吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 成日叫自己唔好亂諗,但成日都唔開心!!(想當年,,好長..) ...

夫婦情感今日: 3|主題: 42753

收藏本版

發帖

返回列表

跳至頁

樓主: emma_luk

成日叫自己唔好亂諗,但成日都唔開心!!(想當年,,好長..) [複製鏈接]

123

三小豬之家

禁止訪問

積分: 2987

醒目開學勳章

21^#

發表於 11-3-30 17:18 |只看該作者

提示: 作者被禁止或刪除內容自動屏蔽

私人傳訊

Laipyerica

珍珠宮

積分: 38339

畀面勳章

22^#

發表於 11-3-30 18:44 |只看該作者

再等

又呃一個POST, "叮" 兩分入袋

私人傳訊

emma_luk

大宅

積分: 3900

畀面勳章

23^#

發表於 11-3-30 20:44 |只看該作者

回覆 kai3028 的帖子

唔好誤會,,你地當然係我朋友
但我地都只係靠bk呢個平台認識
好多我以前既野,,就算想同你地講都唔知從何說起
我同左我老公一齊後,,身邊成日出黎食飯飲野行街傾計既所有朋友
都逐一斷絕聯絡,,唔好話你地,,就算我成日約亞ling同coey出黎
佢地又知我幾多以前既野..
係呢度講,,第一起碼好多人都唔會知我係邊個
大家都唔識我或者我老公..
意見一定最中肯..唔會偏幫任何一個
第二都唔係所有朋友都願意去做聆聽者
以前或者都有一兩個,,有乜都會傾
依家,,即使有朋友都係係bk識,,講既咪又係小朋友多
但我真心想講,,好高興認識到你地
有你地呢班朋友支持我,,真係無憾

點評

HEI` emma +油呀~~ 發表於 11-3-31 12:16

私人傳訊

emma_luk

大宅

積分: 3900

畀面勳章

24^#

發表於 11-3-30 20:54 |只看該作者

回覆三小豬之家的帖子

你好!!係呀..我都係87年
其實都冇諗過原來香港人同內地人
既思想文化可以相差咁遠..但其實大家可以亙相遷就都不是問題
我結左婚嫁都..唔係男朋友啦..佢已經係我老公喇,,
同你一樣..佢都係唔比我返工..
我一有左bb佢已經叫我辭職,,但我最後都陀到bb 7個月先離職
之後到依家一路想返工佢都唔比..我要返工唔係因為怕湊仔怕悶
係因為我見佢依家1個人搵得一萬蚊去支撐成個家庭
真係好辛苦...我亦唔想自己變成佢既負累..但點講佢都唔明..
之前佢見我公司有男同事已經唔想我做..但我話每一份工都一定有男有女
如果公司剩係請女仔..咁一定比人告性別歧視..佢先冇出聲
講真..佢公司都有女同事..咁我係咪又要叫佢辭職呢?
講開..其實一直以黎我幾咁多疑都好..我最後都選擇相信佢
唔會太認真咁去check佢..就算知道結果..都未知自己接唔接受到..
我怕失去..怕比較..我唔係冇男人唔得..唔係覺得世上所有男人死晒
只係覺得..我嫁比佢..就冇諗過要輕易離開..由細到大都覺得
婚姻,,,本來就係一生一世既承諾!!

私人傳訊

cnga

大宅

積分: 1904

25^#

發表於 11-3-30 22:07 |只看該作者

回覆 emma_luk 的帖子

絕對同意婚姻應該係一生一世的!!
只係依家既人將婚姻彤得好兒嬉咁..
如果兩個人都肯為大家付出,就唔會有咁多問題了~

睇晒你講既野之後,
只可以話你老公真係好大男人,好要面子..
而且佢唔係好識點去愛你,
如果我買左樣佢話過鍾意既野,而佢話唔要,話講左好耐而發脾氣..
以後佢都唔使旨意我買野俾佢!!
根本就唔係時間幾耐既問題,
而係有無心買樣佢鍾意既野,係心意既問題~
好多男人都唔識得表達愛一個人.
以為俾你最好既物質生活就係愛你..
但女人最想要既,只係另一半關心自己,陪下自己..
但係唔會好似你老公咁,困住你係間屋度..

