意見反饋
義工

論盡家傭 今日: 132|主題: 126909

12
跳至
查看: 1392 | 回覆: 21
很煩惱! 唔知請唔請傭工好. 請大家俾D意見!


子爵府

國民生產總值:14181


發表於 05-2-11 14:00 |顯示全部帖子

很煩惱! 唔知請唔請傭工好. 請大家俾D意見!

BB仲有五個月就出世, 我要返工的, 原本打算唔請工人, 叫奶奶 (她住得很近) 日間來我屋企湊BB, 夜晚就我自己湊番. 因為奶奶屋企有貓, 不適合BB住, 而且我唔想將BB抱來抱去, BB長住在奶奶度我就更加唔想, 怕BB跟佢唔跟我.

我媽咪知我懶做家務, 連煮飯都唔係好識, 覺得我會應付唔黎, 所以叫我請傭工, 但我一向唔鍾意請傭工, 因為:
1. 唔放心將BB俾工人湊 (請左工人後奶奶就未必日日上來).
2. 沒有一間吉房俾工人住, 細房內已有書櫃, 鞋櫃, 衣櫃, 我會經常進入細房, 現在晾衫都在細房晾的. 如果請工人, 我可以買一張好輕便的梳化床俾佢, 叫佢起身後收床及打開房門讓我隨時進出嗎?? 我諗始終不太方便吧!
3. 覺得有個外人, 生活得無咁自在.
4. 怕傭工的生活/處事方式不合我心意.
6. 覺得好難監管傭工, 俾太多限制佢又唔係咁好, 又怕佢唔自律. 例如開洗衣機洗佢自己的衣物, 洗少少就開一機; 沖涼沖好耐, 用好多水; 夏天開冷氣; 不停睇電視/煲電話粥; 買野打斧頭; 偷用/偷看我私人的物件...... 可能因此而要買個夾萬......

我實在有太多野擔心, 覺得請傭工要我適應和煩惱的事項很多, 比起要我自己湊BB仲煩.

請問你們在請傭工前有否這些擔心和掙扎呢? 還是請傭工實際上沒有那麼煩呢? 請分享. Thx!


男爵府

國民生產總值:5168

2018勳章


發表於 05-2-11 14:24 |顯示全部帖子

Re: 很煩惱! 唔知請唔請傭工好. 請大家俾D意見!

ioi

I have exactly the same worries as you. But I finally hired a maid after many months of struggle because I cannot handle 2 kids by myself - one is 2 years old and the other is 2 months old. Also, I am a full time mother, so I can always "WATCH" my maid what she is doing. I also have 2 rooms only, so my maid has to sleep in the living room with a fold - up bed. For laundry, I give her money to wash it outside once a week because I don't want her to use our washing machine. For taking shower, I tell her since we only have one washroom, she should finish withing 15-20 min and so far okay for her. I take care both children myself, she doesn't need to feed/change diaper/ take bath for them...I do it all by myself, she just help cleaning and dusting the house, as well as cooking. Actually, it is very tiring , having a stranger in your house...it is like look after another person!!!

Therefore, I totally understand your feeling but since you are a working mom, I suggest you install a view cam so you feel more comfortable. Just to remind you, many maids are very dirty, I always have to remind her to wash her hands before preparing food etc... Good luck to you.


子爵府

國民生產總值:14181


發表於 05-2-11 15:41 |顯示全部帖子

Re: 很煩惱! 唔知請唔請傭工好. 請大家俾D意見!

Thanks so much for papaya854's sharing!

可能我始終都係好介意多左個外人在屋企喇. 我睇完其他人的留言, 又話要將貴重野鎖好, 連D唔係太貴重的都要鎖, 又話大房門要鎖埋, 要突擊檢查個傭工...... 對我來說, 回到自己的家也要咁多顧忌, 真係幾辛苦. 我覺得屋企係好私人的地方, 在出面做完野或者去完街, 無論幾累, 返到屋企就係最relax最舒服, 好有安全感. 所以我好難接受到請傭工呀.


