夫婦情感 今日: 0 | 主題: 42794

積分: 6259

23^#

發表於 05-10-8 15:58 |只看該作者

Re: 沒有BB的,請入黎傾

Japenese

從來都是父母付出比子女多, 父母做到既, 子女未必做得到.

有時我見d父母做人都好有問題, 最激氣係見到d不知所謂既父母, 其身不正, 教壞細路, 污染社會.

私人傳訊

積分: 6259

24^#

發表於 05-10-8 16:01 |只看該作者

Re: 沒有BB的,請入黎傾

una

見你咁講, 我先諗起n年前, 有個好朋友, 而家都係好朋友, 佢當年同我講 : 你吾可以咁自私, 吾生BB.

下???????吾生BB有幾自私?????我到而家都諗吾明. 佢而家同我講 , 佢個二個小朋友攪到佢要睇精神科.

係我個角度黎講, 生左吾教吾照顧, 就為之"自私"

私人傳訊

積分: 6259

25^#

發表於 05-10-8 16:03 |只看該作者

Re: 沒有BB的,請入黎傾

Japenese

我帶我姪女出去玩一日, 都幾累架......佢有時百厭, 我都吾知幾心驚膽戰.

私人傳訊

Japenese

積分: 6946

26^#

發表於 05-10-8 23:20 |只看該作者

Re: 沒有BB的,請入黎傾

愈諗愈奇怪，唔生=自私 / 會後悔?????
愛生活愛自己都是自私?
難怪有咁多人話生活無意思，
太多令人費解的價值觀。
仲有一句「有得生做咩唔生」!!!
唔蝕底，有副偈，唔用好唔底???
選擇適合個人生活方式就自私 / 會後悔???
幸好大家可以同聲同氣表達諗法，
你生我唔阻你，我唔生你做咩話我!!!

有個朋友三十六七，試過小產又試過胎死腹中，
今時今日仲落重本補身，
想再有，你話為咩呢？
真係偉大到想出品一個十大傑出青年？
講到尾都係為自己為老公將來有個伴，
免得比人話無得生，
但為何如此勉強呢?

私人傳訊

積分: 48082

2025勳章蛇年勳章 2024年龍年勳章

27^#

發表於 05-10-9 01:07 |只看該作者

Re: 沒有BB的,請入黎傾

Japenese 寫道:
無小朋友，
可以多啲資源及心力兼顧生活上其他事情，
很多時見到有小朋友的人才自私呢，
還將這優良傳統遺傳給小朋友，
你睇現在的香港社會....

身邊的人會說不生將來會後悔,
我不知會後悔甚麼?????
有子女一定會理自己嗎？
自己有家庭，
就算再好亦不能常在父母身邊啦，
有家庭時亦會以家庭行先，
老人家還不是排第二!!!!!
我只看到父母要無條件為子女，
子女呢.......

你講得真係非常好, 我到呢一刻, 都未肯定自己決定將來會生bb是否錯誤.

因為我以前係一個話將來一定唔生bb的人, 後來識左依家個老公, 知道佢好鍾意bb, 又覺得有需要有下一代, 我就開始改變, 我覺得自己都唔係好憎d bb呀, 就決定將來都會生.

其實我心入面都有好多大家提起過的思想及憂慮, 我都未能完全接受會生bb, 到底我有無決定錯誤.

我無預佢地會考順我, 只希望佢地唔係壞人, 大個左顧得掂自己我已心足, 我無諗過比最好的比我既bb, 因為我跟本搵得唔多錢, 可能都要慳住用, 衣食住行一定夠錢, 其他額外既可能就無得比個bb啦.

我咁既思想同環境都諗住要生bb, 你地覺得我自私唔自私呀?