我覺得一個人唔可以無朋友..雖然我朋友都唔多,
但係最少都要有一兩個知己去中和返自己既社交生活
我覺得你老公好似霸佔你咁,
又唔俾你返工,又搞到你無晒D朋友
其實我真係唔明有D咩問題..
佢怕你搵得多過佢既話..
你咪搵份PT,或者一份7000-8000蚊既工,
只可以講佢大男人到心智未成熟,唔識多方面思考..

P.S. 如果有D咩唔O岩聽,請多多見諒~

私人傳訊

kai3028

水晶宮

積分: 50564

好媽媽勳章醒目開學勳章睛靈勳章

26^#

發表於 11-3-30 22:48 |只看該作者

emma_luk 發表於 11-3-30 02:44
回覆 kai3028 的帖子

唔好誤會,,你地當然係我朋友

唔洗咁認真..我講笑咋!!
意見我俾唔到你..只要你覺得
開心,值得..我會支持你!!

點評

HEI` 支持支持-v- 發表於 11-3-31 12:17

私人傳訊

HTML

男爵府

積分: 6744

畀面勳章

27^#

發表於 11-3-31 12:42 |只看該作者

做一個女人, 愛一個人, 要有少少保留.
你個問題係.. 你愛你老公, 但竟然沒有保留一點點.
而你老公鐘意你 (就算論到愛, 都係得好少好少) 就有所保留.

如果唔係你講得咁清楚, 我仲以為係你追你老公...
你辛苦, 佢唔會體諒你,
明知你搵錢唔係多, 仲想要"名牌"先可以滿足佢...

唔係想教你離婚, 但相信你前面條路會好難行...
希望你老公快d長大,
可以睇得見一個好老婆一直係身邊...
祝福妳!

私人傳訊

emma_luk

大宅

積分: 3900

畀面勳章

28^#

發表於 11-3-31 13:32 |只看該作者

回覆 cnga 的帖子

唔會唔岩聽..大家都係比個意見
我都有諗過係搵part-time..一個月就算搵多千幾2千
已經好唔同了..但我老公就寧願一係自己夜晚返多份
都唔要我出去返工..我明白夜晚等佢放工返黎我再去返工
佢一聽到夜晚已經覺得有危險性..講過話一係佢辭職我去返日頭
佢去返夜晚..我以為佢真係咁順攤..點知第2日就話..
講下咋..邊有男人要個老婆去做野!?
唉,.,我話咁如果真係經濟唔許可就要做嫁啦..有乜話比唔比
佢就認為我嫌佢搵錢少...真係唔知點溝通

私人傳訊

emma_luk

大宅

積分: 3900

畀面勳章

29^#

發表於 11-3-31 13:32 |只看該作者

回覆 kai3028 的帖子

我對你地不嬲好認真嫁wo..

私人傳訊

kai3028

水晶宮

積分: 50564

好媽媽勳章醒目開學勳章睛靈勳章

30^#

發表於 11-3-31 13:56 |只看該作者

emma_luk 發表於 11-3-30 19:32
回覆 kai3028 的帖子

我對你地不嬲好認真嫁wo..

咁認真..即刻同你打返個車輪先..

