Re: 兩公婆會這樣嗎?
會啦,
我地似同一屋簷下咋.
結婚前佢會每星期同我出街一次.
(因為我地係同事關係)
有時夜晚會打下比我.反而我就冇乜
打比佢.
但係結O左婚就唔係啦.
佢一個禮拜都唔會同我去街一次.
叫佢去睇戲又唔去.
總之就話佢想放假.
一個禮拜得一次,
想自己一個人喎.
我都傷心O左好耐O架.
咁咪自己搵O野做囉
5年幾我都慣晒啦.
但依家掉番轉頭,
佢會話我地冇共同嗜好,
佢又諗自己唔知仲鍾意我D乜.
個晚真係比佢考起.唔識答佢.
個O左兩日之後至識得話,
我地已經昇華O左去另一個層次,
唔洗話我愛你等說話.
唔係話要鍾意一個人某D o野至會繼續
係埋一齊.結O左婚就要對另一半
負責, 時間耐o左就會由愛情變為感情O架啦.
唔知佢明唔明我講乜, 但就冇出聲囉.
你都要睇開d, 感情耐o左就
會係咁 (掛?) 唔係成日都
好似"熱戀"咁.
不過就真係要小心感情轉壞囉.
假設依家有個人出現.
佢好關心自己,咁就好易會出事o架啦.
日日唔知忙d乜~
唔開心就唔好諗~
別在最失望時 想最壞的事(新鴻基郭炳江講o架)
世事無窮做到老時學到老
人生有幾得寬懷處且寬懷
發表於 
返回列表
