Re: 你哋c6會唔會攞條屋企key喺99度?
我就係唔到我話唔比.... 因為之前係我老公同d細佬一齊住既, 咁99就成日中上黎執野, 有幾次仲係ml緊果時上黎......
99都算勒, 話晒佢係我老公個阿媽, 間屋既首期6299有份出, 雖然之後供樓係我老公負責, 不過我都當自己係租客, 當佢係包租婆囉, 唔係點呀!!
不過最x興就係我老公其中一個細佬既女友, 佢居然自己攞左條匙去配!! 又有好幾次佢男友返夜, 佢仲留係度訓, 果晚我本來想返自己屋企, 但係到左夜晚11點條粉腸都仲係呢係房冇意思走, 如果我走左, 咪只係得佢地2個???? 我信得過我老公都冇用, 呢個世界有好多好無恥既女人架麻!! 所以我第一時間叫我老公打電話比佢細佬, 叫佢叫條女走, 因為我同我老公講, 如果間屋火燭, 佢救邊個??? 救條女, 對我唔住, 救我, 對佢細佬唔住!! 佢細佬話已經好夜, 所以一次咁多! 但係冇耐之後又有一次, 條粉腸又係條仔唔係度既時候留係度訓!!
後尾我99知道左(因為條粉腸白白痴痴咁成日自己開門入黎, 果日咁岩我99係度執野, 佢自己開門入黎, 咪中晒招囉!!), 佢話幫我叫佢交返條匙出黎!!
我真係好憎呢條粉腸, 成日留係我屋企白吃白喝, 我買返黎既野食最好食既永遠被佢123食晒, 日日留係房開冷氣, 剩係電費一個月都用左2千幾!!!! 仲要係我老公交架喎!! 一係呢, 就霸住個廳睇電視, 仲要同佢條仔當我唔存在咁係度做埋晒d核核突突既動作, 一係呢, 就同條仔成日沖鴛鴦浴, 一沖就個幾2個鐘, 搞到我成日要忍屎忍尿, 又整到個廁所發晒毛!! 我最最最最憎佢既, 就係同親男人講野, 就扮嬌嗲, 同親女仔講野, 就又冇禮貌又粗聲粗氣!!
我老公另一個細佬結婚, 我地去幫手, 我幫手捧茶比新人斟茶比長輩飲, 佢就行行企企, 到最後剩返2對人要斟茶, 呢個時候我腳指抽筋, 我好聲好氣同佢講, 叫佢代我一次, 幫我捧d茶過去, 佢只係蹺埋手, 寧轉面, "你自己去啦!!" 我話我腳指而家抽緊筋, 幫下手好冇, 佢居然話"唔好!!" 我頂佢個肺呀, 佢阿媽點教女架, 咁都講得出既!! 之後我就自己跛下跛下咁去捧茶, 佢就企係度擔天望地!! 老實講, 如果唔係我唔想大喜日子黑口黑面, 唔想搞到99唔高興, 我一定鬧佢架!!
唔好意思, 講左好多題外話, 希望冇悶親大家~~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