子爵府

國民生產總值:11096

2018勳章 好媽媽勳章 醒目開學勳章


發表於 05-2-11 15:54 |顯示全部帖子

Re: 很煩惱! 唔知請唔請傭工好. 請大家俾D意見!

其實如果你本身好抗拒請工人, 我覺得就唔好請.

我本來都好抗拒請工人, 點知生完太辛苦, 請奶奶照顧BB 又要睇佢面色, 自已又要返工, 真係好大壓力,最後都係搏一搏請工人,好彩你上面提到果D煩惱我一D都冇, 個工人對我仔仔好好!

依家我覺得冇佐工人唔得, 因為屋企D野我一D 都唔洗理!好舒服, 又唔洗睇奶奶面色!自已都有多D時間休息!


子爵府

國民生產總值:14181


發表於 05-2-11 16:16 |顯示全部帖子

Re: 很煩惱! 唔知請唔請傭工好. 請大家俾D意見!

多謝Fatty的意見, 你可以請到個好的傭人真係好呢!
我奶奶到時都可能會俾面色我睇, 唔知我又捱唔捱得住呢!


大宅

國民生產總值:2174


發表於 05-2-11 17:02 |顯示全部帖子

Re: 很煩惱! 唔知請唔請傭工好. 請大家俾D意見!

hi! ioi,

或者你試下你比較接受的方法先, 唔掂再轉.
我現在準備送走個工人, 都係因為頂唔順多一個人係屋企. 不過我係家庭主婦, 朝見口, 晚見面, 好難相處.
你要返工, 如果請到個好工人, 真是會輕鬆好多. 又照顧bb, 又做家務, 如果無人幫(e.g. 老公), 真係會非常非常辛苦.
bb邊個take care, 就跟邊個架. 不過一定會最錫媽咪
我工人話佢地會將bb當自己仔女咁take care, 但點做就由你同佢協調啦.
有bb在手, 邊個都會比面色, 工人就始終忌你三分.
By the way, 你有無諗過請鐘點做家務呀?


大宅

國民生產總值:1860


發表於 05-2-11 18:06 |顯示全部帖子

Re: 很煩惱! 唔知請唔請傭工好. 請大家俾D意見!

ioi,

你為可不請個工人日間同你BB去你奶奶家,個小朋友又可有個親人睇住,唔使驚個工人作反,晚間你放工回來可去你奶奶家和她們一齊回家。等你同你個工人都習慣了你先至叫你工人全日在你家。
當BB出世真的有好多野做,冇個工人幫你,你真係會好辛苦架。


男爵府

國民生產總值:7237


發表於 05-2-11 19:47 |顯示全部帖子

Re: 很煩惱! 唔知請唔請傭工好. 請大家俾D意見!

ioi,
你可以安排工人在你放產假時已到港,咁你可以用嗰兩個半月嚟訓練個工人.
我個囡囡開頭都係搵奶奶湊,結果唔夠兩個月已經頂唔順,而家用左工人有四年半,已習慣多一個人係屋企,無左工人就真係唔掂.


別墅

國民生產總值:894


發表於 05-2-11 20:03 |顯示全部帖子

Re: 很煩惱! 唔知請唔請傭工好. 請大家俾D意見!

我又好似你咁, 飯又唔識煮, 又唔鍾意做家務, 生左bb我都要請工人, 呢個安排好岩我, 家務唔洗煩, 一放工就專心揍b, 增加親子時間, 亦唔洗老公做咁多野, 減少爭吵, 好處好多, 我試下回應你既擔心:
1)你奶奶住咁近, 得閒可以上黎突擊, 已經比好多人好, 如果無工人, 至意晒奶奶, 好易有磨擦.
2)有間房已經好好, 最好整張好高既碌架床, 你就可以善用下面既空間.
3)我都係要有自己空間既人, 所以我一放工就自己揍b, 沖涼陪訓餵食全部自己做, 工人亦唔會同台食飯, 更加唔帶去街. 如果你自己攪得店個b, 工人就好早可以入房.