希望每天開心渡過 ;-)

私人傳訊

臭吉媽咪

積分: 2474

28^#

發表於 05-10-9 02:44 |只看該作者

Re: 沒有BB的,請入黎傾

我同老公都決定了唔生BB了！

我弟弟同我講過，除非妳自己同老公，真係好
鍾意小孩子，否則不要考慮了……。佢本身有
個女，係我弟婦堅持要的，我弟弟差不多係喊
晒口咁同我講的，我真係很明白佢既的痛苦……。

其實我覺得就算無錢，都應該付出最好既，盡心
盡力咁去教去愛……。但我真係問心俾唔起囉。

我現很享受同老公弄狗為樂既日子，我可以全部
精神及心機都用來愛我老公及家人，我覺得很滿
足~~。

我同老公都預備老了，就會返大陸買間屋隹，如
身體唔好呢，係香港找些，可以兩公婆一齊隹既
老人院，讓人照顧……。所以而家我地要儲多D
錢~~嘻~~

私人傳訊

HappyMaMaBaBa

積分: 6055

29^#

發表於 05-10-9 09:59 |只看該作者

Re: 沒有BB的,請入黎傾�

BB cannot be used as a tool to "維繫感情". Actually, I have a baby about 5 and 1/2 months old. I think that if a couple's relationship is good before having a baby then it will be better after having a baby and vice versa.
Moreover, I don't agree that baby can help to "解悶" as taking care of a baby can make you exhaust especially if it is your first baby.
I am very positive about give birth of a baby as it makes us to have a better planning about our life. We didn't have much planning about our future before. During holidays, we just travelled around and found some good restaurants to have meals. Life was kind of without any "focus".
After I gave birth of my baby, I resigned and became a full-time mother. It is very enjoyful to see my baby grow-up day by day.
Just want to emphasis that I am not to say that a family must have a baby to make it complete. Also, it is totally wrong to say that not having a baby is selfish. Having a baby or not is totally depend on the couple's own judgement.
To both couples with or without baby, just enjoyment your marriage and have good time.

私人傳訊

Japenese

積分: 6946

30^#

發表於 05-10-9 10:00 |只看該作者

Re: 沒有BB的,請入黎傾

Jessy ,

生唔生都係個人的決定，
當然生得就真係要負全責，
盡全力好好培養孩子，
唔能夠做到而又將責任推給別人才是自私。

我在學校裡都見唔少沒有錢的家庭，
可能衣食都唔太好，
但父母本身價值觀好好，
教得啲仔女比有錢家庭還大方得體懂世故，
看到這些家庭，
我反而慨歎政府沒有資源去幫，
多少有天份的精英因此而失去造就的機會 :cry:

有錢父母可能有很多自己的想法，
一味只以自己的心意加在仔女身上，
沒有好好留意他們真正的需要，
最後受害的也是下一代.....
現在的社會真是一代不如一代，
不論大大細細，
就算是出來工作的人，
都好「霎」

做嘢冇基本概念，
講少句都唔得，
仲要吓吓怕辛苦，點攪

所以我無十足把握都費事生個出嚟丟架

私人傳訊

積分: 48082

2025勳章蛇年勳章 2024年龍年勳章

31^#

發表於 05-10-9 10:56 |只看該作者

Re: 沒有BB的,請入黎傾

Japanese, 我都無十足把握, 當然我會好好去教, 亦會負全責, 但係有時都要睇個小朋友的性格, 同埋佢身邊的朋友, 講真我返工已去了9-10個鐘, 但係小朋友大個左之後就係對住朋友多過父母, 有時佢變成點.....真係唔可以在我的控制之內.

只係諗住盡力, 問心無愧就算了, 如果我個仔變成壞人, 我真懷疑我會殺左佢then自己去自首算了.

臭吉, 你講你弟弟的事, 咁佢地依家點呀? 有小朋友後生活得還可以嗎?

