Baby Kingdom - 親子王國 香港 討論區 › 首頁 › 自由講場› 美x華好9

自由講場

收藏本版
發帖
返回列表
跳至頁

首頁
12

尾頁
   0
lovebobo


翡翠宮

積分: 93614

2024年龍年勳章 2023年兔年勳章 2018復活節勳章 開心吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 畀面勳章 環保接龍勳章 BK Milk勳章


21#
發表於 12-1-6 12:00 |只看該作者
三個月前打電話去問韓國團, 有位小姐俾左兩個熱門團我參考, 我問佢成團未啦, 果位小姐答我: 你放心啦, 我地日日都有團去韓國, 就算呢個唔成團, 另外一個都會成團既.

過左一個禮拜左右, 我又再打去問邊個團成團啦, 今次我俾左個我心目中想出發既日子佢, 叫佢幫我check下邊個團會成團, 點知聽電話果個男人同我講: x月x日暫時未成團. 咁我再同返佢講, 我之前打過電話問, 佢地有同事答我佢地日日都有團去韓國, 跟住果個男人答我: 小姐, 你都未報, 咁點成團呀? 我聽完佢咁講我真係火都黎埋, 咁樣答都有既 如果個團冇乜人報, 加埋我就一定成到團架?? 真係好嬲囉!

跟住前幾日有朋友話我知, 佢去門市問短線中國遊(有浸溫泉果D), 問左一個人要千幾, 未成團. 咁我朋友唔理佢成唔成團, 諗住行程啱就報左團先. 美x華話唔可以落訂, 一俾就要俾晒. 我朋友唔肯啦, 一來未成團, 二來, 點解唔可以俾住一半訂先? 最終美x華肯俾我朋友俾一半訂...

好, 戲肉黎la. 美x華叫我朋友要喺佢地公司買旅遊保, 我朋友唔肯, 美x華話唔可以喺出面買, 一定要經佢地公司買. 呢個時候, 我朋友開始同佢地嘈: 點解我唔可以喺出面自己買旅遊保? 就算我唔喺出面買, 又或者我自己本身買左全年旅遊保, 係咪咁都仲要喺你地度買呀?

咁有另一個同事叫我朋友行出去, 唔好喺旅行社度嘈, 我朋友當然唔肯啦, 有咩三口六面講清楚囉, 為咩要佢出去講? 我朋友真係好嬲囉
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見