複式洋房

國民生產總值:431


發表於 05-2-11 22:18 |顯示全部帖子

Re: 很煩惱! 唔知請唔請傭工好. 請大家俾D意見!

如果您未請工人已經這麼擔心 實在不請好過 但您奶奶是肯同您湊呢?

我未請工人前都不喜歡多個人一齊住 但決定請後便不想那麼多 我啤啤一出世至2歲比香港褓姆湊 之後因工作忙 才請工人 我一直不喜歡比奶奶湊 雖然佢同我一齊住

老人家照顧啤啤實在太辛苦啦!


男爵府

國民生產總值:6788

好媽媽勳章


發表於 05-2-11 23:23 |顯示全部帖子

Re: 很煩惱! 唔知請唔請傭工好. 請大家俾D意見!

我係一個唔鐘意做家務及懶到出汁的人,而我也是一個唔多鐘意有個外人係屋企的人及一個都幾唔信得過工人的人,但我最終都請左一個工人,他來了兩個月,到呢一刻我都幾滿意,同埋我好同意gavial 所講
"家務唔洗煩, 一放工就專心揍b, 增加親子時間, 亦唔洗老公做咁多野, 減少爭吵, 好處好多"

而我始終唔放心得個工人係屋企揍我個女,所以每一日我都會帶我個女同工人係我呀媽度揍,放工我就接返佢返屋企,有時我工人都好想揍我個女,但我會同佢講,我放左工就由我主力揍,所有喂奶換片都係我做,不用怹的


子爵府

國民生產總值:14181


發表於 05-2-11 23:33 |顯示全部帖子

Re: 很煩惱! 唔知請唔請傭工好. 請大家俾D意見!

好多謝你地咁多人俾意見呀! 我都知請工人都有好多好處的, 自己輕鬆好多, 但又唔知點解過唔到自己心理上果關.

我奶奶係肯幫我湊的, 佢都好後生, 我都預左到時有D野係唔順我意而我又唔可以出聲, 但係自己人湊放心D. 我直情有諗過辭左份工來湊仔添, 始終對個BB成長都好, 不過經濟上都係一個問題.

我媽咪投先又打電話來, 叫我唔好請陪月員, 寧願請個工人, 佢覺得我遲早都要工人, 而且聽親戚講果D陪月員唔係點做野. 而我自己就只係諗住自己坐月時唔濕得水, 又要休養, 只要陪月員煮到兩餐俾我食, 煲湯水我飲, 幫BB沖涼和換片已經OK. 唔知你地又有冇請陪月員的經驗呢?

zimba:
我都有諗過請鐘點傭工, 星期六上黎清潔屋企的. 如果我真係唔請工人, 就會請鐘點.


別墅

國民生產總值:894


發表於 05-2-11 23:59 |顯示全部帖子

Re: 很煩惱! 唔知請唔請傭工好. 請大家俾D意見!

ioi,
我大肚果時又係好似你咁, 成日係度煩第時BB邊個揍, 都有唸咁鬼煩不如辭職自己揍, 不過今時今日我個女十四個月大, 好慶幸無辭工, 一來經濟壓力無咁大, 二來自己視野又闊D, 無需要廿四小時受住揍B既壓力, 反而更珍惜同BB一齊既時間, 對佢忍耐D, 仲有可以俾老人家幫下手過日辰......當然咁如意都係因為份工日日準時放工.
另外, 我當日遲遲都未唸店邊個揍, 攪到亞媽奶奶都唔知點配合我, 奶奶仲一心唸住揍, 結果無得揍, 攪到好僵... :-|


大宅

國民生產總值:4221


發表於 05-2-12 00:06 |顯示全部帖子

Re: 很煩惱! 唔知請唔請傭工好. 請大家俾D意見!

ioi,
照顧BB,除了湊之外,更重要的是教.

你奶奶是否都願意跟你配合?
湊仔也許可以睜一隻眼閉一隻眼.
但教仔就難了.如果奶奶有一套,你又有另一套,那應該跟邊套呢?