我老公鍾意bb, 但就唔係勁鍾意o個隻, 不過比起我, 佢就有更多心機去同d bb仔玩, 我就無佢咁有耐性. 我不嬲唔鍾意小朋友的, 乖既就鍾意, 唔乖咪唔鍾意羅, 但係點知自己生既乖唔乖, 所以以前從來都話將來唔生bb, 因為我唔認為我有咁好彩可以生到個乖既羅, 多數我呢d case, 上天都會派一個百厭到死既比我, 你信唔信呀啦? 我到時話你知. 我識到依家呢個老公, 已經係好似整定咁要生bb啦. 幸好我係一個極度有責任心的人, 我生得佢出, 我會教佢養佢, 就算我自己餓死, 挨多份part time我都一定會養大佢.

希望佢將來唔會激死我啦.

如果你依家save money for future 退休, 而又唔生bb, 咁應該都可以儲好多, 須知養一個小朋友真係過百萬的投資, 而佢讀完大學出黎, 都只係做一份8,000蚊一個月的工作, 我當佢考順, 比返3,000蚊你一個月, 咁樣拎住3,000蚊真係唔知點退休.

講真, 有幾多個小朋友大左真係做到專業人士, 醫生, 律師, 個個月搵好多錢, 而又個個月整幾萬蚊比父母呀~~?? 佢有錢佢都生bb培養佢啦, 我都覺得現今的人付出好多錢比自己的仔女, 但對自己的父母好孤寒, 有時我都好唔明呢d係咩心態.

如果我搵到的錢可以2面都負得起我的責任就好了~~唉~!

希望每天開心渡過 ;-)

私人傳訊

monkeyyyy

積分: 2531

32^#

發表於 05-10-9 11:23 |只看該作者

Re: 沒有BB的,請入黎傾

我都結左婚 7 年半囉 ... 但係到依家都冇諗過會生 bb,
好大原因係我鐘意狗仔多過人仔, 我可以接受到隻狗咬爛哂
我屋企既野, 但係我唔可以接受到個細佬係我耳邊不停咁講
野, 可能因為我細過既時候, 我阿哥同家姐 D 細佬係我身邊,
我覺得佢地好煩, 一日就比人叫著唔好呢樣唔好果樣咁!!

同埋我地搵得又唔多錢, 返工已經佔左我大部份既時間,
大家可以計下, 你每日返到屋企至訓教前, 都唔夠 6 個鐘,
試問咁樣 ... 你邊有時候去照顧佢呢 ??? 如果要我生出黎
比工人湊, 咁我不如唔生 ???

我都見唔少人 ... 生完比賓妹湊, 細佬 D 英文講到似賓妹咁,
D 細佬錫個賓妹多過鍚阿媽, 你話見到心唔心淡 ??

我第一年結婚已經比人吹生啦, 因為我老公係長子的孫,
而且重係圍村人, 所以思想好守舊, 但係我覺得我冇理由為
左佢地而生一個人仔出黎掛 ?? 佢地初初果幾年都勸我快 D
生返個細佬出黎玩下, 到後果幾年 .... 已經變成好惡咁鬧嚕,
又叫我掉左兩隻狗佢, 話 SARS 會傳染比人, 生個細佬出黎
好過啦, 如果你肯生, 都已經讀小學啦 !!

我隻唐狗已經 11 歲, 如果我肯掉左佢, 我自己都覺得自己唔
係人啦, 咁你地覺得我會對 D 細佬好咩 ?? 其實當佢講呢句
說話既時候, 我當時已經黑埋塊面, 但始終佢係長輩, 如果唔
係我一定用粗口罵佢 !!

識我耐既人都一定知我唔鐘意細佬, 好多朋友都話... 你老左
冇人陪你就知 ! 但係我跟著會講 .... 乜你咁肯定老左你 D 細
佬一定會陪你架咩 ?? 依家 D 細佬 ... 我真係不敢恭維,
我眼見都唔少例子, 未大都已經激到 D 老豆老母嘔血咁滯,
6 歲以下都可以用好玩黎形容下, 但係一開始讀書就已經壞
到死, 咁邊可以期望佢大左會孝順自己丫 !!

