Re: 你地會揀邊隻甜醋煲豬腳彊？係唔係奶奶幫你地煮？
我八月初先生左小b,係我陀阿仔8個月時我亞媽已經幫我煲,
八珍甜醋真係幾貴同麻麻地好味, 因為我亞姨生個仔時用八珍,派比d人時話唔好食&太甜,後來人地介紹我地食 "悅和"醋(荃灣有門市), 唔洗落甜醋,十二朝請人食時個個都話好味 
我睇亞媽整係有爆疆架,連豬腳都要爆(因為無咁油膩) 分開左兩煲煲, 一煲我坐月時食, 一煲派俾人,自己食果煲生之前2星期左右放蛋, 因為我地坐月要食"實蛋",會補d;派俾人果煲就3日前放蛋, 豬腳就响食之前1日放落去(因為放得太早d豬腳會好"林", 太遲就唔入味)
bullbull 寫道:
我上一胎係用八珍甜醋，但覺得幾貴同麻麻地好味。不過極有可能因為我奶奶唔識煲(佢唔肯聽我地講，堅持樓上阿婆教佢係正確)，沒有白鑊爆彊，只係等煲醋滾起左就將所有彊、豬手同埋蛋放晒落去再滾起五分鐘熄火。結果就係D肉同埋彊個心唔熟，要我媽咪執佢手尾，等佢離開之後就再開火煲多個多鐘，先叫做救得番。但成煲野就變得好辣，同埋D彊勁多渣~~~ 
好難食。
所以今胎我諗住買鉅記甜醋(灣仔駱克道街市有得賣)，起碼價錢平好多，同埋味道都唔差。就算佢煮得再難食都冇咁肉痛。
其實上次已事先同奶奶講我地不會派比人，加上自己屋企人不太喜歡食，但佢堅持要煮三十五斤八珍甜醋，埋單約千多元 ，結果差不多超過八成要掉晒，因為個個朋友都黎到探我食左一碗便不肯再食。所以今次不會再理會佢，只會買十斤比佢煮便算~~~
[img align=left]http://www.youngnutrition.net/member/tickers/45006/ticker2.png[/img]
小卓諺, 係2006/08/03出左世喇, 體重3.21KG
發表於 
妹妹七個幾月，重21磅
返回列表