點評

emanma 可唔可以預埋我呀xd 發表於 11-3-31 14:42

私人傳訊

emma_luk

大宅

積分: 3900

畀面勳章

31^#

發表於 11-3-31 14:27 |只看該作者

回覆 HTML 的帖子

首先感謝你的回應;
其實我覺得..佢唔係唔愛
我一路都覺得佢既方式係唔岩
佢朋友唔多,,唔多唔少可能性格影響..佢好少會同人傾感情事
由其是佢做廚房的..返工都係同d同事傾咸野-_-"
同埋成日痴住d亞嬋..可能係因為大家都係內地人掛
佢放工唔會周圍去,,每日一收工都係返黎屋企
係有時佢話有d同事約佢飲野佢先連電話都冇打過返黎
不過呢樣野好少發生..1個月都唔知有冇1次..
但只係每1次我個心都好亂..我又唔敢打比佢..
因為有時佢返到黎我都會發少少脾氣..唔係話大吵大鬧咁
只係係咁而講句:電話都唔打返黎..唔知以為你去左邊
佢試過話同d同事去飲野..費事打..
同埋早幾日都試過..我約左d朋友去佢做野果個商場食野順便等佢收工
點知佢係平時收工既時間打比我問我係邊時..佢話佢已經返左屋企
我果刻就好似神經緊張咁..行去廁所時一路行一路周圍望
好想知..到底佢係真係返左屋企定係佢會同個女仔一齊行緊怕比我知
所以先呃我返左屋企呢?你地一定會覺得我諗太多..但佢永遠同d女性都好曖昧
唔會去避忌..我同佢傾過好多次..佢話朋友姐..轉頭又氹下我咁樣
其實我本身都幾易氹..佢有時會攬下我話我咁小器..一係就錫下我咁
再唔係直頭佢唔出聲...過一段時間扮冇時發生過同我傾計問我野
佢係可以不斷問同一個問題..問到我答佢為止..試過1個鐘內不停問
但果1個鐘內佢唔會諗其他辦法氹我..我依家知道..佢唔會諗辦法氹我
係因為佢唔覺得係果件事上佢有錯.....
一路以黎佢都覺得自己有付出過好多好多..
但我冇開口話佢..只係自己屈住日日夜夜自己諗
我覺得佢係有付出過..金錢囉..體力囉..佢成日返黎都同我講
公司d人個個讚佢好男人話佢顧家,,,老實說..顧家的定義係乜野!?
佢放工即刻返黎屋企沖涼食飯訓覺叫唔叫顧家!?定係我要求高...?
我只係想佢沖涼識自己攞齊野先去沖..食飯時識自己攞飯出黎食..
就算唔攞..我幫你攞冇問題..但佢食完擺係度就走去訓覺..要我執
我唔係要佢放工返到黎乜都仲要佢做..我一日到黑湊住個仔都好辛苦
想佢返黎幫輕下我,,,,對1個男人黎講真係咁難咩!?佢成日話返工辛苦好攰
咁點解要搞野果陣又唔攰呢?佢話唔同wo..但我真係攰到唔想搞..
但如果我真係唔比佢搞..佢會唔會真係搵第2個搞我唔知
其實我唔想佢有籍口搵第2個..唔知點解真係好怕
好多人都話..男人要搵第2個可以有好多籍口..我唔想我老公搵到其中1個

好多人問我點解唔直接同佢講呢!?
我屋企人直情叫我唔好整慣佢叫我發下脾氣
唔好意思,可能我自己都係性格影響..習慣乜都收埋唔想講唔想提
一來覺得講黎都冇用..以前都會攪盡腦汁係度諗點樣反駁佢
依家知道就算點講佢都唔會覺得自己有問題就講黎都冇用..
唔想日嘈夜嘈為同1個問題嘈..其實我唔開心黎黎去去
都係圍繞住果幾個問題..1:冇安全感 2:覺得佢對佢屋企人好過我(我認我比較小器)
3:自從生左小朋友好多事情都要自己獨力承擔,同1個單親媽媽冇分別
而佢要我對佢屋企人好d..我自問好多野都做足..但覺得好唔公平
因為佢從來唔會打電話問候我媽咪近況..大時大節食飯只係比錢人唔到
(媽咪成日教我:施恩莫望報)如果想人報即係自己計較...
我唔係話要佢報..但佢要求我做既野我做到..但點解我想佢做既野冇樣做到!?
唔好話一唔一齊食飯喇..更唔好話屋企人了..人與人之間關心係好簡單一樣野
我媽咪都有病嫁..可能隨時會走左去..佢冇過問不特止..仲禁制我返去陪媽咪
但總是要我去佢男家屋企陪佢嫲嫲..叫我打比佢傾下電話..
我覺得好對唔住我屋企人..咁早結婚生小朋友已經好有罪疚感
每日同媽咪傾電話都好似要比佢訓話咁..一係話叫我唔好咁早結婚啦
一係話我以前唔讀多幾年書..嫁個有錢既咪幾好..

