加多, 親子機會更加多, 野就由得個工人做曬佢。

仲有我相信所有既working mum都一樣, 只要湊得BB好好地, 屋企既野用得幾多, 例如水電, 天氣熱開冷氣, BB都係人都會熱, 佢唔涼你個BB都要涼。至於洗衫, 就要叫佢最好儲夠一機先好洗, 通常佢地都話得聽。沖涼方面, 講真用幾多水丫, 佢唔係日日開曬成浴缸水浸spa就OK啦。做事方式由你定架姐, 只要你講清楚, 叫你奶奶上去教下就OK, 記住佢地係蠢, 當佢係一張白紙, 你係錄音機不停播放, 講得多就會明。至於私人物件, 貴重既可以鎖起, 冇人叫你周圍擺隻鑽介架嘛, 你話驚佢著你D衫, 用你d護膚品, 用你d化裝品, 驚佢貪靚, 你大可以請個醜樣既番黎, 佢自己知自己事, 就對呢d野冇興趣架啦。至緊要返到屋企有氣抖姐, 唔使驚咁多喎。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

ioi

伯爵府

積分: 16558

22^#

發表於 05-2-15 23:59 |只看該作者

Re: 很煩惱! 唔知請唔請傭工好. 請大家俾D意見!

又再thanks咁多位的意見呀!

Mummy:
我現在都未拿定主意請工人定唔請呀. 都有考慮你所講的問題, 我奶奶雖然係話肯湊, 都仲後生, 但係要佢星期一至五年中無休咁, 真係唔知佢得唔得. 佢現在慣了很休閒的生活, 有時會夜晚睇電視或睇碟, 早上至睡覺, 慢吞吞地煮下飯, 做下家務, 講下電話, 加埋照顧寵物, 已經無晒時間剩. 我最擔心都係佢夜晚唔睡, 日間無精神, 或早上遲左來我家, 令我老公唔能夠準時返工.