私人傳訊

積分: 6259

33^#

發表於 05-10-9 11:24 |只看該作者

Re: 沒有BB的,請入黎傾

如果有bb, 我會100%愛佢, 照顧佢, 如果無bb, 我會好享受而家既生活, 至小我想幾點訓都得.

私人傳訊

積分: 6259

34^#

發表於 05-10-9 11:27 |只看該作者

Re: 沒有BB的,請入黎傾

老左冇人陪你就知 !!!!!講呢句說話既人, 吾該撫心自問, 你用左幾多時間去陪你亞爸亞媽啦.

私人傳訊

臭吉媽咪

積分: 2474

35^#

發表於 05-10-9 13:26 |只看該作者

Re: 沒有BB的,請入黎傾

Jessy：

雖然我弟弟唔係咁鍾意小孩子，但我個弟婦係勁鍾
意囉~~咁我見佢真係教得好好~~好似上星期我接
了她來我屋企玩，佢有幾聲咳，我取薯片，雪條、
朱古力引佢，佢都唔肯食，因佢媽咪話咳咳唔可以
食呢D野，咁我咪同佢講我唔話俾佢媽咪知囉，佢
就答我，小孩子要乖，要聽媽咪話~~

哇~~大佬~~佢得5歲乍~~真係好乖啊~~

因我弟弟佢地得一個女，但我見到佢地一D都唔縱喎，
仲訓練佢自己去士多買野添~~(不過好近，唔需要過馬
路)

而我弟弟好鍾意戶外活動的，個女三歲就帶佢去行山，
細細個行成三個鐘，都面不改容呀~~又釣魚、露營、
單車、騎馬……。就因為個女乖，所以雖然佢唔鍾意
小孩子，都慢慢肯付出和認同了~~不過他始終認為，
小孩子係負累囉……。

不過我只是同佢玩了一個下午，但我發覺原來係好辛
苦架！又要金睛火眼睇實佢，又要為她張羅下午茶，
自己又要整"食送"、又要答佢D小朋友問題，又要同
佢玩……。唉~~真欏命~~都係咪攪我啦~~

私人傳訊

積分: 48082

2025勳章蛇年勳章 2024年龍年勳章

36^#

發表於 05-10-9 15:00 |只看該作者

Re: 沒有BB的,請入黎傾

臭吉, 你恨死我喇~~~如果我生到個咁乖既就無死啦, 即刻仆去還神呀~~唉~~

我同我老公都已經100%預左我地生的bb會好難湊, 唔知點解呢..? 或者咁諗到時生出黎真係難湊唔會怨天尤人, 易湊的話咪當係bonus羅, 你祝我好運吧啦~~~

多謝你先~~~嗚嗚嗚~~

我家姐o個個bb易湊到又係恨死我, 依家4個幾月, 都唔喊既~~連尿片濕左都唔喊, 只係ee聲通知聲你咋~~有次同家姐打牌佢食大三元開心到大叫嚇親個bb, bb就喊啦, 我家姐抱起佢都唔洗1分鐘已收晒聲, then家姐放低個bb又繼續打牌.

恨死我啦~~~恨死我啦~~~~~~

不過我仲想講, 你唔好咁樣教壞個侄女啦, 我話比你弟弟弟婦知呀啦~~~

希望每天開心渡過 ;-)

私人傳訊

積分: 48082

2025勳章蛇年勳章 2024年龍年勳章

37^#

發表於 05-10-9 15:00 |只看該作者

Re: 沒有BB的,請入黎傾

monalam 寫道:
老左冇人陪你就知 !!!!!講呢句說話既人, 吾該撫心自問, 你用左幾多時間去陪你亞爸亞媽啦.

good

希望每天開心渡過 ;-)

私人傳訊

臭吉媽咪