老實講,,問題多到我都唔知應該點講
好攰....我唔敢再認為自己愛唔愛佢
只係羨慕有d人可以好堅強..點解自己唔得
我媽咪都好堅強..我爸爸同我老公係同一類人
不同的是我爸爸永遠唔會攞錢返屋企..我老公唔多唔少都會比d我
只係夠唔夠用的問題..琴晚同老公傾過睇下公屋會唔會仲要等好耐
如果仲要等一段時間就不如同學校講比囝囝轉全日..如果轉到我就去搵野做
再係咁落去..錢又唔夠用..佢又成日怨..遲早我同佢都爆..唔想影響個仔
我同佢講就講左..佢冇應承我..話到時睇下點先..我預左佢都係反對
但唔理了..我相信佢遲早會明白我苦心..我囝囝有個同學仔住我對面屋
佢同我講佢生佢第1個小朋友時佢老公都係廿幾歲..都係乜都唔會幫手
好多野都係捱返黎..到佢依家3十幾歲生左第2個佢老公先定d
會幫手湊下仔..叫我等下..我每次個人好灰果陣..我就諗下呢番說話
好希望自己可以捱得過!!!

私人傳訊

emma_luk

大宅

積分: 3900

畀面勳章

32^#

發表於 11-3-31 14:31 |只看該作者

回覆 kai3028 的帖子

點打嫁!?我唔識wo:;pppp:

私人傳訊

gk678

伯爵府

積分: 19582

33^#

發表於 11-3-31 15:04 |只看該作者

邊有男人要個老婆去做野!?

咁都講得出? 佢真係當平機會流架喎.........

mouth:
講真, 佢都傻既, 攤開條數都知屋企夠唔夠洗架啦; 唔夠生活仲講埋D 咁既野, 佢真係以為唔講唔提第日自動有飯開呀?
咁你呢, 識佢果時都應該知佢傻架啦, 咁你又嫁佢? 你嫁得佢就預左同佢捱......成世喎, 你講既.
總之, 你老公未肯 "面對現實" 之前, 你千祈唔好出黎做野, 如果唔係又搵交嗌..........

私人傳訊

20022009

男爵府

積分: 6903

好媽媽勳章

34^#

發表於 11-3-31 15:05 |只看該作者

到咗呢個moment, 我係你, 我一定要出番黎做野, 學識下點樣保護自己先. 如果你老公唔比, 你要堅持(可能等阿仔讀書先). 記住~ 一定要堅持~

講真~ 男人廿幾歲(好似話大你一年, 唔記得), 邊有咁快定性吖~ 我老公當年都係(嗰時我未識), 玩到咩咁. 佢同咗我一齊之後, 我同佢講我唔理佢之前點玩, 我都唔理. 但同我一齊之後就一定唔得. 而係呢段時候, c6啲朋友, 個個玩到癲咗(一腳踏兩船係等閒事). 所以你老公未定性係可以理解~

所以你點都要做下野, 一黎自己有啲收入, 二黎又可以有啲野寄託下. 唔使下下灘大手板問c6拎.

私人傳訊

emma_luk

大宅

積分: 3900

畀面勳章

35^#

發表於 11-3-31 15:30 |只看該作者

回覆 gk678 的帖子

以前拍拖都冇話唔比我返工,,
只係唔想我搵咁多多過佢..
到有左bb叫我唔好做,,話因為我身體差叫我休息下
生完bb先到時睇下做唔做野囉..
點知生完bb,,現形!!

私人傳訊

emma_luk

大宅

積分: 3900

畀面勳章

36^#

發表於 11-3-31 15:37 |只看該作者

回覆 20022009 的帖子

我仔已經讀緊書喇..
只係依家讀半日..因為我老公當初想我多d時間湊佢
唔想我比人湊..所以我就由佢出世湊到依家..
想搵人幫手睇1,2日都難...

總之我就係為錢已經好煩
日日都諗唔掂條數點計..自己唔食
都要比佢兩仔爺食..由其小朋友最重要
支出又多..因為一來早排搬左出黎
咩原因就有睇婆媳版都略知一二
學校雜費又多..我都預左搬左出黎一定捱唔到我係要去做野
只係估唔到迫到埋身佢都唔想我做野姐..-0-