樓主,
如果西醫唔再同你媽媽醫, 你試下睇中醫啦, 不過係要長期睇, 身體抵抗力強, 都對癌症有幫助架!!
舊年10月我check 到有癌, 發現個陣, D癌細胞已經由喉嚨去到頸兩側都有, 用手都摸到, 最敝係擴散左去個肝度, 我都知係幾嚴重個隻, 醫生冇話我係第幾期, 佢話唔好理咁多啦, 即時開始做療程, 先電療, 連續電左8次, 電到第6次, 已經講唔到野, 電療完之後, 吞野都痛, 食唔到野, 剩係飲奶粉, 電療令到我條頸好似燒燶左咁, 背脊有一大個好似燒傷既印!!
跟住做化療, 要做6次, 每做一次化療, 我就勁嘔, 成個人冇晒抵抗力, 爭D行都行唔到, 半年我冇出過街, 除左去醫院, 做完4次之後, 醫生叫我去做一次掃描, 睇下D癌細胞乜野情況。結果出左, D癌細胞已經靜止左, 醫生話我可以唔做剩抵個兩次, 因為佢話化療好傷身, 同埋跟本癌細胞唔會100%無晒, 化療同電療只可以殺80-90%, 仲有個10%要靠自己去抵抗。
出院之後, 我就一直睇中醫, 家陣都睇左成7個幾月, 因為電療, 我其中一條聲帶已經瓜左, 所以我家陣講野冇晒氣, 同埋唔講得耐, 手指仲有麻痺, 中醫話呢D係化療既副作用黎。
我家陣都唔去諗, 因為醫生都話, 幾時覆發, 冇人會知, 殺到埋黎先算啦!!
我覺得我之所以有癌, 係因為我由細到大個人都好鬱結, 成日都唔開心, 鬱鬱埋埋, 個病就出左黎!!
家陣我乜都放抵晒, 做自己鍾意做既事, 我抱住"喜樂的心乃時良藥", 保持心境開朗, 對個病都有幫助!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
返回列表