老人家照顧,自己媽媽比奶奶好.因為仍然可以傾,可以講.
要考慮清楚.


子爵府

國民生產總值:14181


發表於 05-2-12 01:08 |顯示全部帖子

Re: 很煩惱! 唔知請唔請傭工好. 請大家俾D意見!

thx pc9 and gavial.

我媽咪住得唔近我, 而且佢都唔捨得放棄份工, 而奶奶就唔駛返工.

我都知奶奶的管教方式未必合我心意, 不過佢又唔係好文塞的人, 又後生, 希望佢可以配合我啦, 我有d管教孩子的書, 諗住遲d乘機塞一兩本俾佢睇, 希望佢唔會抗拒啦.

如果俾傭工湊我反而擔心管教的問題, 我經常在屋企樓下見到d工人坐埋一齊傾計, d細路仔同其他工人帶落黎的細路仔玩到顛晒唔理, 跌親唔理, 打交唔理. 咁d細路咪知到父母唔o係度時就可以怍反. 我諗我奶奶都唔會容許呢d情況, 不過我都知又唔係個個工人都係咁差的.


民房

國民生產總值:95


發表於 05-2-12 15:11 |顯示全部帖子

Re: 很煩惱! 唔知請唔請傭工好. 請大家俾D意見!

如果你要返工,請工人會舒服d,最初我同你一樣覺得多個外人響度好唔方便,頭一個星期工人做曬我d家務,我覺得好唔慣,後來已慢慢適應,上午你可以叫奶奶在你家睇住工人湊bb同埋做家務,可以起監管作用,夜晚你返來工人都唔會有時間玩野。
最初,我會話比佢聽屋企


子爵府

國民生產總值:12949


發表於 05-2-12 16:39 |顯示全部帖子

Re: 很煩惱! 唔知請唔請傭工好. 請大家俾D意見!

carmencatlo,請問點樣lock電視,指教!指教!


男爵府

國民生產總值:6544


發表於 05-2-12 16:49 |顯示全部帖子

Re: 很煩惱! 唔知請唔請傭工好. 請大家俾D意見!

其實, 有工人的確可以幫手煮飯做家務
有奶奶幫手睇住 bb 好重要
因 bb 若未識講野,
工人點對佢, 你都唔知.
叫奶奶上來睇住好 d,
不過, 要預左奶奶會經常投訴工人.
所以, 請人之前, 你要同老公講好.
叫你老公要公平.
費時日後為左工人, 令一家傷和氣


水晶宮

國民生產總值:68006


發表於 05-2-13 11:55 |顯示全部帖子

Re: 很煩惱! 唔知請唔請傭工好. 請大家俾D意見!

其實都好睇你彩數,我第一次請,個工人嘜都唔識做,只懂清潔, 連煮飯都唔多識,奶奶投訴,我準備炒佢之際,奶奶一家又極力挽留, 實在令我無所適從 I don't know why。其實我相信個工人末必太差,只是老人家習慣 always complaint, 幸好經過一個月,佢好努力學習,現在識聽識煮識洗,用廁所within 5 minutes, bathing including washing clothes use within 15 minutes, so far ok la.

我奶奶係全職主婦,個工人無機會出"古畫".

初時都怕有個stranger喺屋企唔慣,......但而家佢哋好似一家人咁無唔慣喎。 我唔係同奶奶住,所以奶奶第一次投訴my maid at night,我第二朝早就去我奶奶度and prepare money 安排送工人走,可能佢覺得我反應太快太激啦,到而家都no more complaint lu,而關係亦比以前好,有咩錯都係工人錯ma.....hahahaa........good luck to you la.

如我朋友所講,employ a maid, 比錢買舒服囉。






民房

國民生產總值:95


發表於 05-2-14 21:39 |顯示全部帖子

Re: 很煩惱! 唔知請唔請傭工好. 請大家俾D意見!

有d電視有設定可以lock,不過唔係部部都有,要睇說明先知,我果部tv係sony


12
跳至
© Baby-Kingdom.com Limited. All rights reserved.