雖然間屋企係你媽咪的, 但我唔知道當初係你地要求入住, 定係你亞媽話買層樓比你兩個住先 
若果係後者咁好明顯你亞媽都仲好想見多你幾面, 同照顧下你, 我唔知你媽咪有幾大年紀, 會唔會佢上親去時見到你地d衫堆積如山, 以為你地無時間洗所以先出於一片好心啫, 我明白你既煩惱, 但我又睇唔到你亞媽有咩唔好, 佢只不過係一個24孝老母啫, 你地唔鍾意食佢既野, 好話唔好聽, 你幾唔鍾意食, 都食到你咁大個啦, 若果佢係好老既, 你仲可以食得佢幾多年呀 到時你想食佢整既野都可能有心無力或無本事再整比你食啦 :-( :-( 既然你嘗試過開口講唔掂數, 倒不如自己諗個辦法出黎接受左佢, 你唔鍾意食佢整既野, 咁你可唔可以用另外一個方法去代表, 你話媽咪你年紀大啦等我煮比你食啦, 試過幾餐後, 你先講其實你鍾意食d咩, 咁可能佢會較易接受過, 你咩都無做過得個批評比佢, 你要知道言者無心但聽者有意, 即使一句說話係好言商向都好, 但老人家未必接受到的 :cry: 
但你要知道上一代既人無我地呢代讀咁多書, 錢對佢地黎講好重要, 正如亞邊個話齋有錢佢地先有安全感, 一個唔覺意比你地遺棄都叫做可以自給自足 
至於尊重與否, 在老人家角度而言對你好就得, 唔會咁識講咩叫尊重唔尊重, 我生得你出養到你咁大家陣仲做埋你亞四仲想點呀? 咁仲話唔尊重你, 有幾多想有個老人家分擔下都無, 你地呢d有老人家肯同你地分擔又嚴三嚴四, 真係生在福中不知福呀 
我想你地清楚明白, 上一代既人讀書少唔會識講咩尊重同人權的, 佢覺得自己對你好就係叫好無諗到咁深入, 對你好反而係唔尊重你的 
你結婚時係咪無比禮金佢呀? 同埋點解佢會問你攞金器的, 你結婚時佢買落比你架 若果你無比禮金又或者係比少左的話, 而d金器又係佢買比你的, 咁你咪比番佢算數囉, 我真係唔會同d老人家計較, 老實講佢ham左d錢都帶唔到落棺材到時咪又係你既, 所以佢家陣開心的話咪比番佢囉 又講個實例比你聽, 我有個親戚佢亞媽睇錢又係好重的, 比禮金時佢自己本人數得好清楚夠數, 但到佢亞媽手時佢亞媽話少左一千蚊, 而佢兩個後生亦搵到, 但因為條氣問題死都唔肯比番一千蚊佢亞媽, 到今時今日佢亞媽都會攞番出黎講話佢以前比少一千蚊禮金等... :evil: 佢自己聽到話好唔開心, 我同佢講根本就係佢自己攞黎唔開心的, 事實上夠數又好真係欠數亦好都只不過係一千蚊, 又唔係比唔起, 你大可以比番一千蚊佢時講清楚條數係夠的不過你鍾意我就比多一千蚊你, 咁大家咪好黎好去囉, 塞得住佢亞媽把口時佢自己亦可以清楚表白係無比少到:-P 正如你個case一樣, 倘若係佢老人家比錢買既 (指d金器), 咁你又唔係等住d金器開飯咪比鬼番佢囉, 我見過有d朋友雙方家長都真係無比金器對新人的, 係借比佢地沖撐場面用, 擺完酒後要還的, 不過比我係個d新人我一定唔會用囉, 反正我無金器唔覺得肉酸, 要肉酸既都係做父母之嘛 :evil:
發表於 
出去要租屋就冇錢交比佢, 唔多唔少老媽子會比說話你聽. 而家唔會覺得佢煩(可能嫁左人, 做左人阿媽 
返回列表
